ຫົວ​ຂໍ້ : ການເຄື່ອນໄຫວກອງທຶນສາມັກຄີ ແນວລາວສ້າງຊາດ ບ້ານດົງຄຳໝື່ນ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 14/01/2020 09:46:15 ຈຳ​ນວນ​ຜູ້​ເຂົ້າ​ຢ້ຽມ​ຊົມ 456 ຄັ້ງ

ອະນຸ​ກຳມະການ​ໂຄສະ ນາ ແລະ ຂະບວນ​ການກອງປະ ຊຸມ​ໃຫຍ່​ຜູ້​ແທນ​ທົ່ວ​ປະເທດ   ຄັ້ງ​ທີ XI ຂອງ​ພັກ ຮ່ວມ​ກັບ​ສູນ​ກາງ​ແນວ​ລາວ​ສ້າງ​ຊາດ (ສນຊ) ແລະ ອຳນາດ​ການ​ປົກຄອງ​ແຂວງ​ຈຳປາ​ສັກ ນຳ​ໂດຍທ່ານ ໄຊ​ສົມ​ພອນ ພົມວິຫານ ກຳ ມະການ​ກົມ​ການເມືອງ​ສູນ​ກາງ​ພັກ ປະທານ ສນຊ ທັງ​ເປັນ​ຫົວໜ້າ​ອະນຸ​ກຳມະການ​ໂຄສະນາ ແລະ ຂະບວນ​ການ ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ ຄັ້ງ​ທີ XI ຂອງ​ພັກ ໄດ້​ນຳພາ​ແພດ​ໝໍ​ຈາກ​ສູນ​ກາງ ລົງ​ກວດ​ສຸຂະພາບ​ຕາມ​ລະດູ​ການ​ໃຫ້​ປະຊາຊົນ, ນັກຮຽນ ເມືອງ​ບາ​ຈຽງ​ຈະເລີນ​ສຸກ ຊຶ່ງ​ພິທີ​ໄດ້​ຈັດ​ຂຶ້ນ​ທີ່​ໂຮງຮຽນ​ປະຖົມ​ສົມບູນ​ບ້ານ​ດົງ​ໄລ່ ໃນ​ວັນ​ທີ 13 ມັງ​ກອນ ໂດຍ​ມີ​ພໍ່​ແມ່​ປະຊາຊົນ ແລະ ນັກ​ຮຽນ​ບ້ານ​ດັ່ງກ່າວ​ເຂົ້າ​ຮ່ວມ​ຫຼາຍ​ຮ້ອຍ​ຄົນ.
ກ່ອນ​ພິທີ​ກວດ​ສຸຂະພາບ​ໃຫ້​ພໍ່​ແມ່​ປະຊາຊົນ, ທ່ານປະ ທານ ສນຊ ກໍ​ໄດ້​ຮັບ​ຟັງການ ​ລາຍ​ງານ​ຜົນການຈັດຕັ້ງປະ ຕິບັດ​ແຜນ​ພັດທະນາ​ເສດ​ຖະ ກິດ​-​ສັງຄົມ​ຈາກທ່ານ ໂສມ ບຸດ​ຕະກຸນ
ທ່ານ ສັນ­ຕິ­ພາບ ພົມ­ວິ ­ຫານ ເຈົ້າ­ແຂວງ​ສະ­ຫວັນ​ນະ​ເຂດ ພ້ອມ​ດ້ວຍ​ທ່ານ ບຸນ​ເລດ ຈັນ​ທອງ​ທິບ  ຮັກ­ສາ​ການ​ຫົວ ­ໜ້າ​ພະ​ແນ​ກ​ກະ​ສິ​ກຳ​-​ປ່າ­ໄມ້​ແຂວງ ແລະ ​ພາກ­ສ່ວນຕ່າງໆ ທີ່​ກ່ຽວຂ້ອງ​ຈຳ­ນວນ​ໜຶ່ງ​ຂອງ​ແຂວງໄດ້​ລົງ​ຢ້ຽມ­ຢາມ  ແລະ ​ຕິດ­ຕາມ​ເບິ່ງ​ການ­ເຄື່ອນ­ໄຫວ​ ຂອງ​ກອງ​ທຶນ​ສາ­ມັກຄີແນວ ​ລາວ​ສ້າງ​ຊາດ​  ເມື່ອບໍ່​ດົນ​ຜ່ານ ມາ ທີ່ບ້ານ​ດົງ​ຄຳ​ໝື່ນ ເມືອງ​ຈຳ​ພອນ ແຂວງ​ສະ​ຫວັນ​ນະ​ເຂດ ໂດຍ​ການ​ຕ້ອນ­ຮັບ​ຂອງ​ທ່ານ ຄຳ​ລຸຍ ຍາດ­ຕິ​ວົງ ເຈົ້າ­ເມືອງຈຳ ​ພອນ  ພ້ອມ​ດ້ວຍຄະ­ນະຕະ ­ຫຼອດ​ເຖິງ​ຜູ້​ຮັບ­ຜິດ­ຊອບ​ກອງ​ທຶນ, ອຳ­ນາດ​ການ​ປົກ​ຄອງບ້ານ ແລະ​ ປະ­ຊາ­ຊົນ​ເຂົ້າ​ຮ່ວມ​ນຳ. 
ທ່ານ ພູ​ມະ​ລາ ອິນ​ສີ​ຊຽງ​ໃໝ່ ປະ­ທານ​ກອງ​ທຶນ ທັງ​ເປັນ​ຮອງ​ນາຍ­ບ້ານ​ດົງ​ຄຳ​ໝື່ນ ໄດ້​ລາຍ​ງານ​ໃຫ້​ຮູ້​ໂດຍ​ສັງ­ເຂບວ່າ: ໂຄງ­ການ​ດັ່ງ­ກ່າວແມ່ນ​ໄດ້​ຮັບ​ການ​ຊີ້​ນຳ​ຂອງ​ສູນ​ກາງ​ແນວ​ລາວ​ສ້າງ​ຊາດ,  ການ​ນຳ​ຂອງ​ແຂວງ ແລະ ​ການ​ນຳ​ຂອງ​ເມືອງ;  ຜ່ານ​ຈາກ​ການ​ຊີ້​ນຳ​ຈາກ​ຂັ້ນ​ເທິງ​ກ່ຽວ​ກັບ​ການ­ຈັດ ­ຕັ້ງ​ປະ­ຕິ­ບັດ​ໂຄງ­ການ​ຊຸກ­ຍູ້​ສົ່ງ ­ເສີມ​ການ​ຜະ­ລິດ​ເປັນ​ສິນ­ຄ້າ ຕິດ​ພັນ​ກັບ​ການ­ທ່ອງ­ທ່ຽວຢູ່​ບ້ານ​ດົງ​ຄຳ​ໝື່ນ ເຫັນ​ວ່າ ປະຊາຊົນ​ໄດ້ມີ ​ຄວາມ​ຕື່ນ​ຕົວ​ເຂົ້າ​ຮ່ວມ​ໃນ​ການ​ຈັດຕັ້ງ​ປະ­ຕິ­ບັດ​ໂຄງ­ການ​ດັ່ງ ­ກ່າວ ໃນ​ໄລ­ຍະ​ຜ່ານ​ມາ, ກອງ​ທຶນ​ໄດ້​ຮັບ​ການ​ສະ­ໜອງ​ປຸ໋ຍ ຈຳ­ນວນ 32,5 ໂຕນ ຊຶ່ງ​ປັດ­ຈຸ​ບັນສາ­ມາດ​ຈຳ­ໜ່າຍ​ໄດ້​ໝົດ​ແລ້ວ ຈາກ​ນີ້, ກອງ​ທຶນຍັງ​ໄດ້​ປະ­ ກອບ​ລົດ​ດຳ­ນາ​ແບບ 6 ແຖວ ຊຶ່ງ​ສາ­ມາດ​ບໍ­ລິ­ການ​ໄປ​ແລ້ວ 10 ເຮັກ­ຕາກວ່າ​ ແລະ​ ຍັງ​ມີ​ປະ­ ຊາ­ຊົນ​ຕ້ອງ­ການ​ໃຊ້ບໍ­ລິ­ການ​ອີກ 4 ເຮັກ­ຕາ, ດ້ານ​ວຽກ​ງານ​ກໍ່ ­ສ້າງໄດ້​ບຸກ­ເບີກ​ພື້ນ​ທີ່​ໂຄງ­ການ​ຂອງ​ຫ້ອງ­ການ​ກອງ​ທຶນ  ແລະ​ໄດ້​ຕິດ​ຕັ້ງ​ໄຟ­ຟ້າ​ເພື່ອ​ນຳ​ໃຊ້​ເຂົ້າ​ໃນ​ໂຄງ­ການ​ສຳ­ເລັດ 100%, ເລີ່ມ​ລົງ­ມື​ກໍ່­ສ້າງ​ຫ້ອງການ​ກອງ​ທຶນ​ໄດ້ 20%, ດ້ານ​ວຽກ​ງານ​ປູກ­ຝັງກໍໄດ້​ສຳ­ເລັດ​ການ​ກໍ່­ສ້າງ​ໂຮງ​ອັດ​ເບົ້າ​ເຫັດ, ໂຮງ​ຂ້າ​ເຊື້ອ ແລະ​ ໂຮງ​ເກັບ​ເຫັດ 3 ໂຮງ  ປັດ­ ຈຸ​ບັນຢູ່​ໃນ​ຂັ້ນ​ຕອນ​ສັ່ງ​ວັດ­ຖຸ​ດິບ ເຂົ້າ​ມາ​ເພື່ອ​ອັດ​ເບົ້າ​ເຫັດ​ໃຫ້​ກັບ​ກອງ​ທຶນ ​ໃນ​ຈຳ­ນວນ 10.000 ກ້ອນ, ກໍ່­ສ້າງ​ເຮືອນ​ຮົ່ມ ເພື່ອ​ປູກ​ໝາກ​ແຕງແຄນ​ຕາ​ລຸບ, ໝາກ​ອາ​ງຸ່ນ ແລະ​ ໝາກ​ເລັ່ນ​ນ້ອຍ​ໄດ້ 5 ໂຮງ ສຳ­ເລັດ​ໄປ​ແລ້ວ 70% ໂດຍ​ຈະ​ລົງ­ມື​ປູກ​ກ່ອນ​ວັນ​ທີ 15/1/2020  ຄາດ​ຄະ­ເນ​ຈະ​ໃຫ້​ສຳ­ເລັດ​ໃນ​ເດືອນ​ມັງ­ກອນ​ນີ້, ໄດ້​ນຳ​ເຂົ້າ​ແນວ​ພັນ​ເບ້ຍ​ໝາກ​ມັງ­ກອນ 7 ພັນ​ເບ້ຍ ເພື່ອ​ກຽມ​ປູກ ປັດຈຸ​ບັນ​ແມ່ນ​ໄດ້​ສັ່ງ​ຜະ­ ລິດ​ເສົາ​ຂອງ​ການ​ປູກ​ມັງ­ກອນ​ໃນ​ບາງ​ຈຳ­ນວນ ຄາດ​ຄະ­ເນ​ໃຫ້​ສຳ­ເລັດ​ໃນ​ການ​ປູກ​ພາຍ​ໃນ​ເດືອນ​ມັງ­ກອນ​ເຊັ່ນ​ດຽວ​ກັນ, ດ້ານ​ຂໍ້້​ຫຍຸ້ງ­ຍາກ ແມ່ນ​ການ​ເຈາະ​ນ້ຳ​ບາ​ດານ ຍັງ​ບໍ່​ສຳ ­ເລັດ ເນື່ອງ​ຈາກ​ພື້ນ​ທີ່​ບໍ­ລິ­ເວນ​ໂຄງ­ການ​ເປັນ​ດິນ­ຊາຍ  ສຳ­ລັບ​ແຜນ­ການ​ດຳ­ເນີນ​ງານ​ໃນ­ຕໍ່­ໜ້າ ແມ່ນ​ການ​ສ້າງ​ໂຮງ​ອົບ​ເຂົ້າ ແລະ​ ສາງ​ເກັບ​ເຂົ້າ, ແຜນ​ນຳ​ເຂົ້າ​ລົດ​ໄຖ​ນາ​ຄູ​ໂບ​ຕ້າ​ຮຸ່ນ MU 1 ຄັນ, ລົດ​ກ່ຽວ​ເຂົ້າ 1 ຄັນ, ແຜນ​ໃນ​ການ​ປູກ​ເຂົ້າ­ນາ​ໄຮ່​ໃຫຍ່​ໃນ​ເນື້ອ­ທີ່ 20 ເຮັກ­ຕາ, ແຜນ­ການ​ຂະ­ຫຍາຍ​ເນື້ອ­ທີ່​ດ້ານ​ກະ­ສິ­ກຳ ແລະ​ໂຮງ­ສີ​ເຂົ້າ​ເປັນ​ຂອງ​ກອງ​ທຶນ ຈຳ­ນວນ 2 ຕອນ ທີ່​ຕິດ​ກັບ​ໂຄງ­ການ​ຂອງ​ກອງ​ທຶນ.
ໂອ­ກາດ​ນີ້, ທ່ານ​ເຈົ້າແຂວງ ​ສະ­ຫວັນ​ນະ​ເຂດກໍໄດ້​ມີ​ການ​ສອບ​ຖາມກ່ຽວ​ກັບ​ຂໍ້​ສະ­ດວກ, ຂໍ້​ຫຍຸ້ງ­ຍາກ ແລະ​ ຄວາມ​ແຕກ​ຕ່າງ​ລະ­ຫວ່າງ​ກອງ​ທຶນ​ບ້ານ​ໃນ​ເມື່ອ​ກ່ອນກັບ​ກອງ​ທຶນ​ໃນ​ປັດຈຸ​ບັນ​ເປັນ​ແນວ­ໃດ? ພ້ອມ​ນີ້​ກໍ​ໄດ້​ເນັ້ນ​ໃຫ້​ປະ­ຊາ­ຊົນ​ເປັນ​ເຈົ້າ​ການ​ນຳ​ກັນ ແລະ​ ພ້ອມ​ກັນ​ທຳ​ການ​ຜະ­ລິດເປັນ​ສິນຄ້າ​ໃຫ້​ນັບ​ມື້​ນັບ​ຫຼາຍ​ຂຶ້ນ​ກວ່າເກົ່າ  ໂດຍ​ກອງ​ທຶນ​ສາມັກ­ຄີ​ແນວ​ລາວ​ສ້າງ​ ຊາດ​ບ້ານ​ດົງຄຳໝື່ນນີ້ສ້າງຕັ້ງ ຂຶ້ນ​ມາ ​ເປົ້າໝາຍ​ແມ່ນ​ເພື່ອເປັນ​ ການ​ຊຸກ­ຍູ້​ສົ່ງເສີມຊາວນາຊາວ​ ກະ­ສິ­ກອນ​ພວກ​ເຮົາໃນການ ປູກ​-​ການ​ລ້ຽງໃຫ້​ຫຼາຍ  ແລະ ​ກາຍເປັນ​ສິນ​ຄ້າ  ເພື່ອສ້າງລາຍ ​ຮັບແກ່​ປະຊາຊົນໃຫ້​ມີ​ຊີ­ວິດ ​ການ​ເປັນ​ຢູ່​ທີ່​ດີ​ຂຶ້ນເລື້ອຍໆ ຕາມ​ແນວ­ທາງ​ນະ­ໂຍ­ບາຍຂອງ ​ພັກ ແລະ​ ​ລັດຖະບານຈາກນັ້ນ, ທາງ​ຄະ­ນະ​ທ່ານ​ເຈົ້າແຂວງ ກໍໄດ້​ລົງ​ຢ້ຽມ­ຢາມ​ເບິ່ງ​ສວນ​ສາທິດ​ຂອງ​ກອງ​ທຶນ ແລະ ​ເບິ່ງ​ການ​ຂະ­ຫຍາຍ​ເນື້ອ­ທີ່​ນາ​ໄຮ່​ໃຫຍ່   ຊຶ່ງ​ລ້ວນ​ແລ້ວ­ແຕ່​ແມ່ນ​ເປັນ​ກິດ­ຈະ­ກຳທີ່​ນອນ​ຢູ່​ໃນ​ກອງ​ທຶນ​ສາ­ມັກ­ຄີ​ແນວ​ລາວ​ສ້າງ​ຊາດ​ບ້ານ​ດົງ​ຄຳ​ໝື່ນ ເມືອງ​ຈຳ​ພອນ.      (ຂ່າວ: ຕຸກໆ)                                   

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110