ຫົວ​ຂໍ້ : ທ່ານນາຍົກ ເນັ້ນໃຫ້ ຄຊພຊ ຮີບຮ້ອນພັດທະນາ ຊັບພະຍາກອນມະນຸດໃຫ້ເປັນຮູບປະທຳ

ເຜີຍ​ແຜ່​ໂດຍ​: siththiphone rasphone ເວ​ລາ: 30/01/2020 09:06:48 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1227 ຄັ້ງ

   ກອງ​ປະຊຸມ ​ຄັ້ງ​ທີ VIII ຂອງ​ຄະ​ນະ​ກໍາ​ມາ​ທິ​ການ​ແຫ່ງ​ ຊາດ ​ເພື່ອ​ການ​ພັດທະນາ​ຊັບ ພະຍາກອນ​ມະນຸດ (ຄຊພຊ) ໄດ້​ຈັດ​ຂຶ້ນ​ໃນ​ວັນ​ທີ  29  ມັງກອນ​ນີ້ ທີ່​ໂຮງແຮມ​ດອນ​ຈັນ​ພາ​ເລດ ນະຄອນຫຼວງ​ວຽງ​ຈັນ  ໂດຍ​ການ​ເປັນ​ປະທານ​ຂອງ​ທ່ານ ນາງ ແສງ​ເດືອນ ຫຼ້າ​ຈັນທະ​ບູນ ລັດ​ຖະ​ມົນຕີ​ກະຊວງສຶກສາ ທິ​ການ ແລະ ກິລາ ປະທານ ຄຊພຊ ໂດຍ​ເປັນ​ກຽດ​ເຂົ້າຮ່ວມ ​ຂອງ​ທ່ານ ທອງ​ລຸນ ສີ​ສຸ​ລິດ ນາ ຍົກລັດຖະມົນຕີ,  ມີ​ແຂກ​ຖືກ​ເຊີນ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ. 
   ກອງ​ປະຊຸມ​ຄັ້ງ​ນີ້ແມ່ນ ສືບຕໍ່​ຜັນ​ຂະຫຍາຍ​ການຈັດຕັ້ງ​ປະຕິບັດ​ຍຸດທະສາດ​ການ​ພັດ ທະນາ​ຊັບພະຍາກອນ​ມະນຸດ ​ແຫ່ງ​ຊາດຮອດ​ປີ 2025 ປະ​ຈໍາ​ປີ 2019  ຊຶ່ງ​ຄະ​ນະ​ກໍາ​ມາ​ທິ​ການ​​ໄດ້​ທົບ​ທວນຄືນ​ການ​ຈັດຕັ້ງ​ປະ ຕິບັດ​ມະຕິ​ກອງ​ປະຊຸມ​ ຄັ້ງ​ທີ VII ຂອງ ຄຊພຊ ແລະ ສະຫຼຸບ​ຕີ​ລາຄາ​ການຈັດຕັ້ງ​ປະຕິບັດຍຸດ ທະສາດ​ການ​ພັດທະນາ​ຊັບພະ ຍາກອນ​ມະນຸດ ໃນ​ປີ 2019  ພ້ອມ​ທັງ​ວາງ​ທິດ​ທາງ​ແຜນການ​ຈັດຕັ້ງ​ປະຕິບັດ​ ໃນ​ປີ 2020.  ກອງ​ປະຊຸມຄັ້ງນີ້,  ບັນດາ​ທ່ານ ຜູ້​ແທນ​ເຂົ້າ​ຮ່ວມຍັງ​ໄດ້​ຮັບ​ຟັງ ແລະ  ຮັບ​ຮູ້ເນື້ອ​ໃນ​ຈາກ​ການ​ນໍາ​ສະເໜີຂອງ​ພາກສ່ວນ​ຕ່າງໆ ໂດຍ​ເນັ້ນ​ໃສ່​ບັນດາ​ຫົວຂໍ້​ດັ່ງນີ້: 1. ນໍາ​ສະເໜີຜົນ​ການ​ວິໄຈກ່ຽວ​ກັບ​ການ​ພັດທະນາ​ເດັກ​ກ່ອນ​ໄວ​ຮຽນ ໃນ ສປປ ລາວ ເພື່ອ​ເປັນທິດ​ທາງປຶກສາ​ຫາລືໃຫ້​ແກ່ການ​ພັດທະນາ​ເດັກ​ກ່ອນ​ໄວ​ຮຽນ ໃນຕໍ່ໜ້າ; 2. ລາຍງານ​ຄວາມ​ຄືບ​ໜ້າການ ຈັດ​ຕັ້ງ​ປະຕິບັດ​ຍຸດທະສາດ​ການ​ພັດທະນາ​ຊັບພະຍາກອນ​ມະນຸດ​ແຫ່ງ​ຊາດ ຮອດ​ປີ 2025 ປະ​ຈໍາ​ປີ 2010 ແລະ ແຜນການ​ຈັດ​ຕັ້ງ​ປະຕິບັດ ປະ​ຈໍາ​ປີ 2020; 3. ຄວາມ​ຄືບ​ໜ້າການ​ຈັດຕັ້ງ ​ປະຕິບັດ​ມາດ​ຕະການ​ແກ້ໄຂ ຂອງ​ວຽກ​ງານ​ພັດທະນາ​ຊັບພະ ຍາກອນ​ມະນຸດຂອງ​ຂະແ​ໜງ​ກະ​ສິ​ກໍາ; 4. ຄວາມ​ຄືບ​ໜ້າ ການ​ສ້າງ​ແຜນ​ຍຸດທະສາດ​ການ​ພັດທະນາ​ຄູ  ແລະ  ບຸກ​ຄະລາ​ກອນຂອງຂະແໜງ​ສຶກສາທິ​ ການ ແລະ ກິລາ ຮອດ​ປີ 2025 ແລະ ການ​ປະຕິບັດມາດ​ຕະ ການ​ແກ້​ໄຂ​ວຽກ​ງານ​ພັດທະນາ​ຊັບພະຍາກອນ​ມະນຸດຂອງ​ຂະແໜງ​ຄູ; 5. ຄວາມ​ຄືບ​ໜ້າ ການ​ຈັດ​ຕັ້ງ​ປະຕິບັດ​ມາດ​ຕະ ການ​ແກ້​ໄຂຂອງ​ວຽກ​ງານ​ພັດ ທະນາ​ຊັບ​ພະຍາກອນ​ມະນຸດ ຂອງ​ຂະແ​ໜງ​ສາທາລະນະສຸກ ໂດຍ​ສະເພາະແມ່ນວຽກ​ພະຍາ ບານ;  6. ນໍາ​ສະເໜີແຜນ​ພັດ ທະນາ​ຊັບພະຍາກອນ​ມະນຸດ ຂອງ​ກະຊວງ​ການ​ເງິນ; 7. ແຜນ​ພັດທະນາ​ຊັບພະຍາກອນມະ ນຸດຂອງ​ແຂວງ​ອຸດົມ​ໄຊ ແລະ 8. ລາຍ​ງານ​ວຽກ​ງານ​ການ​ສຶກ ສາ​ພາກ​ເອກ​ະ​ຊົນ;   ເນື້ອໃນ​ທີ່​ນໍາ​ສະເໜີລາຍ​ງານແມ່ນ​ໝາກຜົນ​ຂອງ​ການຈັດຕັ້ງ​ປະຕິ ບັດ​ມະຕິ​ກອງ​ປະຊຸມ​ ຄັ້ງ​ທີ VII ຂອງ​ຄະ​ນະ​ກໍາ​ມາ​ທິ​ການແຫ່ງ​ ຊາດ  ​ເພື່ອ​ການ​ພັດທະນາ​ຊັບ ພະຍາກອນ​ມະນຸດ ​ໃນ​ໜຶ່ງ​ປີຜ່ານ​ມາ ແລະ ຍັງ​ມີຂໍ້​ ມູນ​ເພີ່ມ​ເຕີມ​ຂອງ​ຜົນ​ການ​ວິ ໄຈກ່ຽວ​ກັບ​ການ​ພັດ ທະນາ​ເດັກ​ກ່ອນ​ໄວ​ຮຽນ ແລະ ວຽກ​ງານ​ ການ​ສຶກສາ​ພາກ​ເອກະ​ຊົນ.
   ໃນ​ໂອກາດ​ນີ້,  ທ່ານນາ ຍົກລັດຖະມົນຕີໄດ້​ເນັ້ນໃຫ້ ຄຊພຊ ເອົາໃຈໃສ່ ໃນ​ການຈັດ ຕັ້ງ​ປະຕິບັດ​ຍຸດທະສາດການ ພັດທະນາ​ຊັບພະຍາກອນມະ ນຸດ​ຂັ້ນ​ສູນ​ກາງ  ແລະ  ຂັ້ນ​ແຂວງ ຈໍາ​ເປັນ​ຕ້ອງ​ຮີບ​ຮ້ອນປັບປຸງແກ້ ໄຂ ແລະ ຕ້ອງ​ໄດ້​ເພີ່ມ​ຄວາມ​ ເອົາໃຈໃສ່​ຊີ້​ນໍາ-ນໍາພາການຈັດ ຕັ້ງ​ປະຕິບັດໃຫ້ເປັນຮູບ​ປະທໍາ​ ດັ່ງນີ້: I. ໃຫ້​ຄະນະ​ກໍາ​ມະ​ການ​ພັດທະນາ​ຊັບພະຍາກອນມະ ນຸດທຸກ​ຂັ້ນຮີບ​ຮ້ອນ ​ເຮັດການ ​ປະ​ເມີນ ແລະ ວາງ​ແຜນການກໍ່ ສ້າງ ແລະ ຍົກລະດັບພະນັກ ງານ, ຊັບພະຍາກອນ​ມະນຸດໃນ​ຂັ້ນ​ຂອງຕົນ; 2. ສໍາ​ລັບ​ງົບປະ ມານ ໃນ​ການເຄື່ອນໄຫວ​ວຽກ​ງານ​ພັດທະນາ​ຊັບພະຍາກອນ​ມະນຸດ,  ໃນ​ສະພາບ​ທີ່​ລັດຖະ ບານຍັງມີ​ຂໍ້​ຫຍຸ້ງຍາກ​ທາງ​ດ້ານ​ງົບປະມານກໍໃຫ້​ຈັດ​ສັນ​ງົບປະມານ​ຂອງ​ຂະແໜງການ​ຕົນ  ເພື່ອ​ຈັດ​ຕັ້ງ​ປະຕິບັດກິດ​ຈະ​ກໍາທີ່​ມີ​ຄວາມ​ຈໍາ​ເປັນ  ເພື່ອ​ບັນລຸ​ຍຸດທະສາດ​ພັດທະນາ​ຊັບ ພະຍາກອນ​ມະນຸດ​ແຫ່ງ​ຊາດ; 3. ໃຫ້​ຄະ​ນະ​ກໍາ​ມາ​ທິ​ການແຫ່ງ​ ຊາດ  ເພື່ອ​ການ​ພັດທະນາ​ຊັບ ພະຍາກອນ​ມະນຸດມີ​ການເກັບ​ ກໍາ​ຂໍ້​ມູນ, ວິ​ເຄາະ​-​ວິໄຈ​ໃຫ້ຄົບ ​ຖ້ວນ ແລະ ເປັນ​ແຕ່​ລະ​ໄລຍະ​ ເພື່ອ​ໃຫ້ສາມາດ​ວາງ​ແຜນ ແລະ ກໍານົດ​ນະໂຍບາຍທີ່​ເໝາະສົມ​ ໃນ​ການ​ພັດທະນາ​ຊັບພະຍາ ກອນ​ມະນຸດ​ຂອງ​ຊາດ; 4. ໃຫ້​ ຄະ​ນະ​ກໍາ​ມາ​ທິ​ການແຫ່ງຊາດ ເພື່ອ​ການ​ພັດທະນາ​ຊັບພະຍາ ກອນ​ມະນຸດມີ​ການຕິດຕາມ ແລະ  ຊຸກຍູ້​ການຜັນ​ຂະຫຍາຍ ແລະ  ຈັດ​ຕັ້ງ​ປະຕິບັດຍຸດທະ ສາດ​ພັດທະນາ​ຊັບພະຍາກອນ​ມະນຸດໃຫ້​ເປັນ​ປົກກະຕິ  ແລະ ມີ​ຄູ່​ມື​ແນະ​ນໍາ​ການຈັດຕັ້ງ​ປະຕິ ບັດ​ຍຸດທະສາດ  ແລະ  ເຄື່ອງມື​ໃນ​ການ​ຕິດຕາມ  ແລະ  ປະ​ເມີນ​ຜົນທີ່​ເປັນ​ລະບົບ​ຄົບ​ຊຸດ; 5. ໃຫ້​ຄະ​ນະ​ກໍາ​ມະ​ການ ແລະ ທຸກໆ​ພາກສ່ວນ ເຮັດ​ການ​ຄົ້ນຄວ້າ, ວິເຄາະ ແລະ ວິໄຈ ເພື່ອ​ຜັນ​ຂະຫຍາຍ​ຍຸດທະສາດ​ໃຫ້​ເປັນ​ໂຄງການ, ແຜນ​ງານ ແລະ ແຜນ​ກິດ​ຈະ​ກໍາ   ເພື່ອ​ຈັດ​ຕັ້ງ​ປະຕິບັດ​ຍຸດທະສາດໃຫ້​ປະສົບ​ຜົນ​ສໍາ​ເລັດ; 6. ໃຫ້​ພັດທະນາ​ລະບົບ​ຂໍ້​ມູນ​ຂ່າວສານ​ຕະຫຼາດ​ແຮງ​ງານໃຫ້​ສໍາ​ເລັດ  ແລະ  ສົມບູນ ພ້ອມ​ທັງ​ຖື​ເອົາລະ​ບົບ​ດັ່ງກ່າວ ເປັນ​ສູນ​ຂອງ​ຂໍ້​ມູນ​ກ່ຽວ​ກັບ​ການ​ພັດທະນາ​ຊັບພະຍາກອນ​ມະນຸດ; 7. ຕໍ່​ກັບ​ນັກ​ຮຽນ​-​ນັກ​ສຶກສາ​ໄປ​ຮຽນ​ຕໍ່​ຕ່າງປະເທດ ແມ່ນ​ໃຫ້​ສ້າງ​ນິຕິ​ກໍາ​ທີ່​ຈໍາ​ເປັນ​ເພື່ອ​ສະກັດ​ກັ້ນ​ບຸກຄົນ, ກຸ່ມ​ຄົນ, ພາກສ່ວນ​ຕ່າງໆ​ທີ່​ເຄື່ອນ​ໄຫວ​ໃຫ້ການ​ບໍລິການ​ຕົວະ​ຍົວະ​ຫຼອກ​ລວງ​ເອົາ​ພົນລະເມືອງ ລາວ​ໄປ​ຮຽນ​ຕ່າງປະເທດ, ນັບ ​ທັງ​ສື​່ຕ່າງໆ ແລະ  ມີ​ການຄົ້ນ ຄວ້າ​ມາດ​ຕະການ  ແລະ  ວິທີ​ການ​ຕ່າງໆ​ໃນ​ການ​ຄັດ​ເລືອກ​ໃຫ້​ໄດ້​ຜູ້​ທີ່​ຮຽນ​ດີ ຮຽນ​ເກັ່ງ ແລະ ມີ​ແຜນ​ຮອງ​ຮັບ​ບຸກ​ຄະລາ​ກອນ ​ທີ່​ສ້າງ​ມາ ເພື່ອ​ບໍ່ເປັນການ​ຟຸມ ເຟືອຍ​ງົບປະມານ​ຂອງ​ລັດ;  8. ໃຫ້​ ມີ​ການທົບ​ທວນຄືນ​ບັນດານະ ໂຍບາຍ​ຕ່າງໆເຊັ່ນ​: ທຶນ​ລັດຖະ ບານ, ເບ້ຍລ້ຽງ ແລະ ອື່ນໆວ່າ​ຄວນ​ມີ​ການ ປັບປຸງ​ອັນ​ໃດ  ເພື່ອ​ໃຫ້​ມີ​ປະສິດທິພາບ​ສູງ; ລົງທຶນ​ໜ້ອຍ ແຕ່​ເໝາະ​ສົມ ແລະ ສາ ມາດ​ສ້າງ​ຊັບພະຍາກອນ​ມະ ນຸດທີ່​ມີ​ຄຸນ​ນະ​ພາບສອດຄ່ອງ​ກັບ​ຄວາມ​ຕ້ອງການ​ໃນ​ການ ພັດທະນາເສດ​ຖະ​ກິດ​-​ສັງ​ຄົມ.
(ຂ່າວ: ບຸນ​ທົງ, ພາບ: ຍຸ​ພິນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110