ຫົວ​ຂໍ້ : ຫົວພັນ ປະຕິບັດການລົງທຶນຂອງລັດ 188,11 ຕື້ກີບ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 31/01/2020 09:41:49 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1374 ຄັ້ງ

ທ່ານ ຄອນ​ທອງ ມະນີ​ວອນ ຫົວໜ້າ​ພະ​ແນ​ກ​ແຜນ ການ-ການ​ລົງທຶນ​ແຂວງ​ຫົວພັນ​ລາຍ​ງານ​ຕໍ່​ກອງ​ປະຊຸມ​ສະໄໝ​ສາມັນ​ເທື່ອ​ທີ 8 ຂອງ​ສະພາ​ປະຊາຊົນ​ແຂວງ​ຫົວ​ພັນ​ຊຸດ​ທີ I ນີ້​ວ່າ: ໃນ​ການຈັດຕັ້ງ​ປະຕິບັດ​ການ​ລົງທຶນ​ຂອງ​ລັດ​ຢູ່​ພາຍ​ໃນ​ແຂວງ​ຫົວພັນ​ໃນ​ປີ 2019 ຜ່ານ​ມາ ​ແຂວງ​ຫົວພັນ​ໄດ້ຮັບ ​ທຶນ​ອະນຸມັດ​ຈາກ​ສະພາ​ທັງ​ ໝົດ 473 ໂຄງການ​ ມູນ​ຄ່າ 188,12 ຕື້​ກີບ​ ຈຳນວນ​ໂຄງ ການ​ດັ່ງກ່າວ​ສ່ວນ​ຫຼາຍ​ແມ່ນ​ໂຄງການ​ສືບຕໍ່, ໂຄງການ​ໄພ ພິບັດ ແລະ ໂຄງການ​ຊຳ​ລະ​ໜີ້​ສິນ. ໃນ​ນີ້​ສາມາດ​ສັ່ງ​ຈ່າຍ ແລະ ຊຳລະ​ໃຫ້​ບໍລິສັດ​ແລ້ວ​ເປັນ​ມູນ​ຄ່າ 188,11 ຕື້​ກີບ. ຜ່ານ​ການຈັດຕັ້ງ​ປະຕິບັດ​ຕົວ​ຈິງ​ເຫັນ​ວ່າ​ໄດ້​ຮັບ​ການ​ຮ່ວມ​ມື​ເປັນ​ຢ່າງ​ດີ​ຈາກ​ພາກສ່ວນ​ຂັ້ນ​ຕ່າງໆ​ຂອງ​ແຂວງ, ເມືອງ​ທີ່​ໄດ້​ຮັບ​ເປັນ​ເຈົ້າ​ຂອງ​ໂຄງການ​ພ້ອມ​ກັນ​ເອົາໃຈໃສ່​ຊຸກຍູ້​ຈັດ​ຕັ້ງ​ປະຕິບັດ​ບັນດາ​ໂຄງການ​ລົງທຶນ​ຂອງ​ລັດ​ໄດ້​ມີ​ຜົນສຳເລັດ ທຽບໃສ່​ແຜນການ​ປີ​ປະຕິບັດ​ໄດ້ 99,94%. 
ສ່ວນ​ການ​ລົງທຶນ​ຂອງ​ພາກ​ເອກະ​ຊົນ​ທັງ​ພາຍ​ໃນ ແລະ ຕ່າງປະເທດ​ມີ​ນັກ​ລົງທຶນ​ເຂົ້າ​ມາ​ລົງທຶນ​ໃນ​ກິດຈະການ​ເຊົ່າ ແລະ ສຳ​ປະທານ​ມີ 10 ໂຄງ ການ ມູນ​ຄ່າ 72,14 ລ້ານໂດ​ ລາ​, ທຽບໃສ່ແຜນການ​ປີ​ປະ ຕິບັດ​ໄດ້​ພຽງ​ແຕ່ 48,09% ເນື່ອງ​ຈາກ​ວ່າການ​ລົງທຶນ​ສ່ວນ ​ຫຼາຍ​ແມ່ນ​ຢູ່​ໃນ​ໄລຍະ​ສຶກສາ ສຳຫຼວດ​ເປັນ​ຈຳນວນ​ຫຼາຍ ໂດຍ​ສະເພາະ​ແມ່ນ​ຂະແໜງ​ພະລັງງານ ແລະ ບໍ່​ແຮ່. ການ ​ລົງທຶນ​ເຂົ້າ​ໃນ​ພາກ​ການ​ບໍລິ ການ ແລະ ປູກຝັງ-ລ້ຽງສັດ​ຍັງ​ ມີ​ໜ້ອຍ.
ສຳລັບ​ທຶນ​ຊ່ວຍເຫຼືອ​​ເພື່ອ​ການ​ພັດທະນາ​ໃນ​ປີຜ່ານມາ​ມີ​ທັງ​ໝົດ 61 ໂຄງການ​ເປັນ​ມູນ​ຄ່າ 327,32 ຕື້​ກີບ ທຽບໃສ່​ແຜນ ການ​ປີ​ປະຕິບັດ 96,25%.
ຜົນສຳເລັດ​ຂອງ​ການ​ປະ ຕິບັດ​ບັນດາ​ໂຄງການ​ຕ່າງໆໄດ້​ ເຮັດ​ໃຫ້​ພື້ນຖານ​ໂຄງ​ລ່າງ​ຂອງ​ ແຂວງ​ຫົວພັນ​ໄດ້​ຮັບ​ການ​ພັດ ທະນາ ເຮັດ​ໃຫ້​ຊີວິດ​ການ​ເປັນ​ຢູ່​ຂອງ​ພໍ່​ແມ່​ປະຊາຊົນ​ນັບ​ມື້​ດີ​ຂຶ້ນ ແລະ ຄ່ອຍໆ​ຫຼຸດ​ພົ້ນ​ອອກ​ຈາກ​ຄວາມທຸກ​ຍາກ​ເທື່ອ​ລະ​ກ້າວ.
(ຂ່າວ: ງຸດ ວິໄລ​ຄຳ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110