ຫົວ​ຂໍ້ : ເມືອງອາດສະພອນ ຈັດງານມະຫະກຳສືບສານຕຳນານ ກະບອງໃຫຍ່ ເຜ່ົາບຣູ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 31/01/2020 09:47:25 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1430 ຄັ້ງ

   ງານ​ບຸນ​ນະມັດສະການ​ສືບ​ສານ​ຕຳນານ​ກະບອງ​ໃຫຍ່​ຂອງ​ເຜົ່າ​ບຣູ ເມືອງ​ອາດ​ສະ​ພອນ ແຂວງ​ສະຫວັນ​ນະ​ເຂດ ໄດ້​ຈັດ​ຂຶ້ນ​ໃນ​ວັນ​ທີ 25 ມັງກອນ​ຜ່ານ​ມາ ກົງ​ກັບ​ມື້​ອອກ​ໃໝ່ 2 ຄໍ່າ ເດືອນ​ສາມ ພສ 2562, ເປັນ​ກຽດ​ເຂົ້າ​ຮ່ວມ​ເປີດ​ງານ​ຂອງ​ ທ່ານ ສັນຕິພາບ ພົມວິຫານ ເຈົ້າແຂວງ​ສະຫວັນ​ນະ​ເຂດ, ມີ​ບັນດາ​ທ່ານ​ການ​ນຳ​ຈາກ​ແຂວງ ແລະ ເມືອງຕະຫຼອດ​ຮອດ​ພໍ່​ແມ່​ປະຊາຊົນ​ຊາວ​ເມືອງ​ອາດ​ສະ​ພອນ​ເຂົ້າ​ຮ່ວມ​ຢ່າງ​ຫຼວງ​ຫຼາຍ.
   ໃນ​ພິທີ, ທ່ານ​ເຈົ້າແຂວງ​ສະຫວັນ​ນະ​ເຂດ ໄດ້​ໃຫ້​ກຽດ​ຈູດ​ເຟືອງ​ກະບອງ  ເພື່ອ​ເປີດ​ງານ​ບຸນ​ນະມັດສະການ​ສືບ​ສານ​ຕຳ ນານ​ກະບອງ​ໃຫຍ່​ຂອງ​ເຜົ່າ​ບຣູ ເມືອງ​ອາດ​ສະ​ພອນ​ຢ່າງ​ເປັນ​ທາງ​ການ ຊຶ່ງ​ການ​ຈັດ​ງານ​ບຸນ​ດັ່ງກ່າວ​ຂຶ້ນ​ມາ​ນີ້, ກໍເພື່ອ​ເປັນ​ການ​ອະນຸລັກ​ຮັກສາ ແລະ ສືບ​ທອດ​ປະເພນີ​ອັນ​ດີງາມ​ຂອງ​ຊົນເຜົ່າ​ບຣູ ກໍຄື​ງານ​ບຸນ​ກະບອງ​ໃຫຍ່​ໄວ້​ໃຫ້​ລູກ​ຫຼານ​ໄດ້​ສືບ​ທອດ​ ຕໍ່ໆ​ໄປ   ທັງ​ຍັງ​ເປັນການສົ່ງ ເສີມ ການທ່ອງທ່ຽວ​ທາງ​ດ້ານ​ວັດທະ ນະທຳ​ຂອງ​ເມືອງ​ອາດ​ສະ​ພອນ​ນຳ​ອີກ.
 ໃນ​ພິທີບັນດາ​ທ່ານທີ່​ເຂົ້າ​ຮ່ວມ​ໄດ້​ຮັບ​ຊົມ​ການສະແດງ​ສິລະ​ປະ​-ວັນນະຄະດີ​ຂອງຊົນ ເຜົ່າ​ບຣູ ແລະ ​ທ່ຽວ​ຊົມ​ການວາງ ສະແດງ​ສິນຄ້າ​ເຄື່ອງ​ຫັດຖະກຳ​ ບັນດາເຜົ່າ, ເລາະ​ຊົມ​ສວນ​ວັດ ທະນະທຳ​ຂອງ​ເຜົ່າ​ບຣູ  ແລະ ຊົມ​ວິຖີ​ຊີວິດ​ຂອງ​ຊົນເຜົ່າ​ເຂດ​ໂພນ​ງາມ. (ຂ່າວ-​ພາບ: ເມືອງ ອາດ​ສະ​ພອນ)
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110