ຫົວ​ຂໍ້ : ສຳເລັດຍົກລະດັບວຽກຄຸ້ມຄອງວັດທະນະທຳ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 03/02/2020 08:51:47 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1228 ຄັ້ງ

ສະ​ຖາ​ບັນ​ສື່​ມວນ​ຊົນ, ວັດ​ທະ​ນະ​ທໍາ ແລະ ທ່ອງ​ທ່ຽວ (ສສວທ) ໄດ້​ປິດ​ຊຸດ​ອົບຮົມ ພາຍ​ໃຕ້​ຫົວຂໍ້ “ວຽກ​ງານ​ຄຸ້ມ​ຄອງ​ວັດ​ທະ​ນະ​ທໍາ” ໃຫ້​ແກ່​ພະນັກງານ​ວິຊາການ​ທີ່​ເຮັດ​ວຽກຄຸ້ມຄອງ​ວັດ​ທະ​ນະ​ທໍາອ້ອມຂ້າງ​ສູນ​ກາງ ແລະ ບັນດາ​ແຂວງທົ່ວປະເທດ ໃນ​ວັນ​ທີ 31 ມັງກອນ ນີ້, ທີ່​ສະ​ຖາ​ບັນ​ດັ່ງກ່າວ ໂດຍ​ການ​ເຂົ້າ​ຮ່ວມ​ຂອງ ທ່ານ ວິໄລ​ທອງ ສີ​ຊາ​ນົນ ຫົວໜ້າ​ສະ​ຖາ​ບັນ​ສື່​ມວນ​ຊົນ, ວັດ​ທະ​ນະ​ທໍາ ແລະ ທ່ອງ​ທ່ຽວ, ມີ​ບັນດາ​ທ່ານ​ຮອງ​ກົມ, ຫົວໜ້າ​ພະ​ແນກ, ພ້ອມ​ດ້ວຍ​ນັກ​ສໍາ​ມະ​ນາ​ກອນ 36 ທ່ານ ເຂົ້າ​ຮ່ວມ.
ໃນ​ພິທີ ທ່ານ ຄໍາ​ຫຼ້າ ຍອຍ​ສາຍ​ຄໍາ ຮອງ​ຫົວໜ້າ ສສວທ ໄດ້​ຜ່ານ​ບົດ​ສະຫຼຸບ​ຊຸດ​ຝຶກ​ອົບ ຮົມ​ຄັ້ງ​ນີ້,  ບັນດາ​ນັກ​ສໍາ​ມະ​ນາ​ກອນ​ໄດ້​ອົບຮົມ​ມີ 9 ຫົວຂໍ້​ຄື: 1.ເຊື່ອມ​ສໍາ​ພັນ ວັດ​ທະ ນະ ທໍາ​ລາວ​-​ຈີນ, 2.ຄຸ້ມ​ຄອງ ແລະ ພັດທະນາ​ຮູບເງົາ​ລາວ, 3.ການ​ຄຸ້ມ​ຄອງ ງານ​ບຸນ​ປະເພນີ​ລາວ, 4.ຄຸ້ມ​ຄອງ ແລະ ພັດທະ​ນາວິ ຈິດ​ສິນ​ລາວ, 5.ຄຸ້ມ​ຄອງ ມໍ ລະດົກ​ສະຖານ, 6.ຄຸ້ມ​ຄອງ​ວຽກ​ງານ​ພິມ​ຈໍາ​ໜ່າຍ, 7.ຄຸ້ມ​ຄອງ ແລະ ສົ່ງເສີມ​ສິລະ​ປະ ການສະແດງ, 8.ວັດ​ທະ​ນະ​ທໍາ ເພື່ອ​ການທ່ອງທ່ຽວ ແລະ 9.ການ​ສ້າງ​ຄົນ ຄອບຄົວ ແລະ ບ້ານ​ວັດ​ທະ​ນະ​ທໍາ. ຈຸດປະສົງ​ຕົ້ນຕໍ​ໃນ​ການ​ຝຶກ​ອົບຮົມ​ຄັ້ງ​ນີ້, ເພື່ອ​ຍົກ​ສູງ​ຄວາມ​ຮູ້ຄວາມສາ ມາດ ໃຫ້​ແກ່​​ບັນດາ​ພະນັກ ງານ​ທີ່​ເຮັດ​ວຽກ​ວັດ​ທະ​ນະ​ທໍາ​ສູນ​ກາງ ແລະ ທ້ອງຖິ່ນ, ຊຶ່ງ​ຜູ້ ເຂົ້າ​ຮ່ວມ ຈະໄດ້ນໍາ​ເອົາ​ບົດຮຽນ ຈາກ​ຊຸດອົບຮົມ​ຄັ້ງ​ນີ້ ໄປ​ນໍາໃຊ້ ເຂົ້າ​ໃສ່ວຽກ​ງານຂົງເຂດທີ່​ຕົນ ຮັບ​ຜິດຊອບໃຫ້​ດີ​ຂຶ້ນ​ເລື້ອຍໆ, ຕອບ​ສະໜອງ​ຄວາມ​ຮຽກຮ້ອງ​ຕ້ອງການ​ໃນ​ການ​ຄຸ້ມ​ຄອງ ແລະ ພັດທະນາ​ວັດທະນະທໍາ​ ໃຫ້​ດີ​ຍິ່ງໆ​ຂຶ້ນ. ໃນ​ໂອກາດ​ດັ່ງ ກ່າວ ທ່ານ ວິໄລ​ທອງ ສີ​ຊາ​ນົນ ໄດ້​ໃຫ້​ກຽດ​ມອບໃບຢັ້ງຢືນໃຫ້​ ແກ່ ນັກ​ສໍາ​ມະ​ນາ​ກອນ​ອີກ​ດ້ວຍ.  (ຂ່າວ: ຍຸ​ພິນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110