ຫົວ​ຂໍ້ : ນາຍົກ ຮຽກຮ້ອງຢ່າວິຕົກກັບ ໄວຣັສ ໂຄໂຣນາ ຈົນເກີນໄປ ຈົ່ງພ້ອມກັນຕອບໂຕ້ຂ່າວບິດເບືອນ

ເຜີຍ​ແຜ່​ໂດຍ​: admin ເວ​ລາ: 07/02/2020 09:52:04 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1120 ຄັ້ງ

   ທ່ານນາຍົກ​ໄດ້​ຮຽກຮ້ອງ​ໃຫ້​ປະຊາຊົນ​ລາວ ແລະ ຊາວ​ຕ່າງປະເທດ​ທີ່​ອາໄສ​ຢູ່​ລາວຢ່າ​ ວິຕົກ​ກັງວົນ​ເກີນ​ກວ່າ​ເຫດ ຈົ່ງ ພ້ອມ​ກັນ​ຕອບ​ໂຕ້ການ​ໂຄສະ ນາ​ຊວນ​ເຊື່ອ, ໃສ່​ຮ້າຍ​ປ້າຍ​ສີທີ່​ບໍ່່​ມີ​ມູນ​ຄວາມ​ຈິງ ຫຼື ຫວັງ​ແບ່ງ​ແຍກ,  ສ້າງ​ຄວາມປັ່ນປ່ວນໃນ ​ສັງຄົມ  ພ້ອມ​ກັນ​ນັ້ນ ກໍ​ໃຫ້ສຶກ ສາ ແລະ ຮູ້​ວິທີ​ປ້ອງ​ກັນ​ພະຍາດ​ດັ່ງ​ກ່າວ.
   ໃນ​ໂອກາດ​ທີ່ພົບ​ປະ​ໂອ້​ລົມ ແລະ ຊີ້​ນຳ​ຕໍ່​ກອງ​ປະຊຸມ​ເປີດກວ້າງ​ສະຫຼຸບ​ຕີ​ລາຄາ, ​ທອດ ຖອນ​ບົດຮຽນ ການຈັດຕັ້ງປະຕິບັດ ແຜນ​ພັດທະນາ​ພະລັງງານ     ແລະ ບໍ່​ແຮ່ ໃນ​ໄລຍະ 5 ປີ  ຄັ້ງທີ VIII ນັບ​ແຕ່ 2016 ຫາ 2020  ແລະ ທິດ​ທາງ​ແຜນການ​ພັດທະນາ​ພະລັງງານ ແລະ ບໍ່​ແຮ່ 5 ປີ ຄັ້ງ​ທີ IX ໃນ​ຕອນບ່າຍ​ຂອງ​ວັນ​ທີ 5 ກຸມພາ​ຜ່ານ​ມາ  ທີ່​ຫໍ​ປະຊຸມ​ແຫ່ງ​ຊາດ,  ທ່ານ    ທອງລຸນ    ສີ​ສຸ​ລິດ  ນາຍົກລັດຖະມົນຕີໄດ້​ມີບາງ​ ຄຳ​ເຫັນກ່ຽວ​ກັບ​ການ​ປ້ອງ​ກັນ, ຄວບ​ຄຸມ ແລະ ແກ້​ໄຂການລະ ບາດ​ຂອງ​ພະຍາດ​ອັກເສບ​ປອດ ຈາກ​ເຊື້ອ​ຈຸ​ລະ​ໂຣກ​ສາຍ​ພັນ​ໃໝ່ (ໄວ​ຣັສ ໂຄ​ໂຣນາ) ວ່າ: ໄວ​ຣັສໂຄໂຣນາໄດ້​ລະບາດ​ຢູ່ ເມືອງອູຮັ້ນ  ມົນທົນຫູ​ເປີຍ  ສປ ຈີນ ເປັນ​ຂ່າວທີ່ຖືກເຜີຍແຜ່ຢ່າງ​ ກວ້າງຂວາງ​ທົ່ວ​ໂລກ  ໃນ​ປັດຈຸ​ບັນ ສຳລັບຢູ່ ສປປ ລາວ ເມື່ອ​ຮູ້​ວ່າ​ເກີດສະພາບດັ່ງກ່າວ​ຂຶ້ນ ທາງ​ການ ສປປ ລາວ ກໍໄດ້​ປະ ສານ​ງານ ແລະ ເກັບກຳຂໍ້​ມູນ ຈາກ​ທາງ​ການຂອງ ສປ ຈີນຊຶ່ງ​ໄດ້​ຮັບ​ການ​ຮ່ວມ​ມື​ເປັນ​ຢ່າງ​ດີ ທັນ​ເວລາ, ມີ​ຄວາມ​ວ່ອງໄວ​ສົມຄວນ ແລະ ເປັນ​ຂໍ້​ມູນ​ທີ່​ລະ​ອຽດ. ລັດຖະບານ​ລາວ ໄດ້​ມອບ​ໝາຍໃຫ້​ກະຊວງ​ສາທາລະນະ​ສຸກ ຕິດຕາມ​ຢ່າງ​ໃກ້ຊິດ ແລະ ລາຍ​ງານ​ຂໍ້​ມູນແກ່​ລັດຖະບານ​ເປັນ​ປະຈຳ ນັບ​ແຕ່​ຮູ້​ຂ່າວ​ວ່າ​ເກີດ​ພະຍາດ​ນີ້​ຂຶ້ນ. ຕໍ່​ມາໄດ້​ມີ​ກອງ​ປະຊຸມ​ດ່ວນຂອງ​ນາ​ຍົກ​-​ຮອງ​ນາຍົກລັດຖະມົນຕີ ຮ່ວມ​ກັບ​ຂະແໜງການ​ກ່ຽວຂ້ອງ ເພື່ອ ​ປຶກສາ​ຫາລື,  ໃນ​ນັ້ນໄດ້ແຕ່ງຕັ້ງ​ຄະນະ​ສະເພາະ​ກິດ​ໜຶ່ງ​ຂຶ້ນ ຊຶ່ງ​ແມ່ນ​ທ່ານ ສົມ​ດີ ດວງ​ດີ ຮອງ​ ນາຍົກລັດຖະມົນຕີ ເປັນ​ຫົວໜ້າ ແລະ  ປະກອບດ້ວຍທຸກພາກ ສ່ວນ​ທີ່​ກ່ຽວຂ້ອງ ໂດຍ​ໄດ້​ມອບ​ ໝາຍ​ໃຫ້​ຄະນະ​ດັ່ງກ່າວປະຕິ ບັດ​ໜ້າທີ່ ໃນ​ການ​ຕິດຕາມ​ກວດ ກາຢ່າງ​ໃກ້ຊິດ ແລະ ມີ​ມາດ​ຕະ ການ​ປ້ອງ​ກັນ, ຄວບ​ຄຸມ ແລະ ແກ້​ໄຂການ​ລະບາດ​ຂອງ​ເຊື້ອ​ພະຍາດ​ດັ່ງກ່າວ ໃນ​ກໍລະນີທີ່​ ກວດ​ພົບ​ຜູ້​ຕິດ​ເຊື້ອ ໃນວັນທີ 3 ກຸມພາ​ຜ່ານ​ມາກໍໄດ້​ຈັດ​ກອງ​ປະຊຸມ  ເພື່ອ​ທົບ​ທວນຄືນການ​ປະຕິບັດ​ໜ້າທີ່​ຂອງ​ຄະນະສະ ເພາະ​ກິດ ແລະ ໃນ​ຕອນເຊົ້າ ຂອງ​ວັນ​ທີ  5  ກຸມພາ​ນີ້  ນາຍົກ ລັດຖະມົນຕີກໍໄດ້ເຊີນພາກ ສ່ວນ​ກ່ຽວຂ້ອງປະຊຸມ​ຕື່ມ​ອີກ ເພື່ອ​ລາຍ​ງານ​ສະພາບ​ການ ພ້ອມ​ທັງມອບ​ໝາຍ​ວຽກ​ງານ​ຕ່າງໆຕື່ມ​ອີກ, ອັນ​ສຳຄັນແມ່ນ​ໃຫ້​ເຮັດ​ວຽກ​ໂຄສະນາ​ເຜີຍແຜ່​ຂໍ້​ມູນ​ຂ່າວສານ​ທີ່​ກ່ຽວຂ້ອງໃຫ້​ປະຊາຊົນ​ໄດ້​ຮັບ​ຊາບຢ່າງ​ກວ້າງ ຂວາງ, ທັນ​ການ ແລະ ເປັນ​ປົກ ກະຕິ  ເພື່ອ​ໃຫ້​ຮູ້​ປ້ອງກັນ​ເປັນ​ຢ່າງ​ດີ.
   ທ່ານນາຍົກລັດຖະມົນຕີ ໄດ້​ຖື​ໂອກາດ​ນີ້ ແຈ້ງ​ໃຫ້​ປະຊາ ຊົນ​ລາວ ​ໃນ​ທົ່ວ​ປະເທດ ໄດ້​ຮັບ​ຊາບ​ວ່າ: ມາ​ຮອດ​ປັດຈຸ​ບັນຢູ່ ສປປ ລາວ ຍັງ​ບໍ່​ທັນ​ພົບ​ກໍລະນີ​ຜູ້​ຕິດເຊື້ອ​ເທື່ອ, ແຕ່​ລັດຖະບານ ກໍ​ບໍ່​ໄດ້​ນິ້້ງ​ນອນ​ໃຈ  ຕໍ່​ສະພາບ​ທີ່​ເກີດ​ຂຶ້ນ  ສຳລັບ​ເຊື້ອ​ໄວ​ຣັສ​ດັ່ງກ່າວ​ນີ້  ເປັນ​ສາຍ​ພັນ​ໃໝ່, ມີ​ຄວາມ​ຮ້າຍ​ແຮງ​ພໍ​ສົມຄວນ, ສາມາດ​ແຜ່​ລະບາດ​ໄດ້​ໄວ ແລະ ກວ້າງຂວາງ, ເຮັດໃຫ້ຜູ້ຕິດເຊື້ອ ເສຍ​ຊີວິດ​ໄດ້.  ເຖິງ​ຢ່າງໃດ​ກໍ​ຕາມລັດຖະບານ ສປ ຈີນ ໄດ້​ອອກ​ຫຼາຍ​ມາດ​ຕະການທີ່​ທັນ​ການ ແລະ ມີ​ປະສິດ​ທິ​ຜົນສູງມີ ​ການ​ສື່ສານ​ໃຫ້​ຂໍ້​ມູນຢ່າງກວ້າງ ຂວາງ  ແລະ  ທັນ​ເວລາຕໍ່ປະ ຊາຊົນ​ພາຍ​ໃນກໍຄື​ທົ່ວ​ໂລກ ເພື່ອ​ໃຫ້​ທຸກ​ພາກສ່ວນ,  ທຸກ ປະເທດມີ​ມາດ​ຕະການ​ປ້ອງ​ກັນ ແລະ ຮັບ​ມື.  ອົງການອະ ນາໄມ​ໂລກກໍຍອມຮັບວ່າ ມາດ​ຕະການ​ຂອງ ສປ ຈີນ ເປັນ​ມາດ​ຕະການ​ທີ່​ມີ​ປະສິດທິພາບ, ປະ ສິດ​ທິ​ຜົນ​ສູງ  ຊຶ່ງ  ສປປ  ລາວ ໃນ​ຖານະ​ເປັນປະເທດ​ເພື່ອນ​ມິດທີ່​ໃກ້ຊິດ,  ບ້ານ​ໃກ້​ເຮືອນຄຽງທີ່​ມີ​ຊາຍ​ແດນ​ຕິດ​ຈອດ​ກັນໄດ້​ມີ​ການ​ປະສານ​ງານ​ກັນ​ຢ່າງ​ໃກ້ຊິດ ແລະ ເປັນ​ປົກກະຕິ, ສປປ ລາວ ມີຄວາມເຫັນ​ອົກ​ເຫັນໃຈ​ເພື່ອນ​ຈີນທີ່ປະສົບ​ບັນ ຫາທີ່​ບໍ່​ເພິ່ງ​ປາຖະໜາ,  ການ​ນຳ​ຂອງ ສປປ ລາວ ກໍ​ໄດ້​ສົ່ງ​ສານ​ສະແດງ​ຄວາມ​ເສຍ​ໃຈ ຕໍ່​ເຫດການ​ທີ່​ເກີດ​ຂຶ້ນ  ແລະ ສະແດງ​ຄວາມ​ເຊື່ອ​ໝັ້ນ​ວ່າ ລັດ ຖະບານ ແຫ່ງ ສປ ຈີນ ຈະສາ ມາດ​ແກ້​ໄຂ ແລະ ຢັບ​ຢັ້ງການ​ ແຜ່​ລະບາດຂອງພະຍາດ​ດັ່ງ ກ່າວ ພ້ອມ​ທັງເຮັດ​ໃຫ້​ສະພາບ​ການ​ພາຍ​ໃນກັບ​ສູ່​ຄວາມ​ສະ ຫງົບເປັນ​ປົກກະຕິ​  ໂດຍ​ໄວ  ໃນ​ເວລາ​ດຽວ​ກັນ, ລັດຖະບານ ແລະ ປະຊາຊົນ​ລາວ ກໍສະແດງ​ຄວາມ​ຂອບໃຈ ຕໍ່​ຝ່າຍ​ຈີນທີ່​ໄດ້​ເບິ່ງແຍງ​ດູແລ​ຄົນ​ລາວ ທີ່ຢູ່ ສປ ຈີນ ເປັນ​ຢ່າງ​ດີ ໂດຍ​ສະເພາະ ນັກ​ສຶກສາ​ລາວ ຈຳນວນ 37 ຄົນ ທີ່ຢູ່​ເມືອງ​ອູ​ຮັ້ນ ແລະ ຢູ່​ເມືອງ ອື່ນໆ ລວມ​ທັງ​ໝົດ 242 ຄົນ ຊຶ່ງ​ລັດຖະບານ​ລາວ ໄດ້​ມອບ​ໝາຍ​ໃຫ້​ກະຊວງ​ການ​ຕ່າງປະເທດ, ສະຖານ​ທູດ​-​ສະຖານກົງສຸນ​ລາວ ປະຈຳ ສປ ຈີນ ເອົາໃຈໃສ່​ຕິດຕາມ​ເບິ່ງແຍງ, ຊ່ວຍເຫຼືອ ແລະ ປະສານ​ກັບ​ນັກ​ສຶກສາ​ເຫຼົ່ານັ້ນ ເປັນ​ປົກກະຕິ ຊຶ່ງ​ໄດ້​ຮັບ​ຂ່າວ​ວ່າ ເຂົາເຈົ້າ​ທຸກ​ຄົນ ມີ​ສຸຂະພາບ​ແຂງແຮງ​ດີ.
   ໃນ​ຕອນ​ທ້າຍ, ທ່ານ​ນາ ຍົກລັດຖະມົນຕີ ໄດ້​ຮຽກຮ້ອງ​ມາ​ຍັງ​ປະຊາຊົນ​ລາວ ແລະ ຜູ້​ ທີ່​ອາໄສ​ຢູ່​ລາວ  ບໍ່່​ໃຫ້​ວິຕົກ​ກັງ ວົນ​ເກີນ​ກວ່າ​ເຫດ  ພ້ອມ​ກັນ​ຕອບ​ຕ້ານ​ການ​ໂຄສະນາ​ຊວນ​ເຊື່ອ, ໃສ່​ຮ້າຍ​ປ້າຍ​ສີທີ່​ບໍ່່​ມີ​ມູນ​ຄວາມ​ຈິງ ຫຼື ຫວັງ​ແບ່ງ​ແຍກ, ສ້າງ​ຄວາມ​ປັ່ນ​ປ່ວນ​ໃນ​ສັງຄົມ, ພ້ອມ​ກັນ​ນັ້ນ ກໍ​ໃຫ້ ສຶກສາ ແລະ ຮູ້​ວິທີ​ປ້ອງ​ກັນ​ພະຍາດ​ດັ່ງກ່າວ,  ທຸກ​ພາກສ່ວນ​ກ່ຽວຂ້ອງ​ຕ້ອງ​ສາມັກຄີ, ຊ່ວຍເຫຼືອ​ຊຶ່ງ​ກັນ ແລະ ກັນ, ບໍ່່​ສວຍໂອກາດຫາຜົນ​ປະ ໂຫຍດ ໂດຍ​ການ​ຂຶ້ນ​ລາຄາສິນ ຄ້າ, ເຄື່ອງ​ປ້ອງ​ກັນພະຍາດໂດຍ ​ສະເພາະຜ້າ​ອັດ​ປາກ ພ້ອມດຽວ ​ກັນ​ນີ້ ພາກສ່ວນ​ກ່ຽວຂ້ອງຕ້ອງ​ ເອົາໃຈໃສ່​ຕິດຕາມ ແລະ ສະ ກັດ​ກັ້ນ​ບັນຫາ​ນີ້​ຢ່າງ​ໃກ້ຊິດ; ສືບ ຕໍ່​ຈັດ​ຕັ້ງການລະດົມການບໍລິ ຈາກນໍາ​ພະນັກງານ,​ ລັດຖະ ກອນ, ພາກ​ທຸລະ​ກິດ ແລະ ທົ່ວ ​ສັງຄົມດ້ວຍ​ຄວາມ​ສະໝັກ​ໃຈ ຈັດ​ຊື້້​ຜ້າ​ອັດ​ປາກ​ອັດ​ດັງ,  ນໍ້າ​ຢາ​ລ້າງ​ມື  ແລະ ອຸປະກອນການ​ ແພດ​ທີ່​ຈໍາ​ເປັນ ເພື່ອ​ໄປ​ຊ່ວຍ ເຫຼືອ​ປະຊາຊົນຈີນໃນການ​ປ້ອງ​ກັນ, ຄວບ​ຄຸມ ແລະ ແກ້​ໄຂ​ການ​ລະບາດຂອງ​ພະຍາດ​ປອດ​ອັກເສບທີ່​ເກີດ​ຈາກ​ເຊື້ອ​ຈຸ​ລະ​ໂຣກ​ສາຍ​ພັນ​ໃໝ່ ໄວ​ຣັສ ໂຄ​ໂຣ​ນາ.
(ພາບ​-​ຂ່າວ: ກົມ​ປະຊາ ສຳພັນ ສນຍ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110