ຫົວ​ຂໍ້ : ກອງປະຊຸມໃຫຍ່ ຄັ້ງທີ XI ຂອງສະຫະພັນແມ່ຍິງ ກະຊວງການຕ່າງປະເທດ

ເຜີຍ​ແຜ່​ໂດຍ​: siththiphone rasphone ເວ​ລາ: 12/02/2020 09:08:27 ຈຳ​ນວນ​ຜູ້​ເຂົ້າ​ຢ້ຽມ​ຊົມ 436 ຄັ້ງ

   ກອງ​ປະ­ຊຸມ​ໃຫຍ່  ຄັ້ງ​ທີ XI ຂອງ​ສະ­ຫະ­ພັນ​ແມ່­ຍິງ​ກະ­ຊວງ​ການ​ຕ່າງ­ປະ­ເທດ ໄດ້​ຈັດ​ຂຶ້ນ ໃນ ວັນ​ທີ 7 ກຸມ­ພາ 2020  ທີ່​ສູນ​ການ​ຮ່ວມ​ມື​ສາ­ກົນ ແລະ ຝຶກ​ອົບ­ຮົມ (ICTC) ໂດຍ​ໃຫ້​ກຽດ​ເຂົ້າ​ຮ່ວມ​ຂອງ​ສະ­ຫາຍ    ສະ­ເຫຼີມ​ໄຊ ກົມ​ມະ​ສິດ   ກໍາ​ມະ​ການ​ສູນ ກາງ​ພັກ  ເລ­ຂາ​ຄະ­ນະ​ບໍ­ລິ­ຫານ​ງານ​ພັກ​ກະ­ຊວງ​ລັດ­ຖະ­ມົນ­ຕີ​ກະ­ຊວງ​ການ​ຕ່າງ­ປະ­ເທດ  ແລະ ສະ­ຫາຍ ນາງ ອິນ​ລາ​ວັນ ແກ້ວ​ບຸນ​ພັນ   ກໍາ​ມະ​ການ​ສູນ​ກາງ​ພັກ ປະ­ທານ​ຄະ­ນະ​ບໍ­ລິ­ຫານ​ງານ​ສູນ​ກາງ​ສະ­ຫະ­ພັນ​ແມ່­ຍິງ​ລາວ (ສສຍລ) ພ້ອມ​ດ້ວຍ​ແຂກ​ຖືກ​ເຊີນ ແລະ ເອື້ອຍ​ນ້ອງ​ສະ​ມາ ຊິກ​ແມ່­ຍິງ​ເຂົ້າ​ຮ່ວມ.

   ກອງ​ປະ­ຊຸມ​ຄັ້ງ​ນີ້ ໄດ້​ຕີ​ລາ ຄາ​ຄືນ​ສະ­ພາບ​ການ­ເຄື່ອນ­ໄຫວ ແລະ ການ­ຈັດ­ຕັ້ງ​ປະ­ຕິ­ບັດ​ມະ ຕິ​ກອງ​ປະ­ຊຸມ​ໃຫຍ່​ຜູ້​ແທນ​ແມ່ ຍິງ​ລາວ​ທົ່ວ​ປະ­ເທດ ຄັ້ງ​ທີ VII ແລະ ມະ­ຕິ​ກອງ​ປະ­ຊຸມ​ໃຫຍ່​ສະ ຫະ​ພັນ​ແມ່­ຍິງ​ກະ­ຊວງ​ການ​ຕ່າງ­ປະ­ເທດ ຄັ້ງ​ທີ X (2014-2019) ໂດຍ​ສະ­ເພາະ​ໄດ້​ຕີ​ລາ ຄາ​ສູງ​ຕໍ່​ຜົນ​ສໍາ​ເລັດ ໃນ​ຫຼາຍ​ດ້ານ​ທີ່​ເອື້ອຍ​ນ້ອງ​ແມ່­ຍິງ​ຍາດ​ມາ​ໄດ້       ເປັນ­ຕົ້ນ​ແມ່ນ​ການ​ສຶກ  ສາ​ອົບ­ຮົມ​ດ້ານ​ການ​ເມືອງ​-​ແນວ​ຄິດ​ຂອງ​ເອື້ອຍ​ນ້ອງ​ແມ່­ຍິງ; ວຽກ​ງານ​ການ​ປັບ­ປຸງ​ການ­ຈັດ­ຕັ້ງ; ການ​ກໍ່­ສ້າງ​ພະ­ນັກ­ງານ ແລະ ນະ­ໂຍ­ບາຍ; ວຽກ​ງານ​ປົກ​ປ້ອງ​ສິດ­ຜົນ­ປະ­ໂຫຍດ​ຂອງ​ແມ່​ຍິງ​-​ເດັກ­ນ້ອຍ; ການ​ສົ່ງ­ເສີມ​ຄວາມ​ກ້າວ­ໜ້າ​ຂອງ​ແມ່­ຍິງ ແລະ ການ​ສົ່ງ­ເສີມ​ຄວາມ​ສະ­ເໝີ­ພາບ ຍິງ​-​ຊາຍ; ການ​ພັດ­ທະ­ນາ​ຊີ­ວິດ​ການ​ເປັນ​ຢູ່​ຂອງ​ເອື້ອຍ​ນ້ອງ​ຍິງ; ການ­ຈັດ­ຕັ້ງ​ປະ­ຕິ­ບັດ​ຂໍ້​ແຂ່ງ­ຂັນ 3 ດີ; ວຽກ​ງານ​ພົວ­ພັນ ແລະ ຮ່ວມ​ມື​ກັບ​ຕ່າງ­ປະ­ເທດ ແລະ ວຽກ​ງານ​ກວດ​ກາ.

   ສະ­ຫະ­ພັນ​ແມ່­ຍິງ​ກະ­ຊວງ​ການ​ຕ່າງ­ປະ­ເທດ ໄດ້​ພ້ອມ​ກັນ​ຈັດ​ຕັ້ງ​ປະ­ຕິ­ບັດ​ຂໍ້​ແຂ່ງ­ຂັນ 3 ດີ ຂອງ​ສູນ​ກາງ​ສະ­ຫະ­ພັນ​ແມ່­ຍິງ​ລາວ ແລະ ສາ­ມາດ​ຍາດ​ໄດ້​ທຸງ ໄຊ​ຈາກ​ສູນ​ກາງ​ສະ­ຫະ­ພັນ​ແມ່ ຍິງ​ລາວ 1 ຄັ້ງ ແລະ ຄາດ­ໝາຍ​ສູ້​ຊົນ​ຈະ​ໃຫ້​ໄດ້​ທຸງ­ໄຊ ຄັ້ງ​ທີ 2.

  ກອງ​ປະ­ຊຸມ​ຍັງ​ໄດ້​ມີ​ການ ຄັດ​ເລືອກ​ເອື້ອຍ​ນ້ອງ​ຜູ້​ທີ່​ມີ​ຜົນ ງານ​ດີ­ເດັ່ນ ໃນ​ການ​ເຄື່ອນ ໄຫວ​ວຽກ​ງານ​ຕະ­ຫຼອດ​ໄລ­ຍະ 5 ປີ​ທີ່​ຜ່ານ​ມາ  ຊຶ່ງ​ປະ­ເພດ​ດີ­ເດັ່ນ​ມີ 168 ສະ­ຫາຍ, ປະ­ເພດ​ດີ 72 ສະ­ຫາຍ ແລະ ປະ­ເພດ​ກາງ 3 ສະ­ຫາຍ.

  ໄດ້ຕີ​ລາ­ຄາ​ຄືນ​ຈຸດ​ດີ, ຈຸດ​ອ່ອນ ແລະ ບົດ­ຮຽນ​ທີ່​ຖອດ​ຖອນ​ໄດ້​ໃນ​ໄລ­ຍະ​ຜ່ານ​ມາ. ພ້ອມ​ກັນ​ນັ້ນ, ກໍ​ໄດ້​ກໍາ​ນົດ​ທິດ​ທາງ ແລະ ແຜນ­ການ​ໃນ​ຊຸມ​ປີ​ຕໍ່­ໜ້າ ເປັນ­ຕົ້ນ​ແມ່ນ​ສືບ­ຕໍ່​ເອົາ­ໃຈ​ໃສ່​ນໍາ​ພາ​ດ້ານ​ການ­ເມືອງ-ແນວ​ຄິດ​ໃຫ້​ເອື້ອຍ​ນ້ອງ​ແມ່­ຍິງ ເຊື່ອມ​ຊຶມ​ແນວ­ທາງ​ຂອງ​ພັກ ແລະ ນະ­ໂຍ­ບາຍ​ຂອງ​ລັດ ໂດຍ​ຈັດ ຕັ້ງ​ປະ­ຕິ­ບັດ​ບັນ­ດາ​ມະ​ຕິ​ຄໍາ​ສັ່ງ​ຕ່າງໆ​ຂອງ​ພັກ ແລະ ສສຍລ ວາງ​ອອກ ໄປ​ຄຽງ​ຄູ່​ກັບ​ການ​ປະ ຕິ​ບັດ​ວຽກ​ງານ​ວິ­ຊາ​ສະ­ເພາະ​ຂອງ​ຕົນ​ກໍ​ຄື​ວຽກ​ງານ​ການ​ຕ່າງ ປະ­ເທດ ໂດຍ​ຢຶດ​ໝັ້ນ​ແນວ­ທາງ​ນະ­ໂຍ­ບາຍ​ການ​ຕ່າງ­ປະ­ເທດ: “ສັນ­ຕິ­ພາບ, ເອ­ກະ­ລາດ, ມິດ ຕະ​ພາບ ແລະ ການ​ຮ່ວມ​ມື”.

  ກອງ​ປະ​ຊຸມ​ໄດ້​ປ່ອນ​ບັດ​ຄັດ​ເລືອກ​ເອົາ​ຄະ­ນະ​ບໍ­ລິ­ຫານ​ງານ​ສະ­ຫະ­ພັນ​ແມ່­ຍິງ​ຊຸດ​ໃໝ່ ຈໍາ​ນວນ 11 ສະ­ຫາຍ ໂດຍ​ໄດ້​ເລືອກ​ເອົາ​ສະ­ຫາຍ  ນາງ ຟອງ​ສະ­ໝຸດ ອັ່ນ​ລາ​ວັນ ເປັນ​ປະ­ທານ,  ສະ­ຫາຍ  ນາງ ໄກ​ມະ­ນີ ອໍ­ລະ​ບູນ ເປັນ​ຮອງ​ປະ­ທານ ທັງ​ເປັນ​ປະ­ທານ​ກວດ­ກາ, ສະ­ຫາຍ​ນາງ ຂັນ​ມາ­ລີ ພັນ​ດາ​ນຸ​ວົງ ເປັນ​ຮອງ​ປະ­ທານ.

   ກອງ​ປະຊຸມ​ຍັງ​ໄດ້​ຮັບ​ຟັງ​ການ​ໂອ້​ລົມ​ຂອງ​ປະ­ທານ​ຄະ­ນະ​ບໍ­ລິ­ຫານ​ງານ​ສະ­ຫະ­ພັນ​ແມ່­ຍິງ​ລາວ ເພື່ອ​ເປັນ​ທິດ​ຊີ້​ນໍາ ແລະ ເປັນ​ບ່ອນ​ອີງ​ໃຫ້​ແກ່​ການ​ນໍາ​ພາ​ຈັດ​ຕັ້ງ​ຜັນ​ຂະ­ຫຍາຍ​ມະ ຕິ​ຂອງ​ກອງ​ປະ­ຊຸມ​ໃຫຍ່​ສະ­ຫະ ພັນ​ແມ່­ຍິງ​ກະ­ຊວງ​ການ​ຕ່າງ ປະ­ເທດ ຄັ້ງ​ທີ XI ໃຫ້​ປະ­ສົບ​ຜົນ ສໍາ​ເລັດ​ຕາມ​ຄາດ­ໝາຍ​ທີ່​ວາງ ໄວ້ ພ້ອມ​ນັ້ນ, ຍັງ​ໄດ້​ຮັບ​ຟັງ ການ​ໂອ້​ລົມ​ຂອງ​ສະ­ຫາຍ​ເລ­ຂາ ພັກ​ກະ­ຊວງ​ການ​ຕ່າງ ປະ­ເທດ​ທີ່​ຊີ້​ໃຫ້​ເຫັນ​ຄວາມ​ເອົາ­ໃຈ­ໃສ່​ຂອງ ຄະ­ນະ​ພັກ-ຄະ​ນະ​ນໍາ​ກະ­ຊວງ​ການ​ຕ່າງ­ປະ­ເທດ ໃນ​ການ​ຍົກ​ສູງ​ບົດ­ບາດ​ຍິງ-ຊາຍ ແລະ ສົ່ງ ເສີ​ມ​ຄວາມ​ກ້າວ­ໜ້າ​ຂອງ​ແມ່ ຍິງ,  ໃຫ້​ທິດ​ຊີ້​ນໍາ​ເອື້ອຍ​ນ້ອງ​ແມ່­ຍິງ ໃນ​ການ​ຍົກ​ສູງ​ຄວາມ​ຫ້າວ­ຫັນ, ຄວາມ​ກະ­ຕື­ລື­ລົ້ນ ແລະ ຍົກ​ລະ­ດັບ​ວິ­ຊາ​ສະ­ເພາະ​ຂອງ​ຕົນ ເພື່ອ​ຕອບ​ສະ­ໜອງ​ກັບ​ຄວາມ​ຮຽກ­ຮ້ອງ​ຕ້ອງ­ການ​ຂອງ​ວຽກ​ງານ​ການ​ຕ່າງ­ປະ­ເທດ ໃນ​ໄລ­ຍະ​ໃໝ່.

(ຂ່າວ: ກະ­ຊວງ​ການ​ຕ່າງ ປະ­ເທດ, ພາບ: ແສງ​ຈັນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110