ຫົວ​ຂໍ້ : ອຸດົມໄຊ ແຫ່ຜາສາດເຜິ້ງ ເພ່ືອຖວາຍພະທາດໃຫຍ່ ຣັດຕະນະມ່ິງເມືອງ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 12/02/2020 09:40:22 ຈຳ​ນວນ​ຜູ້​ເຂົ້າ​ຢ້ຽມ​ຊົມ 921 ຄັ້ງ

  ເມືອງໄຊ ແຂວງອຸດົມໄຊ ໄດ້ຈັດຂະບວນແຫ່ຜາສາເຜິ້ງ ຕົ້ນເຜິ້ງ ຕົ້ນກາລະພຶກ ແລະ ເຄື່ອງສັງຂະທານຕ່າງໆ ເພື່ອຖວາຍບູຊາ ແກ່ພະທາດໃຫຍ່ໄຊ ມຸງຄຸນຣັດຕະນະ ມິ່ງເມືອງ ໄດ້ຈັດຂຶ້ນໃນ ຕອນບ່າຍຂອງ ວັນ ທີ 7 ກຸມພາ ຜ່ານມາ ໂດຍມີສາທຸ ໃຫຍ່ວັດພູທາດມ ມີການນຳພັກລັດຂັ້ນເມືອງຂັ້ນແຂວງ ພ້ອມດ້ວຍຍາດໂຍມຈາກພະແນກການມອົງການຕະຫຼອດຮອດເຖົ້າແກ່ແນວ ໂຮມບ້ານພາຍ ໃນເທດສະບານເຂົ້າຮ່ວມ

  ພິທີແມ່ນ ໄດ້ເລີ່ມເຕົ້າໂຮມບັນດາເຄື່ອງສັງຂະທານຢູ່ເດີ່ນກິລາເກົ່າບ້ານນາຫວານນ້ອຍ ແລ້ວໄດ້ແຫ່ຂະບວນຜາສາດເຜິ້ງ ເຂົ້າສູ່ວັດພະທາດໃຫຍ່ໄຊມຸງຄຸນຣັດຕະນະມິ່ງເມືອງ ຢ່າງເປັນ ຂະບວນຟົດຟື້ນມ່ວນຊື່ນ ຊຶ່ງນຳໜ້າ ໂດຍກ້ອນທຸງຊາດ ທຸງສາສະໜາມ ນາງສາວຖືປ້າຍ ພະສົງສາມະເນນຜາສາດເຜິ້ງ ຕົ້ນເຜິ້ງກັນເຄື່ອງສັງຂະທານ ແລະ ມວນຊົນ ຕາມລຳດັບເມື່ອໄປເຖິງພະທາດໃຫຍ່ຣັດຕະນະ ມິ່ງເມືອງ ແລ້ວຕາງໜ້າການນຳ ເມືອງ ໄຊ ກໍໄດ້ຈູດທຽນໄຊ ເພື່ອ ໄຫວພະຣັດຕະນະໄຕແລ້ວ ເຂົ້າສູ່ພິທີທາງສາສະ ໜາໄຫວ້ພະ ຮັບສິນຖວາຍຜາສາດເຜິ້ງ ແລະ ສັງຂະ ທານຕ່າງໆ

  ທັງນີ້ກໍເພື່ອເປັນການສືບທອດຮີດຄອງປະເພນີອັນດີງາມ ທີ່ບັນພະບູລຸດ ແລະ ເພື່ອອະນຸລັກວັດທະນະທຳ ເອົາໄວ້ທັງເປັນການ ເຕົ້າໂຮມຄວາມສາມັກຄີ ຂອງພໍ່ແມ່ ປະຊາຊົນກໍຄືຊາວພຸດທະ ສາສະໜາ ໃນການສ້າງບຸນກຸສົນບຸນບາລະມີຄຸນງາມຄວາມດີ ໃຫ້ ແກ່ຕົນເອງ ແລະ ທັງເປັນການສົ່ງເສີມການທ່ອງທ່ຽວ ທາງດ້ານວັດທະນະ ທຳຮີດຄອງປະເພນີຂອງຊາດລາວໄວ້

ຂ່າວ -ພາບ ແສງ ອາທິດ

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110