ຫົວ​ຂໍ້ : ນວ ໄດ້ແຊັມເຕະບານອຸ່ນເຄື່ອງກ່ອນ ຊຽງຂວາງເກມ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 13/02/2020 09:10:34 ຈຳ​ນວນ​ຜູ້​ເຂົ້າ​ຢ້ຽມ​ຊົມ 357 ຄັ້ງ

  ການ​ແຂ່ງຂັນ​ກິລາ​ເຕະບານ​ມິດຕະພາບ 4 ທີມ ເພື່ອ​ກຽມ​ຄວາມ​ພ້ອມ ແລະ ທົດ​ສອບ​ທີ​ມ​ກ່ອນ​ເຂົ້າ​ຮ່ວມ​ການ​ແຂ່ງຂັນ​ກິລາ​ເຕະບານ​ຊາຍ ທີ່​ງານ​ມະ​ຫະ​ກຳ​ກິລາ​ແຫ່ງ​ຊາດ ຄັ້ງ​ທີ 11 ຫຼື ຊຽງ​ຂວາງ ເກມ ທີ່​ແຂວງ​ຊຽງ​ຂວາງ​ເປັນ​ເຈົ້າພາບ ລະຫວ່າງ​ວັນ​ທີ 22 ມີນາ ຫາ ​ວັນ​ທີ 1 ເມສາ 2020 ໂດຍ​ມີ 4 ທີ​ມ​ຄື: ນະຄອນຫຼວງ​ວຽງ​ຈັນ (ນວ) ເຈົ້າພາບ, ແຂວງ​ຊຽງ​ຂວາງ, ແຂວງ​ສະຫວັນ​ນະ​ເຂດ ຮອງ​ແຊັມ​ກິລາ​ແຫ່ງ​ຊາດ ຄັ້ງ​ທີ X ອຸດົມ​ໄຊ​ເກມ ປີ 2014 ແລະ ແຂວງ​ຜົ້ງ​ສາລີ ຊຶ່ງ​ຮູບ​ແບບ​ການ​ແຂ່ງຂັນ​ແມ່ນ​ພົບ​ກັນ​ໝົດ ແລ້ວ​ເອົາ 2 ທີ​ມ​ທີ່​ມີ​ຜົນງານ​ດີ​ທີ່​ສຸດ​ເຂົ້າ​ຊີງ​ຊະນະ​ເລີດ ແຂ່ງ​ທີ່​ສະໜາມກິລາ​ເຈົ້າ​ອານຸວົງ  ນວ ລະຫວ່າງ​ວັນ​ທີ 4 ຫາ​ວັນ​ທີ 8 ກຸມພາ 2020.
  ນັດ​ຊີງ​ຊະນະ​ເລີດ ວັນ​ທີ 8 ກຸມພາຜ່ານ​ມາ ທີມ ນວ ເອົາ​ຊະນະ ແຂວງ​ຊຽງ​ຂວາງ 4-0 ປະຕູ​ຈາກ ບຸນ​ພະຈັນ ບຸນ​ກອງ, ຄຳ​ມະນີ ທອງ​ດາ​ ວົງ, ພູທອນ  ອິ​ນາ​ໄລ ແລະ ໂຈ​ນີ້ ແຫວນ​ປະເສີດ ນວ ຄວ້າ​ແຊັມ​ຮັບ​ຂັນ​ເຈົ້າ​ຄອງ ນວ ພ້ອມ​ເງິນ​ລາງວັນ 10 ລ້ານ​ກີບ, ແຂວງ​ຊຽງ​ຂວາງ ຮອງ​ແຊັມ​ຮັບ​ເງິນ​ລາງວັນ 7 ລ້ານ​ກີບ, ຂະນະ​ທີ່​ອັນ​ດັບ 3 ຮ່ວມ ແຂວງ​ສະຫວັນ​ນະ​ເຂດ ແລະ ແຂວງ​ຜົ້ງ​ສາລີ ຮັບ​ເງິນ​ລາງວັນ 4 ລ້ານ​ກີບ.
  ສຳລັບ​ຜົນງານ​ໃນ​ຮອບ​ຄັດ​ເລືອກ​ທັງ 4 ທີມ: ນັດ​ທີ 1 ນວ ເອົາ​ຊະນະ ຊຽງ​ຂວາງ 3-2, ສະຫວັນ​ນະ​ເຂດ ເອົາ​ຊະນະ ຜົ້ງ​ສາລີ 2-1, ນັດ​ທີ 2 ນວ ເອົາ​ຊະນະ ສະຫວັນ​ນະ​ເຂດ 2-0, ຊຽງ​ຂວາງ ເອົາ​ຊະນະ ຜົ້ງ​ສາລີ 1-0, ນັດ​ທີ 3 ນວ ເອົາ​ຊະນະ ຜົ້ງ​ສາລີ 2-1, ຊຽງ​ຂວາງ ເອົາ​ຊະນະ ສະຫວັນ​ນະ​ເຂດ 1-0. 
(ຂ່າວ: ວົງຈອນກິລາ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110