ຫົວ​ຂໍ້ : ສານສະແດງຄວາມເຫັນໃຈ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 26/03/2020 08:37:19 ຈຳ​ນວນ​ຜູ້​ເຂົ້າ​ຢ້ຽມ​ຊົມ 464 ຄັ້ງ

  ທ່ານ ບຸນ​ຍັງ ວໍລະ​ຈິດ ປະທານ​ປະເທດ ແຫ່ງ ສປປ ລາວ ໄດ້​ສົ່ງ​ສານ​ສະແດງ​ຄວາມ​ເຫັນໃຈເຖິງ ທ່ານ ຮາ​ຊານ ຣູ​ຮາ​ນີ ປະທານາທິບໍດີ ແຫ່ງ ສາທາລະນະ​ລັດ ອິດ​ສະ​ລາມ ອີ​ຣານ ເມື່ອ​ບໍ່​ດົນ​ມາ​ນີ້ ທີ່ ເຕ​ຮາ​ຣານ, ເນື້ອ​ໃນ​ສານ​ລະບຸ​ວ່າ: 
  ຂ້າພະເຈົ້າ​ໄດ້​ຕິດຕາມ​ຢ່າງ​ໃກ້ຊິດ​ດ້ວຍ​ຄວາມ​ເປັນ​ຫ່ວງ ຕໍ່​ກັບ​ສະພາບ​ການ​ແຜ່​ລະບາດ​ຂອງ​ພະຍາດ​ອັກເສບ​ປອດ​ຈາກ​ເຊື້ອ​ຈຸ​ລະ​ໂຣກ​ສາຍ​ພັນ​ໃໝ່ (COVID-19) ທີ່​ປັດຈຸບັນ ໄດ້​ແຜ່​ລາມ​ໄປ​ຢ່າງ​ໄວວາ ຢູ່​ສາທາລະນະ​ລັດ ອິດ​ສະ​ລາມ ອີ​ຣານ ຊຶ່ງ​ເຮັດ​ໃຫ້​ມີ​ຜູ້​ເສຍ​ຊີ​ວິດ​ຈໍາ​ນວນ​ຫຼາຍລວມ​ທັງ​ການ​ນໍາ​ຂັ້ນ​ສູງຂອງ​ອີ​ຣານ ກໍ​ຄື​ສົ່ງ​ຜົນ​ກະທົບ​ຕໍ່​ການ​ດໍາ​ລົງ​ຊີວິດຂອງ​ປະຊາຊົນ​ອີ​ຣານໃນ​ທົ່ວ​ປະ​ເທດ.
  ໃນ​ນາມ​ລັດຖະບານ ແລະ ປະຊາຊົນ​ລາວ ກໍຄື​ໃນ​ນາມ​ສ່ວນ​ຕົວ, ຂ້າພະເຈົ້າ​ຂໍ​ສະແດງ​ຄວາມ​ເຫັນໃຈ ແລະ ເສົ້າ​ສະຫຼົດ​ໃຈ​ຢ່າງ​ສຸດ​ຊຶ້ງ​ມາ​ຍັງທ່ານ, ລັດຖະບານ ແລະ ປະຊາຊົນ​ອີ​ຣານ ໂດຍ​ສະເພາະ​ຄອບຄົວ​ຂອງ​ຜູ້​ເສຍ​ຊີວິດ​ຈາກ​ພະຍາດ COVID-19 ດັ່ງ​ກ່າວ. 
  ຂ້າພະເຈົ້າ​ເຊື່ອ​ໝັ້ນ​ຢ່າງ​ແຮງ​ກ້າ​ວ່າ ພາຍ​ໃຕ້​ການ​ຊີ້​ນຳ​ຢ່າງ​ໃກ້ຊິດ​ຂອງທ່ານ ແລະ ການ​ປະຕິບັດ​ມາດ​ຕະການ​ທີ່​ມີ​ປະສິດທິພາບ​ຕ່າງໆຂອງ​ລັດຖະບານ, ສາທາລະນະ​ລັດ ອິດ​ສະ​ລາມ ອີ​ຣານ ຈະ​ສາມາດ​ຄວບ​ຄຸມ ແລະ ຈຳກັດ​ການ​ລະບາດ ຂອງ​ເຊື້ອ​ພະຍາດ​ດັ່ງກ່າວ ແລະ ຟື້ນ​ຟູ​ຊີວິດ​ການ​ເປັນ​ຢູ່ຂອງ​ປະຊາຊົນ​ອີ​ຣານໃຫ້​ກັບ​ຄືນ​ສູ່​ສະພາບ​ປົກກະຕິ​ໂດຍ​ໄວ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110