Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.


ຫົວ​ຂໍ້ : ຄະນະບໍລິຫານງານສູນກາງພັກ ປປ ລາວ ສົ່ງສານອວຍພອນ ຄະນະບໍລິຫານງານສູນກາງພັກກອມມູນິດຫວຽດນາມ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 29/04/2020 18:20:13 ຈຳ​ນວນ​ຜູ້​ເຂົ້າ​ຢ້ຽມ​ຊົມ 2787 ຄັ້ງ

  ເນື່ອງ​ໃນ​ໂອກາດ​ວັນ​ປົດ​ປ່ອຍ​ພາກ​ໃຕ້ ແລະ ທ້ອນໂຮມ​ປະເທດ​ຫວຽດນາມ ເປັນ​ອັນ​ໜຶ່ງ​ອັນ​ດຽວ ຄົບຮອບ 45 ປີ (30/4/1975-30/4/2020),ຄະນະ​ບໍລິຫານ​ງານ​ສູນ​ກາງ​ພັກ​ປະຊາຊົນ ປະຕິວັດ​ລາວ ​ໄດ້​ສົ່ງ​ສານ​ອວຍພອນ​ເຖິງ​ຄະນະ​ບໍລິຫານ​ງານ​ສູນ​ກາງ​ພັກ​ກອມ​ມູ​ນິດ​ຫວຽດນາມ ​ເມື່ອ​ວັນ​ທີ 29 ເມສາ 2020 ນີ້. ເນື້ອ​ໃນ​ຂອງ​ສານ​ອວຍພອນ​ມີ​ດັ່ງນີ້:

  ໃນ​ນາມ​ຄະນະ​ບໍລິຫານ​ງານ​ສູນ​ກາງ​ພັກ​ປະຊາຊົນ ປະຕິວັດ​ລາວ ແລະ ປະຊາຊົນ​ລາວ​ບັນດາເຜົ່າ​ໃນ​ທົ່ວ​ປະເທດ, ພວກ​ຂ້າພະເຈົ້າ​ຂໍ​ສົ່ງ​ຄໍາ​ອວຍພອນ​ໄຊ​ອັນ​ປະເສີດ ແລະ ໄມຕີ​ຈິດ​ມິດຕະພາບ​ອັນ​ສະໜິດສະໜົມຖານ​ສະຫາຍ​ອ້າຍ​ນ້ອງ ມາ​ຍັງ​ຄະນະ​ບໍລິຫານ​ງານ​ສູນ​ກາງ​ພັກ​ກອມ​ມູ​ນິດຫວຽດນາມ ແລະ ປະຊາຊົນ ຫວຽດນາມ ອ້າຍ​ນ້ອງ​ທຸກ​ຖ້ວນ​ໜ້າ.

  ພັກ​ປະຊາຊົນ ປະຕິວັດ​ລາວ ແລະ ປະຊາຊົນ​ລາວ ບັນດາເຜົ່າ ມີ​ຄວາມ​ເອກອ້າງ​ທະ​ນົງ​ໃຈ​ເປັນ​ຢ່າງ​ຍິ່ງ​ ທີ່​ເຫັນ​ວ່າກ່ອນ​ໜ້າ​ນີ້ 45 ປີ ຄື​ວັນ​ທີ 30 ເມສາ 1975 ໂດຍ​ປະຕິບັດ​ຕາມ​ຄວາມ​ ມຸ້ງ​ຫວັງ​ອັນ​ສູງ​ສຸດ​ຂອງປະທານ ໂຮ່​ຈິມິນ ຜູ້​ນໍາ​ທີ່​ຍິ່ງ​ໃຫຍ່, ພາຍ​ໃຕ້​ການ​ນຳພາ​ອັນ​ສະຫຼາດ​ສ່ອງ​ໃສ​ຂອງ​ພັກ​ກອມ​ມູ​ນິດຫວຽດນາມ​ ແລະ​ ດ້ວຍ​ພະລັງ​ແຮງ​ແຫ່ງ​ກ້ອນ​ກຳລັງ​ສາມັກຄີ​ເປັນ ​ປຶກ​ແຜ່ນ​ຂອງ​ທົ່ວ​ປວງ​ຊົນ​ທັງ​ຊາດ, ປະ-ຊາ-ຊົນ​ຫວຽດນາມ​ ສາມາດ​ຍາດ​ໄດ້​ໄຊ-ຊະນະ​ອັນ​ຍິ່ງ​ໃຫຍ່​ສະຫວ່າງ​ສະໄຫວ​ໃນ​ບັ້ນ​ຮົບ​ໂຮ​່ຈິມິນ, ປົດ​ປ່ອຍປະ​ເທດ​ຕົນ​ຢ່າງ​ສົມບູນ ແລະ ສໍາ​ເລັດ​ພາ​ລະ​ກໍາ​ໃນ​ການ​ທ້ອນໂຮມ​ປະເທດຫວຽດນາມ ໃຫ້​ເປັນ​ອັນ​ໜຶ່ງ​ອັນ​ດຽວ. ຕໍ່​ມາ ພັກ​ກອມ​ມູ​ນິດ​ຫວຽດນາມ ຜູ້​ມີ​ກຽດ​ສະຫງ່າ​ໄດ້​ສືບຕໍ່​ນຳພາ​ປະຊາຊົນ​ຫວຽດນາມ ຜ່ານ​ຜ່າ​ບັນດາ​ຂໍ້​ຫຍຸ້ງຍາກ ແລະ ສິ່ງ​ທ້າ​ທາຍ​ນາໆ​ປະ-ການ​ສ້າງ-ສາ​ພັດ-ທະ-ນາ​ປະ-ເທດ ເພື່ອ​ຄວາມ​ສົມ-ບູນ​ພູນ​ສຸກ​ຂອງ​ປະຊາຊົນ, ປົກ​ປັກ​ຮັກສາໝາກຜົນ​ຂອງ​ການ​ປະຕິວັດ​ໄວ້​ໄດ້​ຢ່າງ​ໝັ້ນຄົງ​ແລະ​ປະຕິບັດ​ແນວທາງ​ການ​ປ່ຽນແປງ​ໃໝ່​ເພື່ອ​ນຳ​ເອົາ​ປະເທດ​ກ້າວ​ຂຶ້ນ​ຢ່າງ​ບໍ່​ຢຸດ​ຢັ້ງ.

  ພັກ​ປະຊາຊົນ ປະຕິວັດ​ລາວ ແລະ ປະຊາຊົນ​ລາວ ບັນດາເຜົ່າ​ມີ​ຄວາມ​ປິ​ຕິ​ຊົມຊື່ນ​ ແລະ​ ຕີ​ລາຄາ​ສູງ​ຕໍ່​ບັນດາ​ຜົນສຳເລັດ ແລະ ໄຊຊະນະ​ອັນ​ໃຫຍ່​ຫຼວງ, ຮອບດ້ານ​ແລະ​ມີ​ຄວາມ​ໝາຍ​ປະ-ຫວັດ-ສາດ​ທີ່ ປະ-ຊາ-ຊົນ ຫວຽດ-ນາມ ອ້າຍ​ນ້ອງ​ຍາດ​ມາ​ໄດ້​ໃນ​ທຸກ​ຂົງເຂດ​ວຽກ​ງານ​ຕະຫຼອດ​ໄລຍະ​ທີ່​ຜ່ານ​ມາ ໂດຍ​ພາຍ​ໃຕ້​ການ​ນຳພາ​ອັນ​ສະຫຼາດ​ສ່ອງ​ໃສ, ຖືກຕ້ອງ​ຂອງ​ພັກ​ກອມ​ມູ​ນິດຫວຽດນາມ, ໂດຍ​ສະເພາະ​ແມ່ນ​ບັນດາ​ຜົນສຳເລັດ​ຮອບດ້ານ​ໃນ​ພາລະກິດ​ແຫ່ງ​ການ​ປ່ຽນແປງ​ໃໝ່​ຂອງ​ຫວຽດນາມ, ອັນ​ໄດ້​ເຮັດ​ໃຫ້​ ສສ​ ຫວຽດນາມ​ ມີ​ສະຖຽນ​ລະ​ພາບ​ທາງ​ດ້ານ​ການເມືອງ​ຢ່າງ​ໜັກ​ແໜ້ນ; ເສດຖະກິດ​ມີ​ການ​ຂະຫຍາຍຕົວ​ດ້ວຍ​ຈັງຫວະ​ສູງ​ແລະ​ຕໍ່​ເນື່ອງ; ຊີວິດ​ການ​ເປັນ​ຢູ່​ຂອງ​ປະຊາຊົນ ໄດ້​ຮັບ​ການ​ປັບປຸງ​ດີ​ຂຶ້ນ​ເລື້ອຍໆ; ການ​ປ້ອງ​ກັນ​ຊາດ, ປ້ອງ​ກັນ​ຄວາມ​ສະ-ຫງົບ​ມີ​ຄວາມ​ເຂັ້ມ-ແຂງ; ການ​ພົວພັນ​ຮ່ວມ​ມື​ກັບ​ຕ່າງ-ປະ-ເທດ​ໄດ້​ຮັບ​ການ​ເປີດ​ກວ້າງ, ບົດ-ບາດ​ອິດ​ທິ​ພົນ​ຂອງ​ພັກ​ກອມ​ມູ​ນິດ ຫວຽດນາມ, ສາທາລະນະ​ລັດ ສັງຄົມ​ນິຍົມ​ຫວຽດນາມ​ນັບ​ມື້​ນັບ​ສູງ​ເດັ່ນ​ຂຶ້ນ​ໃນ​ເວທີ​ພາກ​ພື້ນ ແລະ ສາ​ກົນ. ພວກ​ຂ້າພະເຈົ້າ​ຂໍ​ສະແດງ​ຄວາມ​ຊົມເຊີຍ​ຢ່າງ​ສຸດ​ອົກ​ສຸດ​ໃຈ ​ແລະ ​ຖື​ບັນດາ​ໄຊຊະນະ​ດັ່ງກ່າວ​ເປັນ​ເໝືອນ​ດັ່ງ​ຂອງ​ຕົນ​ເອງ, ທັງ​ເປັນ​ກຳລັງ​ໃຈ​ອັນ​ແຮງ​ກ້າ​ໃຫ້​ແກ່​ພວກ​ຂ້າພະເຈົ້າ ໃນ​ການ​ນຳ-ພາ​ລະ​ກິດ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ​ຂອງ​ຕົນ. ພວກ​ຂ້າພະເຈົ້າ ເຊື່ອ​ໝັ້ນ​ຢ່າງ​ໜັກ​ແໜ້ນ​ວ່າ, ພາຍ​ໃຕ້​ການ​ນຳພາ​ອັນ​ສະ-ຫຼາດ​ສ່ອງ​ໃສ ​ແລະ ​ຖືກຕ້ອງ​ຂອງ​ພັກ​ກອມ​ມູ​ນິດ ຫວຽດນາມ ອັນ​ມີ​ສະຫາຍ ຫ​ງວຽນ​ຟູ​ຈ້ອງ ເລ-ຂາ-ທິ-ການ​ໃຫຍ່​ຄະນະ​ບໍລິຫານ​ງານ​ສູນ​ກາງ​ພັກ ປະທານ​ປະເທດ ແຫ່ງ ສສ ຫວຽດນາມ ເປັນ​ຜູ້ນຳ​ໜ້າ​ນັ້ນ, ບັນດາ​ສະຫາຍ​ຈະ​ສືບຕໍ່​ຍາດ​ໄດ້ຜົນ​ສຳເລັດ​ໃໝ່​ໃຫຍ່​ຫຼວງ​ກວ່າ​ເກົ່າ ໃນ​ການ​ປະ-ຕິບັດ​ມະຕິ​ກອງ​ປະ-ຊຸມ​ໃຫຍ່ ຄັ້ງ​ທີ 12 ຂອງ​ພັກ ແລະ ກ້າວ​ໄປ​ສູ່​ການ​ດໍາ​ເນີນ​ກອງ​ປະຊຸມ​ໃຫຍ່ ຄັ້ງ​ທີ 13 ຂອງ​ພັກ ໃນ-ຕໍ່-ໜ້າ​ຢ່າງ​ມີ​ຜົນ​ສໍາ​ເລັດ; ສືບຕໍ່​ຫັນ​ ສສ​ ຫວຽດນາມ​ ເປັນ​ປະເທດ​ອຸດສາຫະກຳ​ຕາມ​ທິດ​ທັນ​ສະໄໝ​ ແລະ ​ບັນລຸ​ເປົ້າ​ໝາຍເຮັດ​ໃຫ້​ປະຊາ-ຊົນ​ຮັ່ງມີ​ຜາ​ສຸກ, ປະ-ເທດ​ຊາດ​ມັ່ງ​ຄັ່ງ​ເຂັ້ມແຂງ, ປະຊາທິປະໄຕ, ຍຸຕິ​ທຳ, ສີ​ວິ​ໄລ.

  ພວກ​ຂ້າພະເຈົ້າ ມີ​ຄວາມ​ພາກພູມ​ໃຈ​ເປັນ​ຢ່າງ​ຍິ່ງ ທີ່​ເຫັນ​ວ່າ​ຕະຫຼອດ​ໄລຍະ​ທີ່​ຜ່ານ​ມາ ເຖິງ​ແມ່ນ​ວ່າ ສະ-ພາບ​ການ​ຂອງ​ໂລກ​ຈະ​ມີ​ການ​ຜັນ​ແປ​ໄປ​ຢ່າງ​ໄວວາ​ ແລະ​ ສັບສົນ, ສົ່ງ​ຜົນ​ກະທົບ​ຕໍ່​ການ​ພັດທະນາ​ຢູ່​ແຕ່​ລະ​ປະເທດ, ສອງ​ພັກ, ສອງ​ປະ-ເທດ​ຂອງ​ພວກ​ເຮົາ​ກໍ່​ພວມ​ປະ​ເຊີນ​ໜ້າ​ກັບ​ບັນດາ​ຂໍ້​ຫຍຸ້ງຍາກ​ບໍ່​ໜ້ອຍ, ແຕ່​ສາຍ​ພົວ-ພັນ​ມິດ-ຕະ-ພາບ​ອັນ​ຍິ່ງ​ໃຫຍ່, ຄວາມ​ສາມັກຄີ​ພິເສດ ແລະ ການ​ຮ່ວມ​ມື​ຮອບດ້ານ ລະຫວ່າງ ສອງ​ພັກ, ສອງ​ລັດ ແລະ ປະຊາຊົນ​ສອງ​ຊາດ ລາວ​-​ຫວຽດນາມ ສືບຕໍ່​ນັບ​ມື້​ນັບ​ໄດ້​ຮັບ​ການ​ເສີມ​ຂະຫຍາຍ​ຢ່າງ​ບໍ່​ຢຸດ​ຢັ້ງ​ ແລະ​ ນຳ​ເອົາ​ຜົນ​ປະໂຫຍດ​ຕົວ​ຈິງ ມາ​ໃຫ້​ແກ່​ປະຊາຊົນ​ສອງ​ຊາດ​ພວກ​ເຮົາ ນັບ​ມື້​ນັບ​ຫຼາຍ.

  ເນື່ອງ​ໃນ​ໂອກາດ​ອັນ​ສະຫງ່າ​ລາສີ​ນີ້, ພວກ​ຂ້າພະເຈົ້າ ຂໍ​ສະແດງ​ຄວາມ​ຮູ້​ບຸນຄຸນ​ຢ່າງ​ເລິກເຊິ່ງ ແລະ ຄວາມ​ຂອບ​ອົກ​ຂອບໃຈ​ຢ່າງ​ຈິງ​ໃຈ​ມາ​ຍັງ​ພັກ, ລັດ ແລະ ປະຊາຊົນຫວຽດນາມ ອ້າຍ​ນ້ອງ​ທີ່​ໄດ້​ໃຫ້ການ​ຊ່ວຍເຫຼືອ​ອັນ​ໃຫຍ່​ຫຼວງ, ລ້ຳ​ຄ່າ, ມີ​ປະສິດ​ທິ​ຜົນ​ແລະ​ທັນ​ການ​ແກ່​ປະຊາຊົນ​ລາວ ພວກ​ຂ້າພະເຈົ້າ ບົນ​ຈິດໃຈ​ສະຫາຍ​ອ້າຍ​ນ້ອງ, ແບບ​ເຂົ້າ​ເມັດ​ຫັກ​ຜັກ​ເສັ້ນ​ແບ່ງ, ບໍລິສຸດ​ຜຸດ​ພ່ອງ ແກ່​ພາລະກິດ​ການ​ປະຕິວັດ​ຂອງ​ລາວ ຕະຫຼອດ​ມາ.

  ຂໍ​ອວຍ-ພອນ​ໃຫ້​ສາຍ​ພົວພັນ​ມິດຕະພາບ​ອັນ​ຍິ່ງ​ໃຫຍ່, ຄວາມ​ສາມັກຄີ​ພິເສດ ແລະ ການ​ຮ່ວມ​ມື​ຮອບດ້ານ​ລະຫວ່າງ ສອງ​ພັກ, ສອງ​ລັດ ແລະ ປະຊາຊົນ​ສອງ​ຊາດ ລາວ​-​ຫວຽດນາມ ຈົ່ງ​ໝັ້ນຄົງ​ຂະໜົງ​ແກ່ນ ແລະ ສວຍ​ສົດ​ງົດ​ງາມ​ຕະຫຼອດ​ໄປ.

  ໃນ​ໂອກາດ​ດຽວ​ກັນ​ນີ້, ສະຫາຍ​ນາງ ສູນ​ທອນ ໄຊ​ຍະ​ຈັກ ກໍາ​ມະ​ການ​ສູນ​ກາງ​ພັກ ຫົວໜ້າ​ຄະນະ​ພົວພັນ​ຕ່າງປະເທດ​ສູນ​ກາງ​ພັກ ​ປປ​ ລາວ ກໍ່​ໄດ້​ສົ່ງ​ສານ​ອວຍພອນ​ເຖິງ ສະຫາຍ ຮ່ວງ​ບິ່ງ​ກວັນ ກໍາ​ມະ​ການ​ສູນ​ກາງ​ພັກ ຫົວໜ້າ​ຄະນະ​ພົວພັນ​ຕ່າງປະເທດ​ສູນ​ກາງ​ພັກ​ກອມ​ມູ​ນິດຫວຽດນາມ​ເຊັ່ນ​ດຽວ​ກັນ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110