ຫົວ​ຂໍ້ : ສານຊົມເຊີຍ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 14/10/2020 09:01:50 ຈຳ​ນວນ​ຜູ້​ເຂົ້າ​ຢ້ຽມ​ຊົມ 554 ຄັ້ງ

ພະນະ​ທ່ານ ທອງ​ລຸນ ສີ​ສຸ​ລິດ ນາ​ຍົກ​ລັດຖະມົນຕີ​ເຮົາ ໄດ້​ສົ່ງ​ສານ​ຊົມເຊີຍ​ເຖິງ ພະນະ​ທ່ານ ອາ​ເລັກ​ຊັງ​ເດີ ເດິ ໂຄຣ ນາຍົກລັດຖະມົນຕີ ແຫ່ງ ລາ​ຊະ​ອານາຈັກ ແບນ​ຊິກ ທີ່ ບຣຸກ​ແຊນ  ຊຶ່ງ​ມີ​ເນື້ອ​ໃນ​ວ່າ:  ພະນະ​ທ່ານ, ຂ້າພະເຈົ້າ ຮູ້ສຶກ​ເປັນ​ກຽດ ແລະ ຍິນດີ​ສົ່ງ​ຄຳ​ຊົມເຊີຍ​ອັນ​ຈິງ​ໃຈ ມາ​ຍັງ ພະນະ​ທ່ານ ເນື່ອງ​ໃນ​ໂອກາດ​ທີ່​ພະນະ​ທ່ານ ໄດ້​ຮັບ​ການ​ແຕ່ງຕັ້ງ​ໃຫ້​ດຳລົງ​ຕຳແໜ່ງ​ເປັນ​ນາຍົກ ລັດ​ຖະມົນຕີ ແຫ່ງ ລາ​ຊະ​ອານາຈັກ ແບນ​ຊິກ.
ຂ້າພະເຈົ້າ ເຊື່ອ​ໝັ້ນ​ວ່າ​ ພາຍ​ໃຕ້​ການ​ນຳພາ ຂອງ ພະນະ​ທ່ານ, ສາຍ​ພົວພັນ​ມິດຕະພາບ ແລະ ການ​ຮ່ວມ​ມື​ອັນ​ເປັນ​ມູນເຊື້ອ ລະຫວ່າງ ສອງ​ປະເທດ ແລະ ສອງ​ລັດຖະບານ​ພວກ​ເຮົາ ຈະ​ໄດ້​ຮັບ​ການ​ຮັດ​ແໜ້ນ ແລະ ເສີມ​ຂະຫຍາຍ​ຍິ່ງໆ​ຂຶ້ນ ເພື່ອ​ຜົນ​ປະໂຫຍດ​ຂອງ​ປະຊາຊົນ​ສອງ​ຊາດ ກໍຄື ເພື່ອ​ສັນຕິພາບ, ສະຖຽນ​ລະ​ພາບ ແລະ ການ​ຮ່ວມ​ມື​ເພື່ອ​ການ​ພັດທະນາ ໃນ​ພາກ​ພື້ນ​ຂອງ​ພວກ​ເຮົາ ແລະ ໃນ​ທົ່ວ​ໂລກ.
ຂ້າພະເຈົ້າ ຂໍ​ຖື​ໂອກາດ​ນີ້​ອວຍພອນ ພະນະ​ທ່ານ ຈົ່ງ​ມີ​ສຸຂະພາບ​ເຂັ້ມແຂງ, ພະ​ລາ​ນາ​ໄມ​ສົມບູນ ແລະ ​ປະສົບ​ຜົນ​ສໍາ​ເລັດ​ທຸກ​ປະການ​ໃນ​ໜ້າທີ່​ອັນ​ສູງ​ສົ່ງຂອງພະນະ​ທ່ານ.
ໃນ​ໂອກາດ​ດຽວ​ກັນ, ພະນະ​ທ່ານ ສະເຫຼີມ​ໄຊ ກົມ​ມະ​ສິດ ລັດຖະມົນຕີ​ກະຊວງ​ການ​ຕ່າງ ປະເທດ​ເຮົາ ກໍ​ໄດ້​ສົ່ງ​ສານ​ຊົມເຊີຍ​ເຖິງ​ຄູ່​ຮ່ວມ​ຕຳແໜ່ງ ແຫ່ງ​ ລາ​ຊະ​ອານາຈັກ ແບນ​ຊິກ ເຊັ່ນ​ດຽວ​ກັນ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110