ຫົວ​ຂໍ້ : ສານສະແດງຄວາມເສົ້າສະຫຼົດໃຈ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 12/01/2021 09:33:58 ຈຳ​ນວນ​ຜູ້​ເຂົ້າ​ຢ້ຽມ​ຊົມ 628 ຄັ້ງ

ທ່ານ ບຸນ​ຍັງ ວໍລະ​ຈິດ ປະທານ​ປະເທດ ແຫ່ງ ສປປ ລາວ ໄດ້​ສົ່ງ​ສານ​ສະແດງ​ຄວາມ​ເສົ້າ​ສະຫຼົດ​ໃຈ ເຖິງ ທ່ານ ເດ​ວິດ ເຮີ​ເລ ຜູ້​ສຳເລັດ​ຣາ​ຊະ​ການ ແຫ່ງ ເຄືອ​ຈັກກະ​ພົບ ອົສ​ຕຣາ​ລີ ເມື່ອ​ບໍ່​ດົນ​ມາ​ນີ້ ທີ່ ແຄນ​ເບີ​ຣາ, ເນື້ອ​ໃນ​ສານ​ລະບຸ​ວ່າ:

ຂ້າພະເຈົ້າ ຂໍ​ສະແດງ​ຄວາມ​ເສົ້າ​ສະ​ຫຼົດ​ໃຈ​ຢ່າງ​ສຸດ​ຊຶ້ງ ທີ່​ໄດ້​ຮັບ​ຂ່າວ​ການ​ຈາກ​ໄປ​ຂອງ ທ່ານ ພົນ​ຕີ ໄມ​ໂຄ ເຈ​ບ​ເຟີ​ຣີ ອະ​ດີດ​ຜູ້​ສຳເລັດ​ຣາ​ຊະ​ການ ແຫ່ງ ເຄືອ​ຈັກກະ​ພົບ ອົສ​ຕຣາ​ລີ ໃນ​ວັນ​ທີ 18 ທັນວາ 2020 ທີ່​ຜ່ານ​ມາ.

ການ​ຈາກ​ໄປ​ຂອງ ທ່ານ ພົນ​ຕີ ໄມ​ໂຄ ເຈ​ບ​ເຟີ​ຣີ ແມ່ນ​ການ​ສູນ​ເສຍ​ອັນ​ໃຫຍ່​ຫຼວງ​ຂອງ​ລັດຖະບານ ແລະ ປະຊາຊົນ​ອົສຕຣາ​ລີ ທີ່​ໄດ້​ສູນ​ເສຍ​ລັດ​ຖະ​ບູ​ລຸ​ດ​ຜູ້​ມີ​ຄຸນງາມຄວາມດີ ແລະ ແສນ​ເຄົາລົບ​ຮັກ​ຂອງ​ປະຊາຊົນ ອົ​ສ​ຕຣາ​ລີ. ຂ້າພະເຈົ້າ ຕາງໜ້າ​ໃຫ້​ລັດຖະບານ ແລະ ປະຊາຊົນ ແຫ່ງ ສາທາລະນະ​ລັດ ປະຊາທິປະໄຕ ປະຊາຊົນ​ລາວ ຂໍ​ສົ່ງ​ຄວາມ​ໄວ້​ອາໄລ​ຢ່າງ​ສຸດ​ຊຶ້ງ ແລະ ແບ່ງ​ເບົາ​ຄວາມທຸກ​ໂສກ ມາ​ຍັງທ່ານ ແລະ ຜ່ານ ທ່ານ ໄປ​ຍັງ ຄອບຄົວ​ຂອງທ່ານ ພົນ​ຕີ ໄມ​ໂຄ ເຈ​ບ​ເຟີ​ຣີ, ລັດຖະບານ ແລະ ປະຊາຊົນ ອົສ​ຕຣາ​ລີ ມານະ​ໂອກາດ​ນີ້​ດ້ວຍ.

ຂໍ​ໃຫ້​ດວງ​ວິນ​ຍານ ຂອງ ທ່ານ ພົນ​ຕີ ໄມ​ໂຄ ເຈ​ບ​ເຟີ​ຣີ ຈົ່ງ​ໄປ​ສູ່​ສຸ​ຂະ​ຕິ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ

ສະ​ແດງ​ຄວາມ​ຄິດ​ເຫັນ

ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ