ໜັງສືພິມ ປະຊາຊົນ

ຫົວຂໍ້ : ສະຫາຍ ຣາອູນ ກາສໂຕຣ ຣຸສ ສົ່ງສານຊົມເຊີຍເຖິງ ສະຫາຍ ທອງລຸນ ສີສຸລິດ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 01/02/2021 09:09:24 ຈຳນວນຜູ້ເຂົ້າຢ້ຽມຊົມ 2107 ຄັ້ງ

ສະຫາຍ ຣາອູນ ກາສໂຕຣ ຣຸສ ເລຂາທິການທີໜຶ່ງ ຄະນະບໍລິຫານງານສູນກາງພັກກອມມູນິດກູບາໄດ້ສົ່ງສານຊົມເຊີຍ ເຖິງ ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ ເມື່ອບໍ່ດົນມານີ້ ຊຶ່ງມີເນື້ອໃນດັ່ງນີ້:
ໃນນາມຕາງໜ້າປະຊາຊົນ, ພັກກອມມູນິດກູບາ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມຊົມເຊີຍຢ່າງຈິງໃຈ ມາຍັງສະຫາຍ ທີ່ໄດ້ຮັບເລືອກຕັ້ງເປັນ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ.
ຂ້າພະເຈົ້າ ຂໍອວຍພອນໃຫ້ສະຫາຍ ຈົ່ງປະສົບຜົນສຳເລັດໃນໜ້າທີ່ໃໝ່ອັນມີກຽດຂອງສະຫາຍ ແລະ ເຊື່ອໝັ້ນວ່າ ພາຍໃຕ້ການນຳພາຂອງພັກປະຊາຊົນ ປະຕິວັດລາວ, ປະຊາຊົນລາວຈະສືບຕໍ່ກ້າວໄປສູ່ຈຸດໝາຍຕາມເສັ້ນທາງການສ້າງສັງຄົມນິຍົມ.