Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.


ຫົວ​ຂໍ້ : ນາຍົກອອກຄຳສັ່ງວ່າດ້ວຍ ການປັບປຸງວຽກງານການບໍລິການການອອກໃບອະນຸຍາດລົງທຶນ ແລະ ການອອກໃບອະນຸຍາດດໍາເນີນທຸລະກິດ

ເຜີຍ​ແຜ່​ໂດຍ​: siththiphone rasphone ເວ​ລາ: 21/01/2020 11:33:10 ຈຳ​ນວນ​ຜູ້​ເຂົ້າ​ຢ້ຽມ​ຊົມ 2171 ຄັ້ງ

ເພື່ອ​ຜັນ​ຂະ­ຫຍາຍ​ເນື້ອ​ໃນ ຂອງ​ກົດ­ຫມາຍ ວ່າ​ດ້ວຍ​ການ​ສົ່ງ­ເສີມ​ການ​ລົງ­ທຶນ ແລະ ກົດ­ຫມາຍ​ກ່ຽວ­ຂ້ອງ ໃຫ້​ຖືກ ຈັດ​ຕັ້ງ​ປະ­ຕິ­ບັດ​ຢ່າງ​ວ່ອງ­ໄວ ແລະ ຈະ­ແຈ້ງ ໂດຍ​ສະ­ເພາະ​ການ​ປັບ­ປຸງ​ລະ­ບົບ​ການ​ບໍ­ລິ­ການ ການ​ລົງ­ທຶນ​ປະ­ຕູ​ດຽວ ແລະ ການ​ດໍາ​ເນີນ​ທຸ­ລະ​ກິດ ຢູ່ ສປປ ລາວ ໃຫ້​ມີ​ຄວາມ​ວ່ອງ­ໄວ , ໂປ່​ງ​ໃສ ແລະ ເປັນ​ເອ­ກະ​ພາບ ໃນ​ການ​ສົ່ງ­ເສີມ, ຄຸ້ມ​ຄອງ​ການ​ລົງ­ທຶນ ແລະ ການ​ອໍາ​ນວຍ​ຄວາມ​ສະ­ດວກ ໃນ​ການ​ດໍາ​ເນີນ​ທຸ­ລະ​ກິດ​ທັງ​ພາຍ​ໃນ ແລະ ຕ່າງ­ປະ­ເທດ​ໃນ ຂອບ​ເຂດ​ທົ່ວ​ປະ­ເທດ, ຍົກ​ລະ­ດັບ​ຄວາມ​ສັກ­ສິດ​ໃນ​ການ​ປະ­ຕິ­ບັດ​ກົດ­ຫມາຍ, ເພີ່ມ​ທະ­ວີ​ຄວາມ​ອາດ​ສາ­ມາດ​ໃນ​ການ ແຂ່ງ­ຂັນ​ດຶງ​ດູດ​ການ​ລົງ­ທຶນ ແລະ ເພື່ອ​ເຮັດ​ໃຫ້­ການ​ລົງ­ທຶນ​ຂອງ​ພາກ​ເອ­ກະ​ຊົນ​ສາ­ມາດ​ປະ­ກອບ­ສ່ວນ​ຢ່າງ​ຕັ້ງ­ຫນ້າ​ເຂົ້າ ໃນ​ການ​ພັດ­ທະ­ນາ​ເສດ​ຖະ​ກິດ​-​ສັງ­ຄົມ​ແຫ່ງ​ຊາດ ໃຫ້​ມີ​ການ​ຂະ­ຫຍາຍ­ຕົວ​ຢ່າງ​ຕໍ່​ເນື່ອງ. 

ດັ່ງ­ນັ້ນ, ນາ­ຍົກ­ລັດ­ຖະ­ມົນ­ຕີ ໄດ້​ອອກ​ຄໍາ​ສັ່ງ​ວ່າ​ດ້ວຍ​ການ​ປັບ­ປຸງ​ວຽກ​ງານ​ການ​ບໍ­ລິ­ການ ການ​ອອກ​ໃບ​ອະ­ນຸ­ຍາດ​ລົງ­ທຶນ ແລະ ການ​ອອກ​ໄບ​ອະ­ນຸ­ຍາດ​ດຳ­ເນີນ​ທຸ­ລະ​ກິດ ສະ­ບັບ​ເລກ​ທີ 03/ນຍ ລົງ​ວັນ​ທີ 21/1/2020 ເຖິງ​ທ່ານ ລັດ­ຖະ­ມົນ­ຕີ, ຫົວ­ຫນ້າ​ອົງ­ການ​ລັດ​ທຽບ​ເທົ່າ​ກະ­ຊວງ, ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ແລະ ບັນ­ດາ​ທ່ານ ເຈົ້າ­ແຂວງ ໃນ​ຂອບ​ເຂດ​ທົ່ວ​ປະ­ເທດ ຊຶ່ງ​ເນື້ອ​ໃນ​ຄຳ​ສັ່ງ​ໄດ້​ລະ­ບຸ​ວ່າ:

 

ໃຫ້​ບັນ­ດາ​ກະ­ຊວງ, ອົງ­ການ​ລັດ​ທຽບ​ເທົ່າ​ກະ­ຊວງ ແລະ ອົງ­ການ​ປົກ­ຄອງ​ທ້ອງ­ຖິ່ນ ໃນ​ຂອບ​ເຂດ​ທົ່ວ​ປະ­ເທດ ທີ່ ມີ​ຄວາມ​ຮັບ­ຜິດ­ຊອບ ກ່ຽວ​ກັບ​ວຽກ​ງານ​ສົ່ງ­ເສີມ​ການ​ລົງ­ທຶນ, ການ​ບໍ­ລິ­ການ ການ​ລົງ­ທຶນ​ປະ­ຕູ​ດຽວ​ຢູ່​ແຕ່​ລະ​ຂະ­ແຫນງ ການ ແລະ ຫນ່ວຍ​ງານ​ທີ່​ກ່ຽວ­ຂ້ອງ​ຂັ້ນ​ສູນ​ກາງ ແລະ ທ້ອງ­ຖິ່ນ ໃຫ້​ຮີບ​ຮ້ອນ​ແກ້​ໄຂ​ບັນ­ດາ​ຂອດ​ຂັ້ນ, ກໍາ​ນົດ​ເວ­ລາ ແລະ ສິ່ງ​ກີດ­ຂວາງ ທີ່​ເປັນ​ອຸ­ປະ­ສັກ ແກ່​ການ​ອະ­ນຸ­ຍາດ​ລົງ­ທຶນ ແລະ ການ​ດໍາ​ເນີນ​ທຸ­ລະ​ກິດ ຢູ່ ສປປ ລາວ. 

1. ມອບ​ໃຫ້​ຂະ­ແຫນງ​ແຜນ­ການ ແລະ ການ​ລົງ­ທຶນ ປະ­ຕິ­ບັດ​ດັ່ງ­ນີ້:

1.1 ປັບ­ປຸງ​ການ​ບໍ­ລິ­ການ ການ​ລົງ­ທຶນ​ປະ­ຕູ​ດຽວ ເປັນ​ກົນ​ໄກ​ອໍາ​ນວຍ​ຄວາມ​ສະ­ດວກ​ໃຫ້​ນັກ​ລົງ­ທຶນ ໂດຍ​ການ ສະ­ຫນອງ​ການ​ບໍ­ລິ­ການ​ຕ້ອນ­ຮັບ, ສະ­ຫນອງ​ຂໍ້​ມູນ​ການ​ລົງ­ທຶນ, ການ​ບໍ­ລິ­ການ​ອອກ​ໃບ​ອະ­ນຸ­ຍາດ​ລົງ­ທຶນ ຂອງ​ກິດ​ຈະ​ການ​ສໍາ​ປະ­ທານ ແລະ ກິດ­ຈະ­ການ​ຄວບ​ຄຸມ, ໃບ​ສົ່ງ­ເສີມ​ການ​ລົງ­ທຶນ ແລະ ການ​ບໍ­ລິ­ການ ຫຼັງ​ການ​ອະ­ນຸ­ຍາດ​ລົງ­ທຶນ ເປັນ­ຕົ້ນ: ການ​ບໍ­ລິ­ການ VISA, ບັດ​ພັກ​ເຊົາ, ບັດ​ແຮງ​ງານ​ໃຫ້​ຜູ້​ລົງ​ທຶນ. ພ້ອມ​ດຽວ​ກັນ ກໍ່​ໃຫ້​ບໍ­ລິ­ການ​ປະ­ສານ​ງານ​ຕິດ­ຕາມ​ເອົາ​ຄໍາ​ເຫັນ​ຂອງ​ຂະ­ແຫນງ­ການ ໃນ​ບັນ­ຊີ​ກິດ­ຈະ­ການ ສໍາ​ປະ­ທານ ແລະ ກິດ­ຈະ­ການ​ຄວບ​ຄຸມ ແລະ ປະ­ສານ​ງານ ເພື່ອ​ໃຫ້​ໄດ້​ໃບ​ທະ­ບຽນ​ວິ​ສາ​ຫະ​ກິດ, ໃບ ທະ­ບຽນ​ອາ­ກອນ ແລະ ໃບ​ອະ­ນຸ​ຍາດ​ດໍາ​ເນີນ​ທຸ­ລະ​ກິດ​ຂອງ​ຂະ­ແຫນງ­ການ ເພື່ອ​ມອບ​ໃຫ້​ນັກ​ລົງ­ທຶນ ແລະ ການ​ບໍ­ລິ­ການ​ອື່ນໆ ຢູ່​ຈຸດ​ດຽວ;

1.2 ພາຍ­ຫຼັງ​ໄດ້​ຮັບ​ເອ­ກະ​ສານ​ຄໍາ​ຮ້ອງ​ຂໍ​ລົງ­ທຶນ​ແລ້ວ ຫ້ອງ­ການ​ບໍ­ລິ­ການ ການ​ລົງ­ທຶນ​ປະ­ຕູ​ດຽວ ຕ້ອງ​ສົ່ງ ເອ­ກະ­ສານ​ໄປ​ຂໍ​ຄໍາ​ເຫັນ​ນໍາ​ຂະ­ແຫນງ­ການ​ກ່ຽວ­ຂ້ອງ ພາຍ​ໃນ​ກໍາ​ນົດ 2 ວັນ​ລັດ​ຖະ​ການ, ເມື່ອ​ໄດ້​ຮັບ​ຄໍາ​ເຫັນ​ຕອບ​ຄືນ​ຄົບ​ຖ້ວນ​ແລ້ວ​ຕ້ອງ​ນໍາ​ສະ­ເຫນີ​ບັນ­ຫາ​ດັ່ງ­ກ່າວ ຕໍ່​ຄະ​ນະ​ກໍາ​ມະ​ການ​ສົ່ງ­ເສີມ ແລະ ຄຸ້ມ​ຄອງ​ການ​ລົງ­ທຶນ ເພື່ອ​ພິ­ຈາ­ລະ­ນາ​ອະ­ນຸ­ມັດ ຫຼື ປະ­ຕິ­ເສດ;

1.3. ການ​ຍື່ນ​ຄໍາ​ຮ້ອງ​ຂໍ​ລົງ­ທຶນ​ໃນ​ກິດ​ຈະ​ການ​ສໍາ​ປະ­ທານ ແລະ ກິດ­ຈະ­ການ​ຄວບ​ຄຸມ ແມ່ນ​ໃຫ້​ຍື່ນ​ເອ­ກະ ສານ​ສະ­ເຫນີ​ຂໍ​ລົງ­ທຶນ ຜ່ານ​ຫ້ອງ­ການ​ບໍ­ລິ­ການ ການ​ລົງ­ທຶນ​ປະ­ຕູ​ດຽວ ຂໍ້ ນ​ສູນ​ກາງ ຕັ້ງ​ຢູ່​ກົມ​ສົ່ງ­ເສີມ​ການ ລົງ­ທຶນ ແລະ ຂັ້ນ​ແຂວງ, ນະ­ຄອນ­ຫຼວງ​ວຽງ​ຈັນ ຕັ້ງ​ຢູ່​ພະ​ແນ​ກ​ແຜນ­ການ ແລະ ການ​ລົງ­ທຶນ ຕາມ​ການ ແບ່ງ​ຂັ້ນ​ຄຸ້ມ​ຄອງ. ໂດຍ​ບັນ­ດາ​ກະ­ຊວງ, ອົງ­ການ​ລັດ​ທຽບ​ເທົ່າ​ກະ­ຊວງ, ອົງ­ການ​ປົກ­ຄອງ​ຂັ້ນ​ທ້ອງ­ຖິ່ນ ຕ້ອງ​ແນະ​ນໍາ​ໃຫ້​ຜູ້​ລົງ​ທຶນ​ດໍາ​ເນີນ​ການ​ຍື່ນ​ຄໍາ​ຮ້ອງ​ໃຫ້​ຖືກ​ຕາມ​ຂັ້ນ​ຕອນ ເພື່ອ​ເຮັດ​ໃຫ້­ການ​ຄົ້ນ​ຄ້​ວາ​ຢ່າງ​ເປັນ​ລະ­ບົບ ແລະ ສອດ­ຄ່ອງ​ກັບ​ກົດ­ຫມາຍ;

1.4. ສ້າງ​ລະ­ບົບ​ເອ​ເລັກ​ໂຕ​ຣ​ນິກ ເພື່ອ​ເຊື່ອມ​ຕໍ່​ຂໍ້​ມູນ ກ່ຽວ​ກັບ​ທະ­ບຽນ​ວິ​ສາ​ຫະ​ກິດ, ໃບ​ອະ­ນຸ­ຍາດ​ລົງ­ທຶນ, ໃບ​ທະ­ບຽນ​ອາ­ກອນ ແລະ ອະ­ນຸ​ຍາດ​ດໍາ​ເນີນ​ທຸ­ລະ​ກິດ ລະ­ຫວ່າງ ຂະ­ແຫນງ​ແຜນ­ການ ແລະ ການ​ລົງ ທຶນ, ຂະ­ແຫນງ​ອຸດ​ສາ​ຫະ​ກໍາ ແລະ ການ​ຄ້າ, ຂະ­ແຫນງ­ການ​ເງິນ ແລະ ຂະ­ແຫນງ­ການ​ກ່ຽວ­ຂ້ອງ​ໃຫ້​ເປັນ​ຖານ​ຂໍ້​ມູນ​ດຽວ;

1.5 ເປັນ​ເຈົ້າ​ການ​ສັງ​ລວມ​ບັນ­ຊີ​ຜະ­ລິດ​ຕະ​ພັນ​ສໍາ​ເລັດ​ຮູບ ແລະ ເຄິ່ງ​ສໍາ​ເລັດ​ຮູບ​ຈາກ​ຂະ­ແຫນງ­ການ​ກ່ຽວ ຂ້ອງ​ທີ່​ສາ­ມາດ​ຜະ­ລິດ ແລະ ສະ­ຫນອງ​ໄດ້​ພຽງ­ພໍ​ທາງ​ດ້ານ​ປະ­ລິ­ມານ ແລະ ຄຸນ​ນະ​ພາບ ເພື່ອ​ເປັນ​ບ່ອນ ອີງ​ໃນ​ການ​ຄົ້ນ­ຄວ້າ​ພິ­ຈາ­ລະ­ນາ​ການ​ໃຫ້​ນະ­ໂຍ­ບາຍ​ດ້ານ​ພາ­ສີ ແລະ ອາ­ກອນ​ໃນ​ການ​ຂໍ​ນະ­ໂຍ­ບາຍ ນໍາ​ເຂົ້າ­ຂອງ​ບັນ­ດາ​ໂຄງ­ການ​ລົງ­ທຶນ​ພາກ​ເອ­ກະ​ຊົນ​ໃຫ້​ວ່ອງ​ໄວ.

2. ມອບ​ໃຫ້​ຂະ­ແຫນງ​ອຸດ​ສາ​ຫະ​ກໍາ ແລະ ການ​ຄ້າ ປະ­ຕິ­ບັດ​ດັ່ງ­ນີ້:

2.1.ອອກ​ໃບ​ທະ­ບຽນ​ວິ​ສາ​ຫະ​ກິດ ຕາມ​ທີ່​ໄດ້​ກໍາ​ນົດ​ໃນ​ຂໍ້1.3 ຂອງ​ຄໍາ​ສັ່ງ​ສະ­ບັບ​ນີ້ ສໍາ​ລັບ​ກິດ­ຈະ­ການ ຄວບ​ຄຸມ: ສໍາ​ລັບ​ກິດ­ຈະ­ການ​ທີ່​ບໍ່​ນອນ​ໃນ​ບັນ­ຊີ​ຄວບ​ຄຸມ ແມ່ນ​ໃຫ້​ປະ­ຕິ­ບັດ​ຕາມ​ຂໍ້​ຕົກ­ລົງ​ຂອງ ລັດ­ຖະ­ມົນ­ຕີ​ຂອງ​ກະ­ຊວງ​ອຸດ​ສາ​ຫະ​ກໍາ ແລະ ການ​ຄ້າ ສະ­ບັບ​ເລກ​ທີ 0023/ອຄ. ກຄທວ,ລົງ​ວັນ​ທີ ມັງ­ກອນ 2019;

2.2.ເປັນ​ເຈົ້າ​ການ​ປະ­ສານ​ສົມ­ທົບ​ກັບ​ຂະ­ແຫນງ­ການ​ກ່ຽວ­ຂ້ອງ​ໃນ​ການ​ປັບ­ປຸງ​ການ​ອອກ​ໃບ​ອະ­ນຸ​ຍາດ​ດໍາ​ເນີນ - ທຸ­ລະ​ກິດ ພາຍ­ຫຼັງ​ທີ່​ໄດ້​ຮັບ​ໃບ​ອະ­ນຸ­ຍາດ​ລົງ­ທຶນ ແລະ ໃບ​ທະ­ບຽນ​ວິ​ສາ​ຫະ​ກິດ​ໃຫ້​ມີ​ຄວາມ​ວ່ອງ­ໄວ;

2.3.ປັບ­ປຸງ​ການ​ອອກ​ໃບ​ທະ­ບຽນ​ວິ​ສາ​ຫະ​ກິດ​ໃຫ້​ວ່ອງ­ໄວ ໂດຍ​ໃຊ້​ລະ­ບົບ​ເອ​ເລັກ​ໂຕ​ຣ​ນິກ​ເຊື່ອມ​ຕໍ່​ຂໍ້​ມູນ​ກັບ ຂະ­ແຫນງ​ແຜນ­ການ ແລະ ການ​ລົງ­ທຶນ ແລະ ຂະ­ແຫນງ­ການ​ເງິນ.

3. ມອບ​ໃຫ້​ຂະ­ແຫນງ­ການ​ເງິນ ປະ­ຕິ­ບັດ​ດັ່ງ­ນີ້:

3.1 ໃຫ້​ແກ້​ໄຂ ການ​ນໍາ​ເອົາ​ແຜນ​ນໍາ​ເຂົ້າ​ປະ​ຈໍາ​ປີ (Master List) ເຂົ້າ​ລະ­ບົບ​ການ​ແຈ້ງ​ພາ­ສີ​ປະ­ຕູ​ດຽວ​ແຫ່ງ​ຊາດ National Single Window (NSW) ໂດຍ​ໄວ​ພາຍ­ຫຼັງ​ຂໍ້​ຕົກ­ລົງ​ຈາກ​ຂະ­ແຫນງ​ແຜນ­ການ ແລະ ການ​ລົງ­ທຶນ ຮັບ­ຮອງ​ແລ້ວ;

3.2 ປັບ­ປຸງ​ການ​ອອກ​ໃບ​ທະ­ບຽນ​ອາ­ກອນ​ໃຫ້​ວ່ອງ­ໄວ ໂດຍ​ໃຊ້​ລະ­ບົບ​ເອ​ເລັກ​ໂຕ​ຣ​ນິກ​ເຊື່ອມ​ຕໍ່​ຂໍ້​ມູນ​ກັບ - ຂະ­ແຫນງ​ແຜນ­ການ ແລະ ການ​ລົງ­ທຶນ ແລະ ຂະ­ແຫນງ​ອຸດ​ສາ​ຫະ​ກໍາ ແລະ ການ​ຄ້າ;

3.3 ຈັດ​ສັນ​ງົບ­ປະ­ມານ ສະ­ຫນອງ​ແກ່​ການ​ສ້າງ​ລະ­ບົບ​ເອ​ເລັກ​ໂຕ​ຣ​ນິກ ເພື່ອ​ເຊື່ອມ​ຕໍ່​ຂໍ້​ມູນ ກ່ຽວ​ກັບ​ທະ­ບຽນ​ວິ​ສາ​ຫະ​ກິດ, ອະ­ນຸ­ຍາດ​ລົງ­ທຶນ ແລະ ອະ­ນຸ​ຍາດ​ດໍາ​ເນີນ​ທຸ­ລະ​ກິດ ລະ­ຫວ່າງ ຂະ­ແຫນງ​ແຜນ­ການ ແລະ ການ​ລົງ­ທຶນ ແລະ ຂະ­ແຫນງ​ອຸດ​ສາ​ຫະ​ກໍາ ແລະ ການ​ຄ້າ ແລະ ຂະ­ແຫນງ­ການ​ກ່ຽວ­ຂ້ອງ​ໃຫ້​ເປັນ​ຖານ​ຂໍ້​ມູນ​ດຽວ.

4. ມອບ​ໃຫ້​ກະ­ຊວງ, ອົງ­ການ​ລັດ​ທຽບ​ເທົ່າ​ກະ­ຊວງ, ແຂວງ, ນະ­ຄອນ­ຫຼວງ​ວຽງ​ຈັນ ປະ­ຕິ­ບັດ​ດັ່ງ­ນີ້: 

4.1 ໃຫ້​ຮີບ​ຮ້ອນ​ສ້າງ­ຕັ້ງ​ຫນ່ວຍ​ງານ​ປະ­ສານ​ງານ​ບໍ­ລິ­ການ ການ​ລົງ­ທຶນ​ປະ­ຕູ​ດຽວ ປະ​ຈໍາ​ຂະ­ແຫນງ­ການ​ຂອງ​ຕົນ​ຂຶ້ນ​ພາຍ​ໃຕ້​ການ​ຊີ້​ນໍາ​ຂອງ​ລັດ­ຖະ­ມົນ­ຕີ, ຫົວ­ຫນ້າ​ອົງ­ການ​ລັດ​ທຽບ​ເທົ່າ​ກະ­ຊວງ, ເຈົ້າ­ແຂວງ, ເຈົ້າ​ຄອງ ນະ­ຄອນ­ຫຼວງ​ວຽງ​ຈັນ ພ້ອມ​ດ້ວຍ ກົມ​ວິ­ຊາ​ການ, ພະ­ແນກ­ການ ເພື່ອ​ເຮັດ​ຫນ້າ­ທີ່​ປະ­ສານ​ງານ​ພາຍ​ໃນ ຂະ­ແຫນງ­ການ​ຂອງ​ຕົນ​ໃນ​ການ​ຄົ້ນ​ຄ້​ວາ​ເອ­ກະ­ສານ​ການ​ລົງ­ທຶນ​ໃຫ້​ວ່ອງ­ໄວ ແລະ ສົ່ງ​ຄໍາ​ເຫັນ​ຄືນ​ໃນ​ດ້ານ ຫຼັກ­ການ​ໃຫ້​ຫ້ອງ­ການ​ບໍ­ລິ­ການ ການ​ລົງ­ທຶນ​ປະ­ຕູ​ດຽວ ຕໍ່​ການ​ສະ​ເຫ​ນີ​ສໍາ​ຫຼວດ, ສຶກ­ສາ​ຄວາມ​ເປັນ​ໄປ​ໄດ້ ຂອງ​ກິດ​ຈະ​ການ​ສໍາ​ປະ­ທານ ພາຍ​ໃນ​ກໍາ​ນົດ​ເວ­ລາ 30 ວັນ​ລັດ​ຖະ​ການ ແລະ ສໍາ​ລັບ​ກິດ­ຈະ­ການ​ໃນ​ບັນ­ຊີ ຄວບ​ຄຸມ ແມ່ນ​ໃຫ້​ມີ​ຄໍາ​ເຫັນ​ຕອບ​ຄືນ​ດ້ານ​ຫຼັກ­ການ​ໃນ​ການ​ສະ­ເຫນີ​ສ້າງ­ຕັ້ງ​ບໍ­ລິ­ສັດ ພາຍ​ໃນ​ກໍາ​ນົດ 8 ວັນ​ລັດ​ຖະ​ການ, ສ່ວນ​ການ​ອອກ​ອະ­ນຸ​ຍາດ​ດໍາ​ເນີນ​ທຸ­ລະ​ກິດ​ແມ່ນ​ໃຫ້​ປະ­ຕິ­ບັດ​ຕາມ​ກົດ­ຫມາຍ​ຂອງ​ຂະ­ແຫນງ ການ​ກ່ຽວ­ຂ້ອງ​ພາຍ­ຫລັງ​ໄດ້​ຮັບ​ໃບ​ອະ­ນຸ­ຍາດ​ລົງ­ທຶນ​ແລ້ວ. ການ​ປະ​ກອບ​ຄໍາ​ເຫັນ​ຕອບ​ຄືນ​ດັ່ງ­ກ່າວ​ຖ້າ​ຫາກ​ກາຍ​ກໍາ​ນົດ​ເວ­ລາ ແມ່ນ​ໃຫ້​ເປັນ­ຄວາມ​ຮັບ­ຜິດ­ຊອບ​ຂອງ​ຂະ­ແຫນງ­ການ;

4.2 ໃຫ້​ມີ​ການ​ກໍາ​ນົດ​ລະ­ບຽບ ແລະ ເວ­ລາ​ໃນ​ການ​ຄົ້ນ​ຄ້​ວາ ເພື່ອ​ປະ​ກອບ​ຄໍາ​ເຫັນ​ພາຍ­ຫຼັງ​ໄດ້​ຮັບ​ເອ­ກະ​ສານ​ຄໍາ ຮ້ອງ​ຂໍ​ລົງ­ທຶນ​ຈາກ​ຫ້ອງ­ການ​ບໍ­ລິ­ການ ການ​ລົງ­ທຶນ​ປະ­ຕູ​ດຽວ​ແລ້ວ, ແຕ່​ລະ​ຂະ­ແຫນງ­ການ​ຕ້ອງ​ນໍາ​ສົ່ງ​ເອ­ກະ­ສານ​ໃຫ້​ກົມ​ວິ­ຊາ​ການ ຫລື ພະ­ແນກ­ການ ເພື່ອ​ຄົ້ນ​ຄ້​ວາ​ພິ­ຈາ­ລະ­ນາ ແລະ ມີ​ຄໍາ​ເຫັນ​ຕອບ​ຄືນ​ໃຫ້​ຫນ່ວຍ​ງານ ປະ­ສານ​ງານ​ບໍ­ລິ­ການ ປະ­ຕູ​ດຽວ​ພາຍ​ໃນ​ກໍາ​ນົດ​ເວ­ລາ 20 ວັນ​ລັດ​ຖະ​ການ ສໍາ​ລັບ​ກິດ​ຈະ​ການ​ສໍາ​ປະ­ທານ ແລະ 5 ວັນ ລັດ​ຖະ​ການ ສໍາ​ລັບ​ກິດ­ຈະ­ການ​ຄວບ​ຄຸມ, ການ​ປະ​ກອບ​ຄໍາ​ເຫັນ​ຄືນ​ດັ່ງ­ກ່າວ ຕ້ອງ​ຖືກ​ສັງ​ລວມ​ຜ່ານ​ຫນ່ວຍ​ງານ​ປະ­ສານ​ງານ​ບໍ­ລິ­ການ ການ​ລົງ­ທຶນ​ປະ­ຕູ​ດຽວ ແລ້ວ​ມີ​ຄໍາ​ເຫັນ​ຕອບ​ເປັນ​ລາຍ​ລັກ ອັກ­ສອນ​ໃຫ້​ຫ້ອງ­ການ​ບໍ­ລິ­ການ ການ​ລົງ­ທຶນ​ປະ­ຕູ​ດຽວ ໂດຍ​ຜ່ານ​ຫ້ອງ­ການ​ກະ­ຊວງ, ຫ້ອງ­ການ​ອົງ­ການ​ລັດ ທຽບ​ເທົ່າ​ກະ­ຊວງ ຫລື ຫ້ອງ​ວ່າ­ການ​ກະ­ຊວງ​ກ່ຽວ­ຂ້ອງ​ຢູ່​ຂັ້ນ​ສູນ​ກາງ, ສ່ວນ​ຂັ້ນ​ທ້ອງ­ຖິ່ນ ແມ່ນ​ໃຫ້​ຜ່ານ ຫົວ­ຫນ້າ​ພະ­ແນກ­ການ ແລະ ເຈົ້າ­ເມືອງ​ທີ່​ຖືກ​ສະ­ເຫນີ​ຂໍ​ຄໍາ​ເຫັນ. 

ສໍາ​ລັບ​ກິດ­ຈະ­ການ​ທະ­ນາ­ຄານ​ທຸ­ລະ​ກິດ ຫລື ກິດ­ຈະ­ການ​ໃດ​ທີ່​ມີ​ກໍາ​ນົດ​ເວ­ລາ​ການ​ຄົ້ນ​ຄ້​ວາ ແລະ ຕອ​ຄືນ​ຄໍາ​ເຫັນ ໃຫ້​ຫ້ອງ­ການ​ບໍ­ລິ­ການ ການ​ລົງ­ທຶນ​ປະ­ຕູ​ດຽວ ເປັນ​ກໍາ​ນົດ​ເວ­ລາ​ສະ­ເພາະ ແມ່ນ​ໃຫ້ ປະ­ຕິ­ບັດ​ຕາມ​ກົດ­ຫມາຍ​ຂອງ​ຂະ­ແຫນງ­ການ​ດັ່ງ­ກ່າວ;

4.3ໃຫ້​ສ້າງ​ບັນ­ຊີ​ຮຽກ​ການ​ລົງ­ທຶນ ທີ່​ປະ­ກອບ​ດ້ວຍ​ຂໍ້​ມູນ​ພື້ນ​ຖານ​ສໍາ​ຄັນ​ເຊັ່ນ:ຊື່​ໂຄງ­ການ, ຈຸດ­ປະ­ສົງ​ໂຄງ­ການ, ທີ່​ຕັ້ງ, ມູນ​ຄ່າ​ການ​ລົງ­ທຶນ, ການ​ປະ​ເມີນ​ຄວາມ​ເປັນ​ໄປ​ໄດ້​ທາງ​ດ້ານ​ເສດ​ຖະ​ກິດ​-​ເຕັກ­ນິກ ເບື້ອງ​ຕົ້ນ, ນະ­ໂຍ­ບາຍ​ດ້ານ​ພາ​ສີ​-​ອາ­ກອນ ແລະ ຕະ​ຫລາດ​ຈໍາ​ຫນ່າຍ ເພື່ອ​ດຶງ​ດູດ​ການ​ລົງ­ທຶນ ແລະ ອໍາ​ນວຍ ຄວາມ​ສະ­ດວກ​ໃຫ້​ແກ່​ນັກ​ລົງ­ທຶນ​ໃນ​ການ​ສຶກ­ສາ​ເບື້ອງ​ຕົ້ນ. ຊຶ່ງ​ບັນ­ຊີ​ຮຽກ​ການ​ລົງ­ທຶນ ດັ່ງ­ກ່າວ ຕ້ອງ ສັງ​ລວມ​ເປັນ​ໄລ­ຍະ 6 ເດືອນ ແລະ 1 ປີ ແລ້ວ​ສົ່ງ​ມາ​ລວມ​ສູນ​ຢູ່​ຫ້ອງ­ການ​ບໍ­ລິ­ການ ການ​ລົງ­ທຶນ​ປະ­ຕູ​ດຽວ ຂັ້ນ​ສູນ​ກາງ ແລະ ທ້ອງ­ຖິ່ນ ລວມ​ທັງ​ສະ­ຫນອງ​ໃຫ້​ບັນ­ດາ​ສະ­ຖານ­ທູດ ແລະ ສະ­ຖານ­ກົງ­ສູນ​ຂອງ​ສປປ ລາວ ທີ່­ຢູ່​ຕ່າງ­ປະ­ເທດ ເພື່ອ​ນໍາ​ໃຊ້​ເປັນ​ຂໍ້​ມູນ​ໂຄ­ສະ­ນາ​ດຶງ​ດູດ​ການ​ລົງ­ທຶນ;

4.4 ໃຫ້​ສ້າງ​ລາຍ­ການ​ເອ­ກະ­ສານ​ທີ່​ຕ້ອງ­ການ​ໃຫ້​ນັກ​ລົງ­ທຶນ​ປະ­ກອບ​ໃນ​ເວ­ລາ​ຍື່ນ​ຄໍາ​ຮ້ອງ​ຂໍ້​ລົງ­ທຶນ ໃນ​ກິດ­ຈະ­ການ​ຄວບ​ຄຸມ ແລະ ກິດ​ຈະ​ການ​ສໍາ​ປະ­ທານ ແລ້ວ​ສະ­ຫນອງ​ໃຫ້​ຫ້ອງ­ການ​ບໍ­ລິ­ການ ການ​ລົງ­ທຶນ ປະ­ຕູ​ດຽວ ຂັ້ນ​ສູນ​ກາງ ແລະ ທ້ອງ­ຖິ່ນ ຫຼື ກໍາ​ນົດ​ລາຍ­ການ​ເອ­ກະ­ສານ​ດັ່ງ­ກ່າວ​ໄວ້​ໃນ​ເວ​ບ​ໄຊ​ຂອງ ຂະ­ແຫນງ­ການ​ກ່ຽວ­ຂ້ອງ ກັບ​ເວ​ບ​ໄຊ ຂອງ​ຫ້ອງ­ການ​ບໍ­ລິ­ການ ການ​ລົງ­ທຶນ​ປະ­ຕູ​ດຽວ ເພື່ອ​ເປັນ​ຂໍ້​ມູນ​ແນະ ນໍາ​ນັກ​ລົງ­ທຶນ​ໃນ​ເວ­ລາ​ປະ​ກອບ​ຄໍາ​ຮ້ອງ​ຂໍ​ລົງ­ທຶນ;

4.5 ໃຫ້​ມີ​ການ​ປັບ­ປຸງ ແລະ ທົບ​ທວນ​ບັນ­ຊີ​ກິດ­ຈະ­ການ​ຄວບ​ຄຸມ​ຄືນ­ໃຫມ່ ຕາມ​ດໍາ​ລັດ​ຂອງ ທ່ານ ນາ­ຍົກ­ລັດ­ຖະ­ມົນ­ຕີ ສະ­ບັບ​ເລກ​ທີ 03/ນຍ, ລົງ​ວັນ​ທີ 10 ມັງ­ກອນ 2019 ວ່າ​ດ້ວຍ​ການ​ຮັບ­ຮອງ​ເອົາ ບັນ­ຊີ​ກິດ­ຈະ­ການ​ຄວບ​ຄຸມ ແລະ ກິດ​ຈະ​ການ​ສໍາ​ປະ­ທານ ຂອງ ສປປ ລາວ ໂດຍ​ໃຫ້​ຄັດ​ເລືອກ​ເອົາ ກິດ­ຈະ­ການ​ທີ່​ມີ​ຜົນ​ກະ­ທົບ​ຕໍ່​ຄວາມ​ຫມັ້ນ­ຄົງ​ຂອງ​ຊາດ, ຄວາມ​ເປັນ​ລະ­ບຽບ​ຮຽບ­ຮ້ອຍ​ຂອງ​ສັງ­ຄົມ, ຮີດ­ຄອງ ປະ­ເພ­ນີ​ອັນ​ດີ­ງາມ​ຂອງ​ຊາດ ແລະ ສິ່ງ­ແວດ­ລ້ອມ, ສັງ­ຄົມ ແລະ ທໍາ​ມະ​ຊາດ ເຂົ້າ​ໃນ​ບັນ­ຊີ​ຄວບ​ຄຸມ ແລະ ໃຫ້​ໃສ່​ລະ­ຫັດ LSIC ໃນ​ແຕ່​ລະ​ກິດ­ຈະ­ການ​ໃຫ້​ຖືກ­ຕ້ອງ​ຊັດ​ເຈນ. ໃຫ້​ທຸກ​ກະ­ຊວງ, ອົງ­ການ​ລັດ​ທຽບ​ເທົ່າ ກະ­ຊວງ ປັບ­ປຸງ​ໃຫ້​ສໍາ​ເລັດ​ແລ້ວ​ສົ່ງ​ໃຫ້​ກະ­ຊວງ​ແຜນ­ການ ແລະ ການ​ລົງ­ທຶນ ພາຍ​ໃນ 90 ວັນ ເພື່ອ ລວບ​ລວມ​ສະ­ເຫນີ​ຕໍ່​ຄະ​ນະ​ກໍາ​ມະ​ການ​ສົ່ງ­ເສີມ ແລະ ຄຸ້ມ​ຄອງ​ການ​ລົງ­ທຶນ​ຂັ້ນ​ສູນ​ກາງ ພິ­ຈາ­ລະ­ນາ​ຮັບ­ຮອງ;

4.6.ໃຫ້​ບັນ­ດາ​ກະ­ຊວງ, ອົງ­ການ​ລັດ​ທຽບ​ເທົ່າ​ກະ­ຊວງ ກໍາ​ນົດ​ແບ່ງ​ຄວາມ​ຮັບ­ຜິດ­ຊອບ​ໃນ​ການ​ອະ­ນຸ​ຍາດ​ດໍາ​ເນີນ ທຸ­ລະ​ກິດ ລະ­ຫວ່າງ​ສູນ​ກາງ ແລະ ທ້ອງ­ຖິ່ນ ໃຫ້​ລະ­ອຽດ​ຊັດ​ເຈນ;

4.7 ໃຫ້​ສັງ​ລວມ​ລາຍ­ການ​ກິດ­ຈະ­ການ​ທີ່​ຕ້ອງ­ການ ອອກ​ໃບ​ອະ­ນຸ​ຍາດ​ດໍາ​ເນີນ​ທຸ­ລະ​ກິດ​ທັງ​ກິດ­ຈະ­ການ​ໃນ​ບັນ­ຊີ ຄວບ​ຄຸມ ແລະ ກິດ­ຈະ­ການ​ນອກ​ບັນ­ຊີ​ຄວບ​ຄຸມ​ໂດຍ​ໃສ່​ລະ­ຫັດ LSIC ໃນ​ແຕ່​ລະ​ກິດ­ຈະ­ການ​ໃຫ້ ຖືກ­ຕ້ອງ​ຊັດ​ເຈນ. ພ້ອມ​ນີ້ ກໍ່​ໃຫ້​ສັງ​ລວມ​ເອ­ກະ­ສານ​ທີ່​ຕິດ​ພັນ​ກັບ​ການ​ອອກ​ອະ­ນຸ​ຍາດ​ດໍາ​ເນີນ​ທຸ­ລະ​ກິດ ຂອງ​ຂະ­ແຫນງ­ການ​ກ່ຽວ­ຂ້ອງ ສົ່ງ​ໃຫ້​ກະ­ຊວງ​ອຸດ​ສາ​ຫະ​ກໍາ ແລະ ການ​ຄ້າ ພາຍ​ໃນ 90 ວັນ;

4.8 ໃຫ້​ແຕ່​ລະ​ກະ­ຊວງ, ອົງ­ການ​ລັດ​ທຽບ​ເທົ່າ​ກະ­ຊວງ ສ້າງ​ນິ­ຕິ​ກໍາ​ສະ­ເພາະ ກ່ຽວ​ກັບ​ການ​ອອກ​ໃບ​ອະ­ນຸ­ຍາດ

ດໍາ​ເນີນ​ທຸ­ລະ​ກິດ​ໃນ​ຂະ­ແຫນງ­ການ​ຂອງ​ຕົນ ໂດຍ​ກໍາ​ນົດ​ລະ­ອຽດ​ກ່ຽວ​ກັບ​ເງື່ອນ­ໄຂ ແລະ ຂັ້ນ​ຕອນ ການ​ພິ­ຈາ­ລະ­ນາ ເພື່ອ​ໃຫ້​ມີ​ຄວາມ​ວ່ອງ­ໄວ ແລະ ຫຼຸດ­ຜ່ອນ​ການ​ປະ­ກອບ​ເອ­ກະ­ສານ​ຂອງ​ນັກ​ລົງ­ທຶນ;

5. ການ­ຈັດ­ຕັ້ງ​ເຄື່ອນ​ໄຫວ ຂອງ​ຄະ​ນະ​ກໍາ​ມະ​ການ​ສົ່ງ­ເສີມ ແລະ ຄຸ້ມ​ຄອງ​ການ​ລົງ­ທຶນ ຂັ້ນ​ສູນ​ກາງ, ແຂວງ ແລະ ນະ­ຄອນ­ຫຼວງ​ວຽງ​ຈັນ ປະ­ຕິ­ບັດ​ດັ່ງ­ນີ້:

5.1 ໃຫ້​ດໍາ​ເນີນ​ການ​ຈັດ​ກອງ​ປະ­ຊຸມ ຂອງ​ຄະ​ນະ​ກໍາ​ມະ​ການ​ສົ່ງ­ເສີມ ແລະ ຄຸ້ມ​ຄອງ​ການ​ລົງ­ທຶນ ຂັ້ນ​ສູນ​ກາງ ແລະ ທ້ອງ­ຖິ່ນ​ຂອງ​ຕົນ​ຂຶ້ນ​ຢ່າງ​ເປັນ​ປົກ­ກະ­ຕິ ຢ່າງ​ຫນ້ອຍ 2 ຄັ້ງ ຕໍ່​ເດືອນ ເພື່ອ​ຄົ້ນ­ຄວ້າ​ພິ­ຈາ­ລະ­ນາ​ບັນ­ດາ​ບັນ­ຫາ​ທີ່​ກ່ຽວ­ຂ້ອງ ໂດຍ​ມອບ​ໃຫ້​ຫ້ອງ­ການ​ບໍ­ລິ­ການ​ການ​ລົງ­ທຶນ​ປະ­ຕູ​ດຽວ ຂັ້ນ​ສູນ​ກາງ ແລະ ຂັ້ນ​ແຂວງ, ນະ­ຄອນ­ຫຼວງ​ວຽງ​ຈັນ ເປັນ​ຜູ້​ສ້າງ​ວາ­ລະ​ກອງ​ປະ­ຊຸມ ໂດຍ​ກໍາ​ນົດ​ມື້​ປະ­ຊຸມ​ໃຫ້​ຊັດ​ເຈນ ຖ້າ​ຮອດ​ກໍາ​ນົດ​ແລ້ວ​ບໍ່​ສາ­ມາດ​ເປີດ​ກອງ​ປະ­ຊຸມ​ໄດ້​ໃຫ້​ມີ​ມາດ​ຕະ­ການ​ອື່ນ ເປັນ­ຕົ້ນ ເຮັດ​ຈົດ­ຫມາຍ​ວຽນ​ເຖິງ​ບັນ­ດາ​ທ່ານ​ໃນ​ຄະ­ນະ ກໍາ​ມະ​ການ​ສົ່ງ­ເສີມ ແລະ ຄຸ້ມ​ຄອງ​ການ​ລົງ­ທຶນ ຫຼື ວິ­ທີ​ການ​ອື່ນໆ ເພື່ອ​ບໍ່​ໃຫ້​ແກ່­ຍາວ​ເວ​ລາ. ນອກ​ນີ້ ໃນ​ກໍ​ລະ​ນີ​ຈໍາ​ເປັນ​ຮີບ​ດ່ວນ ກໍ່​ສາ­ມາດ​ຈັດ​ກອງ​ປະ­ຊຸມ​ວິ­ສາ­ມັນ​ໄດ້;

5.2 ການ​ປະ­ຕິ­ບັດ​ບົດ​ບັນ­ທຶກ ຂອງ​ຄະ​ນະ​ກໍາ​ມະ​ການ​ຄຸ້ມ​ຄອງ ແລະ ສົ່ງ­ເສີມ​ການ​ລົງ­ທຶນ (ຄລn) ພາຍ­ຫຼັງ​ມີ ບົດ​ບັນ­ທຶກ​ກອງ​ປະ­ຊຸມ ຂອງ​ຄະ​ນະ​ກໍາ​ມະ​ການ​ສົ່ງ­ເສີມ ແລະ ຄຸ້ມ​ຄອງ​ການ​ລົງ­ທຶນ ຂັ້ນ​ສູນ​ກາງ ຫຼື ກອງ​ປະ­ຊຸມ​ຄະ​ນະ​ກໍາ​ມະ​ການ​ສົ່ງ­ເສີມ ແລະ ຄຸ້ມ​ຄອງ​ການ​ລົງ­ທຶນ​ຂັ້ນ​ແຂວງ, ນະ­ຄອນ­ຫຼວງ​ວຽງ​ຈັນ​ແລ້ວ ໃຫ້​ຫ້ອງ­ການ​ບໍ­ລິ­ການ​ການ​ລົງ­ທຶນ​ປະ­ຕູ​ດຽວ ຂັ້ນ​ສູນ​ກາງ ແລະ ທ້ອງ­ຖິ່ນ ຕ້ອງ​ຮີບ​ຮ້ອນ​ລາຍ​ງານ​ຜົນ​ການ​ປຶກ­ສາ​ຫາ­ລື​ໃນ​ກອງ​ປະ­ຊຸມ​ດັ່ງ­ກ່າວ​ຕໍ່​ນາ­ຍົກ­ລັດ­ຖະ­ມົນ­ຕີ ຫລື ຕໍ່​ເຈົ້າ­ແຂວງ, ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ເພື່ອ​ຊາບ ຫລື ມີ​ການ​ຊີ້​ນໍາ​ເລີຍ ໂດຍ​ບໍ່​ໃຫ້​ມີ​ການ​ຄົ້ນ­ຄວ້າ​ຄືນ​ຜ່ານ​ກົມ​ກ່ຽວ­ຂ້ອງ ໃນ​ຫ້ອງ​ວ່າ​ການ​ສໍາ​ນັກ​ງານ​ນາ­ຍົກ­ລັດ­ຖະ­ມົນ­ຕີ ຫຼື ຂະ­ແຫນງ​ກ່ຽວ­ຂ້ອງ ໃນ​ຫ້ອງ​ວ່າ­ການ​ປົກ­ຄອງ​ແຂວງ, ນະ­ຄອນ­ຫຼວງ​ວຽງ​ຈັນ ຕື່ມ​ອີກ.

6. ມາດ​ຕະ­ການ​ຈັດ​ຕັ້ງ​ປະ­ຕິ​ບັດ. 

6.1.ຈັດ​ຕັ້ງ​ການ​ໂຄ­ສະ­ນາ​ເຜີຍ­ແຜ່​ໃຫ້​ຂະ­ແຫນງ­ການ, ທ້ອງ­ຖິ່ນ ແລະ ນັກ​ລົງ­ທຶນ, ນັກ­ທຸ­ລະ­ກິດ, ຜູ້​ປະ­ກອບ - ການ​ໃຫ້​ມີ​ຄວາມ​ເຂົ້າ­ໃຈ ແລະ ຈັດ​ຕັ້ງ​ປະ­ຕິ­ບັດ​ຢ່າງ​ເຂັ້ມ​ງວດ;

6.2. ມອບ​ໃຫ້​ຂະ­ແຫນງ​ແຜນ­ການ ແລະ ການ​ລົງ­ທຶນ ເປັນ​ເຈົ້າ​ການ​ຕິດ­ຕາມ, ປະ​ເມີນ​ຄວາມ​ຄືບ​ຫນ້າ​ໃນ​ການ ຈັດ​ຕັ້ງ​ປະ­ຕິ​ບັດ​ຄໍາ​ສັ່ງ​ສະ­ບັບ​ນີ້ ແລະ ສະ­ຫຼຸບ​ລາຍ​ງານ​ລັດ­ຖະ­ບານ ຢ່າງ​ເປັນ​ປະ​ຈໍາ;

6.3 ມອບ​ໃຫ້​ຂະ­ແຫນງ​ອຸດ​ສາ​ຫະ​ກໍາ ແລະ ການ​ຄ້າ ເປັນ​ເຈົ້າ​ການ​ຕິດ­ຕາມ, ປະ​ເມີນ​ຄວາມ​ຄືບ​ຫນ້າ​ຂອງ​ການ​ປັບ­ປຸງ​ຂອດ​ຂັ້ນ, ກໍາ​ນົດ​ເວ­ລາ​ໃນ​ການ​ອອກ​ໃບ​ອະ­ນຸ​ຍາດ​ດໍາ​ເນີນ​ທຸ­ລະ​ກິດ​ຂອງ​ຂະ­ແຫນງ­ການ ແລະ ສະ­ຫຼຸບ​ລາຍ​ງານ​ໃຫ້​ລັດ­ຖະ­ບານ ຢ່າງ​ເປັນ​ປະ​ຈໍາ; 6.4 ໃຫ້​ບັນ­ດາ​ກະ­ຊວງ, ອົງ­ການ​ລັດ​ທຽບ​ເທົ່າ​ກະ­ຊວງ,

ອົງ­ການ​ປົກ­ຄອງ​ທ້ອງ­ຖິ່ນ ແລະ ພາກ­ສ່ວນ​ທີ່​ກ່ຽວ­ຂ້ອງ​ຈົ່ງ​ຮັບ​ຮູ້, ໃຫ້­ການ​ຮ່ວມ​ມື ແລະ ຈັດ​ຕັ້ງ​ປະ­ຕິ​ບັດ​ຄໍາ​ສັ່ງ​ສະ­ບັບ​ນີ້ ຢ່າງ​ເຂັ້ມ​ງວດ ແລະ ໄດ້​ຮັບ​ຜົນ​ດີ.

7. ຄໍາ​ສັ່ງ​ສະ­ບັບ​ນີ້ ມີ​ຜົນ​ສັກ­ສິດ​ນັບ​ແຕ່​ມື້​ລົງ​ລາຍ​ເຊັນ ແລະ ໄດ້​ພິມ​ລົງ​ຈົດ­ຫມາຍ­ເຫດ​ທາງ​ລັດ​ຖະ​ການ 15 ວັນ​ລັດ​ຖະ​ການ ເປັນ­ຕົ້ນ​ໄປ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110