Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.


ຫົວ​ຂໍ້ : ສະ​ຫາຍ ​ທອງ​ລຸນ ສີ​ສຸ​ລິດ ສົ່ງ​ຈົດ​ໝາຍ​ສະ​ແດງ​ຄວາມ​ຂອບ​ໃຈ​ເຖິງ​ ສະ​ຫາຍ ສີຈິ້ນ​ຜິງ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 11/08/2021 16:16:36 ຈຳ​ນວນ​ຜູ້​ເຂົ້າ​ຢ້ຽມ​ຊົມ 4350 ຄັ້ງ

      ສະ​ຫາຍ ທອງ​ລຸນ ສີ​ສຸ​ລິດ ເລ​ຂາ​ທິ​ການ​ໃຫຍ່ ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ​ປະ​ຊາ​ຊົນ​ ປະ​ຕິ​ວັດ​ລາວ ປະ​ທານ​ປະ​ເທດແຫ່ງ ສ​ປ​ປ ລາວ ໄດ້​ສົ່ງ​ຈົດ​ໝາຍ​ສະ​ແດງ​ຄວາມຂອບ​ໃຈ​ເຖິງ ສະ​ຫາຍ ສີຈິ້ນ​ຜິງ ເລ​ຂາ​ທິ​ການ​ໃຫຍ່​ຄະ​ນະ​ກຳມະ​​ການ​ສູນ​ກາງ​ພັກ​ກກອມ​ມູ​ນິດ​ຈີນ ປະ​ທານ​ປະ​ເທດແຫ່ງ ສ​ປ ຈີນ ໃນ​ວັນ​ທີ 11 ສິງ​ຫາ 2021 ທີ່​ນະ​ຄອນຫຼວງ​ປັກກິ່ງ ຊຶ່ງ​ມີ​ເນື້ອ​ໃນ​ດັ່ງ​ນີ້:

ຕາງ​ໜ້າໃຫ້ປະຊາຊົນລາວບັນ​ດາ​ເຜົ່າ ແລະ ໃນ​ນາມ​ສ່ວນ​ຕົວ, ຂ້າພະເຈົ້າຂໍສະແດງຄວາມຂອບໃຈ ຢ່າງຈິງ​ໃຈ ມາຍັງສະຫາຍ ​ແລະ ຜ່ານ​ສະ​ຫາຍ​ໄປ​ຍັງ ປະຊາຊົນຈີນອ້າຍ​ນ້ອງ ທີ່ຍາມໃດກໍໄດ້ເອົາໃຈໃສ່ໃຫ້ການສະໜັບສະໜູນ ແລະ ຊ່ວຍເຫຼືອແກ່ພວກຂ້າພະເຈົ້າຢ່າງ​ຮອບ​ດ້ານ ແລະ ສະ​ເໝີ​ຕົ້ນ​ສະ​ເໝີ​ປາຍຕະ​ຫຼອດ​ມາ ຊຶ່ງ​ການ​ສະ​ໜັບ​ສະ​ໜູນ​ຊ່ວຍ​ເຫຼືອ​ດັ່ງ​ກ່າວ ໄດ້ປະກອບສ່ວນສຳ​ຄັນເຂົ້າໃນການພັດທະນາ ເສດຖະກິດ-ສັງຄົມ ແຫ່ງ​ຊາດ ກໍ​ຄືການຫຼຸດຜ່ອນຄວາມທຸກຍາກ ຂອງປະຊາຊົນລາວບັນດາເຜົ່າ ລວມ​ທັງ ການ​ຊ່ວຍ​ເຫຼືອ​ໃນ​ການ​ສະ​ກັດ​ກັ້ນ​ການ​ແຜ່ລະ​ບາດ​ພະ​ຍາດ​ໂຄວິດ-19 ຢູ່ ສ​ປ​ປ ລາວ ຊຶ່ງນັບ​ແຕ່​ມີ​ການ​ລະ​ບາດ​ຮອບ​ໃໝ່ໃນ​ກາງ​ເດືອນ​ເມ​ສາ 2021 ເຖິງ​​ປັດ​ຈຸ​ບັນນີ້, ສະ​ຫາຍ​ຈີນກໍໄດ້​ສືບ​ຕໍ່​ໃຫ້​ການ​ຊ່ວຍ​ເຫຼືອ​ເປັນ​ພິ​ເສດ​ຕະ​ຫຼອດ​ມາ ໂດຍໄດ້​ສົ່ງ​​ທີມ​ແພດ​ຊ່ຽວ​ຊານ ເຂົ້າໄປ​ເຮັດ​ວຽກຮ່ວມ​ກັບ​ທີມ​ແພດ​ລາວ, ອຸ​ປະ​ກອນ​ການ​ແພດ, ຢາ​ປິ່ນ​ປົວ ແລະ ​ຢາ​ວັກ​ຊິນ​ເປັນ​ຈຳ​ນວນຫຼາຍ​ລ້ານໂດ​ສ.

 

ຂ້າພະເຈົ້າ ມີຄວາມຮູ້ສຶກຕື້ນຕັນໃຈ ແລະ ຮູ້ບຸນຄຸນເປັນຢ່າງສູງມາຍັງ ພັກ, ລັດຖະບານ ແລະ ປະຊາຊົນຈີນອ້າຍນ້ອງ ຕໍ່​ການ​ຊ່ວຍ​ເຫຼືອອັນ​ລ້ຳ​ຄ່າທີ່​ຜ່ານມາ, ໄດ້ເຮັດ​ໃຫ້ ສ​ປ​ປ ລາວ ສາ​ມາດ​ສະ​ກັດ​ກັ້ນ​ການ​ແຜ່​ລະ​ບາດ​ໃນ​ຊຸມ​ຊົນ​ລົງ​ໄດ້. ​ໃນ​ປັດ​ຈຸ​ບັນ, ເຖິງ​ແມ່ນ​ວ່າ​ການ​ລະ​ບາດ​ໃນ​ຊຸມ​ຊົນມີ​ອັດ​ຕາ​ທີ່​ຕ່ຳ ແລະ ຄວບ​ຄຸມ​ໄດ້​ໂດຍ​ພື້ນ​ຖານ, ແຕ່​ການ​ຕິດ​ເຊື້ອ​ຂອງ​ແຮງ​ງານ​ລາວ ທີ່​ກັບ​ມາ​ຈາກ​ປະ​ເທດ​ໃກ້​ຄຽງ​ຍັງ​ອັດ​ຕາ​ສູງ​ໃນ​ທຸກໆມື້, ອັນ​ໄດ້​ສືບ​ຕໍ່​ສົ່ງ​ຜົນ​ກະ​ທົບ ແລະ ເປັນ​ພາ​ລະ​ທີ່​ໜັກ​ໜ່ວງໃຫ້​ແກ່​ລັດ​ຖະ​ບານ ກໍ​ຄື​ອຳ​ນາດ​ການ​ປົກ​ຄອງ​ທ້ອງ​ຖິ່ນ​ຂອງ​ລາວ ໃນ​ການ​ສະ​ກັດ​ກັ້ນ ບໍ່​ໃຫ້​ມີ​ການ​ລະບາດ​ໃນ​ຊຸມ​ຊົນ​ອີ​ກຄັ້ງໃໝ່. ​ຂ້າ​ພະ​ເຈົ້າ​ຮັບ​ຮູ້​ດີ​ວ່າ ວິ​ທີ​​ປ້ອງ​ກັນ​ການ​ລະ​ບາດ​ຂອງ​ພະ​ຍາດ​ໂຄວິດ ກໍ​ຄື​ການຫຼຸດ​ຜ່ອນ​ການ​ຕິດ​ເຊື້ອ ແລະ ເສຍ​ຊິີວິດທີ່​ດີ​ທີ່​ສຸດ ແມ່ນ​ຈະ​ຕ້ອງ​ສັກ​ຢາ​ວັກຊິນໃຫ້​ປະ​ຊາ​ຊົນໃຫ້​ທົ່ວ​ເຖິງ. ​ດັ່ງ​ນັ້ນ, ການ​ຊ່ວຍ​ເຫຼືອຢາ​ວັກ​ຊິນ ຂອງ​ສະ​ຫາຍ​ຈີນ ຊຶ່ງ​ມາ​ຮອດ​ປັດ​ຈຸ​ບັນ ມີ​ຈຳ​ນວນ​ເຖິງ 3 ລ້ານ​ໂດ​ສ ຊຶ່ງທັງ​ໝົດ​ແມ່ນ​ການ​ຊ່ວຍ​ເຫຼືອ​ທີ່​ລ້ຳ​ຄ່າ​ທີ່​ສຸດ ໃນ​ການ​ປ້ອງ​ກັນ​ຊີ​ວິດ ແລະ ສຸ​ຂະ​ພາບ​ຂອງ​ປະ​ຊາ​ຊົນ​ລາວ​ຂອງ​ພວກ​ຂ້າ​ພະ​ເຈົ້າ ແລະ ພ້ອມ​ທັງ​ຊ່ວຍໃຫ້ ສ​ປ​ປ ລາວ ສາມາດບັນລຸເ​ປົ້າໝາຍສູ້ຊົນໃນການສັກຢາວັກຊິນຕ້ານໂຄວິດ-19 ໃຫ້ໄດ້ 50% ຂອງພົນລະເມືອງໃນທ້າຍປີ 2021 ນີ້.

 

      ອີກເທື່ອໜຶ່ງ ໃນນາມພັກ, ລັດຖະບານ ແລະ ປະຊາຊົນລາວ ກໍຄື ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມຮູ້ບຸນຄຸນເປັນຢ່າງສູງ ມາຍັງພັກ, ລັດຖະບານ ແລະ ປະຊາຊົນຈີນອ້າຍນ້ອງ ຕໍ່ການຊ່ວຍເຫຼືອດັ່ງກ່າວ, ພ້ອມທັງເຊື່ອໝັ້ນວ່າພາຍໃຕ້ການຮ່ວມມືຊ່ວຍເຫຼືອ ຈາກ ສປ ຈີນ ຈະເຮັດໃຫ້ ສປປ ລາວ ສາມາດຜ່ານຜ່າໄລຍະວິກິດນີ້ ແລະ ເອົາຊະນະກັບການແຜ່ລະບາດຂອງພະຍາດໂຄວິດ-19 ແລະ ສາມາດຟື້ນຟູເສດຖະກິດ ແລະ ຊີວິດການເປັນຢູ່ຂອງປະຊາຊົນລາວໃນຂອບເຂດທົ່ວປະເທດໃຫ້ກັບຄືນສູ່ສະພາບປົກກະຕິໂດຍໄວ.

 

ສຸດທ້າຍນີ້, ຂ້າພະເຈົ້າຖື​ໂອ​ກາດ​ນີ້ ຂໍອວຍພອນໄຊອັນປະເສີດມາ​ຍັງສະຫາຍ ຈົ່ງມີພະລານາໄມສົມບູນ, ມີຄວາມຜາສຸກ ແລະ ປະສົບຜົນສຳເລັດ ໃນພາລະກິດອັນມີກຽດສູງສົ່ງຂອງສະຫາຍ ສືບຕໍ່ນຳພາປະເທດຈີນມີຄວາມຈະເລີນຮຸ່ງເຮືອງຍິ່ງໆຂຶ້ນ, ບັນລຸເປົ້າໝາຍ 100 ປີເຫດການທີສອງ ແລະ ອວຍພອນໃຫ້ສາຍພົວພັນມິດຕະພາບທີ່ເປັນມູນເຊື້ອລະຫວ່າງ ລາວ-ຈີນ, ຈີນ-ລາວ ຕາມທິດ 4 ດີ ແລະ ການເປັນຄູ່ຮ່ວມຊາຕາກຳລາວ-ຈີນ, ຈີນ-ລາວ ຈົ່ງໝັ້ນຄົງຂະໜົງແກ່ນ ໃຫ້ນັບມື້ນັບເລິກເຊິ່ງ ແລະ ແຕກດອກອອກຜົນ ເພື່ອນຳຜົນປະໂຫຍດຕົວຈິງມາສູ່ປະຊາຊົນສອງຊາດ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com