Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.


ຫົວ​ຂໍ້ : ການນຳເຮົາ ສົ່ງສານສະແດງຄວາມເຫັນໃຈ ເຖິງການນຳ ສປ ຈີນ

ເຜີຍ​ແຜ່​ໂດຍ​: siththiphone rasphone ເວ​ລາ: 03/02/2020 09:00:01 ຈຳ​ນວນ​ຜູ້​ເຂົ້າ​ຢ້ຽມ​ຊົມ 3373 ຄັ້ງ

   ສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ ປະທານປະເທດ ແຫ່ງ ສປປ ລາວ ໄດ້ສົ່ງສານສະແດງຄວາມເຫັນໃຈ ເຖິງ ສະຫາຍ ສີ ຈິ້ນຜິງ  ເລຂາທິການໃຫຍ່ຄະນະກໍາມະການສູນກາງພັກກອມມູນິດຈີນ  ປະທານປະເທດ ແຫ່ງ ສາທາລະນະລັດ ປະຊາຊົນຈີນ ທີ່ນະຄອນຫຼວງປັກກິ່ງ, ເນື້ອໃນສານລະບຸວ່າ:

   ຂ້າພະເຈົ້າ ໄດ້ຕິດຕາມຢ່າງໃກ້ຊິດຕໍ່ສະພາບການແຜ່ລະບາດຂອງພະຍາດປອດອັກເສບຈາກເຊື້ອຈຸລະໂຣກສາຍພັນໃໝ່ ທີ່ປັດຈຸບັນໄດ້ມີການແຜ່ລາມໄປສູ່ບາງເຂດຢູ່ພາຍໃນປະເທດຈີນ ແລະ ບາງປະເທດໃນໂລກ, ຊຶ່ງໄດ້ສົ່ງຜົນກະທົບຕໍ່ການດໍາລົງຊີວິດ ແລະ ໄດ້ສ້າງຄວາມສູນເສຍດ້ານຊີວິດແກ່ປະຊາຊົນຈີນ ຢ່າງຫຼວງຫຼາຍ.

   ຂ້າພະເຈົ້້າຕີລາຄາສູງທີ່ເຫັນວ່າ ນັບແຕ່ເຊື້ອພະຍາດດັ່ງກ່າວໄດ້ເກີດຂຶ້ນເປັນຕົ້ນມາ, ສະຫາຍເລຂາທິການໃຫຍ່ ສີຈິ້ນຜິງ ໄດ້ເອົາໃຈໃສ່ໃຫ້ທິດຊີ້ນໍາຢ່າງເປັນລະບົບ, ແຕ່ງຕັ້ງຄະນະສະເພາະກິດເພື່ອສະກັດກັ້ນ, ປ້ອງກັນ, ຄວບຄຸມ ແລະ ຮັບມືກັບພະຍາດດັ່ງກ່າວຢ່າງຮອບດ້ານ ແລະ ທັນການ ໂດຍຖືເອົາຄວາມປອດໄພທາງຊີວິດຂອງປະຊາຊົນເປັນຫຼັກ, ທັງໄດ້ມີການເປີດເຜີຍຂໍ້ມູນທີ່ກ່ຽວຂ້ອງຢ່າງທັນເວລາ, ອັນໄດ້ສະແດງໃຫ້ເຫັນເຖິງຄວາມຕັດສິນໃຈດ້ານການເມືອງອັນເດັດດ່ຽວ ໜັກແໜ້ນ ແລະ ການນໍາໃຊ້ມາດຕະການທີ່ຖືກຕ້ອງທັນການໃນການຮັບມືກັບບັນຫາດັ່ງກ່າວ ນອກຈາກເປັນການປົກປ້ອງປະຊາຊົນຈີນແລ້ວ, ຍັງເປັນການປົກປ້ອງຄວາມປອດໄພດ້ານຊີວິດຂອງປະຊາຊົນໃນໂລກອີກດ້ວຍ.

   ໃນນາມພັກ, ລັດຖະບານ ແລະ ປະຊາຊົນລາວບັນດາເຜົ່າ ກໍ່ຄືໃນນາມສ່ວນຕົວ, ຂ້າພະເຈົ້າຂໍສະແດງຄວາມເຫັນອົກເຫັນໃຈ ແລະ ເສົ້າສະຫຼົດໃຈຢ່າງສຸດຊຶ້ງຕໍ່ຜູ້ໄດ້ຮັບເຄາະຮ້າຍ ແລະ ຜົນກະທົບທີ່ເກີດຂຶ້ນກັບປະຊາຊົນຈີນອ້າຍນ້ອງ ແລະ ເຊື່ອໝັ້ນຢ່າງໜັກແໜ້ນວ່າ ພາຍໃຕ້ການຊີ້ນໍາ-ນໍາພາຂອງພັກ, ລັດຖະບານຈີນ ບັນດາສະຫາຍຈະສາມາດຄວບຄຸມການລະບາດຂອງເຊື້ອພະຍາດດັ່ງກ່າວໄດ້ຢ່າງມີປະສິດທິຜົນ ເພື່ອເຮັດໃຫ້ປະຊາຊົນໄດ້ກັບຄືນສູ່ສະພາບປົກກະຕິໂດຍໄວ.

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110