Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.


ຫົວ​ຂໍ້ : ອຸ​ຕຸ​ຄາ​ດຄະ​ເນແຕ່​ເດືອນ​ຕຸ​ລາ ຫາ​ ເດືອນ​ທັນ​ວາ ມີ​ທັງ​ພາ​ຍຸ​ໝຸນ​ເຂດ​ຮ້ອນ ແລະ ອາ​ກາດ​ໜາວ​ເຢັນ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 05/10/2021 13:36:19 ຈຳ​ນວນ​ຜູ້​ເຂົ້າ​ຢ້ຽມ​ຊົມ 827 ຄັ້ງ

     ກົມອຸຕຸນິຍົມ ແລະ ອຸທົກກສາດຄາດຄະເນວ່າໃນໄລຍະຕົ້ນຫາກາງເດືອນຕຸລາ 2021 ອາດຈະມີພາຍຸໝຸນເຂດຮ້ອນຢ່າງໜ້ອຍ 1 ຫົວພັດຜ່ານພາກກາງ ແລະ ພາກໃຕ້ຂອງປະເທດເຮົາ, ຫຼັງຈາກນັ້ນກ້າວເຂົ້າສູ່ເດືອນພະຈິກຫາທັນວາກຽມຮັບມືກັບອາກາດ​​ໜາວເຢັນ ໂດຍສະເພາະພາກເໜືອ ແລະ ເຂດພູສູງ.

      ກົມອຸຕຸນິຍົມ ແລະ ອຸທົກກະສາດ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຄາດຄະເນສະພາບອາກາດແຕ່ເດືອນຕຸລາ ຫາ ເດືອນທັນວາ 21021, ​ສະບັບເລກທີ 1086/ກອທ ລົງວັນທີ 4 ຕຸລາ 2021 ລະບຸວ່າ: ໃນໄລຍະວັນທີ 1-9 ຕຸລາ 2021 ກະແສລົມຕາເວັນອອກ-ຕາເວັນອອກສ່ຽງໃຕ້ຈະພັດປົກຄຸມພາກເໜືອ ແລະ ພາກກາງຂອງປະເທດລາວ, ສ່ວນພາກໃຕ້ກະແສລົມຕາເວັນຕົກສ່ຽງໃຕ້ພັດປົກຄຸມດ້ວຍກໍາລັງອ່ອນ ພ້ອມດຽວກັນນີ້ ຍ່ອມຄວາມກົດດັນອາກາດຕໍ່າຈະປົກຄຸມຢູ່ເຂດທະເລຈີນໃຕ້ຕອນກາງ ດ້ວຍກໍາລັງແຮງ ແລະ ຈະເພີ່ມກໍາລັງແຮງຂຶ້ນເປັນພາຍຸເຂດຮ້ອນເຄື່ອນທີ່ຢູ່ເຂດທະເລຈີນໃຕ້ຕອນກາງ ຫາ ຕອນເທິງ ຊຶ່ງຈະເຮັດໃຫ້ມີຝົນຕົກໃນລະດັບຄ່ອຍໃນແຕ່ລະພາກ ແລະ ຕົກປານກາງ ຫາ ໜັກຢູ່ບາງທ້ອງຖິ່ນ ແຂວງພາກເໜືອ ແລະ ພາກກໃຕ້. ໄລຍະວັນທີ 10 - 20 ຕຸລາ 2021 ຮ່ອງຄວາມກົດດັນອາກາດຕໍ່າຈະພາດຜ່ານພາກກາງຂອງປະເທດລາວ ປ່ອງໃສ່ພາຍຸໝຸນເຂດຮ້ອນທີ່ເຄື່ອນທີ່ຢູ່ເຂດທະເລຈີນໃຕ້ຕອນກາງ ແລະ ມີທ່າອ່ຽງຈະເຄື່ອນທີ່ຜ່ານພາກກາງ ແລະ ພາກໃຕ້ຂອງປະເທດລາວ ຊຶ່ງຈະເຮັດໃຫ້ມີຝົນຕົກໜັກຫາໜັກຫຼາຍ ພ້ອມມີລົມພັດແຮງຢູ່ໃນເຂດພາກກາງ ແລະ ພາກໃຕ້. ໄລຍະວັນທີ 21 – 31 ຕຸລາ 2021 ມວນອາກາດເຢັນຈາກປະເທດຈີນຈະແຜ່ລົງມາປົກຄຸມເຂດພາກເໜືອລົງຫາພາກກາງ ສົມທົບກັບກະແສລົມຕາເວັນອອກ-ຕາເວັນອອກສ່ຽງເໜືອມີກໍາລັງແຮງເພີ່ມຂຶ້ນພັດປົກຄຸມ ຊຶ່ງຈະເຮັດໃຫ້ມີຝົນຕົກໜ້ອຍໃນແຕ່ລະພາກ ແລະ ອາກາດເຢັນຫາໜາວເຢັນໃນເຂດພາກເໜືອ ແຂວງໄຊສົມບູນ ແລະ ເຂດພູພຽງບໍລະເວນ ພ້ອມມີໝອກໜາປົກຫຸ້ມໃນຕອນເຊົ້າ.

+ ຄາດຄະເນສະພາບອາກາດປະຈໍາເດືອນພະຈິກ 2021:

ໃນໄລຍະຕົ້ນເດືອນພະຈິກ 2001 ມວນອາກາດໜາວເຢັນຈາກປະເທດຈີນຈະມີກໍາລັງແຮງເພີ່ມຂຶ້ນແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງປານກາງ ສົມທົບກັບກະແສລົມມໍລະສຸມຕາເວັນອອກສ່ຽງເໜືອພັດປົກຄຸມ ຊຶ່ງຈະເຮັດໃຫ້ອາກາດໜາວເຢັນໃນແຂວງພາກເໜືອ, ສ່ວນພາກກາງ ແລະ ພາກໃຕ້ອາກາດເຢັນ ພ້ອມມີຝົນຕົກໃນລະດັບຄ່ອຍຢູ່ບາງທ້ອງຖິ່ນ. ໄລຍະກາງ ຫາ ທ້າຍເດືອນພະຈິກ ມວນອາກາດໜາວເຢັນຈະມີກໍາລັງແຮງເພີ່ມຂຶ້ນຕື່ມອີກ ຊຶ່ງຈະເຮັດໃຫ້ອາກາດ               ໜາວເຢັນລົງໃນແຕ່ລະພາກ ແລະ ໜາວເຢັນຫຼາຍຢູ່ບັນດາແຂວງພາກເໜືອ, ແຂວງໄຊສົມບູນ ແລະ ເຂດພູພຽງບໍລະເວນ ພ້ອມມີຝົນຕົກໃນລະດັບຄ່ອຍເປັນບາງໂອກາດ.

+ ຄາດຄະເນສະພາບອາກາດປະຈໍາເດືອນທັນວາ 2021:

ໃນໄລຍະຕົ້ນເດືອນທັນວາ 2011 ມວນອາກາດໜາວເຢັນຈະປົກຄຸມຢູ່ທົ່ວທຸກພາກຂອງປະ ເທດລາວດ້ວຍກໍາລັງອ່ອນ ຫາ ປານກາງ ພ້ອມດຽວກັນຍ່ອມຄວາມກົດດັນອາກາດຕໍ່າປົກຄຸມເຂດທະເລຈີນໃຕ້ຕອນລຸ່ມ ຊຶ່ງຈະເຮັດໃຫ້ອາກາດໜາວເຢັນໃນແຂວງພາກເໜືອ, ແຂວງໄຊສົມບູນ ແລະ ເຂດພູພຽງບໍລະເວນ ພ້ອມມີຝົນຕົກໃນລະດັບຄ່ອຍຢູ່ບາງທ້ອງຖິ່ນ. ໄລຍະກາງ ຫາ ທ້າຍເດືອນ ທັນວາອາກາດໜາວເຢັນລົງຕື່ມອີກໃນແຕ່ລະພາກ ແລະ ໜາວເຢັນຫຼາຍຢູ່ບັນດາແຂວງພາກເໜືອ, ແຂວງໄຊສົມບູນ ແລະ ເຂດພູພຽງບໍລະເວນ ພ້ອມມີໝອກໜາປົກຫຸ້ມຢູ່ທົ່ວໄປໃນຕອນເຊົ້າ.

ຄາດຄະເນສະພາບພາຍຸໝຸນເຂດຮ້ອນ ໄລຍະເດືອນຕຸລາ ຫາ ທັນວາ 2011.

ໃນໄລຍະ 3 ເດືອນຕໍ່ໜ້າ ຈະມີພາຍຸໝຸນເຂດຮ້ອນເຄື່ອນທີ່ຜ່ານເຂດທະເລຈີນໃຕ້ຕອນກາງ ຈາກນັ້ນສືບຕໍ່ເຄື່ອນທີ່ຂຶ້ນຝັ່ງ ປະເທດຫວຽດນາມ ແລະ ຜ່ານພາກກາງ ແລະ ພາກໃຕ້ ຂອງ ສປປ ລາວ ປະມານ 1 ຫົວ ໂດຍສະເພາະແມ່ນໄລຍະຕົ້ນ ຫາ ກາງເດືອນ ຕຸລາ 2011.

ຄໍາເຕືອນເພື່ອເຝົ້າລະວັງ ສະພາບພາຍຸເຂດຮ້ອນ ແລະ ສະພາບອາກາດໜາວຫຼາຍ.

• ໃນໄລຍະຕົ້ນ ຫາ ກາງເດືອນ ຕຸລາ 2021 ຮ່ອງຄວາມກົດດັນອາກາດຕໍ່າຈະພາດຜ່ານພາກກາງ ແລະ ພາກໃຕ້ຂອງປະເທດລາວ ປ່ອງໃສ່ພາຍຸໝຸນເຂດຮ້ອນທີ່ເຄື່ອນທີ່ຢູ່ເຂດທະເລຈີນໃຕ້ຕອນກາງ ແລະ ຈະເຄື່ອນທີ່ຜ່ານພາກກາງຫາພາກໃຕ້ຂອງປະເທດລາວ ຊຶ່ງຈະເຮັດໃຫ້ມີຝົນຕົກໜັກ ຫາ ໜັກຫຼາຍ ພ້ອມມີລົມພັດແຮງ ແລະ ຈະເຮັດໃຫ້ມີຕົ້ນໄມ້ຫັກ ແລະ ນໍ້າຖ້ວມຊຸ ແລະ ນໍ້າຖ້ວມຍື່ງ ໃນເຂດພາກກາງ ແລະ ພາກໃຕ້.

• ໃນໄລຍະກາງເດືອນພະຈິກ ຫາ ເດືອນ ທັນວາ ມວນອາກາດໜາວເຢັນຈະປົກຄຸມດ້ວຍກໍາລັງແຮງ ຊຶ່ງຈະເຮັດໃຫ້ອາກາດໜາວເຢັນຫາໜາວເຢັນຫຼາຍພ້ອມມີໝອກໜາປົກຫຸ້ມໃນຕອນເຊົ້າ ຢູ່ເຂດພາກເໜືອ, ເຂດພູດອຍ, ພູສູງ, ຮ່ອມພູ, ເຂດແຂວງໄຊສົມບູນ, ເຂດພູພຽງບໍລະເວນ ແລະ ຈະເຮັດໃຫ້ການເບິ່ງເຫັນໃກ້ບໍ່ຈະແຈ້ງ ກໍ່ໃຫ້ເກີດອຸບັດເຫດໃນການໃຊ້ລົດໃຊ້ຖະໜົນ ພ້ອມດຽວກັນ ຜູ້ເຖົ້າ ແລະ ເດັກນ້ອຍຈະເປັນໄຂ້ຫວັດໄດ້ງ່າຍ.

ດັ່ງນັ້ນ, ຈຶ່ງແຈ້ງເຕືອນເຖິງອົງການປົກຄອງທ້ອງຖິ່ນ ແລະ ປະຊາຊົນທີ່ອາໄສໃນເຂດດັ່ງກ່າວ ຈົ່ງມີສະຕິກຽມພ້ອມຮັບມືກັບສະພາບນໍ້າຖ້ວມກະທັນຫັນ, ນໍ້າຖ້ວມຊຸ, ນໍ້າຖ້ວມຍື່ງ, ດິນເຈື່ອນ ແລະ ສະພາບອາກາດໜາວຫຼາຍທີ່ຈະເກີດຂຶ້ນໄດ້. ຂໍໃຫ້ຕິດຕາມການລາຍງານສະພາບອາກາດ ແລະ ລະ ດັບນໍ້າ ຈາກກົມອຸຕຸນິຍົມ ແລະ ອຸທົກກະສາດຢ່າງເປັນປະຈໍາ.

ຂ່າວ: . ຄຳປະສິດ

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com