ກອງປະຊຸມຄົບຄະນະກຳມາທິການຍຸຕິທຳ


...

01.11.2018 17:24     

   ກອງປະຊຸມຄົບຄະນະກຳມາທິການຍຸຕິທຳ ສະພາແຫ່ງຊາດ ປະຈຳປີ 2018 ໄດ້ເປີດຂຶ້ນໃນຕອນເຊົ້າວັນທີ 30 ຕຸລາ ທີ່ນະຄອນຫຼວງວຽງຈັນ, ພາຍໃຕ້ການເປັນປະທານຂອງ ທ່ານນາງ ບົວຄຳ ທິບພະວົງ ປະທານກຳມາທິການຍຸຕິທຳ, ມີພາກສ່ວນກ່ຽວຂ້ອງເຂົ້າຮ່ວມ. ກອງປະຊຸມໄດ້ຮັບຟັງການສະຫຼຸບຕີລາຄາການເຄື່ອນໄຫວວຽກງານຂອງກຳມາທິການຍຸຕິທຳ ປະຈຳປີ 2018 ແລະ ທິດທາງແຜນການວຽກງານຈຸດສຸມປະຈຳປີ 2019 ໂດຍສະເພາະແມ່ນວຽກງານຕິດຕາມກວດກາການຈັດຕັ້ງປະຕິບັດລັດຖະທຳມະນູນ ແລະ ກົດໝາຍ, ວຽກງານແກ້ໄຂຄຳຮ້ອງຂໍຄວາມເປັນທຳ ທີ່ຈະນຳເຂົ້າຜ່ານກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ VIII, ນອກນັ້ນທີ່ປະຊຸມຍັງໄດ້ຄົ້ນຄ້ວາປະກອບຄຳຄິດຄຳເຫັນໃສ່ຮ່າງບົດລາຍງານການເຄື່ອນໄຫວວຽກງານປະຈຳປີ 2018 ແລະ ທິດທາງແຜນການປີ 2019 ຂອງອົງການໄອຍະການປະຊາຊົນສູງສຸດ ແລະ ສານສູງສຸດ,ຄົ້ນຄ້ວາປະກອບຄຳເຫັນໃສ່ຮ່າງນິຕິກຳວ່າດ້ວຍການພິຈາລະນາ ແລະ ແກ້ໄຂຄຳຮ້ອງຂໍຄວາມຍຸຕິທຳ ແລະ ຂໍ້ຕົກລົງວ່າດ້ວຍການຮັບ ແລະ ພິຈາລະນາຄຳຮ້ອງຂໍຄວາມເປັນທຳຂອງກຳມາທິການຍຸຕິທຳສະພາແຫ່ງຊາດ ແລະ ຮ່າງລັດຖະດຳລັດຂອງປະທານປະເທດວ່າດ້ວຍການດຳເນີນຄະດີ. (ຂ່າວ: ພູວຽງຄຳ)