ສນຊ ເຄື່ອນໄຫວຊຸກຍູ້ການຜະລິດຂອງປະຊາຊົນແຂວງບໍລິຄຳໄຊ


...

05.11.2018 13:21     

   ລະຫວ່າງວັນທີ 21-25 ຕຸລາຜ່ານມາ, ທ່ານ ແກ້ວຈະເລີນ ເຊ່ຍຢິ້ງຢ່າງ ຄະນະປະຈຳສູນກາງແນວລາວສ້າງຊາດ ຫົວໜ້າກົມໂຄສະນາ-ອົບຮົມ, ທ່ານ ລຳສະໄໝ ວໍລະສານ ຄະນະປະຈຳພັກແຂວງ ປະທານແນວລາວສ້າງຊາດແຂວງບໍລິຄຳໄຊ ພ້ອມດ້ວຍຄະນະໄດ້ລົງເຄື່ອນໄຫວຊຸກຍູ້ການຜະລິດ ຂອງປະຊາຊົນ ຢູ່ເມືອງວຽງທອງ ແຂວງບໍລິຄຳໄຊ. ຊຶ່ງເປັນເຂດຈຸດສຸມທົ່ງມີໄຊເປັນເຂດລັດຖະບານຈັດສັນພູມລຳເນົາໃຫ້ປະຊາຊົນຜູ້ທີ່ຢູ່ເລື່ອນລອຍແບບກະແຈກກະຈາຍກ່ອນປີ 2000. ໃນການເຄື່ອນໄຫວຢ້ຽມຢາມຄັ້ງນີ້, ຄະນະໄດ້ພົບປະກັບຜູ້ຊົງຄຸນວຸດທິບັນດາຊົນເຜົ່າຂອງແຕ່ລະບ້ານຄື: ບ້ານໂຮມຈະເລີນ, ບ້ານທົ່ງມີໄຊ, ບ້ານສີວິໄລ ແລະ ບ້ານນາເພິງ ຊຶ່ງໃນນີ້, ທ່ານ ແກ້ວຈະເລີນ ເຊ່ຍຢິ້ງຢ່າງ ໄດ້ຍົກໃຫ້ເຫັນບົດບາດຂອງຜູ້ຊົງຄຸນວຸດທິບັນດາຊົນເຜົ່າຕໍ່ກັບການເຕົ້າໂຮມຄວາມສາມັກຄີໃນເມື່ອກ່ອນກໍ່ຄືປັດຈຸບັນ ຊຶ່ງເປັນໜຶ່ງໃນກຳລັງແຮງທີ່ປຸກລະດົມປະຊາຊົນລາວບັນເຜົ່າ, ສາສະໜາ, ຊັ້ນຄົນ ແລະ ເພດ-ໄວ ເຂົ້າຮ່ວມທຸກຂະບວນການທີ່ສຳຄັນຂອງຊາດ ຂອງພັກ ພ້ອມກັນນີ້, ທ່ານ ແກ້ວຈະເລີນ ເຊ່ຍຢິ້ງຢ່າງ ກໍ່ໄດ້ເນັ້ນໃຫ້ອຳນາດການປົກຄອງບ້ານ, ແນວລາວສ້າງຊາດບ້ານ ສົມທົບກັບຜູ້ຊົງຄຸນວຸດທິບັນດາຊົນເຜົ່າປຸກລະດົມປະຊາຊົນທຳການຜະລິດເປັນສິນຄ້າແກ້ໄຂຄວາມທຸກຍາກເພື່ອເຮັດໃຫ້ຊີວິດການເປັນຢູ່ຂອງປະຊາຊົນດີຂຶ້ນເປັນກ້າວໆ. ອີກດ້ານໜຶ່ງເປັນການຈັດຕັ້ງປະຕິບັດມະຕິ X ຂອງພັກ ແລະ ມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ X ຂອງແນວລາວສ້າງຊາດໂດຍລົງເລີກໃສ່ສ້າງບ້ານ ແລະ ຄອບຄົວສາມັກຄີປອງດອງ ຂອງແນວລາວສ້າງຊາດ ໃຫ້ໄດ້ຕາມລະດັບຄາດໝາຍທີ່ວາງໄວ້. ໂອກາດນີ້, ກໍ່ໄດ້ຢ້ຽມຢາມພື້ນຖານການຜະລິດຂອງປະ ຊາຊົນໃນແຕ່ລະບ້ານຕື່ມອີກ. (ຂ່າວ: ສນຊ)