ສົກຮຽນ 2018-2019 ຈະມີນັກສຶກສາ 800 ຄົນສຶກສາທີ່ໂຮງຮຽນເຕັກນິກ-ວິຊາຊີບ ຊຽງຂວາງ


...

02.11.2018 10:16     

   ໂດຍ : ຄານສີສະຫວັນ ພົງພັກດີ ຕາມການລາຍງານຂອງທ່ານ ບຸນຄົງ ດວງພະວັນ ຜູ້ອຳ ນວຍການໂຮງຮຽນເຕັກນິກວິຊາຊີບແບບປະສົມແຂວງຊຽງຂວາງ ໃຫ້ຮູ້ເມື່ອບໍ່ດົນນີ້ວ່າ: ສົກຮຽນ 2018-2019ນີ້, ໂຮງຮຽນເຕັກນິກ-ວິຊາຊີບ ແບບປະສົມແຂວງຊຽງຂວາງ ຈະດຳເນີນການຮຽນ-ການ ສອນເປັນປົກກະຕິຕາມ 8 ສາ ຂາວິຊາຮຽນທີ່ໄດ້ກຳນົດໄວ້ໃນແຜນເບື້ອງຕົ້ນຂອງແຜນປີຄື: ສາຂາ (ປູກພືດ-ວິໄຈດິນ, ໄຟ ຟ້າ-ເຕັກນິກ, ລ້ຽງສັດ-ສັດຕະ ວະແພດ, ກໍ່ສ້າງເຄຫາສະຖານ, ຊ່າງໄມ້ເຟີນີເຈີ, ສ້ອມແປງລົດຍົນ-ເຄື່ອງຈັກທົ່ວໄປ, ອາຫານ-ການໂຮງແຮມ ແລະ ຕັດຫຍິບເສື້ອຜ້າ), ໃນນັ້ນ ຫຼັກສູດການສອນມີທັງລະບົບຊັ້ນກາງ, ຊັ້ນສູງຕໍ່ເນື່ອງ, ລະບົບ 4 ເດືອນ ແລະ ຝຶກອົບຮົມໄລຍະສັ້ນ, ຊຶ່ງລະບົບຊັ້ນກາງຮຽນພຽງແຕ່ 2-3 ປີ, ຜູ້ທີ່ຮຽນຕ້ອງຈົບ ມ7 ຫຼື ມ4, ລະບົບຊັ້ນສູງຕໍ່ເນື່ອງຮຽນພຽງ 1 ປີ ເຖິງ 4 ເດືອນ ຜູ້ທີ່ມີເງື່ອນໄຂເຂົ້າຮຽນຕ້ອງຮຽນຈົບຊັ້ນກາງ ຫຼື ທຽບເທົ່າ, ຝຶກອົບຮົມໄລຍະສັ້ນໃຊ້ເວລາພຽງແຕ່ 1 ອາທິດ ເຖິງ 4 ເດືອນ. ທ່ານ ບຸນຄົງ ດວງພະວັນ ຍັງໃຫ້ຮູ້ອີກວ່າ: ສົກຮຽນ 2018-2019 ນີ້, ຄາດວ່າຈະມີນັກສຶກ ສາມາຮຽນຕໍ່ທີ່ໂຮງຮຽນເຕັກ ນິກ-ວິຊາຊີບແບບປະສົມຂອງແຂວງ ຢ່າງຕາໍ່ 800 ຄົນຂຶ້ນໄປ ເມື່ອທຽບໃສ່ປີຜ່ານມາ ເຫັນວ່າໂຕເລກນັກສຶກສາຈະມີການເພີ່ມຂຶ້ນ, ເພາະສົກປີ 2017-2018 ໂຕເລກນັກສຶກສາມີພຽງແຕ່ 750 ຄົນ ແຕ່ທັງນີ້ກໍ ເປັນສິ່ງທ້າທາຍຕໍ່ໂຮງຮຽນທາງດ້ານອາຄານຫ້ອງຮຽນໃນ ການຮອງຮັບນັກຮຽນ ຖ້າບໍ່ໄດ້ຮັບການບຸກເບີກອາຄານຮຽນໃໝ່ກໍຈະເຮັດໃຫ້ນັກຮຽນແອອັດ, ອຸປະກອນທົດລອງທີ່ໃຊ້ຝຶກໃນພາກປະຕິບັດຕົວຈິງກໍຈະບໍ່ພຽງພໍ, ແຕ່ເຖິງຢ່າງໃດກໍຕາມທາງໂຮງຮຽນກໍຈະພະຍາຍາມດຳເນີນການຮຽນ-ການສອນໃຫ້ບັນລຸຕາມແຜນທີ່ກຳນົດຢ່າງມີປະສິດທິຜົນ. ໂຮງຮຽນເຕັກນິກ-ວິຊາຊີບແບບປະສົມແຂວງຊຽງຂວາງສ້າງຕັ້ງຂຶ້ນເມື່ອວັນທີ 4 ພະຈິກ 2004, ເປັນໂຮງຮຽນພາກລັດ ຂຶ້ນກັບພະແນກສຶກ ສາທິການ ແລະ ກິລາ ແຂວງຊຽງຂວາງ, ມີໜ້າທີ່ພາລະບົດບາດດຳເນີນການຮຽນ-ການສອນ ໃນສາຍອາຊີວະສຶກສາ ເພື່ອສ້າງສີມືແຮງງານໃຫ້ແກ່ກຳລັງ ຊາວໜຸ່ມ, ແມ່ຍິງຜູ້ດ້ອຍໂອ ກາດ ແລະ ຜູ້ສົນໃຈທົ່ວໄປ, ປັດ ຈຸບັນທາງໂຮງຮຽນໄດ້ກໍ່ສ້າງ ຊັບພະຍາກອນມະນຸດອອກຮັບ ໃຊ້ຊາດ-ຮັບໃຊ້ສັງຄົມແລ້ວ 10 ກ່ວາຮຸ່ນ ແຕ່ລະຮຸ່ນລ້ວນແລ້ວແຕ່ຖືກຍອມຮັບຈາກສັງ ຄົມໃນການນຳໃຊ້ຄວາມຮູ້ປະ ກອບເຂົ້າໃນອາຊີບ, ບໍ່ວ່າຈະເປັນທາງດ້ານສີມືແຮງງານ ແລະ ຄວາມຮູ້ຄວາມສາມາດ, ເພາະສອດຄ່ອງກັບພື້ນຖານການດຳລົງຊີວິດຂອງສັງຄົມໃນຍຸກປັດຈຸບັນ, ສຳລັບສົກຮຽນ 2018-2019 ນີ້ ທາງໂຮງຮຽນເຕັກນິກ-ວິຊາຊີບແບບປະສົມແຂວງຊຽງຂວາງໄດ້ເລີ່ມເປີດການຮຽນ-ການສອນເປັນທາງການໃນຕົ້ນເດືອນຕຸລາຜ່ານມານີ້, ສະນັ້ນ ຜູ້ປົກຄອງທ່ານໃດທີ່ມີລູກຫຼານຢາກເຂົ້າໄປສຶກສາຕໍ່ຢູ່ໂຮງຮຽນແຫ່ງນີ້ ພວກເຮົາກໍ ພ້ອມແລ້ວທີ່ຈະຮັບ ແລະ ຈົ່ງ ເຊື່ອໝັ້ນ ແລະ ພູມໃຈເມື່ອລູກ ຫຼານໄດ້ເຂົ້າຮຽນແລ້ວ ພວກ ເຮົາຈະສິດສອນໃຫ້ເປັນຄົນດີ-ຄົນເກັັ່ງ, ມີວິຊາຊີບຕິດຕົວ ເພື່ອເປັນອະນາຄົດຂອງຊາດ ໃນຕໍ່ໜ້າ. ລະມາມ ປາຖະກະຖາວັນສ້າງຕັ້ງ ສະຫະພັນນັກຮົບເກ່ົາແຫ່ງຊາດລາວ ເມືອງລະມາມ ແຂວງເຊ ກອງໄດ້ປາຖະກະຖາເລົ່າມູນ ເຊື້ອການເຕີບໃຫຍ່ຂະຫຍາຍ ຕົວຂອງສະຫະພັນນັກຮົບເກົ່າແຫ່ງຊາດລາວ ຄົບຮອບ 16 ປີຄືວັນທີ (9/9/2002-9/9/ 2018) ໃນທ້າຍອາທິດຜ່ານມາ ທີ່ສະໂມສອນປົກຄອງເມືອງດັ່ງ ກ່າວ ໂດຍພາຍໃຕ້ການເປັນປະທານຂອງທ່ານ ບຸນເນຍ ທອງປັນຍາ ຮອງເລຂາພັກເມືອງ ຜູ້ຊີ້ນຳວຽກງານອົງການຈັດຕັ້ງມະຫາຊົນ, ມີບັນດາກຳ ມະການພັກເມືອງ, ຫົວໜ້າ, ຮອງຫ້ອງການອ້ອມຂ້າງເມືອງເຂົ້າຮ່ວມ. ທ່ານ ສົມນຶກ ຊະນະສົມ ບູນ ປະທານສະຫະພັນນັກຮົບເກົ່າເມືອງລະມາມໄດ້ຂຶ້ນເລົ່າມູນເຊື້ອປະຫວັດຄວາມເປັນມາ ແລະ ການເຕີບໃຫຍ່ຂະ ຫຍາຍຕົວຂອງສະຫະພັນນັກ ຮົບເກົ່າແຫ່ງຊາດລາວ ຊຶ່ງທ່ານກໍໄດ້ຍົກໃຫ້ເຫັນເຖິງຜົນງານອັນພົ້ນເດັ່ນແຫ່ງການຕໍ່ສູ້ຕ້ານສັດຕູຜູ້ຮຸກຮານ ຊຶ່ງຍາມໃດກໍ ໄດ້ຄຽງບ່າຄຽງໄຫຼ່ ເພື່ອນຳພາ ປະຊາຊົນຕໍ່ສູ້ຕ້ານກັບຈັກກະ ພັດຝຣັ່ງ, ເປັນຕົ້ນແມ່ນຂະ ບວນການລຸກຮື້ຂຶ້ນຕໍ່ສູ້ຂອງປະຊາຊົນສະຫວັນນະເຂດພາຍໃຕ້ການນຳພາຂອງພໍ່ກະດວດ ປີ 1901-1903; ຢູ່ພາກໃຕ້ກໍສາມັກຄີກັນລຸກຂຶ້ນຕໍ່ສູ້; ພາຍໃຕ້ການນຳພາຂອງອົງແກ້ວ ແລະ ອົງກົມມະດຳ ແກ່ຍາວເຖິງ 37 ປີ 1901-1937; ຢູ່ພາກ ເໜືອແມ່ນຂະບວນການຕໍ່ສູ້ຂອງປະຊາຊົນເຜົ່າລື້ຢູ່ເມືອງ ສິງ (ຫຼວງນາໍ້ທາ) ພາຍໃຕ້ ການນຳພາຂອງພະຍາຄຳລື້ ປີ 1908 ແລະ ຂະບວນການຕໍ່ ສູ້ຂອງປະຊາຊົນເຜົ່າມົ້ງ ຢູ່ຊຳເໜືອ ພາຍໃຕ້ການນຳພາຂອງເຈົ້າຟ້າປັດໃຈ ປີ 1918-1922, ສ່ວນຢູ່ວຽງຈັນກໍມີການລຸກຂຶ້ນຕໍ່ສູ້ຂອງມະຫາຊົນພາຍໃຕ້ການ ນຳພາຂອງນາຍ ຄູ ຄຳ ປີ 1920 ແລະ ຂະບວນການອື່ນໆອີກດ້ວຍ. ໃນໂອກາດດັ່ງກ່າວ, ທ່ານ ບຸນເນຍ ທອງປັນຍາ ໄດ້ຮຽກຮອງໃຫ້ບັນດາສະມາຊິກພັກ-ພະນັກງານກໍຄືສະມາຊິກສະ ຫະພັນນັກຮົບເກົ່າ ຈົ່ງພ້ອມກັນຄົ້ນຄວ້າຮາໍ່ຮຽນເອົາມູນເຊື້ອອັນດີງາມຂອງນັກຮົບເກົ່າປະ ຕິວັດໃຫ້ໜັກແໜ້ນ ແລະ ສືບຕໍ່ຈັດຕັ້ງປະຕິບັດໜ້າທີ່ວຽກງານຂອງພັກ-ລັດມອບໝາຍໃຫ້ມີຜົນສຳເລັດເປັນກ້າວໆ. (ຂ່າວ: ດາວສະຫວັນ)