ຍທຂ ໄຊຍະບູລີ ຕີລາຄາວຽກງານ 9 ເດືອນ ປີ 2018


...

01.11.2018 17:41     

   ພະແນກໂຍທາທິການ ແລະ ຂົນສົ່ງ (ຍທຂ) ແຂວງໄຊຍະບູລີໄດ້ຈັດກອງປະຊຸມສະ ຫຼຸບຕີລາຄາການຈັດຕັ້ງປະຕິບັດ ວຽກງານ 9 ເດືອນ ແລະ ວາງທິດ ທາງແຜນການ 3 ເດືອນທ້າຍປີ 2018 ຂຶ້ນໃນຕອນເຊົ້າຂອງ ວັນທີ 29 ຕຸລາ ຜ່ານມາ ທີ່ຫ້ອງປະຊຸມພະແນກດັ່ງກ່າວ ໂດຍພາຍໃຕ້ການເປັນປະທານຂອງ ທ່ານ ແພງຊ້ອຍ ແພງເມືອງ ຫົວໜ້າພະແນກ ຍທຂ ແຂວງ, ມີພະນັກງານກ່ຽວຂ້ອງອ້ອມຂ້າງພະແນກເຂົ້າຮ່ວມ. ໃນກອງປະຊຸມທ່ານ ບຸນທະວີ ໂພທິລັກ ຮອງຫົວໜ້າ ພະແນກ ຍທຂ ໄດ້ຂຶ້ນຜ່ານບົດ ສະຫຼຸບຕີລາຄາການຈັດຕັ້ງປະ ຕິບັດວຽກງານໂຍທາ ແລະ ຂົນ ສົ່ງທົ່ວແຂວງ ໄລຍະ 9 ເດືອນ ແລະ ແຜນການ 3 ເດືອນທ້າຍປີ 2018. ໄລຍະ 9 ເດືອນຜ່ານມາ ຊຶ່ງເປັນໄລຍະທ້າຍຂອງ ການຈັດຕັ້ງປະຕິບັດແຜນພັດ ທະນາເສດຖະກິດ-ສັງຄົມ 5 ປີ ຄັ້ງທີ 8 (2016-2020) ຂອງ ລັດຖະບານກໍຄືແຜນຍຸດທະ ສາດຂອງກະຊວງ ຍທຂ ແລະ ຂອງແຂວງໄຊຍະບູລີວາງ ອອກໂດຍປະຕິບັດຕາມພາລະບົດບາດ-ໜ້າທີ່ ແລະ ຄວາມຮັບ ຜິດຊອບສູງຂອງຄະນະພະແນກກໍຄືພະນັກງານວິຊາການແຕ່ລະຂະແໜງການແມ່ນໄດ້ສຸມໃສ່ປະຕິບັດບັນດາຄາດໝາຍສູ້ຊົນແຕ່ລະດ້ານສຳເລັດຕາມລະດັບຄາດໝາຍ, ສະແດງອອກຜົນງານບາງດ້ານເຊັ່ນ: ໄດ້ກວດກາການກໍ່ສ້າງເສັ້ນ ທາງ ແລະ ໂຄງການກໍ່ສ້າງຕ້ານເຈື່ອນ, ໄດ້ກວດກາເອກະ ສານລົດຈັກຈຳນວນ 1.091 ຊຸດ, ລົດໃຫຍ່ 821 ຊຸດ, ທົ່ວແຂວງມີຕາໜ່າງເສັ້ນທາງຄົມ ມະນາຄົມຍາວທັງໝົດ 3.402 ກວ່າກິໂລແມັດ, ມີບໍລິມາດ ຂົນສົ່ງສິນຄ້າປະຕິບັດໄດ້ 189,64%, ປະລິມານຈໍລະ ຈອນສິນຄ້າປະຕິບັດໄດ້ 220,17%, ບໍລິມາດການຂົນ ສົ່ງໂດຍສານປະຕິບັດໄດ້ 96,69%, ການຈໍລະຈອນຜູ້ ໂດຍສານປະຕິບັດໄດ້ 112,15%, ພາຫະນະທາງບົກທັງໝົດທີ່ຂຶ້ນທະບຽນແລ້ວ 2.628 ຄັນ, ສອບເສັງໃບຂັບຂີ່ໄດ້ທັງໝົດ 18 ຄັ້ງ, ມີຜູ້ສອບເສັງໄດ້ 1.549 ຄົນ, ທົ່ວແຂວງມີນາໍ້ປະປາໃຊ້ແລ້ວ 9 ເມືອງ, ມີ 86 ບ້ານ, ມີ 23.737 ຄົວເຮືອນ. ສຳລັບ 3 ເດືອນທ້າຍປີ 2018 ນີ້, ພະແນກ ຍທຂ ແຂວງແມ່ນຈະໄດ້ເລັ່ງໃສ່ໃນການມອບ-ຮັບບັນດາໂຄງການທີ່ປະຕິບັດສຳເລັດເຊັ່ນ: ມອບ-ຮັບໂຄງການເສັ້ນທາງເມືອງຫົງສາ-ເມືອງຈອມເພັດ ແຂວງ ຫຼວງພະບາງ, ເສັ້ນທາງເມືອງ ປາກລາຍ-ເມືອງທົ່ງມີໄຊ, ໂຄງ ການປູຢາງ 2 ຊັ້ນ ຈຳນວນ 13 ເສັ້ນ, ພ້ອມທັງປັບປຸງສາຍທາງ ຂົນສົ່ງພາຍໃນແຂວງ, ລະ ຫວ່າງແຂວງ-ແຂວງ ແລະ ແຂວງ -ຕ່າງປະເທດ, ຈາກນັ້ນໃນກອງປະຊຸມກໍໄດ້ຜັດປ່ຽນກັນປະກອບຄຳຄິດຄຳເຫັນ ເພື່ອແກ້ໄຂຈຸດອ່ອນ, ຂໍ້ຄົງຄ້າງ ໃນການຈັດຕັ້ງປະຕິບັດວຽກງານຮອບດ້ານຂອງ ຍທຂ ທົ່ວແຂວງໃຫ້ໄດ້ຮັບຜົນສຳເລັດຕາມແຜນການທີ່ວາງໄວ້. (ຂ່າວ-ພາບ: ອຸ່ນເຮືອນ ໂພທິລັກ)