ໂຮມຊັບ ກໍ່ສ້າງ ຊຸກຍູ້ເຄື່ອງນຸ່ງກິລາເຕະບານ


...

     ບໍລິສັດ ໂຮມຊັບ ກໍ່ສ້າງ ໃຫ້ການຊຸກຍູ້ສະໜັບສະໜູນເຄື່ອງນຸ່ງກິລາເຕະບານ ຈຳນວນ 20 ຊຸດ ລວມມູນຄ່າ 2 ລ້ານກວ່າກີບ ໃຫ້ແກ່ທີມເຕະບານຊາວໜຸ່ມໂຮງແຮມແລນມາກ ເພື່ອສ້າງຄວາມສະດວກໃຫ້ເຂົາເຈົ້າໄດ້ໃຊ້ເວລາຫວ່າງໃຫ້ເກີດປະໂຫຍດໃນການຫຼິ້ນກິລາສ້າງສາຍພົວພັນມິດຕະພາບກັບບັນດາພາກສ່ວນຕ່າງໆ ແນໃສ່ສະເຫຼີມສະຫຼອງວັນສຳຄັນຕ່າງໆຂອງຊາດ ໃຫ້ມີຄວາມໝາຍຢ່າງເລິກເຊິງ. ພິທີມອບຮັບການອຸປະ ຖຳເຄື່ອງນຸ່ງກິລາເຕະບານຈຳນວນດັ່ງກ່າວ ໄດ້ມີຂຶ້ນເມື່ອວັນທີ 30 ມິຖຸນາຜ່ານມາ ທີ່ສະ ໜາມກິລາເຕະບານຊ້າງ ເອັຟຊີ 3 ບ້ານຊ້າງຄູ້ ເມືອງໄຊທານີ ນະຄອນຫຼວງວຽງຈັນ ເປັນການ ກ່າວມອບຂອງທ່ານ ພວງພັນ ພົມມະລາດ ປະທານບໍລິສັດ ໂຮມຊັບ ກໍ່ສ້າງ ແລະ ຕາງໜ້າກ່າວຮັບແມ່ນທ່ານ ແສງເທນ ລິສອນ ຜູ້ຊ່ວຍຜູ້ຈັດການຫ້ອງອາຫານ ໂຮງແຮມແລນມາກ, ມີທ່ານ ສຸນິກັນ ຫຼວງບຸນເຮືອງ ເຈົ້າຂອງສະ-ໜາມບານເຕະຫຍ້າທຽມ ຊ້າງ ເອັຟຊີ 3 ແລະ ທ່ານ ຄຳຈັນ ແກ້ວມະນີວົງ ປະທານທີມເຕະບານເດີຮາດຣ໋ອກ ເອັຟ ຊີ ພ້ອມດ້ວຍບັນດາພະ ນັກ ງານຂອງທັງສອງພາກສ່ວນດັ່ງ ກ່າວ ແລະ ພິເສດ ມີນັກເຕະ ຊາວຕ່າງຊາດເຂົ້າຮ່ວມເປັນສັກຂີພິຍານ. ໃນພິທີດັ່ງກ່າວ ກໍ່ຍັງໄດ້ມີການແຂ່ງຂັນເຕະບານ ນັດພິເສດ ມິດຕະພາບ ເພື່ອເປັນການສ້າງຄວາມຮັດແໜ້ນສາມັກຄີ ແລະ ແລກປ່ຽນບົດ ຮຽນໃນການຫຼິ້ນກິລາທີ່ຕົນເອງມັກ ແລະ ຮັກ ແລະ ເປັນການພົບກັນລະຫວ່າງ ທີມພະນັກງານ ໂຮງແຮມແລນມາກ ພົບກັບ ທີມເດີຮາດຣ໋ອກ ເອັຟຊີ ຜ່ານການແຂ່ງຂັນຜົນປະກົດວ່າ: ທັງສອງທີມບໍ່ສາມາດເອົາຊະນະກັນໄດ້ ສະເໝີກັນໄປແບບສຸດມ່ວນ 6-6 ປະຕູ. (ຂ່າວ: ສົງການ)