ສະເຫຼີມສະຫຼອງວັນ MSME


...

     ກະຊວງອຸດສາຫະກຳ ແລະ ການຄ້າ ເປີດຂະບວນຍ່າງເພື່ອສຸຂະພາບ ພາຍໃຕ້ຫົວຂໍ້ "ຍຸກສະໄໝຂອງຊາວໜຸ່ມ" ໄດ້ຈັດຂຶ້ນເມື່ອວັນທີ 30 ມິຖຸນາຜ່ານມາ ທີ່ປະຕູໄຊ ນະຄອນຫຼວງວຽງຈັນ ເນື່ຶອງໃນໂອກາດສະເຫຼີມສະຫຼອງວັນຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (ຈວນກ ຫຼື MSME) ໂດຍການເປັນປະກຽດເຂົ້າຮ່ວມຂອງທ່ານ ສອນໄຊ ສີພັນດອນ ຮອງນາຍົກ ລັດຖະມົນຕີ ພ້ອມດວຍບັນດາທ່ານລັດຖະມົນຕີ, ຮອງລັດຖະມົນຕີ, ບັນດາຕາງໜ້າຂອງອົງການພາກທຸລະກິດລັດ ແລະ ເອກະຊົນເຂົ້າຮ່ວມ. ໃນພິທີ ທ່ານ ສົມຈິດ ອິນທະມິດ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ໄດ້ລາຍງານຫຍໍ້ກ່ຽວກັບຄວາມເປັນມາຂອງການຈັດຕັ້ງສະເຫຼີມສະຫຼອງ ເນື່ອງໃນວັນດັ່ງກ່າວ, ແມ່ນມີຄວາມໝາຍສຳຄັນຕໍ່ການພັດທະນາເສດຖະກິດ-ສັງຄົມ ປະກອບສ່ວນເຂົ້າໃນການສ້າງວຽກເຮັດງານທຳ, ສ້າງລາຍຮັບ ແລະ ຍົກສູງຊີວິດການເປັນຢູ່ຂອງປະຊາຊົນເຮັດໃຫ້ເສດຖະກິດມີການຂະ ຫຍາຍຕົວຕໍ່ເນື່ອງ. ມາຮອດປັດຈຸບັນ ມີຈຳນວນ ຈວນກ ຫຼາຍກວ່າ 500 ລ້ານຫົວໜ່ວຍ ຊຶ່ງກວມເອົາຫຼາຍກວ່າ 90% ຂອງເສດຖະກິດໂລກ ແລະ ສ້າງວຽກເຮັດງານທຳໄດ້ຫຼາຍກວ່າ 70% ໃນທົ່ວໂລກ ໄດ້ປະ ກອບສ່ວນໃຫ້ແກ່ເປົ້າໝາຍການພັດທະນາແບບຍືນຍົງ. ທ່ານຮອງລັດຖະມົນຕີ ໄດ້ກ່າວຕື່ມອີກວ່າ: ເພື່ອເປັນການຊຸກຍູ້ສົ່ງເສີມ ແລະ ພັດທະນາທຸລະກິດ ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ແລະ ເພື່ອປະຕິບັດຕາມມະຕິກອງປະຊຸມໃຫຍ່ຂອງອົງການສະຫະປະຊາຊາດ ແລະ ມະຕິຂອງກອງປະຊຸມຄະນະກຳມະການປະສານ ງານ MSME ອາຊຽນ ຄັ້ງທີ 5, ດັ່ງນັ້ນ, ກະຊວງອຸດສາຫະກຳ ແລະ ການຄ້າ ຈຶ່ງໄດ້ຈັດງານສະເຫຼີມສະຫຼອງວັນດັ່ງກ່າວນີ້ຂຶ້ນ ໂດຍໄດ້ກຳນົດເອົາ 2 ກິດ ຈະກຳສຳຄັນຄື: ຈັດສຳມະນາວັນຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ສາກົນ ພ້ອມທັງເຜີຍແຜ່ ແຜນພັດທະນາວິສາຫະກິດຂະ ໜາດນ້ອຍ ແລະ ກາງ 2016-2020 ຂຶ້ນເມື່ອວັນທີ 27 ມິຖຸນາຜ່ານມາ ທີ່ນະຄອນຫຼວງວຽງຈັນ ແລະ ກິດຈະກຳທີ 2 ຄືການ ຈັດຂະບວນການຍ່າງເພື່ອສຸຂະ ພາບ ເພື່ອເປັນສັນຍາລັກ ແລະ ເປັນການກະຕຸ້ນໃຫ້ພວກເຮົາເຫັນໄດ້ເຖິງຄວາມໝາຍຄວາມສຳຄັນຂອງວຽກງານ ຈວນກ ຫຼື MSME. (ຂ່າວ: ສນຍ)