ປູເປ້ ຊະນະເລີດ ເທັນນິສ PTT Junior ທີ່ປະເທດໄທ


...

     ນາງ ອາລິຍາ ວົງດາ ລາ (ປູເປ້) ຄອງຂັນລາງວັນຊະ ນະເລີດ ປະເພດຍິງດ່ຽວ ຮຸ່ນ ອາຍຸບໍ່ເກີນ 12 ປີ ໃນການແຂ່ງ ຂັນເທັນນິສລາຍການ PTT Junior Championship ຄັ້ງ ທີ 1 ຊຶ່ງເປັນລາຍການທຳອິດ ຂອງປີ 2017 ຈັດຂຶ້ນທີ່ສະໂມ ສອນ Sport & Spa Sport Club ເຂດມີນບູລີ ບາງກອກ ປະເທດໄທ ລະຫວ່າງວັນທີ 4-7 ກຸມພາຜ່ານມາ. ການແຂ່ງຂັນລາຍການ ດັ່ງກ່າວເປັນການແຂ່ງຂັນເພື່ອ ສະສົມຄະແນນເຂົ້າໄປຫຼິ້ນໃນ ຮອບມາສເຕີໃນເດືອນພະຈິກ 2017 ທີ່ບາງກອກ ປະເທດໄທ ຊຶ່ງປະກອບມີຮຸ່ນຍິງດ່ຽວ 8 ປີ 10 ປີ 12 ປີ 14 ປີ 18 ປີ ແລະ ຊາຍດ່ຽວ 8 ປີ 10 ປີ 12 ປີ 14 ປີ 18 ປີ ຕາມລຳດັບ ມີນັກກິ ລາເຂົ້າຮ່ວມປະມານ 300 ຄົນ ໃນນັ້ນມີນັກກິລາຈາກປະເທດ ລາວເຂົ້າຮ່ວມ 2 ຄົນ ໄດ້ແກ່ ຮຸ່ນອາຍຸບໍ່ເກີນ 12 ປີຊາຍ ທ້າວ ພູລິພັດ ວັນນະລາດ ສາ ມາດຜ່ານຮອບທຳອິດມາໄດ້ ແຕ່ຕ້ອງມາຕົກຮອບສອງ. ສ່ວນນາງ ອາລິຍາ ລົງ ແຂ່ງຂັນ ຮຸ່ນ 12 ປີ ຍິງດ່ຽວຈົກ ສະຫຼາກຜ່ານຮອບທຳອິດ (ໄດ້ ບາຍ) ຜ່ານເຂົ້າໄປຫຼິ້ນໃນຮອບ ທີ 2 ໂດຍບໍ່ຕ້ອງແຂ່ງຂັນໃນ ຮອບທີສອງພົບກັບນັກກິລາ ເຊື້ອຊາດຍີ່ປຸ່ນ ນາງ KALI TESO ແລະ ກໍສາມາດເອົາ ຊະນະດ້ວຍຄະແນນ 2 - 0 ເຊັດ 5 - 3 ແລະ 4 - 2 ຮອບທີ 3 ເອົາຊະນະນັກກິລາຈາກປະ ເທດໄທ ນາງ ອາລິຊ່າ ແບຣ ຮີມ 2-0 ເຊັດ 5-3 ແລະ 4-1 ຜ່ານເຂົ້າໄປຫຼິ້ນໃນຮອບຮອງ ຊະນະເລີດ ໂດຍພົບກັບນັກ ກິລາຈາກປະເທດໄທ ນາງ ຊາມັສຍາ ອໍລຸ່ງໂລດ ແລະເປັນ ມືວາງອັນດັບ 1 ຂອງລາຍການ ນີ້ໃນຮອບນີ້ ອາລິຍາ ສາມາດ ເອົາຊະນະໄປໄດ້ດ້ວຍຄະແນນ 2-1 ເຊັດ 4-2 ແລະ 2-4 ຊຸບ ເປີທາຍເບລັກ 10-8 ຜ່ານເຂົ້າ ໄປຊີງຊະນະເລີດ ກັບນາງ ພັສລາພາ ອອນນຸສະກະ ທີ່ ລົ້ມມືວາງອັນດັບ 2 ເຂົ້າມາ ເຊັ່ນກັນ ແນວໃດກໍຕາມເປັນ ນ້ອງ ປູເປ້ ເອົາຊະນະໄປໄດ້ 2-0 ເຊັດ 4-2 ແລະ 4-0 ຄວ້າ ແຊັມລາຍການທຳອິດ ຂອງປີນີ້ ພ້ອມກັບຄະແນນສະສົມອີກ 200 ຄະແນນ. ສຳລັບການແຂ່ງຂອງ ນ້ອງ ອາລິຍາ ວົງດາລາ ນັດຕໍ່ ໄປແມ່ນຈະເດີນທາງໄປຮ່ວມ ແຂ່ງຂັນລາຍການ ATF JUNIOR CHAMPIONSHIP 14 & UNDER ວັນ ທີ 13-18 ກຸມພາ 2017 ທີ່ສະ ໜາມເທັນນິສ FBT SPORT PARK ທີ່ນະຄອນຫຼວງບາງ ກອກ ແລະ ຕໍ່ດ້ວຍລາຍການ LTO JUNIOR CHAMPIONSHIP ວັນທີ 18-19 ກຸມ ພາ 2017 ທີ່ສະມາຄົມເທັນ ນິສແຫ່ງປະເທດໄທ.