ການແຂ່ງຂັນກິລາປະເພດຕ່າງໆໃນງານບຸນພະທາດສີໂຄດຕະບອງປະຈຳປີ


...

     ງານບຸນນະມັດສະ ການພະທາດສີຄອງຕະບອງ ແມ່ນໄດ້ສຳເລັດລົງເມື່ອບໍ່ດົນ ຜ່ານມານີ້ດ້ວຍບັນຍາກາດອັນ ຟົດຟື້ນມ່ວນຊື່ນ ໃນນັ້ນແມ່ນ ໄດ້ມີການຄົບງັນຕາມຮີດຄອງ ປະເພນີ ທັງມີການວາງຂາຍ ຜະລິດຕະພັນພູມປັນຍາຂອງ ຊາວບ້ານ, ສິນຄ້າປະເພດຕ່າງໆ, ການສະແດງສິລະປະວັນນະ ຄະດີເພື່ອເປັນການສົ່ງເສີມ ຄວາມສາມາດ ແລະ ຮັກສາໄດ້ ສິລະປະພື້ນເມືອງລາວລວມ ເຖິງການແຂ່ງຂັນກິລາປະເພດ ຕ່າງໆ ຊຶ່ງເຮັດໃຫ້ເດີ່ນພະທາດ ໜາແໜ້ນໄປດ້ວຍມວນຊົນ ຕະຫຼອດໄລຍະການຈັດງານ. ສຳລັບຂະບວນການແຂ່ງ ຂັນກິລາປະເພດຕ່າງໆກໍມີບັນ ຍາກາດຟົດຟື້ນເຊັ່ນກັນ ໂດຍ ສະເພາະແມ່ນກິລາເຕະບານ ທີ່ໄດ້ຮັບຄວາມສົນໃຈຈາກ ກອງເຊຍເປັນພິເສດ ຊຶ່ງໄດ້ມີ ການແຂ່ງຂັນແຕ່ວັນທີ 30 ມັງ ກອນ ຫາ 11 ກຸມພາຜ່ານມາ ຊຶ່ງມີທີມເຂົ້າຮ່ວມແຂ່ງຂັນຈຳ ນວນ 10 ທີມ ຊຶ່ງທີມທີ່ໄດ້ຮັບ ໄຊຊະນະເລີດແມ່ນທີມພະ ແນກໂຍທາທິການ ແລະ ຂົນ ສົ່ງແຂວງຄຳມ່ວນ ເປັນສະໄໝ ທີ 2 ຕິດຕໍ່ກັນ ໄດ້ຮັບເງິນສົດ ຈຳນວນ 3 ລ້ານກີບ ພ້ອມຂັນ ອີກ 1 ໜ່ວຍ, ອັນດັບທີ 2 ແມ່ນທີມເລດບູ ຮັບເງິນສົດ 2 ລ້ານກີບ ພ້ອມຂັນ 1 ໜ່ວຍ, ສ່ວນທີມບານສົ່ງຊາຍມີ 5 ທີມ ເຂົ້າຮ່ວມແຂ່ງຂັນ ຊະນະເລີດ ແມ່ນທີມ ປກສ ແຂວງຄຳມ່ວນ, ບານສົ່ງຍິງ 4 ທີມເຂົ້າຮ່ວມ ຊະນະເລີດໄດ້ແກ່ທີມເດັກປ້ຳ ສົມບັດ, ກິລາກະຕໍ້ຊາຍມີ 8 ທີມ ຊະນະເລີດແມ່ນທີມບ້ານ ເລົ່າໂພຄຳ, ກະຕໍ້ອາວຸໂສມີ 5 ທີມ ຊະນະເລີດແມ່ນທີມທ່າ ແຂກແດນງາມ, ກິລາເປຕັງ ຊາຍຄູ່ມີ 27 ຄູ່ ຊະນະເລີດ ແມ່ນທີມເພັດໄຊຍະແສງ ແລະ ກິລາເປຕັງຍິງຄູ່ມີ 10 ຄູ່ ຊະ ນະເລີດແມ່ນທີມ ປກສ ແຂວງ. ສ່ວນການເສັງກອງແຕ້ - ກອງ ຈິງ, ປະເພດກອງແຕ້ມີກອງ ຈາກພາກສ່ວນຕ່າງໆເຂົ້າ ຮ່ວມຈຳນວນ 9 ຄູ່ ໃນນັ້ນຊະ ນະເລີດໄດ້ແກ່ທີມວັດທາດ ເມືອງເກົ່າ (1), ອັນດັບ 2 ທີມ ທາດເມືອງເກົ່າ (2), ປະເພດ ກອງຈິງມີ 14 ຄູ່ເຂົ້າຮ່ວມ, ຊະ ນະເລີດໄດ້ແກ່ກອງຈາກບ້ານ ສອງເໝຶອງເໜືອ, ອັນດັບ 2 ກອງບ້ານສອງເໜຶອງໃຕ້. (ຂ່າວ: ກອງຄຳ)