ເສດຖະກິດຣັດເຊຍກຳລັງເຂົ້າສູ່ ໄລຍະຈະເລີນເຕີບໂຕ


...

   ຂ່າວສານຫວຽດນາມ ລາຍງານວ່າ: ວັນທີ 27 ກຸມພາ ຜ່ານມານີ້, ຢູ່ທີ່ການພົບປະກັບ ຜູ້ຕາງໜ້າວົງການທຸລະກິດໃນ ຂອບເຂດເວທີການລົງທຶນຣັດ ເຊຍ ໄຂຂຶ້ນຢູ່ໂຊຈີ ທ່ານ ດຣີມິ ຕຣີ ເມັດເວເດັບ ນາຍົກລັດຖະ ມົນຕີຣັດເຊຍກ່າວວ່າ: ພື້ນ ຖານເສດຖະກິດຣັດເຊຍ ໄດ້ ຫັນທິດທາງສູ່ການຈະເລີນ ເຕີບໂຕ. ທ່ານ ເມັດເວເດັບ ໃຫ້ຮູ້ ວ່າ: ເບິ່ງລວມກ່ຽວກັບສະພາບ ການທາງດ້ານເສດຖະກິດມະ ຫາພາກຂອງຣັດເຊຍແມ່ນຄົງ ທີ່ພື້ນຖານເສດຖະກິດໄດ້ກ້າວ ເຂົ້າສູ່ໄລຍະຈະເລີນເຕີບໂຕ, ໄພເງິນເຟີ້ຫຼຸຸດລົງຫຼາຍ, ຢູ່ທີ່ລະ ດັບ 5,4% ປີ 2016 ແລະ ຫຼຸຸດ ລົງເຫຼືອ 5% ໃນປີນີ້. ໜຶ່ງໃນບັນດາໜ້າທີ່ຕົ້ນຕໍ ໃນໄລຍະນີ້ແມ່ນຮັບປະກັນ ຄວາມຄົງທີ່ຂອງຂະບວນວິວັດ ແຫ່ງການພັດທະນາເສດຖະ ກິດມະຫາພາກ, ລະບົບພາສີ ແລະ ບັນດາຂໍ້ກຳນົດກ່ຽວກັບ ການລົງທຶນເຮັດທຸລະກິດຢ່າງ ຈະແຈ້ງ. ຄຽງຄູ່ກັນນັ້ນ, ລັດ ຖະບານຣັດເຊຍ ຈະປະຕິບັດ ພ້ອມກັນຫຼາຍວິທີການແນໃສ່ ຍົກສູງປະສິດທິພາບໃນຂົງ ເຂດເຮັດວຽກ, ດ້ວຍເປົ້າໝາຍ ວ່ອງໄວ, ແກ້ໄຂບັນຫາຂາດ ແຫຼ່ງຊັບພະຍາກອນມະນຸດ ຄຸນນະພາບສູງ. ທ່ານ ເມັດເວເດັບ ຖືວ່າ: ຣັດເຊຍຕ້ອງກາຍເປັນພື້ນຖານ ເສດຖະກິດເປີດເຜີຍ ແລະ ສະຫຼາດອີງໃສ່ຄວາມສາມາດ ຄວາມຮູ້ຂອງປະຊາຊົນ, ບັນ ດາຜົນງານທາງດ້ານວິທະຍາ ສາດ ແລະ ເຕັກໂນໂລຊີ. ໃນມື້ທຳອິດຂອງກອງປະ ຊຸມເວທີການລົງທຶນຣັດເຊຍ ໄດ້ມີການເຊັນສັນຍາລົງທຶນ 100 ສະບັບ ດ້ວຍມູນຄ່າ 66 ຕື້ຣຸບ ສຸມໃສ່ບັນດາຂົງເຂດ ເຊັ່ນ: ອາຍແກັສ - ພະລັງງານ, ກະສິກຳ, ອຸດສາຫະກຳ ແລະ ການຜະລິດ.