ລາວ - ຫວຽດນາມ ລົງນາມໃນສັນຍາ ຮ່ວມມື 4 ສະບັບ


...

     ໂດຍ: ສີວັນ ຫອມໄຊຍະເດດ ກອງປະຊຸມຄະນະ ກຳມາທິການຮ່ວມມືທະວີພາຄີ ລະຫວ່າງລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ສສ ຫວຽດນາມ ຄັ້ງທີ 39 ຢູ່ນະຄອນຫຼວງຮ່າໂນ້ຍ ເມື່ອ ຕົ້ນເດືອນກຸມພານີ້ ໂດຍພາຍ ໃຕ້ການເປັນປະທານຂອງ ທ່ານ ຫງວຽນຊວນຟຸກ ນາຍົກ ລັດຖະມົນຕີແຫ່ງ ສສ ຫວຽດ ນາມ ແລະ ທ່ານ ທອງລຸນ ສີສຸ ລິດ ນາຍົກລັດຖະມົນຕີແຫ່ງ ສປປ ລາວ. ນີ້ເປັນຄັ້ງທຳອິດທີ່ນາຍົກ ລັດຖະມົນຕີຂອງສອງປະເທດ ເປັນປະທານຮ່ວມກອງປະຊຸມ ຄະນະກຳມາທິການຮ່ວມມືທະ ວີພາຄີ ລະຫວ່າງ ລັດຖະບານ ແຫ່ງ ສປປ ລາວ ແລະ ລັດຖະ ບານ ແຫ່ງ ສສ ຫວຽດນາມ ຊຶ່ງສະແດງໃຫ້ເຫັນຄວາມຕັດ ສິນໃຈຢ່າງແຂງແຮງຂອງການ ນຳຂັ້ນສູງສອງປະເທດໃນວຽກ ງານຜັນຂະຫຍາຍໝາກຜົນ ແຜນການຮ່ວມມືປີ 2017. ໃນວາລະດຳເນີນກອງ ປະຊຸມ ທ່ານ ຫງວຽນຊວນຟຸກ ເນັ້ນໜັກເຖິງສາຍພົວພັນ ຫວຽດນາມ - ລາວ ແມ່ນສາຍ ພົວພັນແບບພິເສດ ຊຶ່ງບໍ່ມີ ສາຍພົວພັນໃດໆໃນໂລກຄື ຫວຽດນາມ ແລະ ລາວ, ພ້ອມ ທັງຢັ້ງຢືນວ່າ: ຍາມໃດຫວຽດ ນາມກໍເຮັດຈົນສຸດຄວາມສາ ມາດຂອງຕົນ ເພື່ອຮ່ວມມືຊ່ວຍ ເຫຼືອປະເທດລາວ ໃນການພັດ ທະນາປະເທດຊາດ, ຊຸກຍູ້ຢ່າງ ແຂງແຮງສາຍພົວພັນຖານ ອ້າຍນ້ອງທີ່ສະໜິດສະໜົມ, ປະສານສົມທົບແໜ້ນຢ່າງມີ ປະສິດທິຜົນໃນເວທີສາກົນ ແລະ ພາກພື້ນ. ນອກຈາກນີ້, ຜູ້ນຳທັງ ສອງປະເທດຕ່າງກໍເນັ້ນວ່າ: ປີນີ້, ສອງປະເທດຈະປະສານ ສົມທົບເຊິ່ງກັນ ແລະ ກັນ ເພື່ອກະກຽມສະເຫຼີມສະຫຼອງ ການພົວພັນທາງການທູດຄົບ ຮອບ 55 ປີ ແລະ ວັນເຊັນສົນ ທິສັນຍາມິດຕະພາບ ລາວ - ຫວຽດນາມ ຄົບຮອບ 40 ປີ. ພ້ອມກັນນີ້, ຜູ້ນຳທັງສອງໄດ້ ສະແດງຄວາມເຊື່ອໝັ້ນວ່າ: ກອງປະຊຸມຄະນະກຳມາທິ ການຮ່ວມມືທະວີພາຄີລະຫວ່າງ ລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ສສ ຫວຽດນາມ ຄັ້ງທີ 39 ນີ້ຈະເປັນ ກຳລັງແຮງໃໝ່ນຳເອົາການ ຮ່ວມມືລະຫວ່າງ ສອງປະເທດ ນັບມື້ເຂົ້າສູ່ລວງເລິກ, ມີປະສິດ ທິຜົນ. ປະກອບສ່ວນສຳຄັນ ເຂົ້າໃນວຽກງານປັບປຸງ ແລະ ເພີ່ມທະວີສາຍພົວພັນມິດຕະ ພາບທີ່ເປັນມູນເຊື້ອ, ຄວາມ ສາມັກຄີແບບພິເສດ ແລະ ການຮ່ວມມືຮອບດ້ານ ລາວ - ຫວຽດນາມ. ທ່ານ ທອງລຸນ ສີສຸລິດ ເນັ້ນໜັກວ່າ: ປີ 2017 ເປັນປີທີ່ມີຄວາມໝາຍສຳຄັນ ໃນການກະກຽມສະເຫຼີມສະ ຫຼອງສອງວັນປະຫວັດສາດທີ່ ກ່າວມາຂ້າງເທິງນັ້ນ ແລະ ເຫັນດີເປັນເອກະພາບກັບ ຫວຽດນາມ ເພື່ອປະສານສົມ ທົບກັນຈັດຕັ້ງປະຕິບັດງານສະ ເຫຼີມສະຫຼອງໃຫ້ມີຄວາມເບີກ ບານມ່ວນຊື່ນ, ກວ້າງຂວາງ, ປະກອບສ່ວນໂຄສະນາເຜີຍ ແຜ່ຢ່າງກວ້າງຂວາງເລິກເຊິ່ງ ນ້ຳໃຈສາມັກຄີແບບພິເສດ ລາວ - ຫວຽດນາມ, ຫວຽດນາມ - ລາວ ໂດຍສະເພາະຄົນຮຸ່ນ ໃໝ່ຂອງສອງປະເທດ. ຜູ້ນຳສອງຝ່າຍຕີລາຄາ ສູງ ແລະ ສະແດງຄວາມຊົມເຊີຍ ຜົນການຮ່ວມມືຮອບດ້ານລະ ຫວ່າງສອງປະເທດ. ປີ 2016 ສອງຝ່າຍໄດ້ຜັນຂະຫຍາຍບັນ ດາຂໍ້ຕົກລົງຂັ້ນສູງ ແລະ ຂໍ້ຕົກ ລົງລະຫວ່າງບັນດາກະຊວງ, ຂະແໜງການ, ທ້ອງຖິ່ນ. ພິເສດ ແມ່ນການຮ່ວມມືດ້ານການ ເມືອງ, ການພົວພັນການທູດ, ປ້ອງກັນຊາດ - ປ້ອງກັນຄວາມ ສະຫງົບ, ເສດຖະກິດ, ວັດທະ ນະທຳ - ສັງຄົມ, ການແລກ ປ່ຽນໄປມາຫາສູ່ກັນຂອງປະ ຊາຊົນສອງຊາດນັບມື້ເພີ່ມຂຶ້ນ ແລະ ພັດທະນາກວ້າງຂວາງ ເລິກເຊິ່ງ ໂດຍສະເພາະແມ່ນ ຂົງເຂດການສຶກສາ - ບຳລຸງ ສ້າງໄດ້ຮັບການເອົາໃຈໃສ່. ກອງປະຊຸມສອງຝ່າຍໄດ້ພ້ອມ ກັນວາງກົນໄກໃໝ່ໃນການປະ ສານງານຊຸກຍູ້ສາຍພົວພັນ ຮ່ວມມືສອງປະເທດ. ປີ 2017, ນາຍົກລັດຖະ ມົນຕີຂອງສອງປະເທດໄດ້ ເຫັນດີເປັນເອກະພາບກັນສຸມ ໃສ່ປະຕິບັດໃຫ້ດີແຜນຊີ້ນຳ - ນຳພາຂອງກົມການເມືອງສອງ ປະເທດ, ຊຸກຍູ້ສາຍພົວພັນ ດ້ານການເມືອງ - ດ້ານການ ທູດ - ປ້ອງກັນຊາດ -ປ້ອງກັນ ຄວາມສະຫງົບ, ການລົງທຶນ, ການຄ້າ, ເປີດກວ້າງການຮ່ວມ ມືຝຶກອົບຮົມບຸກຄະລາກອນ, ການລົງທຶນເຂົ້າໃນບັນດາໂຄງ ການພື້ນຖານໂຄງລ່າງຄົມມະ ນາຄົມເຊື່ອມຈອດລະຫວ່າງ ສອງປະເທດລາວ - ຫວຽດນາມ, ຮ່ວມມືຄຸ້ມຄອງການນຳໃຊ້ ແຫຼ່ງນ້ຳທີ່ໝັ້ນຄົງ ແລະ ບັນດາ ແຫຼ່ງຊັບພະຍາກອນທຳມະ ຊາດ. ມີຄວາມຕັດສິນໃຈສູງໃນ ການຮ່ວມກັນຈັດຕັ້ງປະຕິບັດ ໃຫ້ດີ "ປີສາມັກຄີມິດຕະພາບ ລາວ -ຫວຽດນາມ 2017", ບົນຈິດໃຈຄວາມເຊື່ອໝັ້ນເຊິ່ງ ກັນ ແລະ ກັນ, ສອງປະເທດ ໄດ້ໃຫ້ການສະໜັບສະໜູນ ແລະ ຮ່ວມມືກັນເປັນຢ່າງດີ ໃນບັນດາອົງການຈັດຕັ້ງ ກໍຄື ໃນເວທີສາກົນ ແລະ ພາກພື້ນ. ຫຼັງກອງປະຊຸມ, ນາຍົກ ລັດຖະມົນຕີທັງສອງໄດ້ເຂົ້າ ຮ່ວມເປັນສັກຂີພິຍານໃນພິທີ ເຊັນສັນຍາເອກະສານຮ່ວມມື 4 ສະບັບເຊັ່ນ: ຂໍ້ຕົກລົງກ່ຽວ ກັບແຜນການຮ່ວມມືລະຫວ່າງ ລັດຖະບານຫວຽດນາມ ແລະ ລັດຖະບານລາວປີ 2017, ບົດ ບັນທຶກກອງປະຊຸມຄັ້ງທີ 39 ຄະນະກຳມາທິການຮ່ວມມື ທະວີພາຄີສອງຝ່າຍ ຫວຽດ ນາມ ແລະ ລາວ, ແຜນການ ຮ່ວມມືປີ 2017 ລະຫວ່າງ ກະຊວງສຶກສາທິການ ແລະ ບຳລຸງສ້າງຫວຽດນາມ ແລະ ກະຊວງສຶກສາທິການ ແລະ ກິລາລາວ, ບົດບັນທຶກຂໍ້ຕົກລົງ ສ້າງບໍລິສັດຮ່ວມມືໂຄງການ ສ້າງແລວໄຟ 500 KV ລາວ - ຫວຽດນາມ. ພ້ອມກັນນັ້ນ, ການນຳທັງສອງໄດ້ຈັດກອງ ປະຊຸມພົບປະສື່ມວນຊົນປະ ກາດຜົນຂອງກອງປະຊຸມຮ່ວມ ຄະນະກຳມາທິການທະວີພາຄີ ລາວ -ຫວຽດນາມ.