ແລກປ່ຽນບົດຮຽນວິຊາການ ກັບໜັງສືພິມ ເຢິນເຢີນ


...

   

ໂດຍ : ສຳນານ ພົມພັກດີ

ປະຕິບັດຕາມການຮ່ວມ ມືສາກົນຂອງສອງໜັງສືພິມ “ປະຊາຊົນ” ສຽງຂອງສູນກາງ ພັກປະຊາຊົນປະຕິວັດລາວ ແລະ ໜັງສືພິມ “ເຢິນເຢີນ” ສຽງຂອງສູນກາງພັກ-ລັດ ແລະ ປະຊາຊົນຫວຽດນາມ ໃນລະ ຫວ່າງ ວັນທີ 4-13 ກັນຍາຜ່ານ ມາ. ຄະນະຜູ້ແທນໜັງສືພິມ “ປະຊາຊົນ” ນຳໂດຍ ສະຫາຍ ສີວັນ ຫອມໄຊຍະເດດ ຮອງ ຫົວໜ້າພະແນກຕ່າງປະເທດ ໜັງສືພິມ ປະຊາຊົນ ພ້ອມ ຄະນະໄດ້ ເດີນທາງໄປຢ້້ຽມຢາມ ແລະ ແລກປ່ຽນຖອດຖອນບົດ ຮຽນນຳໜັງສືພິມ ເຢິນເຢີນ. ຮ່ວມເດີນທາງຂອງຄະ ນະ ພວກເຮົາມີທັງໝົດ 10 ສະຫາຍເດີນທາງດ້ວຍເຮືອບິນ ຂອງສາຍການບິນລາວ ເພື່ອ ມຸ່ງໜ້າສູ່ນະຄອນຫຼວງ ຮ່າໂນ້ຍ ສສ ຫວຽດນາມ, ການເດີນ ທາງໃຊ້ເວລາພຽງ 1 ຊົ່ວໂມງ ກໍເຖິງສະໜາມບິນສາກົນໂນ້ຍ ບາຍ ສສ ຫວຽດນາມ, ສະຫາຍ ບັ່ງເຊີນ ຮອງຫົວໜ້າຫ້ອງການ ໜັງສືພິມ ເຢິນເຢີນ ໄດ້ໃຫ້ ການຕ້ອນຮັບທີ່ສະໜາມບິນ ແລ້ວນຳພາຄະນະພວກເຮົາ ເຂົ້າພັກຢູ່ເຮືອນຮັບແຂກລັດ ຖະບານ ໂຮ່ໄຕ ຊຶ່ງເປັນບ່ອນ ຮັບແຂກຄະນະຜູ້ແທນຂັ້ນສູງ ຂອງ ສປປ ລາວ ທີ່ເດີນທາງ ໄປຢ້ຽມຢາມ ແລະ ເຮັດວຽກຢູ່ ສສ ຫວຽດນາມ. ຕອນເຊົ້າ ຂອງວັນທີ 5/9/2017 ສະຫາຍ ເລ ກວັກແຂັງ ຮອງຫົວໜ້າບັນ ນາທິການໜັງສືພິມ ເຢິນເຢີນ ສຽງຂອງສູນກາງພັກ-ລັດ ແລະ ປະຊາຊົນຫວຽດນາມ ໄດ້ໃຫ້ ກຽດຕ້ອນຮັບຄະນະພວກເຮົາ ເຂົ້າພົບປະທີ່ສຳນັກງານຂອງ ໜັງສືພິມ ເຢິນເຢີນ. ໃນການ ພົບປະ ສະຫາຍ ເລ ກວັກແຂັງ ໄດ້ກ່າວສະແດງຄວາມຍິນດີ ຕ້ອນຮັບຄະນະພວກເຮົາຢ່າງ ອົບອຸ່ນ ແລະ ສະແດງຄວາມ ຊົມເຊີຍຢ່າງຈິງໃຈໃນການມາ ຢ້ຽມຢາມ ແລະ ແລກປ່ຽນຖອດ ຖອນບົດຮຽນຊຶ່ງກັນ ແລະ ກັນ ຊຶ່ງເປັນການເພີ່ມພູນຄູນສ້າງ ສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານຂອງ ສອງ ໜັງສືພິມພວກເຮົາ ເວົ້າສະ ເພາະ, ເວົ້າລວມ ລາວ - ຫວຽດ ນາມ ໃຫ້ນັບມື້ເພີ່ມພູນຄູນສ້າງ ຍິ່ງໆຂຶ້ນ. ການຢ້ຽມຢາມຄັ້ງນີ້ ຄະ ນະພວກເຮົາຍັງໄດ້ແລກປ່ຽນ ບົດຮຽນກັບຄະນະບັນນາທິ ການໜັງສືພິມຮ່າໂນ້ຍເໝີຍ, ພົບປະຄະນະພັກເມືອງຮ່າດົງ ແລະ ຢ້ຽມຢາມອະນຸສອນສະ ຖານປະທານໂຮ່ຈິມິນ, ເຂົ້າ ຢ້ຽມຂ່ຳນັບຄະນະພັກແຂວງ ຮ່າຍຟອງ ແລະ ເຂດທ່ອງທ່ຽວ ທາງທຳມະຊາດກາດບ່າ. ໃນການຮ່ວມແລກປ່ຽນ ຖອດຖອນບົດຮຽນຊຶ່ງກັນ ແລະ ກັນ ສອງຝ່າຍໄດ້ສ້າງບັນຍາ ກາດຄວາມເຂົ້າອົກເຂົ້າໃຈ ໃນການແບ່ງປັນບົດຮຽນວິຊາ ສະເພາະ ໂດຍສະເພາະແມ່ນ ດ້ານວິຊາການຂ່າວ ແລະ ສາ ມາດນຳໄປນຳໃຊ້ໃນການ ເຄື່ອນໄຫວຕົວຈິງ ເປັນຕົ້ນ ແມ່ນການນຳສະເໜີຫົວຂໍ້ທີ່ ມາແລກປ່ຽນກັນແມ່ນມີຄວາມ ສຳຄັນຫຼາຍ ຊຶ່ງລ້ວນແຕ່ເປັນ ບົດຮຽນທີ່ດີ ເພື່ອນຳໄປພັດທະ ນາໜັງສືພິມໃຫ້ເປັນທີ່ດຶງດູດ ຄວາມສົນໃຈໃຫ້ແກ່ຜູ້ອ່ານນັບ ຫຼາຍຂຶ້ນ. ໃນການແລກປ່ຽນ ບົດຮຽນຄັ້ງນີ້ທາງຝ່າຍໜັງສື ພິມ ເຢິນເຢີນ ໄດ້ສະເໜີບົດ ຮຽນກ່ຽວກັບການຈັດແບ່ງໜ້າ ທີ່ຄວາມຮັບຜິດຊອບຂອງພະ ນັກງານລວມເຖິງການແບ່ງ ຄວາມຮັບຜິດຊອບຂອງຄະນະ ບັນນາທິການ, ວິທີການຂອງ ນັກຂ່າວໃນການໄປເກັບກຳ ເອົາຂ່າວ, ວິທີການນຳສະເໜີ ຂ່າວ, ວິທີການໃນການຈັດໜ້າ ໜັງສືພິມ, ການສຳພາດຂ່າວ ແລະ ອື່ນໆ ໃນນັ້ນຫຼາຍສະ ຫາຍມີຄວາມສົນໃຈໃນການ ນຳເອົາບົດຮຽນຂອງໜັງສືພິມ ເຢິນເຢີນມາແລກປ່ຽນບົດຮຽນ ໃນຄັ້ງນີ້ ກໍຄືການນຳສະເໜີ ປະກົດການຫຍໍ້ທໍ້ຕ່າງໆ ທີ່ ເກີດຂຶ້ນໃນສັງຄົມປັດຈຸບັນ ຂອງຫວຽດນາມ ຊຶ່ງເປັນຄໍລຳ ໜຶ່ງຂອງໜັງສືພິມ ເຢິນເຢີນ ທີ່ເຮັດໃຫ້ຜູ້ອ່ານມີຄວາມສົນ ໃຈໃນການອ່ານເປັນຈຳນວນ ຫຼາຍ ເພາະເນື້ອໃນແມ່ນ ຈະ ເວົ້າເຈາະຈົງເຖິງບັນຫາສິ່ງທີ່ ເຮັດບໍ່ຖືກຕ້ອງຕາມລະບຽບກົດ ໝາຍເຫັນວ່າມີຄວາມສຳຄັນ ຫຼາຍສຳລັບຫວຽດນາມ ເພາະ ພາຍຫຼັງທີ່ໄດ້ມີການອອກຂ່າວ ໄປພາກສ່ວນທີ່ກ່ຽວຂ້ອງກໍໄດ້ ມີຄວາມຮີບຮ້ອນລົງໄປເບິ່ງ ບັນຫາເກີດຂຶ້ນ ເພື່ອແກ້ໄຂບັນ ຫາດັ່ງກ່າວຢ່າງຮີບດ່ວນທັນ ການ. ເຫັນວ່າໃນການນຳສະ ເໜີຂ່າວດັ່ງກ່າວ ເປັນການປະ ກອບສ່ວນຊ່ວຍເຮັດໃຫ້ສະ ພາບການຫຍໍ້ທໍ້ຕ່າງໆ ຂອງ ຫວຽດນາມໄດ້ຮັບການປັບ ປຸງແກ້ໄຂໄດ້ເປັນຢ່າງດິີ, ເຊື່ອ ແນ່ວ່າຖ້າບ້ານເຮົາເຮັດໄດ້ຄື ແນວນັ້ນຈະເຮັດໃຫ້ບັນຫາທີ່ ເຮັດບໍ່ຖືກຕ້ອງຕາມລະບຽບ ກົດໝາຍຂອງບ້ານເຮົາຫຼຸຸດ ໜ້ອຍຖອຍລົງເທື່ອລະກ້າວ. ໃນການໄປຢ້ຽມຢາມ ແລະ ແລກປ່ຽນບົດຮຽນນຳສະ ຫາຍຫວຽດນາມໃນເທື່ອນີ້ ແມ່ນມີຄວາມໝາຍສຳຄັນໃຫ້ ກັບຄະນະໜັງສືພິມ ປະຊາຊົນ ພວກເຮົາຫຼາຍ ບໍ່ພຽງແຕ່ໄດ້ ຮັບຮູ້ບົດຮຽນທີ່ລ້ຳຄ່າຈາກ ສະຫາຍຫວຽດນາມ ທີ່ສົ່ງຄວາມ ຮູ້ອັນດີເລີດໃຫ້. ໃນນັ້ນ ບໍ່ວ່າຈະ ເປັນການສ້າງເງື່ອນໄຂອຳນວຍ ຄວາມສະດວກສະຖານທີ່ພັກ ເຊົາໃຫ້ຢ່າງອົບອຸ່ນ, ການກິນ ຢູ່. ໃນໂອກາດນີ້ ກໍຂໍສະແດງ ຄວາມຂອບໃຈນຳຄະນະນຳ ຂອງໜັງສືພິມ ເຢິນເຢີນ ທີ່ໄດ້ ໃຫ້ການຊ່ວຍເຫຼືອນັບທັງທາງ ດ້ານວັດຖຸກໍຄື ຈິດໃຈ. ໂດຍ ສະເພາະແມ່ນ ສະຫາຍ ຊອງ ຮ່າ ກຳມະການຄະນະບັນນາ ທິການໜັງສືພິມ ເຢິນເຢີນ ທີ່ ໄດ້ເອົາໃຈໃສ່ຢ່າງໃກ້ຊິດຕິດ ແທດ ແລະ ຊີ້ນຳໃນການແລກ ປ່ຽນບົດຮຽນຊຶ່ງກັນ ແລະ ກັນ ຈົນໄດ້ຮັບຜົນສຳເລັດ ສະຫາຍ ເວົ້າວ່າ: ຂ້າພະເຈົ້ານັບຖືພວກ ສະຫາຍເປັນເພື່ອນຮ່ວມງານ ທີ່ດີ ບໍ່ສະເພາະແຕ່ການມາ ແລກປ່ຽນບົດຮຽນເທົ່ານັ້ນ ແລະ ລວມທັງບັນຫາອື່ນໆຍັງ ບໍ່ເຂົ້າໃຈແມ່ນສາມາດແລກ ປ່ຽນສື່ສານທີ່ມີຄວາມສະດວກ ທີ່ສາມາດສື່ສານກັນໄດ້ ພວກ ເຮົາພ້ອມທີ່ຈະໃຫ້ການຊ່ວຍ ເຫຼືອຢ່າງເຕັມທີ່ ແລະ ຈະໃຫ້ ການຮ່ວມມືຊ່ວຍເຫຼືອສຸດ ຄວາມສາມາດທີ່ຈະໃຫ້ໄດ້ ແລະ ສະແດງຄວາມຂອບໃຈ ກັບສະຫາຍ ບັ່ງເຊີນ ພ້ອມທີມ ງານທີ່ໄດ້ເອົາໃຈໃສ່ຢ່າງສຸດ ອົກສຸດໃຈໃນການນຳພາຄະນະ ໜັງສືພິມ ປະຊາຊົນ ພວກເຮົາ ເຄື່ອນໄຫວຢ້ຽມຢາມ ແລະ ເຮັດວຽກຢູ່ ສສ ຫວຽດນາມ ໃນ ຄັ້ງນີ້ ປະສົບຜົນສຳເລັດເປັນ ຢ່າງດີ. ສິ່ງທີ່ລືມບໍ່ໄດ້ກໍແມ່ນ ທ່ານ ເຈິ່ນຢຸຍເຕີນ ທີ່ມາຊ່ວຍ ໃນການສື່ສານທາງດ້ານພາສາ ອັນໄດ້ເຮັດໃຫ້ຄະນະພວກເຮົາ ໂດຍສະເພາະຜູ້ທີ່ບໍ່ຮູ້ພາສາ ຫວຽດນາມເຂົ້າໃຈໄດ້ດີ ແລະ ຖືໂອກາດນີ້ອວຍພອນໃຫ້ການ ຮ່ວມມືສອງຊາດລາວ-ຫວຽດ ນາມ ເວົ້າລວມ, ເວົ້າສະເພາະ ສອງໜັງສືພິມ ປະຊາຊົນ- ໜັງ ສືພິມ ເຢິນເຢີນ ໃຫ້ນັບມື້ພັດ ທະນາ ແລະ ໝັ້ນຄົງຂະໜົງ ແກ່ນຊົ່ວກາລະນານ.