ເຢຍລະມັນ ຄູ່ຮ່ວມມືການຄ້າໃຫຍ່ທີ່ສຸດ ຂອງຫວຽດນາມ


...

     ຂ່າວສານຫວຽດນາມ ລາຍງານວ່າ: ຫວ່າງບໍ່ດົນມານີ້ ຫຼັງຈາກທີ່ເດີນທາງໄປຮອດ ບອນ ເພື່ອເຂົ້າຮ່ວມກອງປະ ຊຸມລັດຖະມົນຕີຕ່າງປະເທດ ກຸ່ມບັນດາປະເທດອຸດສາຫະ ກຳ ພັດທະນາແລ້ວ ແລະ ຈະ ເລີນໃໝ່ແຖວໜ້າຂອງໂລກ (G20) ທ່ານ ຟາມບິງມິງ ຮອງນາຍົກລັດຖະມົນຕີ, ລັດ ຖະມົນຕີຕ່າງປະເທດ ໄດ້ມີ ການໂອ້ລົມສອງຝ່າຍກັບທ່ານ ຊິກມາ ກາບຣີແອນ ລັດຖະມົນ ຕີຕ່າງປະເທດເຢຍລະມັນ. ກ່ຽວກັບການພົວພັນສອງ ຝ່າຍ, ທັງສອງຝ່າຍຮັບຮູ້ການ ພົວພັນຄູ່ຮ່ວມມືຍຸດທະສາດ ຫວຽດນາມ - ເຢຍລະມັນ ພັດ ທະນາແຂງແຮງໃນໄລຍະທີ່ ຜ່ານມາ. ປັດຈຸບັນ ເຢຍລະມັນ ແມ່ນຄູ່ຮ່ວມມືການຄ້າໃຫຍ່ທີ່ ສຸດຂອງຫວຽດນາມ ໃນສະຫະ ພາບເອີຣົບ (EU). ທ່ານ ຟາມບິງມິງ ແລະ ທ່ານ ຊິກມາ ກາບຣີແອນ ໄດ້ ເປັນເອກະພາບກັນຈະຊີ້ນຳ ສອງກະຊວງການຕ່າງປະເທດ ສືບຕໍ່ອອກແຮງຊຸກຍູ້ການພົວ ພັນສອງປະເທດພັດທະນາໃຫ້ ກວ້າງຂວາງກວ່າເກົ່າ, ເປັນຕົ້ນ ແມ່ນທາງດ້ານການຄ້າ, ການ ລົງທຶນ, ການສຶກສາ, ການອອກ ແຮງງານ, ການທ່ອງທ່ຽວ, ເຕັກໂນໂລຊີ. ເນື່ອງໃນໂອກາດນີ້, ທ່ານ ຟາມບິງມິງ ສະເໜີໃຫ້ເຢຍລະ ມັນຊຸກຍູ້ EU ສ້າງກົດໝາຍໃຫ້ ສຳເລັດເພື່ອລົງນາມໃນສົນທິ ສັນຍາການຄ້າເສລີລະຫວ່າງ EU ກັບຫວຽດນາມ (EVFTA) ໃນປີ 2017, ຮັບຮູ້ຫຼັກການ ເສດຖະກິດຕະຫຼາດຢ່າງຄົບ ຖ້ວນກັບຫວຽດນາມໃນໄລຍະ ດຽວກັນກັບການລົງນາມ EVFTA. ທ່ານ ຟາມບິງມິງຕີລາຄາ ສູງການທີ່ເຢຍລະມັນເຊີນ ຫວຽດນາມ ດ້ວຍຖານະເປັນ ເຈົ້າພາບ APEC 2017 ເຂົ້າ ຮ່ວມບັນດາກອງປະຊຸມກຸ່ມ G20 ໃນປີນີ້. ພ້ອມກັນນັ້ນ ຫວຽດນາມ ກໍໄດ້ເຊີນເຢຍລະມັນໃນຖາ ນະເປັນປະທານ G20 ເຂົ້າ ຮ່ວມການເຄື່ອນໄຫວຈຳນວນ ໜຶ່ງຂອງ APEC 2017 ຢູ່ ຫວຽດນາມ. ທັງສອງຝ່າຍ ຍັງໄດ້ແລກ ປ່ຽນຄຳຄິດຄຳເຫັນກ່ຽວກັບ ບັນຫາສາກົນຈຳນວນໜຶ່ງ ແລະ ຂົງເຂດທີ່ຕ່າງຝ່າຍຕ່າງສົນໃຈ, ໃນນັ້ນມີການເພີ່ມທະວີ ການ ຮ່ວມມືຢູ່ບັນດາເວທີ, ອົງການ ຈັດຕັ້ງຂົງເຂດ ສາກົນ ແລະ ສະຫະປະຊາຊາດ.