ດູໄບ ຈະມີແທັກຊີເທິງອາກາດ ໃນເດືອນ 7


...

ຮຽບຮຽງໂດຍ : ບຸນຄົງ ມິດຕະພອນ    
   ສື່ໃນອາເມຣິກາລາຍ ງານວ່າ: ເຈົ້າໜ້າທີ່ຂັ້ນສູງຂອງ ດູໄບ ເວົ້າວ່າ: ມີແຜນທີ່ຈະນຳ ໃຊ້ເຮືອບິນໂດຣມ ທີ່ຈີນຜະລິດ ເພື່ອເປີດແນະນຳໂຕແທັກຊີ ເທິງອາກາດໃນເດືອນກໍລະ ກົດນີ້. ເຮືອບິນໂດຣມທີ່ຈີນຜະ ລິດຊື່ E Hang 184 ມີໝາກ ປິ່ນຢູ່ 4 ປີກ. ມັນຖືກອອກແບບ ຂົນສົ່ງຜູ້ໂດຍສານທີ່ມີນ້ຳໜັກ 100 ກິໂລ ແລະ ມີກະເປົາເດີນ ທາງນ້ອຍ. ຫົວໜ້າພາກສ່ວນການ ຂົນສົ່ງ ແລະ ທາງຫຼວງຂອງດູ ໄບ ເວົ້າວ່າ: ແທັກຊີທີ່ບິນດ້ວຍ ໂຕມັນເອງໄດ້ທົດລອງຮຽບ ຮ້ອຍແລ້ວໃນຕົວເມືອງ. ລາວ ເວົ້າວ່າ: ການໃຫ້ບໍລິການເປັນ ປົກກະຕິຄາດວ່າຈະເລີ່ມຂຶ້ນ ໃນເດືອນກໍລະກົດນີ້, ເຮືອບິນ ທີ່ມີຮູບຮ່າງໜ່ວຍໄຂ່ສາມາດ ມີຄວາມໄວ 160 ກິໂລແມັດຕໍ່ ຊົ່ວໂມງ, ສາມາດປະຕິບັດໜ້າ ທີ່ໄດ້ 30 ນາທີ ຕໍ່ກັບການສາກ ໝໍ້ໄຟຄັ້ງໜຶ່ງ ແລະ ບິນ ໄດ້ໄກ 50 ກິໂລແມັດ. ການທົດລອງຂອງແທັກຊີ ເທິງອາກາດສະແດງໃຫ້ເຫັນ ວ່າ: ຕະຫຼອດການເດີນທາງມັນ ຖືກບັງຄັບແບບອັດຕະໂນມັດ. ເຮືອບິນສາມາດປະຕິບັດໜ້າທີ່ ຕາມຄວາມຕ້ອງການຜ່ານ ແອັບເພື່ອໃຫ້ມາເຖິງສະຖານ ທີ່ຮັບສົ່ງຜູ້ໂດຍສານ. ເຈົ້າໜ້າທີ່ຂອງບໍລິສັດ E Hang ເວົ້າວ່າ: ໜ້າທີ່ ແລະ ການເຄື່ອນໄຫວທັງໝົດຂອງ ເຮືອບິນຖືກບັນຊາໂດຍຄົນຢູ່ ສູນບັນຊາ ແລະ ສັ່ງການ ທີ່ພາກພື້ນດິນ. ຄົນຢູ່ໃນເຮືອບິນ ຈະສາມາດສື່ສານກັບສູນບັນ ຊາການໄດ້ຄືກັນຖ້າຕ້ອງການ. ປີກາຍນີ້ E Hang ໄດ້ ເຮັດສັນຍາກັບເຈົ້າໜ້າທີ່ໃນ ລັດເນວາດາ ຕາເວັນຕົກ ຂອງ ສະຫະລັດອາເມຣິກາ ເພື່ອ ຄວບຄຸບ ການທົດລອງການບິນ ຂອງ E Hang 184. ສູນດັ່ງ ກ່າວ ມີການຮ່ວມມືກັບອົງການ ບໍລິຫານການບິນຂອງອາເມ ຣິກາ ຫຼື FAA, ເປົ້າໝາຍແມ່ນ ເພື່ອຈະໄດ້ໃບອະນຸມັດ ສຳລັບ E Hang 184 ທີ່ຈະບິນໃນ ສະ ຫະລັດອາເມຣິກາ. ບໍລິສັດນີ້ເວົ້າວ່າ: ເຮືອບິນ ສາມາດໃຊ້ແບບອື່ນກໍໄດ້ ນອກ ຈາກຂົນສົ່ງຜູ້ໂດຍສານເທິງ ອາກາດໃນເມືອງທີ່ແອອັດ. ມັນສາມາດຊ່ວຍປະຕິບັດ ການກອບກູ້ສຸກເສີນ ຫຼື ຂົນ ສົ່ງເຄື່ອງໃນມະນຸດໄດ້ເຊັ່ນກັນ. ດູໄບ ແມ່ນສູນກາງການ ຄ້າຂອງສະຫະລັດອາຣັບ ເອມີ ເຣດ ທີ່ຮັ່ງມີນ້ຳມັນທີ່ສຸດໃນ ເຂດອ່າວເປີເຊຍ. ຜູ້ປົກຄອງ ລັດນີ້ໄດ້ເວົ້າວ່າ: ພາຍໃນປີ 2030 ຢ່າງໜ້ອຍທີ່ສຸດ 25% ຂອງການເດີນທາງຜູ້ໂດຍສານ ທັງໝົດແມ່ນໃຫ້ນຳໃຊ້ພາຫະ ນະທີ່ບໍ່ມີຄົນຂັບ ເພາະປະເທດ ນີ້ກຳລັງຊຸກຍູ້ທາງເລືອກການ ຂົນສົ່ງທີ່ນຳໃຊ້ເຕັກໂນໂລຊີ ຂັ້ນສູງ. ດູໄບ ແມ່ນບ່ອນທີ່ລົດ ໄຟບໍ່ໄດ້ນຳໃຊ້ຄົນຂັບມີເສັ້ນ ທາງຍາວທີ່ສຸດຂອງໂລກ.