ຖະແຫຼງການຮ່ວມຫວຽດນາມ - ອິນເດຍ


   ຂ່າວວິທະຍຸກະຈາຍສຽງ ຫວຽດນາມລາຍງານວ່າ: ຖະ ແຫຼງການຮ່ວມຫວຽດນາມ - ອິນເດຍ ກ່ຽວກັບການຢ້ຽມ ຢາມທາງລັດຖະກິດລະຫວ່າງ ສອງຝ່າຍ. ຂ່າວລະບຸວ່າ: ໃນ ການ ເດີນທາງໄປຢ້ຽມຢາມ ອິນເດຍ ທາງລັດຖະກິດລະ ຫວ່າງວັນທີ 2-4 ມີນາຜ່ານ ມານີ້, ທ່ານ ເຈີນດ້າຍກວາງ ປະທານປະເທດຫວຽດນາມ ໄດ້ມີການພົບປະກັບທ່ານ ນາເຣນດຣາ ໂມດີ ນາຍົກລັດ ຖະມົນຕີ ອິນເດຍ ແລະ ໄດ້ ອອກຖະແຫຼງການຮ່ວມ ຊຶ່ງ ທັງສອງຝ່າຍເຫັນດີເປັນເອກະ ພາບຈະສືບຕໍ່ປະຕິບັດການ ຢ້ຽມຢາມທາງລັດຖະກິດ ແລະ ຂັ້ນຕ່າງໆ, ລະຫວ່າງພັກ, ລັດ ຖະບານ, ອົງການນິຕິິບັນຍັດ, ທ້ອງຖິ່ນຂອງສອງປະເທດ, ພ້ອມທັງແລກປ່ຽນວັດທະນາ ທໍາ ຊຶ່ງກັນ ແລະ ກັນ, ສອງຝ່າຍ ເຫັນດີເປັນເອກະພາບຮ່ວມມື ກັນດ້ານການປ້ອງກັນຊາດ- ປ້ອງກັນຄວາມສະຫງົບ ຊຶ່ງ ເປັນເສົາຄໍ້າທີ່ສໍາຄັນ, ມີປະ ສິດທິຜົນຂອງການພົວພັນຄູ່ ຮ່ວມມືຍຸດທະສາດຮອບດ້ານ ແລະ ສະແດງຄວາມພາກພູມ ໃຈຕໍ່ບັນດາຜົນງານທີ່ບັນລຸ ໄດ້ໃນຂົງເຂດດັ່ງກ່າວ. ທັງ ສອງຝ່າຍກ່າວປະນາມລັດທິ ກໍ່ການຮ້າຍທຸກຮູບແບບ, ລວມ ທັງການກໍ່ການຮ້າຍຂ້າມຊາດ.
   ພ້ອມກັນນັ້ນ, ທັງສອງ ຝ່າຍເຫັນດີເປັນເອກະພາບ ເພີ່ມທະວີການພົວພັນດ້ານ ເສດຖະກິດ, ການຄ້າ ແມ່ນ ເປົ້າໝາຍຍຸດທະສາດ, ເປັນ ປັດໄຈຕົ້ນຕໍຂອງການພົວພັນ ຄູ່ຮ່ວມມືຍຸດທະສາດຮອບດ້ານ ແລະ ຈໍາເປັນສໍາລັບການເພີ່ມ ທະວີການພົວພັນສອງຝ່າຍ ເວົ້າລວມ. ນອກຈາກນັ້ນ, ທັງສອງ ຝ່າຍໄດ້ຕົກລົງເຫັນດີນຳກັນກ່ຽວກັບຄວາມສໍາຄັນຂອງການເພີ່ມທະວີການເຊື່ອມຕໍ່ ລະຫວ່າງ ຫວຽດນາມ - ອິນເດຍ ກໍຄືອາຊຽນກັບອິນເດຍ. ຝ່າຍ ອິນເດຍສະເໜີ ຫວຽດນາມ ຈົ່ງນຳໃຊ້ທຸກຂໍ້ລິເລີ່ມທີ່ອິນ ເດຍສະຫງວນໃຫ້ຕໍ່ບັນດາປະ ເທດເຊັ່ນ: ລາວ, ຫວຽດນາມ, ກໍາປູເຈຍ ແລະ ມຽນມາ. ທັງ ສອງຝ່າຍເນັ້ນໜັກເຖິງຄວາມ ສໍາຄັນ ແລະ ຄວາມຈໍາເປັນ ຂອງການປະຕິບັດກົດໝາຍ ສາກົນຢ່າງເດັດຂາດ.