ທ່ານ ສີຈິ້ນຜິງ ເນັ້ນຕ້ອງຜັກດັນການຝຶກອົບຮົມສື່ຢ່າງເລິກເຊິ່ງ


...

     ຂ່າວສານຊິນຮວາລາຍງານວ່າ: ວັນທີ 25 ມັງກອນຜ່ານມານີ້, ກົມການເມືອງ, ຄະນະກໍາມະການກາງສູນກາງພັກກອມມູນິດຈີນ ໄດ້ຈັດຝຶກອົບຮົມຮ່ວມຄັ້ງທີ 12 ດ້ວຍຫົວຂໍ້; "ຍຸກສື່ປະສົມກັບການຝຶກອົບຮົມສື່", ທ່ານ ສີຈິ້ນຜິງ ເລຂາທິການໃຫຍ່ ຄະນະກໍາມະການສູນກາງພັກກອມມູນິດຈີນ ເປັນປະທານຈັດຝຶກອົບຮົມຄັ້ງນີ້ ແລະ ຊີ້ນໍາວ່າ: ການຜັກດັນການຝຶກຝົນຫຼໍ່ຫຼອມສື່ມວນຊົນ ແລະ ພັດທະນາສື່ປະສົມກັນນັ້ນ ແມ່ນຫົວຂໍ້ທີ່ເຮົາກໍາລັງປະເຊີນໜ້າກັນ, ຕ້ອງປະຍຸກໃຊ້ຜົນງານການປະຕິວັດຂໍ້ມູນຂ່າວສານ, ຜັກດັນພັດທະນາການຝຶກຝົນຫຼໍ່ຫຼອມຂອງສື່ໃຫ້ເລິກເຊິ່ງ ເຮັດໃຫ້ປະຊາມະຕິໃນສື່ຫຼັກມີອິດທິພົນຫຼາຍຍິ່ງຂຶ້ນ, ເສີມສ້າງພື້ນຖານຄວາມຄິດຮ່ວມກັນໃຫ້ພັກ ແລະ ປະຊາຊົນທົ່ວປະເທດມີຄວາມສາມັກຄີ ແລະ ຕໍ່ສູ້ຮ່ວມກັນ ເພື່ອສ້າງພະລັງຈິດໃຈ ແລະ ສຽງສະໜັ້ບສະໜູນໃຫ້ບັນລຸເປົ້າໝາຍ "ສອງສະຕະວັດ" ຂອງຈີນ ແລະ ບັນລຸຄວາມຝັນແຫ່ງຈີນທີ່ຈະຟື້ນຟູຄວາມຮຸ່ງເຮືອງຂອງປະຊາຊາດຈີນ. ຂ່າວລະບຸວ່າ: ໃນມື້ດຽວກັນນັ້ນ, ທ່ານ ສີຈິ້ນຜິງ ພ້ອມຄະນະ ໄດ້ໄປຢ້ຽມຢາມສໍານັກງານ ໜັງສືພິມ ເຫຼິນໝິນ ກ່ຽວກັບການພັດທະນາ ແລະ ປະຍຸກໃຊ້ກະດານຂ່າວດີຈີຕອນ, ຂະບວນການລວບລວມຂໍ້ມູນ, ການຮຽບຮຽງ ແລະ ລາຍງານຂ່າວ ຕະຫຼອດການສ້າງສູນສື່ປະສົມເປັນຂັ້ນຕອນສໍາຄັນ ໃນການພັດທະນາການຝຶກຝົນຫຼໍ່ຫຼອມຂອງສື່. ພ້ອມກັນນັ້ນ, ທ່ານ ສີຈິ້ນຜິງ ຍັງໄດ້ເຂົ້າຢ້ຽມຊົມສູນລວມຊັບພະ ຍາກອນຂ່າວ, ຊົມຂະບວນການສ້າງຄລິບວີດີໂອສັ້ນ ໂດຍໃຊ້ຊັບພະຍາກອນທັງສື່ໜັງສືພິມ, ເວບໄຊ້, ແອບພລີເຄຊັນມືຖື ແລະ ວີແຊັດ ເພື່ອເຜີຍແຜ່ຂ່າວສານຜ່ານຊ່ອງທາງສື່ຕ່າງໆ. ທ່ານ ສີຈິ້ນຜິງ ກ່າວວ່າ: ການຜັກດັນພັດທະນາການຝຶກຝົນຫຼໍ່ຫຼອມຂອງສື່ ຕ້ອງຢຶດໝັ້ນທິດທາງການພັດທະນາເປັນໜຶ່ງດຽວ, ຈາກການປັບປຸງຂະບວນການເຮັດຂ່າວ, ພັດທະນາຮູບແບບໃໝ່ ເຮັດໃຫ້ຊັບພະຍາກອນສື່ ແລະ ປັດໃຈການຜະລິດຕ່າງໆ ຝຶກຝົນຮ່ວມກັນຢ່າງມີປະສິດທິພາບ, ປະສົມປະສານຂໍ້ມູນຂ່າວສານ ເຕັກໂນໂລຊີ ແລະ ວິທີການຄວບຄຸມດູແລໃຫ້ເຂົ້າກັນ, ສົ່ງເສີມໃຫ້ມີການປ່ຽນແປງດ້ານຄຸນນະພາບ, ພັດທະນາສື່ກະແສໃໝ່ທີ່ມີອິດທິພົນ ແລະ ມີສັກຍະພາບການແຂ່ງຂັນສູງ.