S ໜັງສືພິມ ປະຊາຊົນ

 

ພາບສະດຸດຕາໃນໄລຍະການພັດທະນາ 40 ປີ ຂອງຈີນ


...

13.03.2019 14:30     

   ໂດຍ: ບຸນຄົງ ມິດຕະພອນ

ຫາກຈະຕັ້ງຄຳຖາມວ່າງານວາງສະແດງແບບໃດໄດ້ຈັດຂຶ້ນເປັນເວລາ 4 ເດືອນ ແລະຕ້ອນຮັບຜູ້ເຂົ້າຊົມຕັ້ງວ່າ 4 ລ້ານເທື່ອຄົນ? ຄຳຕອບກໍຄື ງານວາງສະແດງຂະໜາດໃຫຍ່ກ່ຽວກັບການປະຕິຮູບແລະເປີດປະຕູສູ່ພາຍນອກຄົບຮອບ 40 ປີ ພາຍໃຕ້ຫົວຂໍ້ວ່າ: ການປະຕິຮູບທີ່ຍິ່ງໃຫຍ່. ງານວາງສະແດງດັ່ງກ່າວຈັດຂຶ້ນເມື່ອວັນທີ 14 ພະຈິກ 2018 ຈົນຮອດ ວັນທີ 20 ມີນາ 2019 ນີ້, ພາຍໃນງານມີ 6 ເຂດວາງສະແດງທີ່ມີຫົວຂໍ້ສະເພາະ, ເພື່ອນຳສະເໜີຂະບວນການອັນສະຫວ່າງສະໄຫວ, ໝາກຜົນທີ່ຍິ່ງໃຫຍ່ ແລະບົດຮຽນອັນລ້ຳຄ່າຂອງນະໂຍບາຍປະຕິຮູບແລະເປີດປະຕູສູ່ພາຍນອກຂອງຈີນຢ່າງຮອບດ້ານ. ພໍກ້າວເຂົ້າສູ່ສະຖານທີ່ຈັດງານວາງສະແດງຈະໄດ້ເຫັນຈະຫລວດສົ່ງດາວທຽມ ທີ່ຕັ້ງລຽງລາຍ ຢ່າງ ສະຫງ່າງາມໃນມູມເບື້ອງຂວາ ເຊິ່ງເປັນ ຫຸ່ນຈຳລອງທີ່ໃຜໆເຂົ້າ ມາທ່ຽວຊົມງານວາງສະ ແດງຕ້ອງຈັບມືຖືອອກມາຖ່າຍທັນທີ. ຂ້າພະເຈົ້າກໍເປັນໜຶ່ງ ໃນຈຳນວນມວນຊົນທີ່ຕ້ອງ ຖ່າຍຮູບຢູ່ດ້ານໜ້າຂອງສຸດຍອດສິ່ງປະດິດແຫ່ງຜົນສຳເລັດ ອັນຍິ່ງໃຫຍ່ ແລະ ມະຫັດ ສະຈັນຂອງຈີນໃນການດຳເນີນການປະຕິຮູບ ແລະ ເປີດປະຕູສູ່ ພາຍນອກ ຄົບຮອບ 40 ປີ. ຢູ່ມູມກ້ຳຊ້າຍມືແມ່ນສິງປະດິດທາງນ້ຳ ແລະ ທາງອະວະກາດເຊັ່ນ: ເຮືອດຳນ້ຳໃນ ຂະໜາດຕ່າງໆ,ແຖ່ນຂຸດນ້ຳມັນ,ເຮືອບິນລົງນ້ຳໄດ້ ຫລື ເຮືອບິນເຄິ່ງບົກເຄິ່ງນ້ຳຂະໜາດ ໃຫຍ່ສຸດຂອງໂລກ, ດາວທຽມ ແລະ ສິ່ງອື່ນໆ. ນີ້ກໍເປັນສິ່ງຈຳລອງທີ່ຄົນມັກ ຖ່າຍຮູບຮ່ວມ ຫລື ວ່າເປັນພະເອກຂອງງານນີ້ເຊັ່ນກັນ. ທ່າມກາງເຂດວາງສະແດງທີ່ຈັດເປັນລະບຽບຮຽບຮ້ອຍນັ້ນ, ເຂດໜຶ່ງທີ່ສຳຄັນແມ່ນ ເຂດຮູບພາບການເຄື່ອນໄຫວຂອງບັນດາທ່ານຜູ້ນຳທີ່ສຳຄັນຂອງຈີນ ເຊັ່ນ: ທ່ານ ເຕີ້ງສຽວຜິງ,ທ່ານ ຈຽງເຈີມິງ,ທ່ານ ຫູຈິນທາວ ແລະ ທ່ານ ສີຈິ້ນຜິງ. ຂ້າພະ ເຈົ້າສະດຸດຕາ ແລະ ສົນໃຈໃນຕົວອັກສອນສີເຫລືອງ ທີ່ຢູ່ຫົວແຖວຂອງເຂດວາງສະແດງ ນີ້. ຂ້າພະເຈົ້າຫາຄົນຈີນແປໃຫ້ຟັງ ແລະ ຈຶ່ງຮູ້ແຈ້ງວ່າຕົວອັກສອນນັ້ນແມ່ນ ຄຳເວົ້າທີ່ໜັກ ແໜ້ນ, ສຳຄັນ ແລະ ເປັນການກຳນົດຍຸດທະສາດແຕ່ຫົວທີທີ່ທ່ານ ເຕິ້ງສຽວຜິງກ່າວໃນ ກອງປະຊຸມຄົບຄະນະຂອງສູນກາງພັກຄັ້ງທີ 3 ສະໄໝທີ 11 ໃນເດືອນທັນວາ 1978 ມີບາງຕອນວ່າ: ສ້າງນະໂຍບາຍຄັ້ງປະຫວັດສາດທີ່ ຫັນວຽກງານໃຈກາງຂອງພັກ ແລະ ລັດໄປສູ່ການກໍ່ສ້າງເສດຖະກິດ ແລະ ການດຳເນີນການປະຕິຮູບ ແລະ ເປີດປະຕູສູ່ ພາຍນອກ. ກຳນົດທິດທາງພື້ນຖານໃນໄລຍະຕົ້ນຂອງສັງຄົມນິຍົມທີ່ມີສີສັນພິເສດຂອງ ຈີນ. ທ່າມກາງງານວາງສະແດງທີ່ມີຄວາມທັນສະໄໝ ແລະ ຈະເລີນຮຸ່ງເຮືອງໃນດ້ານ ຕ່າງໆນັ້ນ,ພາຍໃນງານຍັງວາງສະແດງການຈຳລອງສະພາບເຮືອນຊານຊາວຈີນໃນຍຸກກ່ອນຕອນທີ່ເປີດປະເທດໃໝ່ໆ.ເຄື່ອງໃຊ້ໃນຊີວິດປະຈຳວັນທີ່ຄົນຈີນລຸ້ນກ່ອນຮູ້ດີກໍຄື: ສາມໝູນໜ່ຶງສຽງ. ສາມໝູນໝາຍເຖິງລົດຖີບ, ໂມງ ແລະ ຈັກຫຍິບ.ສ່ວນໜຶ່ງສຽງ ແມ່ນວິທະຍຸ.ໃນຍຸກນັ້ນສິ່ງເລົ່ານີ້ແມ່ນສິ່ງລ້ຳຄ່າທີ່ສຸດສຳລັບຊາວຈີນ. ຈາກການກຳນົດແນວທາງທີ່ຖືກຕ້ອງແຕ່ເບື້ອງຕົ້ນຂອງການປະຕິຮູບ ແລະ ເປີດປະ ຕູສູ່ພາຍນອກໃນໄລຍະ 40 ປີ, ປະເທດຈີນໄດ້ຫັນປ່ຽນຈາກສະພາບທີ່ຫລ້າຫລັງມາ ສູ່ຍຸກທີ່ທັນສະໄໝລະດັບໂລກ. ພາຍໃນງານມີຫລາຍສິ່ງຫລາຍຢ່າງທີ່ມີຄວາມກ້າວໜ້າ ດ້ານເທັກໂນໂລຊີເຊັ່ນ: ຫຸ່ນຍົນສາມາດແຕ້ມຮູບຄົນໄດ້ ເຊິ່ງເປັນທີ່ຖືກອົກຖືກໃຈສຳລັບ ພວກເດັກນ້ອຍເພາະແຕ້ມແລ້ວມອບໃຫ້ເຈົ້າຂອງຮູບໄວ້ເປັນທີ່ລະນຶກເລີຍ.ສຳລັບຂ້າພະເຈົ້າສະດຸດຕາເຂດຈຳລອງລົດໄຟຄວາມໄວສູງ ແລະ ກໍໄດ້ລອງຂັບເບິ່ງແລ້ວ,ໃນອະນາ ຄົດລົດໄຟຄວາມໄວສູງລາວ-ຈີນກໍຈະສ້າງສຳເລັດ,ຄົນລາວກໍຈະໄດ້ສຳພັດກັບເທັກໂນ ໂລຊີຈີນເຊັ່ນກັນ. ໃນຄວາມຈິງແລ້ວຂ້າພະເຈົ້າມາເບິ່ງງານວາງສະແດງນີ້ສອງຄັ້ງ.ຂະໜາດຂ້າພະເຈົ້າແມ່ນຄົນຕ່າງປະເທດຍັງປະທັບໃຈຕໍ່ຜົນສຳເລັດອັນຍິ່ງໃຫຍ່ຂອງຈີນ. ແລ້ວຄົນຈີນເອງ ເດເຂົາເຈົ້າຈະມີຄວາມຮູ້ສຶກປະທັບໃຈຂະໜາດໃດ ຕໍ່ຜົນສຳເລັດຂອງປະເທດຊາດອັນ ແສນຮັກຂອງຕົນ. ທ່ານ ນາງ ຈ້າວສຽວຮົງ (ມີຊື່ລາວວ່າ ສາຍວັນນີ) ນັກຂ່າວຈີນບອກວ່າ: "ຂ້າພະເຈົ້າຮູ້ສຶກຕື່ນເຕັ້ນແລະຊາບຊຶ້ງໃຈທີ່ສຸດເມື່ອໄດ້ເຂົ້າຊົມງານວາງສະແດງກ່ຽວກັບຜົນງານຂອງການປະຕິຮູບແລະເປີດປະຕູສູ່ພາຍນອກຂອງຈີນຕະຫຼອດໄລຍະ 40 ປີມານີ້, ເຊິ່ງຜົນງານເຫຼົ່ານີ້ຍາດມາໄດ້ບໍ່ແມ່ນງ່າຍ, ຄິດວ່າປະຊາຊົນຈີນທຸກຄົນທີ່ໄດ້ມີປະກອບສ່ວນເຂົ້າໃນການສ້າງສາພັດທະນາປະເທດຊາດນັບແຕ່ໃນຕະຫຼອດ 70 ປີແຫ່ງການສະຖາປະນາສາທາລະນະລັດປະຊາຊົນຈີນ ກໍ່ຄື 40 ປີແຫ່ງການດຳເນີນການປະຕິຮູບແລະເປີດປະຕູສູ່ພາຍນອກຂອງຈີນຈະຮູ້ສຶກປະທັບໃຈເຊັ່ນກັນ. ດັ່ງທີ່ທ່ານສີຈິ້ນຜິງ ປະທານປະເທດ ສປ ຈີນ ເຄີຍກ່າວວ່າ, ແຕ່ລະຍຸກສະໄໝຈະມີຫົວຂໍ້ຫຼັກຂອງຍຸກນັ້ນ, ແຕ່ລະເຊັ່ນຄົນຈະມີພັນທະໜ໊າທີ່ຂອງຄົນເຊັ່ນນັ້ນ. ຢູ່ບົນເສັ້ນທາງອັນໃໝ່ທີ່ກ້າວເດີນໄປໜ້າ, ປະຊາຊົນຈີນທຸກຄົນຈະເປັນຕົວສະແດງທີ່ສຳຄັນເຊັ່ນກັນ, ຈະມີພັນທະໜ້າທີ່ຂອງຕົນເອງເຊັ່ນກັນ. ສະນັ້ນ ເພື່ອເຮັດໃຫ້ປະຊາຊົນຈີນທຸກເຊັ່ນຄົນຈະໄດ້ຊົມໃຊ້ຄວາມສີວິໄລຂອງປະເທດຊາດຕົນເອງ, ພວກເຮົາທຸກຄົນ ແມ່ນມີໜ້າທີ່ສູ້ຊົນຜ່ານຜ່າ, ປະກອບສ່ວນເຂົ້າໃນການພັດທະນາຂອງປະເທດຈີນ." ງານວາງສະແດງຄືການຮວບຮວມຜົນສຳເລັດໃນດ້ານຕ່າງໆມາໄວ້ບ່ອນດຽວກັນ, ແຕ່ໃນຄວາມເປັນຈິງ, ຖ້າໃຜໄດ້ມາທ່ອງທ່ຽວ ຫລື ຢ້ຽມຢາມຈີນຈະໄດ້ຈະສຳຜັດກັບຄວາມດວກສະບາຍໃນຊີວິດຕົວເມືອງ ແລະໄດ້ເຫັນຄວາມຈະເລີນໃນຊົນນະບົດຂອງຈີນ ເຊິ່ງເປັນຜົນສຳເລັດທີ່ຈີນໄດ້ຮັບໃນ 40 ປີແຫ່ງການດຳເນີນການປະຕິຮູບແລະເປີດປະຕູສູ່ພາຍນອກເຊັ່ນ:ຈະເຫັນຕຶກງາມສູງສຽດຟ້າໃນຮູບຮ່າງທີ່ຕ່າງກັນ,ໄດ້ຂີ່ລົດໄຟ ຄວາມ ໄວສູງເຊື່ອມຕົວເມືອງຕ່າງໆ, ຈະເຫັນຄົນຈີນທຸກຄົນໃຊ້ໂທລະສັບມືຖືຈ່າຍເງິນ, ຈະໄດ້ ທ່ຽວຊົມສວນສາທາລະນະທີ່ເປັນລະບຽບຮຽບຮ້ອຍ ແລະ ສະອາດສວຍງາມ. ສຳນວນຈີນກ່າວໄວ້ວ່າ: ຖືປະຫວັດສາດເປັນແວ່ນແຍງ, ຈິ່ງຈະຮູ້ເຫດຜົນທີ່ເຮັດໃຫ້ປະເທດໜຶ່ງຈະເລີນຂຶ້ນ. ການພັດທະນາ ແລະຄວາມຈະເລີນຮຸ່ງເຮືອງທີ່ຈີນໄດ້ຮັບໃນປັດຈຸບັນ ແມ່ນຍ້ອນໄດ້ມີຄວາມເຄົາລົບຕໍ່ປະຫວດັສາດ, ຮັບຮູ້ປະຫວັດສາດຢ່າງຖືກຕ້ອງ, ປັບປຸງຕົນເອງເລື້ອຍໆໄປ. ຈາກງານວາງສະແດງຄັ້ງນີ້ ຜູ້ຂຽນໄດ້ສຳຜັດກັບການພັດ ທະນາຂອງຈີນະຫຼອດ 40 ປີຜ່ານມາ, ອາດເວົ້າໄດ້ວ່າ 40 ປີແຫ່ງການປະຕິຮູບແລະເປີດປະຕູສູ່ພາຍນອກໄດ້ນຳເອົາໂອກາດແລະສິ່ງທ້າທາຍຢ່າງຫຼວງຫຼາຍມາໃຫ້ປະເທດຈີນ ແລະປະຊາຊົນຈີນ, ແລະໄດ້ເຮັດໃຫ້ປະເທດຈີນແລະປະຊາຊົນມີຄວາມສູ້ຊົນຜ່ານຜ່າດ້ວຍຄວາມທໍລະຫົດອົດທົນ, ມີການຄົ້ນຄິດຢ່າງຫຼວງຫຼາຍ.ເຊື່ອວ່າ ອະນາຄົດຂອງຈີນຈະຍິ່ງຮຸ່ງເຮືອງຂຶ້ນ, ສືບຕໍ່ກາຍເປັນແບບຢ່າງທີ່ດີໃຫ້ທັງໝົດປະເທດທີ່ພວມພັດທະນາໃນໂລກນີ້, ໃຫ້ບັນດາປະເທດໃນໂລກນີ້ ໄດ້ຊົມໃຊ້ໝາກຜົນແຫ່ງການພັດທະນາຂອງຈີນ ແລະຮ່ວມກັນພັດທະນາກັບປະເທດຕ່າງໆໃນໂລກນີ້ ສ້າງໂລກທີ່ສວຍງາມກວ່າເກົ່າ.