ສປຊ ປຶກສາ​ຫາລື​ການ​ປ່ຽນແປງ​ດິນ​ຟ້າ​ອາກາດ

12.09.2019 10:49     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ວັນ​ທີ 9 ກັນຍາ​ຜ່ານ​ມາ, ຢູ່​ສຳນັກງານ ສະຫະ​ປະຊາຊາດ (ສປຊ) ທີ່​ນະຄອນ​ເຊີ​ແນວ ປະເທດ​ສະ​ວິດ, ສະພາ​ສິດທິ​ມະນຸດ ສປຊ ໄດ້​ເປີດ​ກອງ​ປະຊຸມ​ປະຈຳ​ປີ​ຄັ້ງ​ທີ 42 ໂດຍ​ມີ​ການ​ເຂົ້າ​ຮ່ວມ​ຂອງ​ຜູ້ຕາງໜ້າ 47 ປະເທດ​ສະມາຊິກ, ຫຼາຍ​ກ່​ວາ 100 ປະເທດ​ສັງເກດ​ການ, ບັນດາ​ອົງການ​ຈັດ​ຕັ້ງ​ສາກົນ ແລະ ບັນດາ​ອົງການ​ທີ່​ບໍ່​ຂຶ້ນ​ກັບ​ລັດ​ຖະ​ບານ.
ທ່ານ ເຢືອງ​ຈີ໊​ຢຸ໊ງ ເອກ​ອັກ​ຄະ​ລັດ​ຖະ​ທູດ ຫົວໜ້າ​ຜູ້ ຕາງໜ້າ​ຖາວອນ ຫວຽດນາມ ປະຈຳ ສປຊ ອົງການ​ການ​ຄ້າ​ໂລກ (WTO) ແລະ ບັນດາ​ອົງການ​ຈັດ​ຕັ້ງ​ສາກົນ​ຕ່າງໆ ປະຈຳ ເຊີ​ແນວ ໄດ້​ນໍາ​ພາຄະ​ນະ​ຜູ້​ແທນ ຫວຽດນາມ ເຂົ້າ​ຮ່ວມ.
     ກອງ​ປະຊຸມ​ປະຈຳ​ປີ​ຄັ້ງ​ນີ້, ຈະ​ມີ​ການ​ປຶກສາ​ຫາລື​ຫົວ​ເລື່ອງ​ສະເພາະ 3 ຄັ້ງ​ຄື: ຮັບປະກັນ​ສິດທິ​ມະນຸດ​ໃນ​ສະ ພາບ​ການ​ບັນດາ​ມາດ​ຕະການ​ລົງໂທດ​ແບບ​ພຽງ​ລຳພັງ​ຝ່າຍ​ດຽວ, ສິດທິ​ຂອງ​ຊາວ​ທ້ອງຖິ່ນ, ສົມທົບ​ວິທີ​ການ​ສຳຜັດ​ກ່ຽວ​ກັບ​ເພດ​ໃນ​ວຽກ​ງານ​ຂອງ​ສະພາ​ສິດທິ​ມະນຸດ ແລະ ພິຈາລະນາ​ຮັບຮອງ​ເອົາ​ບັນດາ​ບົດ​ລາຍ​ງານ​ສຸດ​ທ້າຍ​ຂອງ​ກົນ​ໄກ​ສຳຫຼວດ​ກວດກາ​ປະຈຳ​ໄລຍະ​ດ້ານ​ສິດທິ​ມະນຸດ​ຂອງ 14 ປະ​ເທດ. ກອງ​ປະຊຸມ​ຈະ​ດຳເນີນ​ເຖິງ​ວັນ​ທີ 27 ກັນຍາ​ນີ້, ຄາດ​ວ່າ: ຈະ​ຮັບຮອງ​ເອົາ​ຮ່າງ​ມະຕິ 25 ສະບັບ​ກ່ຽວ​ກັບ​ບັນດາ​ບັນຫາ​ຫຼາຍ​ຮູບ​ຫຼາຍ​ແບບ​ຊຶ່ງ​ກ່ຽວຂ້ອງ​ເຖິງ​ສິດທິ​ມະ​ນຸດ.