ອາ​ຊຽ​ນ-​ອິນ​ເດຍ ຍົກ​ສູງ​ປະສິດ​ທິ​ຜົນ
FTA

13.09.2019 8:58     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ວັນ​ທີ 10 ກັນຍາ​ຜ່ານ​ມາ, ອິນ​ເດຍ ແລະ ອາ​ຊຽນ ໄດ້​ເຫັນ​ດີ​ກວດກາ​ຄືນ​ສັນຍາ​ການ​ຄ້າ​ເສລີ (FTA) ຊຶ່ງ​ໄດ້​ລົງ​ນາມ​ໃນ​ປີ 2009 ເພື່ອ​ແນໃສ່​ຍົກ​ສູງ​ປະສິດ​ທິ​ຜົນ​ຂອງ​ເອກະສານ​ດັ່ງກ່າວ ແລະ ຊຸກຍູ້​ການ​ພົວພັນ​ເສດຖະກິດ 2 ຝ່າຍ.
ໃນ​ຖະແຫຼງການ​ຮ່ວມ ຊຶ່ງ​ໄດ້​ຍົກ​ອອກ​ມາ​ພາຍຫຼັງ​ກອງ​ປະຊຸມ​ທາ​ບ​ທາມ​ຄວາມ​ເຫັນ ລະຫວ່າງ​ບັນດາ​ລັດຖະມົນຕີ​ເສດຖະກິດ​ອາ​ຊຽນ ແລະ ທ່ານ ປິ​ຢູສ ໂອ​ຢານ ລັດຖະມົນຕີ​ກະ ຊວງ​ອຸດສາຫະກຳ​ການ​ຄ້າ​ ອິນ​ເດຍ ຢູ່​ນະຄອນຫຼວງ​ບາງກອກ ປະເທດ​ໄທ, 2 ຝ່າຍ​ໃຫ້​ຮູ້​ວ່າ: ຈະ​ສ້າງຕັ້ງ​ຄະ​ນະ​ກໍາ​ມະ​ການ​ຮ່ວມ ເພື່ອ​ຜັນ​ຂະຫຍາຍ​ວຽກ​ງານ​ຕິດຕາມ​ກວດກາ​ດັ່ງ​ກ່າວ.
ຖະແຫຼງການ​ລະບຸ​ວ່າ: ບັນດາ​ລັດຖະມົນຕີ​ໄດ້​ເຫັນ​ດີ​ເລີ່ມ​ເຄື່ອນ​ໄຫວ​ຂະບວນ​ວິວັດ​ການ​ກວດກາ​ຄືນ​ສັນຍາ​ການ​ຄ້າ​ເສລີ ອາ​ຊຽນ-ອິນ​ເດຍ ເພື່ອ​ໃຫ້​ເອກະສານ​ສະບັບ​ນີ້ ເປັນ​ມິດ​ກັບ​ຜູ້​ຊົມໃຊ້​ຫຼາຍ​ກ່​ວາ, ງ່າຍ​ດາ​ຍກວ່າ ແລະ ສ້າງ​ຄວາມສະ​ ດວກ​ກ່​ວາ​ໃຫ້​ແກ່​ວິ​ສາ​ຫະກິດ. ບັນດາ​ລັດຖະມົນຕີ​ໄດ້​ມອບໜ້າ ທີ່​ໃຫ້​ບັນດາ​ເຈົ້າ​ໜ້າ ທີ່ ສ້າງ ທິດ​ທາງ​ການ​ກວດກາ​ຢ່າງ​ ລະອຽດ ແລະ ນຳ​ສະເໜີ​ເອກະສານ​ສະບັບ​ນີ້​ໃນ​ກອງ​ປະຊຸມ​ຂັ້ນ​ລັດຖະມົນຕີ​ຄັ້ງ​ຕໍ່​ໄປ.