ອະນຸ​ພາກ​ພື້ນ​ແມ່ນ້ຳ​ຂອງ​ສົ່ງເສີມການ​ຮ່ວມ​ມື​ກະສິກຳ

13.09.2019 9:00     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ກອງ​ປະຊຸມ​ສຳ​ມະ​ນາ​ສຳພັນ​ທະ​ມິດ​ບັນດາ​ອົງການ​ສົ່ງເສີມ​ກະສິກຳ ອະນຸ​ພາກ​ພື້ນ​ແມ່ນ້ຳ​ຂອງ (MELA) ຄັ້ງ​ທີ 5 ປີ 2019 ໄດ້​ເປີດ​ຂຶ້ນ​ຢູ່​ນະຄອນ​ດາ​ນັ່ງ ທາງ​ພາກ​ກາງ​ຫວຽດນາມ.
ຂ່າວ​ລະບຸ​ວ່າ: ກອງ​ປະ ຊຸມ​ສຳມະ​ນາ​ໄດ້​ດຳເນີນ​ໃນ ລະຫວ່າງ ວັນ​ທີ 11-14 ກັນຍາ ​ນີ້ ໂດຍ​ສູນ​ສົ່ງເສີມ​ກະສິກຳ​ແຫ່ງ​ຊາດ, ກະຊວງ​ກະສິກຳ ແລະ ພັດທະນາ​ຊົນນະບົດ​ຫວຽດນາມ ຈັດ​ຕັ້ງ​ຂຶ້ນ, ​ມີ​ການ​ເຂົ້າ​ຮ່ວມ​ຂອງ​ຜູ້​ແທນ 60 ທ່ານ​ທີ່​ມາ​ຈາກ 5 ປະເທດ​ອະນຸ​ພາກ​ພື້ນ​ແມ່​ນໍ້າ​ຂອງ​ຄື: ລາວ, ກຳປູເຈຍ, ມຽນ​ມາ, ໄທ ແລະ ຫວຽດນາມ. ເປົ້າໝາຍ ​ຂອງ​ກອງ​ປະຊຸມ​ສຳ​ມະ​ນາ​ຄັ້ງ​ນີ້ ແມ່ນ​ແບ່ງປັນ​ຂໍ້​ມູນ​ຂ່າວສານ, ຄວາມ​ຮູ້, ບົດຮຽນ, ປະສົບ​ການ ໃນ​ການ​ບໍລິການ​ໃຫ້​ຄຳ​ປຶກສາ​ດ້ານ​ກະສິກຳ ແລະ ສົ່ງເສີມ​ກະສິກຳ​ລະຫວ່າງ ບັນດາ​ປະ ເທດ​ຢູ່​ອະນຸ​ພາກ​ພື້ນ​ແມ່ນ້ຳ​ຂອງ, ບັນດາ​ການ​ຄົ້ນຄ້​ວາ​ໃນ​ຂົງເຂດ​ກະສິກຳ ແລະ ການ​ພັດ ທະນາ​ຊົນ​ນະ​ບົດ. ຜູ້ຕາງໜ້າ​ຂອງ​ບັນດາ​ປະເທດ ໄດ້​ສະເໜີ​ບົດ​ລາຍ​ງານ​ກ່ຽວ​ກັບ​ສະພາບ​ການ​ຕົວ​ຈິງ​ຂອງ​ບັນດາ​ນະ​ໂຍ​ບາຍ ແລະ ຄວາມ​ພະຍາຍາມ​ແຫ່ງ​ຊາດ ສຳລັບ​ກະສິກຳ​ອັດ​ສະ​ລິ​ຍະ ຊຶ່ງ​ສາມາດ​ປັບ​ຕົວ​ເຂົ້າ​ກັບ​ການ​ປ່ຽນແປງ​ຂອງ​ດິນ​ຟ້າ​ອາກາດ, ກະສິກຳ​ສີຂຽວ ແລະ ການ​ພັດທະນາ​ບັນດາ​ອົງການ​ຊາວ​ກະ​ສິກ​ອນ.