ຊາວອາເມຣິກາ 60% ເຫັນວ່າເສດຖະກິດຈະຊຸດໂຊມລົງ

13.09.2019 9:05     

   ຂ່າວສານ​ຊິນ​ຮວາ​ລາຍ​ງານ​ວ່າ: ວັນ​ທີ 10 ກັນຍາຜ່ານ​ ມາ ໜັງສືພິມ ວໍ​ຊິງ​ຕັນ​ໂພສ ແລະ ບໍລິສັດ ABC ອາ​ເມຣິກາ ໄດ້​ເຜີຍແຜ່​ຜົນ​ການ​ສຳຫຼວດ​ ຄວາມ​ຄິດ​ເຫັນ ໂດຍ​ສະແດງ​ໃຫ້​ເຫັນ​ວ່າ: ຄຽງ​ຄູ່​ກັບ​ຄວາມ​ເປັນ​ຫ່ວງ​​ຄວາມ​ຂັດ​ແຍ່ງ​ດ້ານ​ການ​ຄ້າ​ເພີ່ມ​ຂຶ້ນ, ໃນການໃຫ້​ສຳພາດ​ປະຊາຊົນ​ອາ​ເມ​ຣິ​ກາ 60% ເຫັນ​ວ່າ, ເສດຖະກິດ​ອາ​ເມ​ຣິ​ກາ​ໃນ​ປີໜ້າຈະ​ຊຸດໂຊມ​ລົງ.
ອີງ​ຕາມ​ຜົນ​ການ​ສຳຫຼວດ​ຄວາມ​ຄິດ​ເຫັນ, ເມື່ອ​ທຽບ​ກັບ​ເດືອນ​ພະຈິກ​ປີ​ກາຍ, ຜູ້​ໃຫ້​ສຳພາດ​ທີ່​ເຫັນ​ວ່າ​ເສດຖະກິດ​ອາ​ເມ​ຣິ​ກາ ຈະ​ຫຼຸດ​ລົງ 10%. ມີ​ຜູ້​ໃຫ້​ສຳພາດ 43% ເຫັນວ່າ, ນະໂຍບາຍ​ການ​ຄ້າ ແລະ​ ເສດ ຖະກິດ​ຂອງ​ລັດຖະບານ​ອາ​ເມ​ຣິ​ກາ ໄດ້​ເພີ່ມ​ຄວາມ​ເປັນ​ໄປ​ໄດ້​ທີ່​ຈະ​ເຮັດ​ໃຫ້​ເສດຖະກິດ​ຊຸດໂຊມ​ລົງ​ໃນ​ປີ​ໜ້າ. ຂະນະ​ດຽວ​ກັນ, ປະຊາຊົນ​ອາ​ເມ​ຣິ​ກາ 60% ກໍ​ເປັນ​ຫ່ວງ​ວ່າ: ຄວາມ​ຂັດ​ແຍ້ງ​ດ້ານ​ເສດຖະກິດ​ການ​ຄ້າຈະ​ເຮັດ​ໃຫ້​ຄ່າ​ໃຊ້​ຈ່າຍ​ໃນ​ຄອບຄົວ​ສູງ​ຂຶ້ນ. ໃນ​ນັ້ນ, ມີ​ຈຳນວນ 1/3 ເຫັນ​ວ່າ: ມີ​ຄວາມ​ກັງວົນ​ທີ່​ສຸດ.