ກອງ​ປະ­ຊຸມ ຕ້ານ​ຢາ​ເສບ​ຕິດ ຫວຽດ­ນາມ​-​ລາວ​-​ກຳ­ປູ­ເຈຍ
ຮັບ­ຮອງ​ຖະ­ແຫຼງ​ຮ່ວມ

16.09.2019 8:39     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ກອງ​ປະຊຸມ​ສາມ​ຝ່າຍ​ຂັ້ນ​ລັດຖະມົນຕີ ຫວຽດນາມ​-​ລາວ​-​ກຳປູເຈຍ ກ່ຽວ​ກັບ​ການ​ຮ່ວມ​ມື​ສະກັດ​ກັ້ນ, ຕ້ານ​ຢາ​ເສບ​ຕິດ ຄັ້ງ​ທີ 18, ໄດ້​ປິດ​ລົງ​ໃນ​ວັນ​ທີ 12 ກັນຍາ​ຜ່ານ​ມາ ທີ່​ນະຄອນຫຼວງ​ຮ່າ​ໂນ້ຍ ປະເທດ​ຫວຽດນາມ.
ກ່າວ​ຄຳ​ເຫັນໃນ​ພິ​ທີ​ປິດ​ກອງ​ປະຊຸມ, ທ່ານ ເລ​ກຸຍ​ເວືອງ ຮອງ​ລັດຖະມົນຕີ​ກະຊວງ​ຕຳ ຫຼວດ​ຫວຽດນາມ​ໃຫ້​ຮູ້​ວ່າ: ກອງ​ ປະຊຸມ ໄດ້​ມີ​ການ​ປຶກສາ​ຫາລື​ກັນ​ກ່ຽວ​ກັບ​ສະພາບ​ການ​ຜະ ລິດ, ຄ້າຂາຍ, ຂົນສົ່ງ​ຢາ​ເສບ​ຕິດ​ຢ່າງ​ຜິດ​ກົດໝາຍ, ພິເສດ​ແມ່ນ​ຢາ​ເສບ​ຕິດ​ປະເພດ​ປະ ສົມ ແລະ ທາດ​ກ່ອມ​ປະສາດ​ຊະນິດ​ໃໝ່. ທ່ານ ເລ​ກຸຍ​ເວືອງ ກ່າວ​ວ່າ: ຕໍ່​ກັບ​ສະພາບ​ການ​ດັ່ງກ່າວ ຈຳເປັນ​ຕ້ອງ​ເພີ່ມ​ທະວີ​ການ​ຮ່ວມ​ມື ແລະ ສຸມ​ໃສ່​ຊີ້​ນຳ​ຢ່າງ​ແຮງ, ບັນດາ​ເຈົ້າ​ໜ້າທີ່​ຂອງ​ແຕ່​ລະ​ປະເທດ ຕ້ອງ​ມີ​ມາດ​ຕະການ​ແກ້​ໄຂ​ທີ່​ສອດຄ່ອງ ແລະ ເໝາະ​ສົມ, ຮັບ​ມື​ກັບ​ຜົນ​ຮ້າຍ​ຂອງ​ອາ​ຊະ​ຍາ​ກຳ​ຢາ​ເສບ​ຕິດຢູ່​ແຕ່​ລະ​ປະເທດ ແລະ ໃນ​ພາກ​ພື້ນ.
ທ່ານ ເລ​ກຸຍ​ເວືອງ ກ່າວ​ຢໍ້າ​ວ່າ: ພວກ​ເຮົາ​ໄດ້​ໃຫ້​ບຸລິມະ​ ສິດ, ສຸມ​ໃສ່​ຊີ້​ນຳ​ຢ່າງໃກ້​ຊິດ, ເພີ່ມ​ທະວີ​ແບ່ງປັນ​ຂໍ້ມູນຂ່າວ ສານ, ແລກປ່ຽນບົດຮຽນ; ຍົກ​ສູງ​ປະສິດ​ທິ​ຜົນບັນດາມາດ​ຕະການຄວ​ບຄຸມຊາຍແດນ; ປະ​ຕິ​ບັດ​ລາດຕະເວນ, ຄວບຄຸມ​ ກວດກາ ແລະ ສ້າງຕັ້ງຄະນະ ​ຮັບຜິຊອບສະເພາະ​ກິດກ່ຽວ ​ກັບ​ຄະດີໃນ​ ການ ​ຕໍ່ສູ້​ຮ່ວມກັນ; ສົມທົບ​ກັນ ກວດ ກາ ແລະ ຈັບ​ ກຸມ​ກຸ່ມ ເປົ້າ​ ໝາຍ;  ຍົກ​ສູງ​ປະສິດທິ​ຜົນ ການເຄື່ອນໄຫວຂອງ ຫ້ອງ ການຕິດຕໍ່ຜ່ານຊາຍແດນ  (BLO); ພິຈາລະນາ​ສ້າງຕັ້ງ ​ຫ້ອງການ​ຕິດຕໍ່​ຫຼັງ​ໃໝ່​ຢູ່​ບັນດາ​ ບໍລິເວນ​ຊາຍ​ແດນທີ່​ມີ​ຄວາມ ​ສ່ຽງ​ສູງ​ດ້ານ ​ອາ​ຊະ​ຍາ​ກຳ ແລະ ຄ້າຂາຍ ​ຢາ​ເສບ​ຕິດ ລະຫວ່າງ ບັນດາ​ປະ​ເທດ. ນີ້​ແມ່ນ​ການ​ກຳນົດ​ທິດ ແລະ ບຸລິມະສິດ​ການເຄື່ອນໄຫວ​ທີ່​ສຳຄັນ ເພື່ອ​ແນໃສ່​ເຮັດ​ໃຫ້ການ​ພົວພັນ​ຮ່ວມ​ມື​ລະຫວ່າງ 3 ປະເທດ​ກ້າວ​ເຂົ້າ​ສູ່​ລວງ​ເລິກ, ມີ​ປະສິດ​ທິ​ຜົນ, ຕອບ​ສະໜອງ​ໄດ້​ຕາມ​ຄວາມ​ຮຽກຮ້ອງ​ຕ້ອງການ​ດ້ານ​ພາວະ​ວິໄສ​ຂອງ​ຂະບວນ​ການ​ຕໍ່ສູ້​ຕ້ານ​ຢາ​ເສບ​ຕິດ​ໃນ​ປັດ​ຈຸ​ບັນ.
ກອງ​ປະຊຸມ​ດັ່ງກ່າວ, ໄດ້​ຮັບຮອງ​ຖະແຫຼງການ​ຮ່ວມ ແລະ ລົງ​ນາມ​ໃນ​ບົົດ​ບັນທຶກວ່າ ​ດ້ວຍ​ການ​ຮ່ວມ​ມື​ຄວບ​ຄຸມ​ຢາ ​ເສບ​ຕິດ ທາດ​ກ່ອມ​ປະສາດ ແລະ ທາດ​ຕັ້ງຕົ້ນ​ຜະລິດ​ຢາ​ເສບ​ຕິດລະຫວ່າງ ຫວຽດນາມ- ​ລາວ​-​ກຳ​ປູ​ເຈຍ.