ອາ​ເມ​ຣິ​ກາ ລະ­ນຶກ​ເຫດ​ກໍ່​ການ​ຮ້າຍ ວັນ​ທີ 11 ກັນ­ຍາ

16.09.2019 8:44     

ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ທ່ານ ໂດໂນ ທຣໍາ ປະທານາທິບໍດີ​ອາ ເມ​ຣິ​ກາ ໄດ້​ສະແດງ​ຄວາມ​ຍ້ອງຍໍ​ຊົມເຊີຍ​ບັນດາ​ຜູ້​ທີ່​ເຂົ້າ​ຮ່ວມ​ວຽກ​ງານ​ກູ້​ໄພ​ກູ້​ຊີບ ແລະ ສະ ແດງ​ຄວາມ​ເຫັນໃຈ​ກັບ​ຄອບ ຄົວ​​ຜູ້​ປະສົບ​ເຄາະ​ຮ້າຍ ໂດຍ​ ຖະແຫຼງ​ວ່າ: ຈະ​ໂຕ້​ຕອບ​ດ້ວຍ​ ກໍາ​ລັງ​ແຮງ​ຂອງ​ກອງທັບບໍ່​ວ່າ​ໄພ​ນາບ​ຂູ່​ໃດ​ທີ່​ມີ​ຕໍ່​ປະເທດ ອາ​ເມ​ຣິ​ກາ.
ຂ່າວ​ລະບຸ​ວ່າ: ວັນ​ທີ 11 ກັນຍາ, ບັນດາ​ສະຖານທີ່​ໃນ​ທົ່ວ​ປະເທດ ອາ​ເມ​ຣິ​ກາ ໄດ້​ຈັດ​ຕັ້ງ​ບັນດາ​ການເຄື່ອນໄຫວ​ລະນຶກ​ຄົບຮອບ 18 ປີ, ການ​ບຸກໂຈມຕີ​ນອງ​ເລືອດ​ຂອງ​ພວກ​ກໍ່​ການ​ຮ້າຍ​ທີ່​ແນໃສ່​ບັນດາ​ເປົ້າ​ໝາຍ ໂດຍ​ແມ່ນ​ການ​ບຸກໂຈມຕີ​ຂອງ​ເຮືອບິນ​ໂດຍສານ​ໃຫຍ່ 2 ລຳ ໄດ້​ຕຳ​ໃສ່​ຕຶກ​ແຝດ​ສູນ​ການ​ຄ້າ​ໂລກ (WTC) ຢູ່​ນະຄອນ​ນິວ​ຢອກ ເຮັດ​ໃຫ້ 3.000 ຄົນ​ເສຍ​ຊີວິດ ແລະ 6.000 ຄົນ​ໄດ້​ຮັບ​ບາດ​ເຈັບ.
ຂ່າວ​ລາຍ​ງານ​ວ່າ: ຢູ່​ນະ ຄອນ​ ນິວ​ຢອກ, ພິທີ​ໄວ້ອາໄລໄດ້​ ດຳເນີນ​ຢູ່​ອະນຸສາວະລີ ແລະ ຫໍ​ພິ​ພິ​ທະ​ພັນ 11 ກັນຍາ ຊຶ່ງ​ໄດ້​ກໍ່ສ້າງ​ຢູ່​ເຂດ​ຕຶກ​ແຝດ​ທີ່​ຖືກ​ພັງ​ທະ​ລາຍ​ລົງ. ຢູ່​ນະຄອນຫຼວງ ວໍ​ຊິງ​ຕັນ, ທ່ານ ທຣໍາ ​ໄດ້​ເຂົ້າ​ຮ່ວມ​ພິທີ​ໄວ້ອາໄລ​ຢູ່​ທຳ​ນຽບ​ຂາວ ແລະ ທຳ​ນຽບ​ຫ້າ​ແຈ, ແມ່ນ​ໜຶ່ງ​ໃນ​ບັນດາ​ເປົ້າ​ໝາຍ​ຂອງ​ບັນດາ​ເຫດ​ບຸກໂຈມຕີ​ກໍ່​ການ​ຮ້າຍ​ໃນ​ວັນ​ທີ 11 ກັນຍາ ປີ 2001. ກ່າວ​ຄຳ​ເຫັນ​ໃນ​ພິທີ​ດັ່ງກ່າວ, ທ່ານ​ປະທານາທິບໍດີ ອາ​ເມ​ຣິ​ກາ ໄດ້​ຍ້ອງຍໍ​ຊົມເຊີຍ​ບັນດາ​ຜູ້​ທີ່​ເຂົ້າ​ຮ່ວມ​ວຽກ​ງານ​ກູ້​ໄພ​ກູ້​ຊີບ ແລະ ສະແດງ​ຄວາມ​ເຫັນໃຈ​ກັບ​ບັນດາ​ຄອບຄົວ​ຜູ້​ປະສົບ​ເຄາະ​ຮ້າຍ ໂດຍ​ຖະແຫຼງ​ວ່າ: ຈະ​ໂຕ້​ຕອບ​ດ້ວຍ​ກໍາ​ລັງ​ແຮງ​ຂອງ​ກອງທັບ ບໍ່​ວ່າ​ໄພ​ນາບ​ຂູ່​ໃດ​ທີ່​ມີ​ຕໍ່​ປະເທດ ອາ​ເມຣິ​ກາ.