ສື່​ມວນ​ຊົນ​ລາວ​ສຳ­ເລັດ​ການ​ຢ້ຽມ­ຢາມ​ຣາ​ຊະ​ອາ­ນາ­ຈັກ​ໄທ

17.09.2019 10:00     

   ຄະນະ​ສື່​ມວນ​ຊົນ​ລາວ ນຳ​ໂດຍ ທ່ານ ທອງ​ຫຼໍ່ ດວງ​ສະ​ຫວັດ ຫົວໜ້າ ບັນນາທິການ​ໜັງສືພິມ ພາສາ​ຕ່າງປະເທດ ໄດ້​ສຳເລັດ​ການ​ເດີນທາງ​ຢ້ຽມຢາມຣາຊະ​ ອານາຈັກ​ໄທ ຕາມ​ການ​ເຊື້ອ ເຊີນ​ຂອງ ສະຖານ​ເອກ​ອັກຄະ​ ຣາ​ຊະ​ທູດ ແຫ່ງ​ຣາ​ຊະ​ອານາ ຈັກ​ໄທ ປະຈຳ ສປປ ລາວ ລະ ຫວ່າງ​ວັນ​ທີ 10-13 ກັນຍາຜ່ານ​ມາ ໃນ​ໂຄງການ "ນຳ​ສື່​ມວນ​ຊົນ ສປປ ລາວ ຢ້ຽມຢາມ ຣາ​ຊະ​ອາ ນາຈັກ​ໄທ" ໂດຍ​ມີ​ຈຸດປະສົງ​ເພື່ອ​ສົ່ງເສີມ​ການ​ຮ່ວມ​ມື ແລະ ແລກປ່ຽນ​ປະສົບ​ການ​ລະຫວ່າງ ສື່​ມວນ​ຊົນ ສປປ ລາວ ກັບສື່​ມວນ​ຊົນ​ໄທ ແລະ ພາກ​ທຸລະກິດ​ອຸດສາຫະກຳ​ສື່ສານ​ມວນ ​ຊົນ​ຂອງ​ໄທ​ລວມ​ທັງ​ສົ່ງ ເສີມ​ສາຍ​ພົວພັນ​ລະຫວ່າງ​ສະ ຖານ​ເອກ​ອັກ​ຄະ​ຣາ​ຊະ​ທູດ ແຫ່ງຣາ​ຊະ​ອານາຈັກ​ໄທ​ກັບ​ສື່​ມວນຊົນ ສປປ ລາວ​ ເພື່ອ​ຮ່ວມ​ກັນ​ສ້າງ​ຄວາມ​ຮູ້​ຄວາມ​ເຂົ້າໃຈ ລະຫວ່າງ​ ສອງ​ປະເທດ ໂດຍ​ສະເພາະ​ໃນ​ປີ 2020 ຈະ​ເປັນ​ໂອກາດ​ສະເຫຼີມ​ສະຫຼອງ ຄົບ ຮອບ 70 ປີ ແຫ່ງ​ການ​ສ້າງຕັ້ງ​ສາຍ​ພົວພັນ​ການ​ທູດລາວ​-​ໄທ. ໃນ ໄລຍະ​ຢູ່​ຢ້ຽມຢາມຄະນະ​ສື່​ມວນຊົນ​ລາວ​ໄດ້​ເຂົ້້າ​ຢ້ຽມ ຂາໍ່ນັບ​ ທ່ານ ​ນາງ ບຸດ​ສະ​ດີ ສັນຕິ​ພິທັກ ຫົວໜ້າ​ກົມການ​ຂ່າວກະຊວງ​ການຕ່າງ ປະເທດ​ໄທ ໄດ້​ຮັບ​ຟັງ​ການ​ບັນຍາຍ​ຈາກ​ກົມ​ການ​ຂ່າວ, ກົມ​ອາຊີ​ຕາເວັນ​ອອກ ແລະ ກົມ​ອາຊຽນ​ ກະຊວງ​ການ​ຕ່າງປະເທດ​ໄທ, ພົບ​ປະ​ກັບ​ຜູ້​ແທນ​ສື່​ມວນ​ຊົນ​ໄທ, ຢ້ຽມຢາມ​ເພື່ອ​ສຶກສາເບິ່ງ ​ສະຖານີ​ລົດໄຟຟ້າໃຕ້​ດິນສະ ຖານີ​ສະໜາມ​ໄຊ, ຮັບ​ຟັງ​ການ​ລາຍ​ງານ​ຈາກການ ທ່ອງທ່ຽວ​ແຫ່ງ​ປະເທດ​ໄທ ແລະ ຢ້ຽມ​ຊົມ​ສູນ​ການ​ຄ້າ ໄອ​ຄອນ​ສະຫຍາມ ແລະ​ຢ້ຽມຢາມ​ບໍລິສັດ ອສມທ ຈຳກັດ​ມະຫາຊົນ ແລະ ຊ່ອງ 7 HD ນອກຈາກ​ນັ້ນ​ຍັງໄດ້​ໄປ​ສຶກສາ​ເບິ່ງ​ວຽກ​ທີ່​ສູນ​ກະສິກຳ​ທຳ​ມະ​ຊາດ​ມາບ​ເອື້ອງ​ຈັງຫວັດ​ຊົນ​ບູ​ລີ.