ຫວຽດ­ນາມ​-​ກູ​ບາ ເພີ່ມ​ທະ­ວີ​ການ​ຮ່ວມ​ມື​ວຽກ​ງານປ້ອງ​ກັນ​ປະ­ເທດ

18.09.2019 11:31     

   ວິທະຍຸ​ກະຈາຍສຽງຫວຽດ ນາມ​ລາຍ​ງານ​ວ່າ: ທ່ານ ພົນໂທ ຟານ​ວັນ​ຢາງ ຫົວໜ້າເສນາທິ​ ການ​ໃຫຍ່​ກອງທັບ​ປະຊາຊົນ​ຫວຽດນາມ ຮອງ​ລັດຖະມົນຕີ​ກະຊວງ​ປ້ອງ​ກັນ​ປະເທດ​ຫວຽດ ນາມ ໄດ້​ໃຫ້ ການ​ຕ້ອນຮັບ  ທ່ານ ພົນ​ໂທ ອານ​ວາ​ໂຣ ໂລ​ເປສ ມີ​ຣາ ຫົວໜ້າ​ເສນາ​ທິ​ການ​ໃຫຍ່ ຮອງລັດຖະມົນຕີ​ທີ 1 ກະຊວງ​ບັນ​ດາ​ກໍາ​ລັງ​ປະກອບ​ອາວຸດ​ປະຕິວັດ ສາທາລະນະ​ລັດ​ກູ​ບາ ທີ່​ເດີນທາງ​ມາ​ຢ້ຽມຢາມ​ຫວຽດນາມ ຢ່າງ​ເປັນ​ທາງ​ການ​ໃນ ລະຫວ່າງ ວັນ​ທີ 14 -16 ກັນຍາ​ຜ່ານ​ມາ.

   ຂ່າວ​ລາຍ​ງານ​ວ່າ: ພາຍ ຫຼັງພິທີ​ຕ້ອນຮັບ, ສອງ​ຝ່າຍໄດ້​ ດໍາ​ເນີນ​ການ​ເຈລະຈາ, ສອງ ຝ່າຍໄດ້​ແຈ້ງ​ໃຫ້​ກັນ​ຊາບກ່ຽວ ​ກັບສະພາບ​ການເມືອງ, ເສດ ຖະກິດ, ສັງຄົມ, ການ​ປ້ອງກັນ​ ຊາດ-ປ້ອງ​ກັນ​ຄວາມ​ສະຫງົບ​ຂອງ​ແຕ່​ລະ​ປະເທດ; ແລກປ່ຽນ, ຕີ​ລາຄາ​ໝາກຜົນ​ຂອງ​ການ​ຮ່ວມ​ມື ລະ​ຫ່​ວາງ ກະຊວງປ້ອງ​ ກັນ​ປະເທດ​ສອງ​ປະເທດ​ໃນ​ໄລ ຍະ​ຜ່ານ​ມາ; ເຫັນ​ດີ​ເປັນ​ເອກະ​ພາບ​ທິດ​ທາງ, ເນື້ອ​ໃນ​ຮ່ວມ​ມື​ໃນ​ປີ 2019 ແລະ ຊຸມ​ປີ​ຕໍ່​ໄປ. ພ້ອມ​ທັງ​ຢັ້ງຢືນ​ວ່າ: ການ​ຮ່ວມ​ມືດ້ານປ້ອງ​ກັນ​ຊາດ​ໃນ​ຊຸມ ປີຜ່ານມາ​ໄດ້​ນໍາ​ມາ​ປະສິດ​ທິ ຜົນ, ແທດ​ຈິງ ແລະ ແມ່ນ​ໜຶ່ງ ໃນ​ ບັນດາ​ເສົາ​ຄໍ້າ​ໃນ​ການ​ພົວ ພັນ ລະຫວ່າງ ສອງ​ປະເທດ, ສອງ​ຝ່າຍ​ໄດ້​ເຫັນ​ດີ​ເປັນ​ເອກະ​ພາບຈະ​ສືບຕໍ່​ເພີ່ມ​ທະວີ​ການ​ຮ່ວມ​ມື​ຮອບດ້ານ,​ ລະີຫວ່າງ ສອງ​ປະເທດ​ໃຫ້​ນັບ​ມື້​ເຂົ້າ​ສູ່​ລວງ​ເລິກ​ກ່​ວາ​ເກົ່າ, ເສີມ​ຂະ ຫຍາຍ​ບັນດາ​ປະສິດ​ທິ​ຜົນ​ຂອງ ​ກົນ​ໄກ​ຮ່ວມ​ມື​ທີ່​ມີ​ຢູ່​ແລ້ວ, ຮັກ ສາ​ບັນດາ​ການເຄື່ອນໄຫວ​ແລກ ປ່ຽນ​ຄະນະ​ຜູ້​ແທນ​ຂັ້ນ​ຕ່າງໆ ໃນ​ປີ​ນີ້ ແລະ ຊຸມ​ປີ​ຕໍ່​ໄປ.

   ກ່ຽວ​ກັບ​ຂົງເຂດ​ອຸດ​ສາ ຫະ​ກໍາ​ການ​ປ້ອງ​ກັນ​ຊາດ,ສອງ​ ຝ່າຍ​ສືບຕໍ່​ສົມທົບ​ກັນ​ຢ່າງແໜ້ນ​ ແຟ້ນ​ໃນ​ການ​ຜັນ​ຂະຫຍາຍ​ບັນ ດາ​ໂຄງການ​ຮ່ວມ​ມື​ຕາມ​ສັນຍາ​ ທີ່​ໄດ້​ລົງ​ນາມ​ກັນ, ຮັບປະກັນ​ປະສິດ​ທິ​ຜົນ, ຄວາມ​ປອດ​ໄພ​ຢ່າງ​ສິ້ນ​ເຊີງ. ໃນ​ການ​ເຈລະຈາ, ທ່ານ ພົນ​ໂທ ຟານ​ວັນ​ຢາງ ຢັ້ງຢືນ​ວ່າ: ກະຊວງ​ປ້ອງ​ກັນ​ປະເທດ​ຫວຽດນາມ ພ້ອມ​ແລ້ວ​ທີ່​ຈະ​ຮ່ວມ​ມື​ກັບ ກູ​ບາ ໃນ​ບັນດາ​ຂົງເຂດ​ຄື: ໂທລະ​ຄົມມະນາຄົມ, ຕິດຕໍ່​ສື່ສານ ຊຶ່ງ ຫວຽດນາມ ໄດ້​ເປັນ​ເຈົ້າ​ຂອງ​ດ້ານ​ເຕັກ​ໂນ​ໂລ​ຊີ ພ້ອມ​ທັງ​ສະເໜີ​ວ່າ: ກະຊວງ​ບັນ​ດາ​ກໍາ​ລັງ​ປະກອບ​ອາວຸດ​ປະຕິວັດ​ກູ​ບາ ສ້າງ​ເງື່ອນໄຂ​ເພື່ອ​ໃຫ້​ກຸ່ມ​ບໍລິສັດ Viettel ເຂົ້າ​ຮ່ວມ​ການ​ລົງທຶນ, ພັດທະນາ​ໂຄງ​ລ່າງ​ໂທລະ​ຄົມມະນາຄົມ ແລະ ບັນດາ​ຂົງເຂດ​ທີ່​ມີ​ຄວາມ​ສາມາດ​ບົ່ມ​ຊ້ອນ​ອື່ນໆ ຢູ່​ກູ​ບາ ໃນ​ໄລຍະ​ຈະ​ມາ​ເຖິງ​ໂດຍ​ໄວ.