ຫວຽດ­ນາມ​-​ສິງ­ກະ­ໂປ  ໄດ້​ມີ​ການ​ແບ່ງ­ປັນ​ຜົນ​ປະ­ໂຫຍດສ່ວນ​ລວມ​ຫຼາຍ​ດ້ານ

19.09.2019 9:11     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານວັນ​ທີ 16 ກັນຍາ​ ຜ່ານ​ມາ, ທີ່​ຫໍ​ສະພາ​ແຫ່ງ​ຊາດ​ ຫວຽດນາມ, ທ່ານ​ ນາງ​ ຫ​ງວຽນ​ທິ​ກິມ​ເງິນ ​ປະທານສະພາ​ແຫ່ງ​ຊາດ​ຫວຽດນາມ​ ໄດ້ໃຫ້ການ​ຕ້ອນຮັບ​ການ​ເຂົ້າ​ຢ້ຽມຂາໍ່ນັບ​ ຂອງ ທ່ານ​ ຊັນ​ດາ​ເຣສ ເມນອນ (Sundaresh Menon) ປະ ທານ​ສານ​ສູງ​ສຸດ​ສິງກະໂປ​ທີ່​ເດີນທາງ​ມາ​ຢ້ຽມຢາມ ສສ. ຫວຽດນາມ. 
   ທ່ານ​ນາງ​ຫ​ງວຽນ​ທິ​ກິມ​ເງິນ​ເນັ້ນ​ໜັກ​ວ່າ: ຫວຽດນາມ-​ ສິງກະໂປ​ໄດ້​ມີ​ການ​ແບ່ງປັນ ຜົນ​ປະໂຫຍດສ່ວນ​ລວມຫຼາຍ ດ້ານ, ລວມ​ທັງ​ດ້ານ​ຍຸດທະສາດ ແລະ ເສດ​ຖະກິດ. ພັກ, ລັດ ແລະ ປະຊາຊົນ​ຫວຽດນາມ ຍາມ​ໃດ​ກໍຖື​ເປັນສຳ ຄັນ, ຮັກສາ ແລະ ພັດທະນາ​ສາຍ​ພົວພັນ​ຮ່ວມ​ມື​ລະຫວ່າງ​ຫວຽດນາມ ແລະ ສິງ​ກະ​ໂປ. ສອງ​ຝ່າຍ​ຈະ​ຕ້ອງ​ສືບຕໍ່​ຮັກສາ, ເພີ່ມ​ທະວີ​ການ​ແລກປ່ຽນ​ຄະນະ​ພົບ​ປະ​ຂັ້ນ​ສູງ, ບັນດາ​ຂັ້ນ ແລະ ພົບ​ປະ​ແລກປ່ຽນ​ປະຊາຊົນ​ຢ່າງ​ຕໍ່​ເນື່ອງ, ຜັນ​ຂະຫຍາຍ​ບັນດາ​ກົນ​ໄກ​ການ​ຮ່ວມ​ມື​ສອງ​ຝ່າຍ​ຢ່າງ​ມີ​ປະສິດ​ທິ​ຜົນ ແລະ ເປັນ​ປົກ​ກະ ຕິ ໂດຍ​ແນໃສ່​ການ​ປັບປຸງ​ສາຍ​ພົວພັນ​ຄູ່​ຮ່ວມ​ຍຸດທະສາດ​ຢ່າງ​ບໍ່​ຢຸດ​ຢັ້ງ.
   ທ່ານ​ປະທານ​ສະພາ​ແຫ່ງ​ຊາດ​ຫວຽດນາມ​ໄດ້​ຕີ​ລາຄາ​ສູງ​ຕໍ່​ບັນດາ​ຜົນງານ​ທີ່​ລະບົບກົດ ໝາຍ ແລະ ຕຸລາການຂອງ​ ສິງ​ກະໂປ​ທີ່​ບັນລຸ​ໄດ້​ໃນ​ໄລຍະ​ມໍ່ໆ​ມາ​ນີ້. ທ່ານ ນາງ​ ຫ​ງວຽນ ທິ​ກີມ ​ເງິນ​ ໄດ້​ຖື​ວ່າ​ນີ້​ແມ່ນບັນດາ​ຈຸດ​ພົ້ນ​ເດັ່ນ​ທີ່​ບັນດາ​ປະເທດ​ສະມາຊິກ​ອາຊຽນ​ສາມາດ​ຮາໍ່ ຮຽນ​ເອົາ, ໃນ​ນັ້ນ​ກໍມີ​ຫວຽດ ນາມ. ຫວຽດນາມ​ໄດ້​ໃຫ້ການ​ສະໜັບສະໜູນ ແລະ ຊົມເຊີຍ​ຕໍ່​ກັບ​ສານ​ບັນດາ​ປະເທດ​ອາ​ຊຽນ​ທີ່​ໄດ້​ຮ່ວມ​ກັນ​ສ້າງຕັ້ງ​ສະພາ​ຫົວໜ້າ​ສານ​ອາ​ຊຽນ (CACJ).
   ທ່ານ ຊັນ​ດາ ເຣ​ສ ເມນອນ ປະທານ​ສານ​ສູງ​ສຸດ​ສິງ​ ກະໂປ​ ກໍ​ໄດ້​ຢັ້ງຢືນ​ວ່າ: ສາຍ​ພົວພັນ​ຂອງ​ສອງ​ປະເທດ​ພວມ​ພັດ​ທະນາ​ເປັນ​ຢ່າງ​ດີ​ໃນ​ຫຼາຍຂົງເຂດ. ພິເສດ​ແມ່ນ​ຂົງເຂດ​ສານ​ສອງ​ປະເທດ​ຫວຽດນາມ-ສິງ ກະໂປ​ໄດ້​ມີ​ການ​ສົມທົບ​ກັນຢ່າງ ​ແໜ້ນ​ແຟ້ນ​ຢ່າງ​ເປັນ​ປົກ​ ກະ ​ຕິ. ໃນ​ວັນ​ທີ 17 ກັນຍາ ຜ່ານ​ມາ ສານ​ສອງ​ປະເທດ ໄດ້​ມີ​ການ​ລົງນາມບົດ​ບັນທຶກ​ຊ່ວຍ​ຈຳກ່ຽວກັບ​ການ​ແລກປ່ຽນ​ຂໍ້​ມູນ​ຂ່າວ​ສານ.