ການ​ຫັນ­ປ່ຽນ​ພະ­ລັງ­ງານ​ເພື່ອ​ເປົ້າ​ໝາຍ​ພັດ­ທະ­ນາ​ແບບ​ຍືນ​ຍົງ

20.09.2019 9:23     

   ວິທະຍຸ​ກະຈາຍສຽງຫວຽດ ນາມ​ລາຍ​ງານວັນ​ທີ 18 ກັນຍາ ຜ່ານ​ມາ ຢູ່​ນະຄອນ​ຮາ​ລອງ ແຂວງ​ກ໋​ວາງ​ນິງ, ຫ້ອງ​ວ່າການ​ສະພາ​ແຫ່ງ​ຊາດ, ກຳ​ມາ​ທິ​ການ​ວິທະຍາສາດ, ເຕັກ​ໂນ​ໂລ​ຊີ ແລະ ສິ່ງແວດລ້ອມ​ຂອງ​ສະພາແຫ່ງ ຊາດ ຫວຽດນາມ ແລະ ສະຖານ ທູດ​ດານ​ມາກ​ປະຈຳຫວຽດນາມ, ໄດ້​ສົມທົບ​ກັນ​ຈັດ​ຕັ້ງ​ກອງ​ປະ ຊຸມ​ສຳ​ມະ​ນາ​ວິທະຍາສາດ "ການ​ ຫັນປ່ຽນ​ພະລັງ​ງານ​ເພື່ອ​ເປົ້າ​ ໝາຍ​ພັດທະນາ​ແບບ​ຍືນ​ຍົງ"

    ກອງ​ປະຊຸມ​ສຳ​ມະ​ນາ​ຄັ້ງ​ນີ້​​ເພື່ອ​ແນໃສ່​ສະໜອງ​ຂໍ້​ມູນ​ຂ່າວສານ, ແບ່ງປັນ​ບົດຮຽນ, ປະສົບ​ການ​ລະຫວ່າງ​ບັນດາ​ນັກ​ຊ່ຽວຊານ ດານ​ມາກ​ກັບ​ບັນດາ​ສະມາຊິກ​ສະພາ​ແຫ່ງ​ຊາດ​ຫວຽດນາມ ແລະ ບັນດາ​ເປົ້າ​ໝາຍ​ທີ່​ກ່ຽວຂ້ອງ​ເຖິງ​ການ​ພັດທະນາ​ພະລັງງານແບບ​ຍືນ​ຍົງ​ຂອງ​​ດານ​ມາກ ແລະ ມາດ​ຕະການ​ທີ່​ສາມາດ​ນຳ​ໃຊ້​ຢູ່​ຫວຽດນາມ. ກ່າວ​ຄຳ​ເຫັນ​ໃນ​ກອງ​ປະຊຸມ, ທ່ານ ​ເລ​ຮົ່ງ​ຕິ້ງ​ ຮອງ​ຫົວໜ້າ​ກຳ​ມາ​ທິ​ການ​ວິທະຍາສາດ, ເຕັກ​ໂນ​ໂລ​ຊີ ແລະ ສິ່ງ ແວດ​ລ້ອມ​ຂອງ​ສະພາ​ແຫ່ງ​ຊາດ​ຫວຽດນາມ​ແຈ້ງ​ໃຫ້​ຮູ້​ວ່າ: ການ​ນຳ​ໃຊ້​ພະລັງງານ​ໂດຍ​ປະຢັດ, ມີ​ປະສິດທິຜົນ, ການ​ຊອກ​ຫາ, ຂຸດ​ຄົ້ນ​ຫັນປ່ຽນ​ບັນດາ​ພະລັງງານຮູບແບບໃໝ່, ພະລັງງານ​ຜະລິດຄືນໃໝ່ເພື່ອ​ ຮັບ​ໃຊ້​ເຂົ້າ​ໃນ​ການ​ພັດທະນາ ​ເສດຖະກິດ​ສັງຄົມ, ປະກອບ ສ່ວນ​ປົກ​ປັກ​ຮັກສາສິ່ງແວດ ລ້ອມ, ມຸ້ງ​ໄປ​ສູ່​ການພັດທະນາ​ແບບ​ຍືນ​ຍົງ​ແມ່ນ​ສິ່ງ​ທີ່​ຈຳເປັນ​ທີ່​ສຸດ​ຕໍ່​ກັບ​ຫວຽດນາມ. ບັນດາ​ຄຳ​ເຫັນ​ທີ່​ກອງ​ປະຊຸມ​ຈະ​ເປັນ​ແຫຼ່ງ​ຂໍ້​ມູນ​ອັນ​ລ້ຳ​ຄ່າ ແລະ ເປັນ​ພື້ນ ຖານ​ທີ່​ສຳຄັນ​ເພື່ອ​ໃຫ້​ກຳມາ​ທິ​ການ​ວິທະຍາສາດ, ເຕັກ​ໂນ​ໂລ​ຊີ ແລະ ສິ່ງແວດລ້ອມ ຂອງ​ສະພາ​ແຫ່ງ​ຊາດ​ເຂົ້າ​ຮ່ວມ, ສະເໜີ​ເພື່ອ​ສ້າງ​ນະໂຍບາຍ, ກົດໝາຍ​ໃຫ້​ສົມບູນ​ແບບ ແລະ ຊຸກຍູ້​ການ​ຫັນປ່ຽນ​ພະລັງງານ​ແບບ​ເກົ່າ​ກາຍເປັນ​ພະລັງງານ​ແບບ​ໃໝ່, ປະຢັດ, ມີ​ປະສິດ​ທິ​ຜົນ​ເພື່ອ​ມຸ່ງ​ໄປ​ສູ່​ການ​ພັດທະນາ​ແບບ​ຍືນ​ຍົງ.

   ທ່ານ ​ຄິມ ໂຮ​ຈູນ ຄຣິສ​ ເທນເຊນ (Kim Hojund Christensen) ເອກ​ອັກ​ຄະ​ລັດ​ຖະ​ທູດ​​ດານ​ມາກ​ປະຈຳ​ຫວຽດ ນາມ​ໄດ້​ກ່າວວ່າ: ຫວຽດນາມ ມີ​ເປົ້າ​ໝາຍ​ອັນ​ໃຫຍ່​ຫຼວງ​ໃນ​ການ ພັດທະນາ​ພະລັງງານ​ຜະລິດ​ຄືນໃໝ່, ລວມ​ທັງ​ເປົ້າ​ໝາຍ​ໃນ​ໄລຍະ​ກາງ ແລະ ໄລຍະ​ຍາວ. ເພາະສະນັ້ນ, ຫວຽດນາມ​ຕ້ອງ​ມີ​ຍຸດທະສາດ ແລະ ແຜນການ​ໄລຍະ​ຍາວ​ເພື່ອ​ຮັບ​ປະກັນ​ໃຫ້​ແກ່​ການ​ປະຕິບັດ​ບັນດາ​ເປົ້າ​ໝາຍ​ນີ້ ແລະ ລັດ ຖະ​ບານ​ຫວຽດ ນາມ​ຄວນ​ວາງ​ອອກ​ບັນດາ​ນະ ໂຍບາຍ​ທີ່​ສອດຄ່ອງ, ທ່ານ​ກ່າວ​ວ່າ: ຫວຽດນາມ ມີ​ໂອກາດອັນ ​ໃຫຍ່​ຫຼວງ, ເປັນ​ເອກະລັກ​ພິ ເສດ​ ເພື່ອ​ສາມາດ​ປະຕິບັດ​ວິ ວັດການ​ຫັນປ່ຽນ​ພະລັງງານ​ຂຽວ​ໃຫ້​ປະກົດ​ຜົນ​ເປັນ​ຈິງ​ດ້ວຍ​ແຫຼ່ງ​ຊັບພະຍາກອນ​ກ່ຽວ​ກັບ​ພະລັງງານ​ຜະລິດ​ຄືນໃໝ່​ຢ່າງ​ຫຼວງຫຼາຍ. ເຖິງ​ຢ່າງໃດ​ກໍ່​ຕາມ, ຫວຽດນາມ​ພວມ​ປະ​ເຊີນ​ໜ້າ​ກັບ​ສິ່ງ​ທ້າ​ທາຍ​ຫຼາຍ​ຢ່າງ​ໃນ​ລະດັບ​ຕ່າງ​ກັນ. ເຮັດ​ແນວໃດ​ເພື່ອ​ນຳ​ເອົາ​ພະລັງງານ​ຜະລິດ​ຄືນໃໝ່ເຂົ້າໃນ​ລະບົບພະລັງ ງານ​ໄຟຟ້າ​ຂອງ​ຫວຽດນາມ ແມ່ນ​ສິ່ງ​ທ້າ​ທາຍ​ອັນໜຶ່ງ ແລະ ພວກ​ເຮົາ​ຄວນ​ສ້າງ​ແຜນຜັງ​ພະ ລັງງານ​ທີ່​ເປັນ​ພື້ນຖານ​ເພື່ອ​ໃຫ້ຫວຽດນາມ​ຍົກ​ສູງ​ປະສິດ​ທິ​ຜົນທີ່​ກອງ​ປະຊຸມ​ສຳ​ມະ​ນາ, ບັນດາ​ນັກ​ຊ່ຽວຊານ​​ດານ​ມາກ ແລະ ຫວຽດນາມ ໄດ້​ນຳ​ສະເໜີ​ບົດ​ປະກອບ​ຄຳ​ເຫັນ​ກ່ຽວ​ກັບ​ບັນດາ​ບັນຫາ​ທີ່​ກ່ຽວຂ້ອງ​ເຖິງ​ລະບົບ​ນະໂຍບາຍ, ບັນດາ​ຮູບ​ແບບ​ພະລັງງານ​ຜະລິດ​ຄືນໃໝ່​ຢູ່ ຫວຽດນາມ ແລະ ວິວັດ​ການ​ພັດທະນາ​ພະລັງງານ​ແບບ​ໃໝ່, ພະລັງງານ​ຜະລິດ​ຄືນໃໝ່​ຂອງ​​ດານ​ມາກ, ກໍຄື​ຜົນ​ກະທົບ​ຂອງ​ບັນດາ​ນະໂຍບາຍ​ດ້ານ​ພາສີ​ອາກອນ, ການ​ໜູນ​ຊ່ວຍ​ລາຄາ​ໃນ​ວິວັດ​ການ​ຫັນປ່ຽນ​ພະລັງ​ງານ.