ມຸ່ງ​ໄປ​ເຖິງ​ການ​ປົກ​ປ້ອງ​ຊາວ​ຜູ້​ອອກ­ແຮງ​ງານ​ອົບ­ພະ­ຍົບ​ຢູ່​ບັນ­ດາ​ປະ­ເທດ CLMTV

20.09.2019 9:44     

   ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ ກອງ​ປະຊຸມ​ລັດ ຖະມົນຕີ​ກະຊວງ​ແຮງ​ງານ​ຂອງ​ບັນດາ​ປະເທດ ກໍາ​ປູ​ເຈຍ, ລາວ, ມຽນ​ມາ, ໄທ ແລະ ຫວຽດນາມ (CLMTV) ຄັ້ງທີ 3 ​ໄດ້​ເປີດ​ຂຶ້ນ​ຢ່າງ​ເປັນ​ທາງ​ການ​ໃນ​ວັນ​ທີ 17 ກັນຍາ​ຜ່ານ​ມາ, ທີ​່​ສຽມ​ຣຽບປະ​ເທດ​ກໍາ​ປູ​ເຈຍ. ຄະນະ​ຜູ້​ແທນ​ຫວຽດນາມ ໂດຍ​ທ່ານ ນາງ​​ ຫງວຽນ​ທິ​ຮ່າ ຮອງ​ລັດຖະມົນຕີ​ກະຊວງ​ແຮງ​ງານ, ທະຫານ​ເສຍ​ອົງຄະ ແລະ ສັງຄົມ​ຫວຽດ ນາມໄດ້​ ນໍາ​ໜ້າ​ຄະນະ​ເຂົ້າຮ່ວມກອງ​ປະ​ຊຸມ.

   ຫົວຂໍ້​ກອງ​ປະ​ຊ​ຸມແມ່ນ" ມຸ້ງ​ໄປ​ເຖິງ​ການ​ປົກ​ປ້ອງ​ຊາວ​ຜູ້​ອອກແຮງ​ງານ​ອົບພະຍົບ​ຢູ່​ບັນດາ​ປະເທດ CLMTV: ຮ່ວມ​ມື​ກັນ​ຊ່ວຍ​ໜູນ​ສັງຄົມ", ກອງ​ປະຊຸມ​ຂັ້ນ​ລັດຖະມົນຕີ​ກະຊວງ​ແຮງ​ງານ​ຄັ້ງ​ນີ້ ຖືກ​ຈັດ​ຂຶ້ນ​ເພື່ອ​ແນໃສ່​ປຶກສາ​ຫາລື​ກ່ຽວ​ກັບ​ບັນດາ​ກົນ​ໄກ​ປົກ​ປ້ອງ​ຊາວ​ຜູ້​ອອກແຮງ​ງານ​ອົບພະຍົບ​ໃຫ້​ດີກ​ວ່າ​ເກົ່າ; ເພີ່ມ​ທະວີ​ການ​ຮ່ວມ​ມື​ດ້ານ​ແຮງ​ງານ; ແບ່ງ ປັນ​ປະສົບ​ການ​ລະຫວ່າງ​ບັນດາ​ປະເທດ CLMTV ທີ່​ກ່ຽວຂ້ອງ​ເຖິງ​ການ​ປົກ​ປ້ອງ ແລະ ຊຸກຍູ້​ສິດ​ຂອງ​ຊາວ​ຜູ້​ອອກແຮງ​ງານ ​ອົບພະຍົບ, ພິເສດ​ແມ່ນ​ລັກ ສະນະ​ທີ່​ມີ​ໄຫວ​ພິບ​ຂອງ​ບັນ ດາ​ລາຍການ​ຊ່ວຍ​ໜູນ​ຊີວິດ​ສັງ​ຄົມ.
ກອງ​ປະຊຸມ​ຂັ້ນ​ລັດຖະ ມົນຕີ​ກະຊວງ​ແຮງ​ງານ CLMTV ຄັ້ງ​ນີ້ ຈັດ​ຂຶ້ນ​ເປັນ​ເວລາ​ສອງ​ວັນ (17-18 ກັນຍາ), ຈະ​ອອກ​ຖະແຫຼ​ງ​ການ​ຮ່ວມ​ກ່ຽວ​ກັບ​ໝາກຜົນ​ຂອງ​ກອງ​ປະຊຸມ ແລະ ເຫັນ​ດີ​ຕໍ່​ຖະແຫຼ​ງ​ການ ​ສຽມ​ຣຽບ ກ່ຽວ​ກັບ​ວິວັດ​ການ​ມຸ້ງ​ ໄປ​ເຖິງ​ແຜນການ​ສົມທົບ​ກັນ​ຊ່ວຍ​ໜູນ​ສັງ ຄົມ​ຢ່າງ​ມີ​ໄຫວ​ພິບ​ຂອງ​ບັນດາ​ປະເທດ CLMTV.