ຫຼຸດ­ຜ່ອນ​ຜົນ​ຮ້າຍ​ຈາກ​ການ​ປ່ຽນ­ແປງ​ຂອງ​ດິນ​ຟ້າ​ອາ­ກາດ​ໃຫ້​ຢູ່​ລະ​ດັບ​ຕາໍ່​ສຸດ

23.09.2019 9:13     

ຮຽບຮຽງ​ໂດຍ​​ : ສີ​ວັນ

   ໜຶ່ງ​ໃນ​ບັນດາ​ເນື້ອ​ໃນ ຂອງ​ກອງ​ປະຊຸມ​ສະພາ​ສິດທິ​ມະນຸດ ສປຊ ຄັ້ງ​ທີ 42 ທີ່​ພວມ ​ດຳເນີນ​ຢູ່​ນະຄອນ​ເຊີ​ແນວ ປະ ເທດ​ສະ​ວິດ ໃນ​ລະຫວ່າງ​ວັນ​ທີ 10-27 ກັນຍາ​ນີ້, ໄດ້​ສຸມ​ໃສ່​ບັນດາ​ການ​ປ່ຽນແປງ​ຂອງ​ດິນ​ຟ້າ​ອາກາດ ໂດຍ​ແມ່ນ​ປະເທດ​ຖືກ​ຜົນ​ສະທ້ອນ​ຢ່າງ​ໜັກໜ່ວງ​ຕໍ່​ການ​ປ່ຽນແປງ​ຂອງ​ດິນ​ຟ້າ​ອາກາດ, ຫວຽດນາມ ມີ​ບັນດາ​ນະໂຍບາຍ, ແຜນ​ນະໂຍບາຍ ແລະ ບັນດາ​ວຽກ​ເຮັດ​ຕົວ​ຈິງ ເພື່ອ​ແນໃສ່​ຫຼຸດຜ່ອນ​ຜົນ​ຮ້າຍ​ຈາກ​ການ​ປ່ຽນແປງ​ຂອງ​ດິນ​ຟ້າ​ອາກາດ​ໃຫ້​ຢູ່​ໃນ​ລະດັບ​ຕາໍ່ສຸດ.
ຫວຽດນາມ ແມ່ນ 1 ໃນ 10 ປະເທດ ທີ່​ຖືກ​ຜົນ​ກະທົບ​ຢ່າງ​ໜັກ​ໜ່ວງ​ກ່​ວາ​ໝູ່​ຈາກ ການ​ປ່ຽນແປງ​ຂອງ​ດິນ​ຟ້າ​ອາ ກາດໃນ​ຮອບ 20 ປີຜ່ານມາ, ຍ້ອນ​ພາຍຸ, ນ້ຳ​ຖ້ວມ ແລະ ດິນ​ ເຊາະ​ເຈື່ອນ. ເຂດ​ທົ່ງພຽງ​ແມ່ ນ້ຳ​ຂອງທາງ​ພາກ​ໃຕ້ຫວຽດ ນາມ ແມ່ນ​ໜຶ່ງ​ໃນ​ເຂດ​ທົ່ງພຽງ ​ສາມ​ແຫ່ງ​ໃນ​ໂລກ ທີ່​ຖືກ​ຜົນ​ ກະທົບຍ້ອນ​ນ້ຳ​ທະເລ​ຂຶ້ນສູງ. ຜົນ​ສະທ້ອນຈາກ​ການ​ປ່ຽນ ແປງ​ຂອງ​ດິນ​ຟ້າ​ອາກາດ​ຢູ່​ຫວຽດນາມ ແມ່ນ​ໜັກໜ່ວງ​ທີ່​ສຸດ. ແມ່ນ​ໄພ​ອັນຕະລາຍ​ຕໍ່​ເປົ້າ​ໝາຍ​ລຶບ​ລ້າງ​ຄວາມ​ອຶດຫິວ ຫຼຸດຜ່ອນ​ຄວາມທຸກ​ຍາກ, ເປົ້າ​ໝາຍ​ສະຫັດ​ສະ​ວັດ​ເພື່ອ​ການ​ພັດທະນາ​ແບບ​ຍືນ​ຍົງ. ການ​ປ່ຽນແປງ​ຂອງ​ດິນ​ຟ້າ​ອາກາດ​ຢູ່​ຫວຽດນາມ ຍັງ​ຂົ່ມຂູ່​ຢ່າງ​ຮ້າຍ​ແຮງ​ເຖິງ​ການ​ຄ້ຳປະກັນ​ສະບຽງ​ອາຫານ ແລະ ການ​ພັດທະນາ​ກະ​ສິ​ກຳ.

   ເພື່ອ​ຮັບ​ມື​ກັບ​ໄພ​ອັນຕະ ລາຍ ແລະ ສິ່ງ​ທ້າ​ທາຍຈາກ​ ການ​ປ່ຽນແປງ​ຂອງ​ດິນ​ຟ້າ​ອາກາດ, ຫວຽດນາມ ໄດ້​ເປັນ​ເຈົ້າ​ການ​ໃນ​ການ​ຜັນຂະຫຍາຍ​ການ​ສ້າງ ແລະ ປະກາດ​ໃຊ້​ບັນດາ​ແຜນ​ນະໂຍບາຍ, ນະໂຍບາຍ​ຢ່າງ​ເປັນ​ລະບົບ ເພື່ອ​ແນໃສ່​ຮັບ​ມື​ກັບ​ຜົນ​ກະທົບ​ຈາກ​ການ​ປ່ຽນແປງ​ຂອງ​ດິນ​ຟ້າ​ອາກາດ ຢ່າງ​ມີ​ປະສິດ​ທິ​ຜົນ. ຫວຽດນາມ ໄດ້​ມີ​ມະຕິ​ກ່ຽວ​ກັບ​ການ​ຮັບ​ມື​ກັບ​ການ​ປ່ຽນແປງ​ຂອງ​ດິນ​ຟ້າ​ອາກາດ, ເພີ່ມ​ທະວີ​ການ​ຄຸ້ມ​ຄອງ​ຊັບພະຍາກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ. ພ້ອມ​ກັນ​ນັ້ນ, ຫວຽດນາມ ຍັງ​ໄດ້​ປະກາດ​ໃຊ້​ໂຄງການ​ດຳເນີນ​ງານ​ເພື່ອ​ແນໃສ່​ເປົ້າ​ໝາຍ​ຮອດ​ປີ 2020, ເປັນ​ເຈົ້າ​ການ​ໃນ​ການ​ຮັບ​ມື​ກັບ​ການ​ປ່ຽນແປງ​ຂອງ​ດິນ​ຟ້າ​ອາກາດ​ໂດຍ​ພື້ນຖານ, ປ້ອງ​ກັນ ແລະ ຫຼີກ​ລ່ຽງ​ໄພ​ທຳ​ມະ​ຊາດ, ຫຼຸດຜ່ອນ​ການ​ປ່ອຍ​ອາຍ​ແ​ກັສ​ເຮືອນ​ແກ້ວ, ບັນລຸ​ໄດ້​ບັນດາ​ການ​ຫັນປ່ຽນ​ໂດຍ​ພື້ນຖານ​ໃນ​ການ​ຂຸດ​ຄົ້ນ, ນຳ​ໃຊ້​ຊັບພະຍາກອນ​ທຳ​ມະ​ຊາດ​ຕາມ​ທິດ​ເໝາະ​ສົມ, ມີ​ປະສິດ​ທິ​ຜົນ ແລະ ຍືນ​ຍົງ ເພື່ອ​ກ້າວ​ໄປ​ສູ່​ພື້ນຖານ​ເສດຖະກິດ​ສີຂຽວ, ເປັນ​ມິດ​ກັບ​ສິ່ງ​ແວດ​ລ້ອມ.

   ຕາມ​ບັນດາ​ແຜນ​ນະໂຍ ບາຍ, ນະໂຍບາຍ​ກ່ຽວ​ກັບ​ການ​ຮັບ​ມື​ກັບ​ການ​ປ່ຽນແປງ​ຂອງ​ດິນ​ຟ້າ​ອາກາດ​ທີ່​ມີ​ຢູ່​ແລ້ວ. ໃນ​ໄລຍະ​ຜ່ານ​ມາ, ບັນດາ​ອົງການ​ສຳນັກງານ​ສູນ​ກາງ ແລະ ທ້ອງຖິ່ນ ໄດ້​ມີ​ການ​ປະຕິບັດ​ຕົວ​ຈິງ​ຢ່າງ​ຕັ້ງໜ້າ ເພື່ອ​ຫັນ​ບັນດາ​ມາດ​ຕະການ​ຮັບ​ມື​ກັບ​ການ​ປ່ຽນແປງ​ຂອງ​ດິນ​ຟ້າ​ອາກາດ​ໃຫ້​ປະກົດ​ຜົນ​ເປັນ​ຈິງ​ເຊັ່ນ: ໂຄສະນາ, ເຜີຍແຜ່, ສ້າງ​ການ​ຫັນປ່ຽນ​ດ້ານ​ສະຕິ​ຄວາມ​ຮັບ​ຮູ້, ປ່ຽນແປງ​ໃໝ່, ສ້າງ​ໃຫ້​ສົມບູນ​ແບບ ແລະ ຍູ້​ແຮງ​ການ​ປະຕິບັດ​ນະໂຍບາຍ, ກົດໝາຍ​ກ່ຽວ​ກັບ​ການ​ຮັບ​ມື​ກັບ​ການ​ປ່ຽນແປງ​ຂອງ​ດິນ​ຟ້າ​ອາ​ກາດ. ບູລະນະ​ກົງຈັກ​ຄຸ້ມ​ຄອງ​ລັດ​ໃຫ້​ສົມບູນ​ແບບ, ພັດທະນາ​ແຫຼ່ງ​ຊັບພະຍາກອນ​ມະນຸດ​ໃນ​ຂົງເຂດ​ຮັບ​ມື​ກັບ​ການ​ປ່ຽນແປງ​ຂອງ​ດິນ​ຟ້າ​ອາກາດ, ເສີມ​ຂະຫຍາຍ​ບົດບາດ​ຂອງ​ວິທະຍາສາດ ແລະ ເຕັກ​ໂນ​ໂລ​ຊີ ໃນ​ການ​ຮັບ​ມື​ກັບ​ການ​ປ່ຽນແປງ​ຂອງ​ດິນ​ຟ້າ​ອາ​ກາດ. ພິເສດ, ຫວຽດນາມ ໄດ້​ຍູ້​ແຮງ​ການ​ຮ່ວມ​ມື, ເຊື່ອມ​ໂຍງ​ເຂົ້າ​ກັບ​ສາກົນ ແລະ ເປີດ​ກ້​ວາງ​ຄູ່​ຮ່ວມ​ມື​ຍຸດທະສາດ ກ່ຽວ​ກັບ​ການ​ຮັບ​ມື​ກັບ​ການ​ປ່ຽນແປງ​ຂອງ​ດິນ​ຟ້າ​ອາ​ກາດ. ຫວຽດນາມ ໄດ້​ເພີ່ມ​ທະວີ​ການ​ລະດົມ​ບັນດາ​ແຫຼ່ງ​ກຳລັງ​ແຮງ​ດ້ານ​ການ​ເງິນ​ໃຫ້​ແກ່​ການ​ຮັບ​ມື​ກັບ​ການ​ປ່ຽນແປງ​ຂອງ​ດິນ​ຟ້າ​ອາກາດ​ຄື: ເພີ່ມ​ທະວີ​ການ​ລົງທຶນ ແລະ ລາຍ​ຈ່າຍ​ເປັນ​ປົກກະຕິ​ງົບປະມານ​ຂອງ​ລັດ ໃຫ້​ແກ່​ວຽກ​ງານ​ຮັບ​ມື​ກັບ​ການ​ປ່ຽນແປງ​ຂອງ​ດິນ​ຟ້າ​ອາກາດ, ຂຸດ​ຄົ້ນ​ແຫຼ່ງ​ໜູນ​ຊ່ວຍ​ພັດທະນາ​ທາງ​ການ​ໃຫ້​ແກ່​ເປົ້າ​ໝາຍ​ຮັບ​ມື​ກັບ​ການ​ປ່ຽນແປງ​ຂອງ​ດິນ​ຟ້າ​ອາກາດ​ຢ່າງ​ມີ​ປະສິດ​ທິ​ຜົນ.

   ເພື່ອ​ຮັບ​ມື​ກັບ​ການ​ປ່ຽນ ແປງ​ຂອງ​ດິນ​ຟ້າ​ອາກາດ, ຫວຽດນາມ ໄດ້​ຜັນ​ຂະຫຍາຍ​ຫຼາຍ​ຮູບ​ແບບ​ເຮືອນ​ອະເນກ​ປະສົງ​ເພື່ອ​ຫຼີກ​ລ່ຽງ​ພາຍຸ, ນ້ຳ​ຖ້ວມ, ກໍ່ສ້າງ​ຕາຝັ່ງ​ກັນ​ເຈື່ອນ, ຄອງເໝືອງ​ຊົນລະປະທານ ສົມທົບ​ກັບ​ເສັ້ນທາງ​ຄົມມະ ນາຄົມ​ຊົນນະບົດ, ປ່ຽນ​ນ້ຳເຄັມ​ ເປັນ​ນ້ຳ​ຈືດ, ປູກ​ປ່າ​ຊາຍ​ເລນ​ແຄມ​ທະເລ, ປູກ​ປ່າ ແລະ ຮັກສາ​ປ່າ​ສະຫງວນ, ສ້າງ​ລະບົບ​ເຕືອນ​ໄພ​ທຳ​ມະ​ຊາດສົມທົບ​ກັບ​ມາດ​ຕະການ​ຫາ​ລ້ຽງ​ຊີບ​ໃຫ້​ແກ່​ປະຊາ​ຊົນ. ຄຽງ​ຄູ່​ກັນ​ນັ້ນ, ຫວຽດນາມ ກໍເພີ່ມ​ທະວີ​ການ​ຍົກ​ສູງ​ສະຕິ​ຄວາມ​ຮັບ​ຮູ້​ໃຫ້​ແກ່​ປະຊາຊົນ​ດ້ວຍ​ບັນດາ​ການເຄື່ອນໄຫວ​ປົກ​ປັກ​ຮັກສາ​ສິ່ງແວດລ້ອມ; ໂຄສະນາ​ຄວາມ​ຮູ້​ກ່ຽວ​ກັບ​ການ​ປ່ຽນແປງ​ຂອງ​ດິນ​ຟ້າ​ອາກາດ​ໃຫ້​ປະຊາຊົນ​ຢ່າງ​ກ້​ວາງ​ຂວາງ.

   ເບິ່ງ​ລວມ​ແລ້ວ, ນະໂຍ ບາຍ​ກົດໝາຍ​ກ່ຽວ​ກັບ​ການ​ຮັບ​ມື​ກັບ​ການ​ປ່ຽນແປງ​ຂອງ​ດິນ​ຟ້າ​ອາກາດ​ຂອງ​ຫວຽດນາມ ພວມ​ກ້າວ​ເຂົ້າ​ສູ່​ລະບົບ​ການ​ຮັບປະກັນ, ປົກ​ປ້ອງ​ສິດທິມະ ນຸດໄດ້​ດຳລົງ​ຊີວິດ​ໃນ​ສະພາບ​ແວດ​ລ້ອມ​ທີ່​ປອດ​ໄພ, ຮັບ ປະກັນ​ການ​ຫາ​ລ້ຽງ​ຊີບ, ສະບຽງ​ອາຫານ, ຮັບປະກັນ​ຊີວິດ​ການ​ເປັນ​ຢູ່ ແລະ ສຸຂະພາບ​ຂອງ​ປະຊາຊົນ ໂດຍສະເພາະ​ແມ່ນ ​ປະຊາຊົນ​ຢູ່​ເຂດ​ຖືກ​ຜົນ​ກະ ທົບ​ ຢ່າງ​ໜັກໜ່ວງ​ຈາກ​ການ​ປ່ຽນ ແປງ​ຂອງ​ດິນ​ຟ້າ​ອາ​ກາດ. ໃນ​ຕົວ​ຈິງ, ການ​ປະຕິບັດ​ບັນດານະ ໂຍບາຍ​ນີ້ ໄດ້​ຊີ້​ໃຫ້​ເຫັນ​ວ່າ: ຫວຽດນາມ ໄດ້​ມີ​ຄວາມ​ຕັ້ງໜ້າ​ໃນ​ວຽກ​ງານ​ຮັບປະກັນ​ສິດທິ​ມະ ນຸດ​ຕາມ​ບັນດາ​ສົນທິສັນຍາ​ສາ ກົນ​ທີ່​ຫວຽດນາມ ໄດ້​ເຂົ້າ​ຮ່ວມ.