ດົ່ງ​ນາຍ ກ້າວ​ໄປ​ເຖິງ​ການ​ກໍ່­ສ້າງ​ນະ­ຄອນ​ອັດ​ສະ​ລິ​ຍະ

24.09.2019 8:53     

ຮຽບຮຽງ​ໂດຍ​​ : ສີ​ວັນ

   ຮອງ​ຈາກ​ນະຄອນຫຼວງ​ຮ່າ​ໂນ້ຍ, ນະຄອນ​ໂຮ່​ຈິ​ມິນ, ນະຄອນ​ດາ​ໜັງ ແລະ ນະຄອນ​ບິ່ງ​ເຢືອງ, ແຂວງ​ດົ່ງ​ນາຍ ແມ່ນ​ໜຶ່ງ​ໃນ​ບັນດາ​ທ້ອງຖິ່ນ​ຂອງ​ຫວຽດນາມ ທີ່​ໄດ້​ຮັບ​ການ​ຄັດ​ເລືອກ​ຈາກ​ລັດຖະບານ ເພື່ອ​ປະຕິບັດ​ການ​ທົດ​ລອງ​ກໍ່ສ້າງ​ຮູບ​ແບບ​ນະຄອນ​ອັດ​ສະ​ລິ​ຍະ ໂດຍ​ຜ່ານ​ການ​ຮ່ວມ​ມື​ກັບ​ບັນ ດາ​ກຸ່ມ​ບໍລິສັດ​ໃຫຍ່​ໃນ​ໂລກ. ແມ່ນ​ທ້ອງ​ຖິ່ນ​ປະຕິບັດ​ການ​ຫັນ​ເປັນ​ຕົວ​ເມືອງ​ຢ່າງ​ວ່ອງ​ໄວ​ກວ່າ​ໝູ່​ໃນ​ທົ່ວ​ປະ​ເທດ. ໄລຍະ​ຜ່ານ​ມາ, ແຂວງ​ດົ່ງ​ນາຍ ໄດ້​ເລີ່ມ​ຜັນ​ຂະຫຍາຍ​ວຽກ​ງານ​ຊັອບ​ແວ​ອັດ​ສະ​ລິ​ຍະ​ເຂົ້າ​ໃນ​ການ​ຈະລາຈອນ, ສາ ທາ​ລະນະ​ສຸກ, ການ​ສຶກສາ ແລະ ອື່ນໆ. ນີ້​ແມ່ນ​ປະຖົມ​ປັດ​ໄຈ​ເພື່ອ​ກະກຽມ​ໃຫ້​ແກ່​ການ​ກ້າວ​ໄປ​ສູ່​ການ​ກໍ່ສ້າງ​ຕົວ​ເມືອງ​ອັດ​ສະ​ລິ​ຍະ​ຂະໜາດ​ໃຫຍ່​ໃນ​ຊຸມ​ປີ​ຕໍ່​ໜ້າ.

   ນະຄອນ​ອັດ​ສະ​ລິ​ຍະ ແມ່ນຮູບ​ແບບ​ນະຄອນ​ທີ່​ນຳ​ໃຊ້​ເຕັກ​ໂນ​ໂລ​ຊີ​ຂໍ້​ມູນ​ຂ່າວສານ​ທີ່​ທັນ​ສະໄໝ, ພູມ​ປັນຍາ ເພື່ອ​ຄຸ້ມ​ຄອງ, ຍົກ​ສູງ​ມາດຕະຖານ​ຊີວິດ​ການ​ເປັນ​ຢູ່​ຕົວ​ເມືອງ, ປັບປຸງ​ຄຸນ​ນະ​ພາບ​ການ​ຮັບ​ໃຊ້​ຂອງ​ອຳນາດ​ການ​ປົກຄອງ​ນະຄອນ ແລະ ນຳ​ໃຊ້​ບັນດາ​ແຫຼ່ງ​ພະ ລັງງານ, ຊັບພະຍາກອນ​ທຳ​ມະ​ຊາດ​ຢ່າງ​ມີ​ປະສິດ​ທິ​ຜົນ.

   ທ່ານ ຮິ່ງ​ກວາງ​ລຽມ ຮອງ​ຜູ້ອຳນວຍການ ບໍລິສັດ VNPT ໃຫ້​ຮູ້​ວ່າ: ພື້ນຖານ​ຫຼັກ​ຂອງ​ຕົວ​ເມືອງ​ອັດ​ສະ​ລິ​ຍະແມ່ນ​ການ​ເຊື່ອມ​ຕໍ່​ລະຫວ່າງ​ບັນດາ​ຂໍ້​ມູນ​ນຳ​ກັນ ໂດຍ​ຜ່ານ​ເຄືອ​ຂ່າຍ​ອິນ​ເຕີ​ແນັດ (Internet of Things) ຕະຫຼອດ​ຮອດ​ທຸກໆ​ຂໍ້​ມູນ​ຂ່າວສານ​ທີ່​ກ່ຽວຂ້ອງ​ເຖິງ​ອຳນາດ​ການ​ປົກຄອງ​ເອ​ເລັກ​ໂຕ​ຣ​ນິກ, ບັນດາ​ຂະແໜງການ​ຕ້ອງ​ແບ່ງປັນ​ຂໍ້​ມູນ​ຊຶ່ງ​ກັນ ແລະ ກັນ​ຢ່າງ​ຈະແຈ້ງ, ມີ​ລັກສະນະ​ນິຕິ​ກຳ, ຜ່ານ​ຈາກ​ນັ້ນ​ຈຶ່ງ​ນຳ​ມາ​ຮັບ​ໃຊ້​ໃຫ້​ແກ່​ປະຊາຊົນ ດີ​ທີ່​ສຸດ.

   ຕາມ​ເປົ້າ​ໝາຍ​ທີ່​ລັດຖະ ບານ​ຫວຽດນາມ ວາງ​ອອກຮອດ ​ປີ 2020, ຫວຽດນາມ ຈະມີ 3 ເມືອງ​ທີ່​ສາມາດ​ກໍ່ສ້າງ​ເປັນ ​ເມືອງ​ອັດ​ສະ​ລິ​ຍະ​ຄື: ນະຄອນ ຫຼວງ​ຮ່າ​ໂນ້ຍ, ນະຄອນດາ​ໜັງ ແລະ ນະຄອນ​ໂຮ່​ຈິ​ມິນສ່ວນ​ດົ່ງ​ນາຍ, ບ່າ​ເຣີຍ-ຫວຸງ ເຕົ່າ, ບັກ​ນິງ, ​ຮ່າ​ຍ​ຟອງ ແມ່ນ​ບັນດາ​ທ້ອງຖິ່ນ ທີ່​ຈະ​ໄດ້​ຮັບ​ການ​ປະ ຕິບັດ​ຕໍ່ໆ​ໄປ.

   ສຳລັບ​ດົ່ງ​ນາຍ ຊຶ່ງ​ແມ່ນ​ທ້ອງຖິ່ນ​ທີ່​ປະຕິບັດ​ການ​ຫັນ ເປັນ​ຕົວ​ເມືອງ​ໄວ​ກວ່າ​ໝູ່​ໃນ​ທົ່ວ ​ປະ​ເທດ. ໃນ​ຊຸມ​ປີຜ່ານມາ, ດົ່ງ​ນາຍຜັນ​ຂະຫຍາຍ​ວຽກ​ງານ​ການນໍາ​ໃຊ້​​ຊັອບ​ແວ​ອັດສະ​ລິ​ຍະ, ເພື່ອ​ແນໃສ່​ກະກຽມ​ໃຫ້​ແກ່​ການ​ກ້າວ​ໄປ​ເຖິງ​ການ​ກໍ່ສ້າງ​ເມືອງ​ອັດ​ສະ​ລິ​ຍະ​ໃນ​ໄລຍະຈະ ​ມາ​ເຖິງ. ນັ້ນ​ແມ່ນ​ບັນດາ​ການ​ນໍາ​ໃຊ້​​ຊັອບ​ແວ​ໃນ​ຂົງເຂດ​ຈະ ລາຈອນ​ຄື: ການ​ຕິດຕາມ​ການ​ເດີນທາງ​ຂອງ​ລົດເມ, ກ້ອງ​ວົງ​ຈອນ​ປິດ​ຕິດຕາມ​ກວດກາ​ການ​ຈະລາຈອນ, ລະບົບ​ບັນຊາສັນ ຍານ​ການ​ຈະລາຈອນ, ສ້າງຕັ້ງ​ ສູນ​ກາງ​ບັນຊາ​ຈະລາ​ຈອນ. ທ່ານ ພັນ​ຕີ ເຈິ່ນ​ຈ້ອງ​ຖຸຍ ເຈົ້າໜ້າທີ່​ ຕຳຫຼວດ​ແຂວງ​ດົ່ງ​ນາຍຢັ້ງຢືນ​ວ່າ: ວຽກ​ງານ​ຜັນ​ຂະຫຍາຍລະ ບົບ​ອັດຕະໂນມັດ​ດັ່ງກ່າວແມ່ນ ​ບາດກ້າວ​ໃ​ໝ່​ເພື່ອ​ຊ່ວຍ​ຫຼຸດ ຜ່ອນ​ຈຳນວນ​ພະນັກງານ​ລົງ ກວດກາ​ຢູ່​ຕາມ​ທ້ອງ​ຖະໜົນ. ນີ້​ແມ່ນ​ເຕັກ​ໂນ​ໂລ​ຊີ​ທີ່​ທັນ​ສະ ໄໝ, ມີ​ການ​ໄຈ້​ແຍກ, ອັບ​ເດດ ​ຂໍ້​ມູນ​ແບບ​ອັດຕະໂນມັດ, ແກ້​ໄຂ​ບັນດາການກະທຳເຂົ້າ​ຮ່ວມ ​ການ​ຈະລາຈອນ​ຢູ່​ບັນດາສະ ຖານທີ່ ທີ່​ໄດ້​ຕິດ​ຕັ້ງ​ລະບົບ​ກ້ອງ​ວົງ​ຈອນ​ປິດ ແລະ ບັນດາ​ອຸປະກອນ​ກວດກາ, ປັບໃໝ​ການລະເມີດ​ກົດ​ໝາຍ. ທຸກໆ​ການອັບ​ເດດ ແລະ ໄຈ້​ແຍກ​ຂໍ້​ມູນລ້ວນ​ແຕ່​ໄດ້​ປະຕິບັດ​ແບບ​ອັດຕະໂນມັດ ເພື່ອ​ປັບໃໝ​ຜູ້​ລະເມີດ​ກົດໝາຍ​ການ​ຈະລາ​ຈອນ.

   ບັນດາ​ຂົງເຂດ​ອື່ນ​ຄື: ການ​ສຶກສາ, ຕິດຕາມ​ກວດກາ​ແຫຼ່ງ​ນ້ຳ​ເສຍ ໂດຍ​ຜ່ານ​ບັນດາ​ຈຸດ​ວັດແທກ​ແບບ​ອັດຕະໂນມັດ, ກ່າວ​ເຕືອນ​ດັດຊະນີ​ກໍ່​ມົນ​ລະ​ຜິດ​ໂດຍ​ໄວ ຊຶ່ງ​ເຫັນ​ວ່າ​ໄດ້​ຮັບ​ໝາກຜົນ​ທີ່​ດີ. ພິເສດ, ໃນ​ປີ 2018, ຂະແໜງ​ສາທາລະນະ​ສຸກ ແຂວງ​ດົ່ງ​ນາຍ ໄດ້​ປະຕິບັດ​ທົດ​ລອງ​ການ​ນຳ​ໃຊ້​ເຕັກ​ໂນ​ໂລ​ຊີ​ຂໍ້​ມູນ​ຂ່າວສານ​ເຊື່ອມ​ຕໍ່​ຕາໜ່າງ​ຄຸ້ມ​ຄອງ​ເອກະສານ​ສຸຂະພາບ​ສ່ວນ​ບຸກຄົນ ໂດຍ​ຜ່ານ​ລະບົບ​ຊັອບ​ແວ​ອັດ​ສະລິ​ ຍະບົນ​ພື້ນຖານ App ແລະ Web. ຜ່ານ​ຈາກ​ນັ້ນ, ກໍ​ໄດ້​ຊ່ວຍ​ຄຸ້ມ​ຄອງ​ການ​ຊື້​ຂາຍ, ເກັບ ​ຮັກສາ​ຢາ, ເອກະສານ​ສຸຂະ ພາບ​ສ່ວນ​ບຸກຄົນ ດ້ວຍ​ລະບົບ​ເອ​ເລັກ​ໂຕ​ຣ​ນິກ ຊ່ວຍ​ຄຸ້ມ​ຄອງ​ສຸຂະພາບ​ຢ່າງຮອບດ້ານ, ຕໍ່​ເນື່ອງ​ນັບ​ແຕ່​ມື້​ເກີດ​ຈົນ​ເຖິງ​ມື້​ເສຍ​ຊີ​ວິດ.

   ປັດຈຸບັນ, ດົ່ງ​ນາຍ ໄດ້ສ້າງ​ ເອກະສານ​ສຸຂະພາບ​ສ່ວນ​ບຸກ ຄົນ ໃຫ້​ແກ່​ປະຊາຊົນ 3 ລ້ານ​ຄົນ, ກວມ 80% ຮາກ​ຖານຂາຍ ​ຢາ​ຍ່ອຍ​ໃນ​ຂອບ​ເຂດ​ທົ່ວແຂວງ ໄດ້​ເຂົ້າ​ຮ່ວມ​ການ​ນຳ​ໃຊ້​​ຊັອບ​ແວ​ເຊື່ອມ​ຕໍ່​ຮ້ານ​ຂາຍ​ຢາ, ບັນ ດາ​ຮາກ​ຖານ​ກວດ​ພະຍາດ ແລະ ຮາກ​ຖານ​ການ​ຢາ​ສ່ວນ​ຫຼາຍ ​ລ້ວນ​ແຕ່​ເຂົ້າ​ສູ່​ຕາໜ່າງ​ສາ ທາລະນະ​ສຸກ​ປະຊາ​ຄົມ ເພື່ອ​ຊ່ວຍເຫຼືອ​ປະຊາຊົນ​ໃນ​ການ​ຊອກ​ຫາ​ບັນດາ​ການ​ບໍລິການ​ສາທາລະນະ​ສຸກ​ຢ່າງ​ງ່າຍ​ດາຍ. ທ່ານ ຟານ​ຮຸຍ​ແອັງ​ຫວູ ຫົວໜ້າ​ພະ​ແນ​ກ​ສາທາລະນະ​ສຸກດົ່ງ​ນາຍໃຫ້​ຮູ້​ວ່າ: ດົ່ງ​ນາຍຈະ​ພະ ຍາຍາມ​ເຮັດ​ໃຫ້​ວຽກ​ງານ​ສາທາ ລະນະ​ສຸກ​ອັດ​ສະ​ລິ​ຍະເຂົ້າ​​ຮັບ​ໃຊ້​ປະຊາຊົນ​ຢ່າງຮອບ​ດ້ານ. ນີ້​ແມ່ນ​ວຽກ​ງານ​ບຸກ​ທະລຸ​ຂອງ​ ຂະແໜງ​ສາທາລະນະ​ສຸກ​ເວົ້າ​ລວມ, ຖ້າ​ຫາກ​ພວກ​ເຮົາ​ກຳ​ໄດ້​ໂອກາດ​ນີ້, ພວກ​ເຮົາຈະ​ຮັບ​ໃຊ້​ປະຊາຊົນ​ໃຫ້​ດີ​ກວ່ານີ້​ ຫຼາຍ. ພວກ​ເຮົາ​ຕ້ອງ​ນຳ​ໃຊ້​ເຕັກ​ໂນ​ໂລ​ຊີ​ຂໍ້​ມູນ​ຂ່າວສານ ເພື່ອ​ປະ ຢັດ​ເວລາ​ໃນ​ການ​ເກັບ​ຮັກສາ ຫຼື ເຮັດ​ເອກະສານ, ເພື່ອ​ໃຫ້​ທ່ານໝໍ​ມີ​ເວລາ​ເບິ່ງແຍງ​ດູແລ​ຄົນ​ເຈັບ​ໃຫ້​ດີ​ກວ່າ​​ເກົ່າ.

   ເຖິງ​ວ່າ, ຍັງ​ບໍ່​ທັນ​ເຂົ້າຮ່ວມ​ ແຜນ​ຮ່າງ​ນະຄອນ​ອັດສະລິ​ຍະ​ຢ່າງ​ເປັນ​ທາງ​ການກໍຕາມ, ແຕ່​ບັນດາ​ພະ​ແນກ, ຂະແໜງການ​ຕ່າງໆ​ໃນ​ແຂວງ ຍັງ​ນຳ​ໃຊ້​ວຽກ​​ ງານ​ຊອບ​ແວ​ໃນ​ການເຄື່ອນ ໄຫວ​ຄື: ແກ້​ໄຂ​ເອກະສານ, ລະບຽບ​ການ​ຜ່ານເຄືອ​ຂ່າຍ​ອິນເຕີແນັດ.ປະຊາຊົນ, ວິສາ​ ຫະກິດສາມາດ​ຊອກ​ຄົ້ນ​ຂໍ້ມູນ​ ໃນ​ຂົງເຂດ​ທີ່​ດິນ, ວາງແຜນ ຜັງ ແລະ ອື່ນໆ. ໃນ​ຂົງເຂດ​ທີ່​ດິນ, ແຂວງ​ດົ່ງ​ນາຍ ກໍ​ແມ່ນ​ ໜຶ່ງ​ໃນ​ບັນດາ​ແຂວງ​ນຳ​ໜ້າ​ປະເທດ​ກ່ຽວ​ກັບ​ການ​ອັບເດດ, ຂໍ້​ມູນ​ການ​ຈັດ​ສັນ​ທີ່​ດິນໃນ​ ຂອບ​ເຂດ​ທົ່ວ​ແຂວງ ແລະ ໄດ້​ຮັບ​ການ​ເປີດເຜີຍ​ຢ່າງກ້​ວາງ​ຂວາງ. ຢູ່​ບັນດາຂະແໜງ​ຕ່າງໆ​ ຄື: ຂະແໜງ​ແຜນການ-ການ​ລົງທຶນ, ຂະແໜງແຮງ​ງານ-ທະ ຫານ​ເສຍອົງຄະ ແລະ ສັງຄົມ, ທະນາຄານ, ພາສີ​ອາກອນ ແລະ ອື່ນໆ ກໍໄດ້ນຳໃຊ້ເຕັກ ​ໂນ​ໂລ​ຊີ​ຜ່ານ​ແຕ່​ລະບາດກ້າວ ດ້ວຍ​ເປົ້າ​ໝາຍ​ຜັນ​ຂະຫຍາຍ​ບັນດາ​ການເຄື່ອນໄຫວ​ຂອງ​ຂະ ແໜງ​ໃຫ້​ມີ​ປະສິດ​ທິ​ຜົນ​ ແລະ ຍົກ​ສູງ​ຄວາມ​ສາມາດ​ໃນ​ການ​ຮັບ​ໃຊ້.

   ການ​ກໍ່ສ້າງ​ຕົວ​ເມືອງ​ອັດ​ສະ​ລິ​ຍະແມ່ນ​ສິ່ງ​ທີ່​ທຸກ​ແຂວງ, ນະຄອນລ້ວນ​ແຕ່​ຈະ​ກ້າວ​ໄປ​ເຖິງ. ແຂວງ​ດົ່ງ​ນາຍ​ກໍເຊັ່ນ​ກັນ​ກັບ​ບັນດາ​ແຂວງ​ອື່ນໆ​ໃນ​ຂອບ​ເຂດ​ທົ່ວ​ປະເທດ ແລະ ການ​ນຳ​ໃຊ້​ສິ່ງ​ດັ່ງກ່າວ, ຈະ​ແມ່ນ​ປະຖົມ​ປັດ​ໄຈ​ໃຫ້​ແກ່​ການ​ເຊື່ອມ​ຕໍ່​ກັບ​ນະຄອນ​ອັດ​ສະ​ລິ​ຍະ, ເປົ້າ​ໝາຍ​ຖື​ມະນຸດ​ເປັນໃຈ​ກາງ, ນຳ​ໃຊ້​ບັນດາ​ເຕັກ​ໂນ​ໂລ​ຊີ​ໃໝ່​ທີ່​ທັນ​ສະໄໝ ເຂົ້າ​ໃນ​ບັນດາ​ຂົງເຂດ​ເພື່ອ​ຊ່ວຍ​ຍົກ​ສູງ​ຊີວິດ​ການ​ເປັນ​ຢູ່​ຂອງ​ປະຊາຊົນ​ຢູ່​ບັນດາ​ເຂດ​ຕົວ​ເມືອງ.