ກຳ­ປູ­ເຈຍ​ຈະ​ເປີດ​ໂຕ​ການ­ທ່ອງ­ທ່ຽວ APP ການ­ທ່ອງ­ທ່ຽວ​ທຳ­ອິດ

24.09.2019 8:58     

   ວິທະຍຸ​ສາກົນ​ແຫ່ງ​ປະ ເທດ​ຈີນ​ລາຍ​ງານ ກະຊວງການ ທ່ອງທ່ຽວ​ກຳປູເຈຍ​ໄດ້​ຈັດກອງ ​ປະຊຸມ​ຂ່າວ​ຢູ່​ບາງກອກ​ຂອງ​ປະເທດ​ໄທ​ໃນ​ວັນ​ທີ 21 ກັນ ຍາ​ຜ່ານ​ມາ, ທ່ານ​ ໂຊ​ເຄ​ຼິກ​ຢາ ຮອງ​ລັດຖະມົນຕີ​ກະຊວງ​ການ ທ່ອງທ່ຽວ​ກຳປູເຈຍ​ຖະແຫຼງ​ວ່າ, ກຳປູເຈຍ​ຈະ​ເປີດ​ໂຕ  APP ສຳ ລັບ​ການທ່ອງທ່ຽວ​ອັນ​ທຳອິດ​ຂອງ​ລັດຖະບານ​ອອກ​ໃນ​ເດືອນ​ຕຸລາ​ປີ​ນີ້ ຊຶ່ງ APP ນີ້​ຊື່ວ່າ: Cambodia Tourist Assist (CTA), ເພື່ອ​ສະໜອງ​ຂໍ້​ມູນ​ຂ່າວສານ​ດ້ານ​ການທ່ອງທ່ຽວ​ໃຫ້​ແກ່​ນັກ​ທ່ອງ​ທ່ຽວ​ໃນ​ໂລກ.
ທ່ານ ​ໂຊ​ເຄ​ຼິກ​ຢາ​ ແນະນຳ​ວ່າ APP ດັ່ງກ່າວ​ຈະ​ສະໜອງ​ຂໍ້​ມູນ​ຂ່າວສານ​ທຸກ​ດ້ານ​ເຊັ່ນ: ເສັ້ນທາງ​ທ່ອງ​ທ່ຽວ, ການ​ຄົມມະນາຄົມ, ບ່ອນ​ທ່ອງ​ທ່ຽວ, ໂຮງແຮມ, ຮ້ານ​ອາຫານ ແລະ ອື່ນໆ ດ້ວຍ 6 ພາສາ, ຍັງ​ໄດ້​ຈັດ​ໃຫ້​ມີ ປຸ່ມ​ຂໍ​ຄວາມ​ຊ່ວຍເຫຼືອ SOS, ໃນ​ເວລາ​ພົບ​ກໍລະນີ​ສຸກ​ເສີນ​ຢູ່ກຳ​ປູ​ເຈຍ, ນັກ​ທ່ອງ​ທ່ຽວ​ສາມາດ​ກົດ​ປຸ່ມ​ນີ້​ເພື່ອ​ຂໍ​ຄວາມ​ຊ່ວຍເຫຼືອ​ຈາກ​ພາກສ່ວນ​ທີ່​ກ່ຽວຂ້ອງ​ຂອງ​ລັດຖະບານ​ກຳ​ປູ​ເຈຍ.

   ໃນ​ຫຼາຍ​ປີ​ມາ​ນີ້, ຂະແໜງ ການ​ທ່ອງ​ທ່ຽວ​ໄດ້​ກາຍເປັນ​ເສົາຄ້ຳ​ໜຶ່ງ​ຂອງ​ອຸດສາຫະກຳ​ກຳປູເຈຍ ປີ 2018, ກຳປູເຈຍ​ໄດ້​​ຕ້ອນ​ຮັບນັກ​ທ່ອງ​ທ່ຽວ​ຕ່າງ ປະເທດ  6,2 ລ້ານ​ເທື່ອ​ຄົນ,  ລາຍ​ໄດ້​ຈາກ​ການທ່ອງທ່ຽວກວມ GDP ຂອງ​ກຳ​ປູ​ເຈຍ 12,7% ແລະ ໄດ້​ເຕີບ​ໂຕ​ດ້ວຍ​ຄວາມ​ໄວ 5%-10% ຕໍ່​ປີ. ຈີນ​ເປັນປະ ເທດ​​ນັກ​ທ່ອງ​ທ່ຽວ​ອັນ​ດັບ​ທີ 1 ຂອງ​ກຳປູເຈຍ, ປີ 2018 ນັກ​ທ່ອງ​ທ່ຽວ​ຈີນ​ໄປ​ກຳປູເຈຍ​ມີ​ເຖິງ​ປະມານ 2 ລ້ານ​ເທື່ອ​ຄົນ, ຄາດ​ວ່າ ປີ 2019 ຈະ​ບັນລຸ​ເຖິງ 2,6 ລ້ານ​ເທື່ອ​ຄົນ, ປີ 2020 ຈະ​ບັນລຸ​ເຖິງ 3 ລ້ານ​ເທື່ອ​ຄົນ. ທ່ານ​ໂຊ​ເຄ​ຼິກ​ຢາ​ກ່າວ​ວ່າ, ກຳປູເຈຍ ແລະ ຈີນ​ພວມ​ເພີ່ມ​ທະວີ​ການ​ຮ່ວມ​ມື​ດ້ານ​ການທ່ອງທ່ຽວ, ແຜນ​ໄລຍະ​ຍາວ​ແມ່ນ​ໃນ​ປີ 2030, ດຶງ​ດູດ​ນັກ​ທ່ອງ​ທ່ຽວ​ຈີນ​ເຖິງ 8 ລ້ານ​ເທື່ອ​ຄົນ.

   ຕາມ​ການ​ແນະນຳ​ໃຫ້​ຮູ້​ວ່າ, ຕະຫຼາດ​ການທ່ອງທ່ຽວ​ຂອງ​ກຳປູເຈຍ​ໃນ​ປັດຈຸບັນ​ຍັງ​ ມີ​ຊ່ອງ​ຫວ່າງ​ເຕີບ​ໂຕ​ຢ່າງ​ຫຼວງ ຫຼາຍ, ຍິນດີ​ຕ້ອນຮັບ​ວິ​ສາ​ຫະ​ກິດ​ຕ່າງປະເທດ​ເຂົ້າ​ໄປ​ລົງທຶນ​ໃນ​ຂະແໜງການ​ທ່ອງ​ທ່ຽວ​ຢູ່ກຳ​ປູ​ເຈຍ.