ນັກ​ເສດ​ຖະ​ສາດ​ເປັນ​ຫ່ວງ​ຕໍ່​ການ​ຂາດ​ເຄື່ອງມື​ກະ​ຕຸ້ນ​ເສດຖະກິດ

25.09.2019 10:33     

ຮຽບຮຽງ​ໂດຍ​​ : ລຸ້ງ​ດາວ

   ນັກ​ເສດຖະສາດ​ຫຼາຍຄົນ​ ມີ​ຄວາມ​ເປັນ​ຫ່ວງ​ວ່າທະນາ ຄານ​ກາງ​ຫຼາຍ​ປະເທດ​ອາດ ຍັງບໍ່​ສາມາດ​ເຮັດ​ຫຍັງ​ໄດ້ໃນ​ ການຮັບມື​ກັບສະພາບເສດຖະ ກິດ​ທີ່​ບໍ່​ຂະຫຍາຍຕົວເນື່ອງ ​ຈາກ​ວ່າ ອັດຕາ​ດອກ​ເບ້ຍ ຂອງໂລກ​ຢູ່​ໃນ​ລະດັບ​ທີ່​​ຕາໍ່, ປະກອບ​ກັບ​ບັນຫາ​ສິ່ງ​ທ້າທາຍ ​ດ້ານ​ເສດຖະກິດ​ທີ່​ກຳລັງ​ຄຸກ​ຄາມ​ເຂົ້າ​ມາ​ຫຼາຍ​ດ້ານລວມ​ ທັງ​ສົງຄາມ​ການ​ຄ້າລະຫວ່າງ ສະຫະລັດ ແລະ ຈີນ, ບັນຫາ​ ການ​ຖອນອອກ​ຈາກ​ສະຫະ ພາບ​ເອີ​ຣົບ​ຂອງ​ອັງກິດ (Brexit) ແລະ ຖົດ​ຖອຍ​ຂອງ​ເສດ ຖະກິດ​ໃນ​ເອີ​ຣົບ. ເຢຍ​ລະ​ມັນ, ຊຶ່ງ​ເປັນ​ປະເທດ​ທີ່​ມີ​ເສດຖະ​ກິດ ທີ່​ເຂັ້ມແຂງ​ທີ່​ສຸດ​ໃນ​ເອີ​ຣົບ, ກໍ​ເລີ່ມ​ສົ່ງ​ສັນຍານ​ເຖິງ​ການ​ຫົດ​ຕົວ​ທາງ​ເສດຖະກິດ ແລະ ການ​ຈ້າງ​ງານ​ຫຼຸດ​ລົງ. ໃນ​ເດືອນ​ສິງຫາ​ຜ່ານ​ມາ, ການ​ຜະລິດ​ອຸດສາຫະກຳ​ໂດຍ​ລວມ​ຂອງ​ປະເທດ​ສະຫະພາບ​ເອີ​ຣົບ​ຫຼຸດ​ລົງ​ເປັນ​ເດືອນ​ທີ 7 ຕິດຕໍ່​ກັນ. ສ່ວນ​ປະເທດ​ອັງກິດ, ບັນຫາ​ຍືດ​ເຍື້ອ ແລະ ຄວາມ​ບໍ່​ແນ່ນອນ​ກ່ຽວ​ກັບ Brexit ຊຶ່ງ​ເປັນ​ຜົນ​ເຮັດ​ໃຫ້ການ​ຜະລິດ​ທາງ​ດ້ານ​ອຸດສາຫະກຳ​ຂອງ​ອັງກິດ ຫຼຸດ​ລົງ​ໃນ​ອັດຕາ​ຫຼາຍ​ທີ່​ສຸດ​ໃນ​ຮອບ 7 ປີ. ສ່ວນ​ຜູ້​ປະກອບ​ທຸລະ​ກິດ​ໃນ​ສະຫະລັດ ກໍ​ເລີ່ມ​ປົດ​ຄົນ​ງານ ເພື່ອ​ກຽມ​ຮັບ​ມື​ກັບ​ການ​ຫຼຸດ​ລົງ​ທາງ​ເສດຖະກິດ ໂດຍ​ຄາດ​ວ່າ: ຈະ​ເກີດ​ຂຶ້ນ​ໃນ​ປີໜ້າ ແລະ ໃນ 4 ອາທິດ​ທີ່​ຜ່ານ​ມາ, ທ່ານ ໂດ​ໂນ ທຣໍາ ປະ​ທາ​ນາ​ທບໍ​ດີິ ອາ​ເມ​ຣິ​ກາ ໄດ້​ຂຽນ​ຂໍ້ ຄວາມ​ຫຼາຍ​ກ່​ວາ 30 ຄັ້ງ, ໃຫ້​ລະບົບ​ທະນາຄານ​ກາງຂອງ​ອາ​ເມ​ຣິ​ກາ ຫຼຸດ​ອັດຕາ​ດອກ​ເບ້ຍ​ນະໂຍບາຍ​ລົງ ພ້ອມ​ກັນ​ນັ້ນ, ລະບົບ​ທະນາຄານ​ກາງ​ອາ​ເມ​ຣິ​ກາ ມີ​ກຳນົດ​ຈະ​ປະຊຸມ​ກ່ຽວ​ກັບ​ນະໂຍບາຍ ໃນ​ວັນ​ທີ 18 ກັນຍາ​ ເພື່ອ​ຕັດສິນ​ໃຈ​ກ່ຽວ​ກັບ​ທິດ​ທາງ​ຂອງ​ອັດຕາ​ດອກ​ເບ້ຍ.

   ເຖິງ​ຢ່າງໃດ​ກໍຕາມ, ເຈົ້າ​ໜ້າທີ່​ລະດັບ​ສູງ​ຂອງ​ທະນາຄານ​ກາງ​ອາ​ເມ​ຣິ​ກາ ກ່າວ​ວ່າ: ການ​ຫຼຸດ​ອັດຕາ​ດອກ​ເບ້ຍ​ນະໂຍບາຍ​ໃນ​ຂະນະ​ນີ້​ຈະ​ເປັນ​ເລື່ອງ​ຜິດພາດ ເພາະ​ເສດຖະກິດ​ຂອງ​ອາ​ເມ​ຣິ​ກາ ເຖິງ​ຈະ​ມີ​ດັດ​ສະ​ນີ​ບົ່ງ​ຊີ້​ບາງ​ຢ່າງ​ທີ່​ເຮັດ​ໃຫ້​ໜ້າ​ເປັນ​ຫ່ວງ ແຕ່​ອັດຕາ​ດອກ​ເບ້ຍ​ໄລຍະສັ້ນ ໃນ​ອາເມ​ຣິກາ ຂ້ອນ​ຂ້າງ​ຕາໍ່ ແລະ ອັດຕາ​ການ​ວ່າງ​ງານ ລວມ​ທັງ​ການ​ໃຊ້​ຈ່າຍ​ຂອງ​ຜູ້​ບໍລິໂພກ​ເປັນ​ທີ່​ໜ້າ​ພໍ​ໃຈ. ດັ່ງນັ້ນ, ຜູ້​ກຳນົດ​ນະໂຍບາຍ​ຂອງ​ລະບົບ​ທະນາຄານ​ກາງ​ອາ​ເມ​ຣິ​ກາ ຈຶ່ງ​ຕ້ອງ​ເລື່ອນ​ການ​ຫຼຸດ​ອັດຕາ​ດອກ​ເບ້ຍ​ອອກ​ໄປ​ກ່ອນ​ຈົນ​ກ່​ວາ​ຈະ​ມີ​ສັນຍານ​ຂອງ​ບັນຫາ​ເສດຖະກິດ​ທີ່​ແນ່​ນອນ. ເພາະວ່າ ການ​ປະກາດ​ຫຼຸດ​ອັດຕາ​ດອກ​ເບ້ຍ​ໄວ​ເກີນ​ໄປ​ໃນ​ໄລຍະ​ທີ່​ຍັງ​ບໍ່​ຈຳເປັນຈະ​ເຮັດ​ໃຫ້​ທະນາຄານ​ກາງ​ອາ​ເມ​ຣິ​ກາ ຂາດ​ເຄື່ອງມື​ທີ່​ມີ​ປະສິດທິພາບ​ໃນ​ສະພາບ​ທີ່​ເສດຖະກິດ​ທົດ ຖອຍ​ຄື​ໃນ​ປັດ​ຈຸ​ບັນ.

   ຈາກ​ເງື່ອນໄຂ ແລະ ສະ ພາບ​ເສດຖະກິດ​ຂອງ​ໂລກປັດ ຈຸບັນ, ນັກ​ເສດຖະສາດລວມທັງ​ຜູ້​ບໍລິຫານ​ທະນາຄານ​ກາງຂອງ​ຫຼາຍ​ປະເທດ ເລີ່ມ​ມີ​ຄວາມ​ກັງວົນ​ວ່າ: ເຄື່ອງມື​ການ​ເງິນ​ທີ່​ມີ​ຢູ່​ເຊັ່ນ: ການ​ຫຼຸດ​ອັດຕາ​ດອກ​ເບ້ຍ ອາດ​ຈະ​ບໍ່​ພຽງພໍ​ທີ່​ຈະ​ຊ່ວຍ​ເຮັດ​ໃຫ້​ເສດຖະກິດ​ໂລກ​ຟື້ນ​ຕົວ​ໄດ້, ເພາະວ່າ​ຂະນະ​ນີ້, ອັດຕາ​ດອກ​ເບ້ຍ​ໃນ​ເອີ​ຣົບ ແລະ ຍີ່ປຸ່ນ ຕົກ​ຕໍ່າ​ຈົນ​ຕິດ​ລົບ. ນອກຈາກ​ນັ້ນ, ບັນ​ຫາ​ຊໍາ​ເຮື້ອ​ອີກ​ດ້ານ​ໜຶ່ງ​ຂອງ​ຫຼາຍ​ປະເທດ​ຄື: ໜີ້​ສາທາລະນະ ຫຼື ໜີ້​ພາກ​ລັດ ຊຶ່ງ​ເປັນ​ພາລະ​ອັນ​ໜັກໜ່ວງ​ຂອງ​ລັດຖະບານ​ຫຼາຍ​ປະເທດ ຈາກ​ການ​ອອກ​ພັນທະບັດ ທີ່​ມີ​ມູນ​ຄ່າ​ຫຼາຍ​ພັນ​ລ້ານ​ໂດ​ລາ ເພື່ອ​ນຳ​ເງິນ​ມາ​ກະ​ຕຸ້ນ​ເສດ​ຖະ​ກິດ. ໜີ້​ສາທາລະນະ​, ຖ້າ​ມີ​ອັດຕາ​ສ່ວນ​ຫຼາຍ​ເກີນ​ໄປ ແລະ ບໍ່​ຊ່ວຍ​ເພີ່ມ​ຜົນ​ຜະລິດ​ທາງ​ເສດຖະກິດ​ຂອງ​ປະເທດ​ຈະ​ສົ່ງ​ຜົນ​ໃຫ້​ຄ່າ​ເງິນຕາ​ຂອງ​ປະເທດ​ເຫຼົ່ານັ້ນ​ຕົກຕ່ຳ​ລົງ ແລະ ສ້າງ​ບັນຫາ​ທາງ​ເສດຖະກິດ​ຊ້ຳ​ສອງ.