ບ່າ​ເຣ້​ຍ-​ຫວຸ​ງເຕົ່າພັດ­ທະ­ນາ​ການ­ທ່ອງ­ທ່ຽວ​ທະ­ເລ

26.09.2019 9:07     

ຮຽບຮຽງ​ໂດຍ​​ : ສີ​ວັນ

   ບ່າ​ເຣ້​ຍ-ຫວຸງ​ເຕົ່າ ມີຄວາມ ໄດ້​ປຽບ​ທີ່​ມີ​ຊາຍ​ຝັ່ງທະເລ​ຍາວ 300 ກ່​ວາ​ກິໂລແມັດ, ມີ​ຫາດ​ຊາຍ​ທະເລທີ່ສວຍ​ງາມ​ຫຼາຍ​ແຫ່ງ, ນຳ​້ທະເລສີຂຽວ​ສະອາດ, ໂກນ​ດ໋າວມີ​ເກາະ​ໃຫຍ່​ນ້ອຍ​ຫຼາຍ​ແຫ່ງ. ບ່າ​ເຣ້ຍ-ຫວຸງ​ເຕົ່າ ແມ່ນ​ສະ ຖານທີ່​ສວຍ​ງາມ ໂດຍ​ທຳ​ມະ​ຊາດ​ດົນ​ບັນດານ​ໃຫ້​ມີ​ເງື່ອນໄຂ​ສະດວກ​ຫຼາຍ​ຢ່າງ ເພື່ອ​ພັດທະນາ​ບໍລິການ​ທ່ອງ​ທ່ຽວ​ທະ​ເລ. ແຂວງ​ໄດ້​ມີ​ການ​ກຳນົດ​ວ່າ: ບໍລິການ​ທ່ອງ​ທ່ຽວ ສືບຕໍ່​ແມ່ນ​ຂະແໜງ ເສດຖະກິດ​ປາຍ​ແຫຼມ​ໃນ​ປັດຈຸບັນ ແລະ ອະ​ນາ​ຄົດ. ແຂວງ​ບ່າ​ເຣ້ຍ - ຫວຸງ​ເຕົ່າ ພວມ​ຜັນ​ຂະຫຍາຍ​ຫຼາຍ​ມາດ​ຕະການ ເພື່ອ​ສືບຕໍ່​ຂຸດ​ຄົ້ນ​ຄວາມ​ສາມາດ​ບົ່ມ​ຊ້ອນ​ຈາກ​ໝູ່​ເກາະ​ທາງ​ທະ​ເລ.

   ຕາມ​ແຫຼ່ງ​ຂ່າວ​ຈາກ​ຂ່າວ ສານ​ຫວຽດນາມ, ແຂວງບ່າ​ ເຣ້ຍ-ຫວຸງ​ເຕົ່າ ນອນ​ໃນ​ເຂດ ເສດຖະກິດ​ທີ່​ຂະຫຍັນ​ຂັນ​ ເຄື່ອນ​ທີ່​ສຸດ​ຢູ່​ຫວຽດນາມ, ມີ​ລະບົບ​ເສັ້ນທາງ​ເຊື່ອມ​ຕໍ່​ອາຊີ, ເສັ້ນທາງ​ຄວາມ​ໄວ​ສູງ, ທາງ​ຫຼວງ, ທ່າ​ກຳປັ່ນ, ສະໜາມ​ບິນ, ແມ່ນ​ສູນ​ເສດຖະກິດ​ຍຸດ ທະສາດ​ຢູ່​ທາງ​ທິດຕາເວັນ ອອກ​ພາກ​ໃຕ້ ແລະ ແມ່ນ ​ເສັ້ນ ທາງ​ທ່ອງ​ທ່ຽວ​ທະເລ ທີ່​ມີ​ຊື່​ສຽງ​ໃນ​ທົ່ວ​ປະເທດ ແລະ ສາ​ກົນ. ແຂວງ ບ່າ​ເຣ້ຍ - ຫວຸງ​ເຕົ່າ ຫ່າງ​ຈາກ​ນະຄອນ ໂຮ່​ຈິ​ມິນ ພຽງ 90 ກິໂລແມັດ ມີ​ຄວາມ​ສະດວກ​ໃຫ້ການ​ຄົມມະນາຄົມ​ທາງບົກ​ກໍຄື​ທາງ​ນ້ຳ.

   ໃນ​ຫຼາຍ​ປີຜ່ານມາ ແຂວງ ບ່າ​ເຣ້ຍ-ຫວຸງ​ເຕົ່າ ໄດ້ກາຍເປັນ ​ຈຸດ​ນັດ​ພົບ​ຂອງ​ນັກ​ທ່ອງທ່ຽວ ທັງ​ພາຍ​ໃນ ແລະ ຕ່າງປະ ເທດ, ຍ້ອນ​ພື້ນຖານ​ໂຄງ​ລ່າງພັດທະ ນາ, ຄຸນ​ນະ​ພາບ​ການທ່ອງທ່ຽວ​ ນັບ​ມື້​ນັບ​ໄດ້​ຮັບ​ການ​ຍົກ​ສູງຂຶ້ນ. ມີ​ຫາດ​ຊາຍ​ທີ່​ສວຍ​ງາມ​ຫຼາຍ ​ແຫ່ງ, ມີ​ຫຼາຍ​ເຂດ​ຣີ​ສອດ​ທີ່​ມີ​ຄຸນ​ນະ​ພາບ​ສູງ ໄດ້​ກໍ່ສ້າງ​ຂຶ້ນ​ຫຼາຍ​ບ່ອນຢູ່​ແຄມ​ຝັ່ງ​ທະເລ ແລະ ເຄື່ອນ​ໄຫວ​ຢ່າງ​ມີ​ປະສິດ​ທິ​ຜົນ, ດຶງ​ດູດ​ນັກ​ທ່ອງ​ທ່ຽວ​ມາ​ພັກຜ່ອນ​ບຳລຸງ​ສຸຂະພາບ​ນັບ​ລ້ານ​ເທື່ອ​ຄົນ​ໃນ​ແຕ່​ລະ​ປີ. ເຂດ​ອະນຸລັກ​ຮັກສາ​ທຳ​ມະ​ຊາດ ບິ່ງ​ເຈົາ - ເຝືອກ​ບື໋ວ, ເຂດ​ນ້ຳ​ອຸ່ນ ບິ່ງ​ເຈົາ ເໝາະ​ສົມ​ກັບ​ຄວາມ​ຕ້ອງການ​ທ່ອງ​ທ່ຽວ​ບຳລຸງ​ສຸ ຂະພາບ, ປິ່ນ​ປົວ​ພະຍາດ… ພິເສດ ຢູ່​ໂກນ​ດ໋າວ ມີ​ເກາະ​ໃຫຍ່​ນ້ອຍ​ຫຼາຍ​ແຫ່ງ ເອື້ອ​ອໍາ​ນວຍ​ຄວາມ​ສະດວກ​ເພື່ອ​ພັດທະນາ​ບັນດາຄວາມສາມາດບົ່ມຊ້ອນ ​ການທ່ອງທ່ຽວ​ທະ​ເລ. ນັກ​ ທ່ອງ​ທ່ຽວ​ມາ​ຢ້ຽມຢາມ​ທະເລໂກນ​ດ໋າວ ສາມາດ​ດຳ​ນ້ຳຊົມ​ປະກາ​ ລັງ, ຕຶກ​ປາ. ເຂດ​ປູຊະນີຍະສະ ຖານ​ປະຫວັດສາດ, ວັດ ທະນະ ທຳ​ຂອງ ແຂວງ ບ່າ​ເຣ້ຍ - ຫວຸງ​ເຕົ່າ ເໝາະ​ແກ່​ການ​ພັດທະນາ​ການ ທ່ອງທ່ຽວ​ທາງ​ດ້ານ​ສາສະ ໜາ, ຄວາມ​ສະຫງົບ​ທາງ​ຈິດ ໃຈ, ທ່ອງ​ທ່ຽວ​ທັດສະນະ​ສຶກ ສາ. ຄຽງ​ຄູ່​ກັນ​ນັ້ນ, ແມ່ນ​ບັນດາ ງານ​ບຸນ​ພື້ນເມືອງ​ທີ່​ເຕັມ​ໄປ​ດ້ວຍສີ ສັນ​ວັດ​ທະ​ນະທຳ​ທີ່​ເປັນ ມູນເຊື້ອຂອງ​ຊາວ​ທ້ອງຖິ່ນ​ຢູ່​ເຂດ​ທະເລ ຊຶ່ງ​ໄດ້​ດຶງ​ດູດ​ນັກ​ທ່ອງ​ທ່ຽວມາ​ທ່ຽວ​ເປັນ​ຈຳນວນ​ຫຼວງ​ຫຼາຍ.

   ການ​ກຳນົດ​ວຽກ​ງານທ່ອງ​ ທ່ຽວ ແມ່ນ​ຂະແໜງ​ປາຍ​ແຫຼມ, ດັ່ງນັ້ນ, ອົງຄະ​ນະ​ພັກ ແຂວງ​ບ່າ​ເຣ້ຍ-ຫວຸງ​ເຕົ່າ ໄດ້​ສຸມ​ໃສ່​ຫຼາຍມາດຕະການ​ເພື່ອ​ພັດທະ​ ນາ. ທ່ານ ຫ​ງວຽນ​ວັນ​ຈິ່ງ ອະ ດີດປະທານ​ຄະນະ​ກຳມະການ​ປະຊາຊົນ ແຂວງບ່າ​ເຣ້ຍ - ຫວຸງ​ເຕົ່າ ໃຫ້​ຮູ້​ວ່າ: ຄວາມ​ຍາວ​ ຂອງ​ຊາຍ​ຝັ່ງ​ທະເລ 200 ກວ່າ​ ກິໂລແມັດ, ແຂວງ​ບ່າເຣ້ຍ - ຫວຸງ​ເຕົ່າ ມີ​ຄວາມ​ໄດ້​ປຽບ ແລະ ມີ​ຄວາມ​ສຳຄັນ​ໃນການ ​ພັດ ທະນາ​ເສດຖະກິດ​ແຂວງ. ໄລຍະ ຈະ​ມາ​ເຖິງ, ໂຄງການ ​ທ່ອງ​ທ່ຽວ​ທັງ​ໝົດພວກຂ້າພະ ເຈົ້າ​ຈະ​ປະຕິບັດແຕ່​ລະບາດ​ກ້າວ​ຢ່າງ​ລະ​ອຽດ. ອັນ​ດັບ​ທໍາ ອິດແມ່ນ​ສຳຫຼວດ​ກວດກາບັນ ດາ​ໂຄງການ​ທ່ອງ​ທ່ຽວ​ ໂດຍສັງ ເຂບ, ສິ່ງ​ໃດ​ບໍ່​ເໝາະ​ສົມ ແລະ ເໝາະ​ສົມ. ບັນດາ​ໂຄງການກໍ່ ສ້າງ​ຢູ່​ແຄມ​ທະເລພວກເຮົາ​ຈະ​ຕ້ອງ​ເຂົ້າ​ຮ່ວມ​ຍຸດທະສາດ​ວາງ​ແຜນ​ກຳນົດກັບ​ນັກ​ລົງທຶນ ເພື່ອ​ຊອກ​ຫາ​ຜະລິດ​ຕະ​ພັນ​ທ່ອງ​ທ່ຽວ​ໃຫ້​ເໝາະ​ສົມ ເພື່ອ​ດຶງ​ດູດ​ນັກ​ທ່ອງ​ທ່ຽວ​ມາພັກ​ຜ່ອນ.

   ແຂວງ ບ່າ​ເຣ້ຍ-ຫວຸງ​ເຕົ່າ ກໍໄດ້​ກໍາ​ນົດ​ວ່າ: ໃນ​ໄລຍະ​ຈະ​ ມາ​ເຖິງ, ຈະ​ລະດົມ​ບັນດາ​ແຫຼ່ງ ​ກຳລັງ​ເພື່ອ​ພັດທະນາເຂດ​ທະ ເລ​ໂກນ​ດ໋າວ ໃຫ້​ກາຍເປັນ​ເຂດ​ທ່ອງ​ທ່ຽວ​ແຫ່ງ​ຊາດ ທີ່​ຮັກສາ​ໄດ້​ຈຸດ​ໂດດ​ເດັ່ນ​ເປົ່າ​ວ່າງ​ໄວ້​ແຕ່​ມີ​ຄຸນ​ນະ​ພາບ​ສູງ, ມີ​ຈຸດ​ທີ່​ເປັນ​ເອກະລັກ​ສະເພາະ​ລະດັບ​ພາກ​ພື້ນ ແລະ ສາ​ກົນ. ເພື່ອ​ຫຼຸດຜ່ອນ​ເວລາ​ໃນ​ການ​ເດີນທາງ, ສ້າງ​ຄວາມ​ສະດວກ​ໃຫ້​ແກ່​ນັກ​ທ່ອງ​ທ່ຽວ​ມາ​ຢ້ຽມຢາມ ໂກນ​ດ໋າວ, ແຂວງ ບ່າ​ເຣ້ຍ-ຫວຸງ​ເຕົ່າ ໄດ້​ທົດ​ລອງ​ນໍາ​ໃຊ້​ບັນດາ​ຖ້ຽວ​ກໍາ​ປັ່ນ​ຄວາມ​ໄວ​ສູງ​ເຊື່ອມ​ຕໍ່ ໂກນ​ດ໋າວ ກັບ​ເຂດ​ທາງບົກ​ໃນ​ໄຕ​ມາດ 2 ປີ 2019.

   ນອກ​ນັ້ນ, ແຂວງ ບ່າ​ເຣ້ຍ- ຫວຸງ​ເຕົ່າ ກໍໄດ້​ຜັນ​ຂະຫຍາຍ​ການ​ສໍາ​ຫຼວດ​ກວດກາ, ເລັ່ງລັດ ບັນດາ​ໂຄງການ​ທ່ອງ​ທ່ຽວ​ຕາມ​ລະດັບ​ຄວາມ​ໄວ ແລະ ເດັດ ດ່ຽວ​ຖອນ​ບັນດາ​ໂຄງການ​ປະຕິ ບັດ​ທີ່​ມີ​ຄວາມ​ຊັກ​ຊ້າ ເພື່ອ​ມອບ​ໃຫ້​ບັນດາ​ນັກ​ລົງທຶນ​ອື່ນທີ່​ມີ​ຄວາມ​ສາ​ມາດ. ປັດຈຸບັນ, ທາງ​ແຂວງ ໄດ້​ມີ​ນະໂຍບາຍ​ດຶງດູດ​ບັນດາ​ນັກ​ລົງທຶນ​ໃຫຍ່​ໃນ​ຂົງ ເຂດ​ທ່ອງ​ທ່ຽວ. ພິເສດ ແມ່ນ​ເມືອງ​ຊວຽນ​ລົກ ຊຶ່ງ​ແມ່ນ​ບ່ອນ​ທີ່​ມີ​ເສັ້ນທາງ​ແຄມ​ທະເລ ໄດ້​ຮັບ​ຖື​ວ່າ​ແມ່ນ​ເສັ້ນທາງ​ຕົ້ນຕໍ ເພື່ອ​ການ​ພັດທະນາ​ທ່ອງ​ທ່ຽວ​ທະ​ເລ. ທ່ານ ນາງ ເຈີ​ນ​ທິ​ທູ​ຮ່ຽນ ຮອງ​ຫົວໜ້າ​ພະ​ແນ​ກ​ທ່ອງ​ທ່ຽວ ແຂວງ ບ່າ​ເຣ້ຍ-ຫວຸງ​ເຕົ່າ ໄດ້​ຢືນຢັນ​ວ່າ: ເພື່ອ​ສ້າງ​ບັນ ດາ​ຜະລິດ​ຕະ​ພັນ​ທ່ອງ​ທ່ຽວ​ທີ່​ມີ​ຄຸນ​ນະ​ພາບ​ສູງ, ທາງ​ແຂວງ ຕ້ອງ​ສຸມ​ໃສ່​ດຶງ​ດູດ​ບັນດາ​ນັກ​ລົງທຶນ​ໃຫຍ່ ເພື່ອ​ສົ່ງເສີມ​ບັນດາ​ໂຄງການ​ລົງທຶນ​ຄື: ເຂດ​ທ່ອງ​ທ່ຽວ​ພາ​ຣາ​ໄດ, ເຂດ​ທ່ອງ​ທ່ຽວ​ແຫ່ງ​ຊາດ​ໂກນ​ດ໋າວ ເພື່ອ​ສ້າງ​ບັນດາ​ຜະລິດ​ຕະ​ພັນ​ທ່ອງ​ທ່ຽວ​ທະເລ​ທີ່​ມີ​ຄຸນ​ນະ​ພາບ​ສູງ, ພົ້ນ​ເດັ່ນ​ໃນ​ໄລຍະ​ຈະ​ມາ​ເຖິງ.

   ປີ 2019, ແຂວງ ບ່າ​ເຣ້ຍ- ຫວຸງ​ເຕົ່າ ວາງ​ເປົ້າ​ໝາຍ​ດຶງດູດ ​ນັກ​ທ່ອງ​ທ່ຽວ​ມາ​ພັກຜ່ອນ,ທ່ຽວ​ ຊົມ​ປະມານ 3,53 ລ້ານ​ເທື່ອ ​ຄົນ, ເພີ່ມ​ຂຶ້ນ 14% ເມ່ືອ​ທຽບ ໃສ່​ໄລຍະ​ດຽວ​ກັນ​ຂອງ​ປີ​ກາຍ. ປັດຈຸບັນ, ແຂວງ ບ່າ​ເຣ້ຍ- ຫວຸງ​ເຕົ່າ ໄດ້​ລະດົມ​ບັນດາແຫຼ່ງກໍາ ​ລັງ ເພື່ອ​ພັດທະນາ​ການທ່ອງ ທ່ຽວ​ຢູ່​ໂກນ​ດ໋າວ ໃຫ້​ກາຍເປັນ​ ເຂດ​ທ່ອງ​ທ່ຽວ​ແຫ່ງ​ຊາດ ທີ່ ເປັນເອກະລັກ​ສະເພາະ​ລະ ດັບພາກ​ພື້ນ ແລະ ສາ​ກົນ. ຄວາມ​ສາມາດ​ບົ່ມ​ຊ້ອນ​ທີ່​ມີຢູ່ ​ແລ້ວ, ແຜນການ​ພັດທະນາ​ການທ່ອງທ່ຽວ​ເສດຖະກິດ​ສັງ ຄົມ ​ຂອງ​ແຂວງ, ໃນ​ນັ້ນ ຖືການ ທ່ອງທ່ຽວ​ແມ່ນ​ຂະແໜງ​ປາຍ​ແຫຼມ, ແຂວງ ບ່າ​ເຣ້ຍ-ຫວຸງ​ເຕົ່າ ພວມ​ຄ່ອຍໆ​ກັບ​ຄືນ​ສູ່​ທີ່ຕັ້ງ​ ແມ່ນ​ໜຶ່ງ​ໃນ​ບັນດາ​ທ້ອງຖິ່ນນຳ ​ໜ້າ​ທົ່ວ​ປະເທດ​ໃນ​ການ​ພັດ ທະນາ​ເສດຖະກິດ​ໝູ່​ເກາະ​ທະ​ເລ.